Luk 17
17
Mesyem nɛ ɛpelak
1Yezu eezɛke nɛ bɛdjekel bɛ náá: «Yɛ ɛ́ tsɛɛtsɛ náá, yɛ waadi nɛ mɛbɛk mɛ di náá, mot aanàkwaagwoob ɛ#17.1 yɛ waadi nɛ mɛbɛk mɛ di náá, mot aanàkwaagwoob ɛ Mɛbɛk mɛ tak ɛ́ waasa náá, bot sa mesyem.. Haaa kpaa-ghoŋ nɛ mot aadi ɛbɛk ɛ tak ɔ. 2Nɛ mbi mot deenek, ye goka nɛ nɛ ɛ́, bɛ tsel nyɛ boo ɛkok é tsuŋ, da bɛ ɛ́ lóo nyɛ tɔ boo dii mɛsɔn. Ye goka nɛ nɛ ɛ́ deenek, ààbɛ náá, nyɛ kwyesal ngɔt tɔ bot ɛ di ààlyel tɔ ɛdum ɛ koŋ nɛ Zɛɛb ɔ tɔ mesyem. 3Dika ghwyɛ.
Mɔn-nyoog ɛ syem nɛ nɔ ɔɔ, djóoa nyɛ, da wɔ ɛ́ dul nyɛ mɛlɔ nɛ lyem wat. Tin, nyɛ liig lyem ɔɔ, pela nyɛ. 4Nyɛ sa wɔ embee esa dwoo wat esok etɛn nɛ ebá, da nyɛ ɛ́ bula esok etɛn nɛ ebá, étɛp ɛzɛke nɛ nɔ náá: “Pela mɛ! Mɛ eegu ɛbiyo ɛ lam” ɔɔ, da wɔ ɛ́ pel nyɛ.»
Ɛdum ɛ koŋ nɛ Zɛɛb
5Bot ɛ lwoma eezɛke nɛ Ghɛŋ náá: «Bila bis ɛdum ɛ koŋ nɛ Zɛɛb.» 6Deenek, Ghɛŋ eezɛbɔɔza nɛ nɔɔ náá: «Bi ɛpedi ɛ́ di nɛ ɛdum ɛ koŋ ɛbuɛpe dáa mɔɔ bhek le mutaad ɔɔ, pe bi ɛ́ waake nɛ ɛtsok ɛlak náá: “Gua ekaŋal bɔ wak! Tɔ́a, kɛbɛ nyel'ɔ tɔ dii mɛsɔn”, nyɛ waalooba nɛ nen.»
Sa mot-mɛsa di egoka nɛ ɛsa ɛ
7«Djhoopookogek dáak: Mot ngɔt tɔ len ɛ́ nɛ mot-mɛsa di bɛ nyɛ epyeeb nɛghu ɛbaal ɛ nyɛ ɛsaŋ ɛ etaŋ ɔ. É sok nyɛ di ebee mot tak ebula pɛ ndjaa bhii mɛsa ɛ, nyɛ nɛ ke nɛ nɛ náá: “Lela ɛzyɛ zɛdi kɔ mesa wɔ needɛ”? Ààbɛ deenek é! 8Mɛ bee ɛ́ náá, nyɛ aake nɛ nɛ ɛ́ náá: “Djaaba mɛ edee, da wɔ ɛ́ swoola ekaad, étɛp wɔ neezɛlaa mɛ edee, mɛ needɛ. Bhii mam aakasilal ɛdɛ edee nɛ mɛdii ɛ, wɔy ɛ́ nɛ ghwyil ɛ kadɛ yɔ.” 9Nyɛ tok nɛ ghwyil ɛghaapɛɛ mot-mɛsa mɛ etɛɛ náá, nyɛ eesa mɛsa mɛ kukuma yɛ lwom nyɛ ɛ. Ye tok deenek é? 10Yɛ ɛ́ tyee wat nɛ biyɔ pe. É sok bi aadi náá, bi eezesa mɛsa mɛ bi lwomaa náá, bi sa ɛ, keka náá: “Bis tok bɛdhiiti evaŋ bot ɛ mɛsa. Bis zosa ɛ́, mɛsa mɛ lwomaa náá, bis sa ɛ.”»
Yezu eetsik bot ɛ ɛbɛ́ ɛ zezam kam
11Dáa Yezu nadi etɔ́ pɛ Yeluzalɛm ɛ, nyɛ nadhaŋ ɛ́ mbaka-mbaka é kpal pak kyee dɛl Samaali nɛ Ghalile. 12Dáa nyɛ natuula kɔ dɛl ɛ, wɔ gwaa, bot ɛ ɛbɛ́ ɛ zezam kam zokazɛboma nɛ nɛ. Bɛ eezɛtyaa tetel ba ɛtsetaɛpe nɛ nɛ. 13Bɛ moo tin etsim náá: «Heee Yezu, Ghɛŋ! Geka bis ghoŋ!» 14Dáa Yezu nabee bɛ ɛ, nyɛ ɛ́ booke nɛ nɔɔ náá: «Tɔ́ka kɛlyaal mɛnyel men pɛ daa bɛghaa-Zɛɛb.» Dáa bɛ nadi bɛ dinaa etɔ́-tɔ́ak ɛ, bɛ naazɛtsak. 15Mot ngɔt pak'ɔɔ zokabula pɛ bhis, é ɛduwal ɛ Zɛɛb nɛ etsim. 16Nyɛ eezɛduma sok bhwoob ɛ Yezu mɛboŋ si, nyɛ eezɛghaapɛɛ Yezu. Ye nazobɛ ɛ́, mot kyee dik Samaali. 17Yezu eezɛke náá: «Bɔɔ bot kam djas eetsak, etsal é? Haaa bak bot bɛtɛn nɛ bɛná moo wo? 18Ye tok nɛ mot ngɔt pak'ɔɔ taala ɛbula, étɛp ɛzɛghaapɛɛ Zɛɛb, yɛ di ààbɛ ndjoŋ'ak nyɛ ɛmet ɔɔ?» 19Bhii tak Yezu eezɛke nɛ nɛ náá: «Wyɛla, da wɔ ɛ́ nɔɔ nyel'ɔ tɔ́. Ɛmyaal ɛ lɔ eetsik wɔ!»
Ɛtuula ɛ Ɛyoŋ ɛ Zɛɛb
20EFalizyɛ zokazɛdji Yezu náá: «Ɛyoŋ ɛ Zɛɛb aazyɛ den?» Yezu eezɛbɔɔza nɛ nɔɔ náá: «Ɛyoŋ ɛ Zɛɛb aanàkwaazyɛ, mis mɛ bot djas ebee. 21Bot ɛ́ waake nɛ nen náá: “Beeka, yɛ ɛ́ wak,” nɛghu “Beeka yɛ di poon'enek!” Ye nyɔ ɛ́, bi gu náá, Ɛyoŋ ɛ Zɛɛb ɛ́ tɔ len.»
22Bhii tak, nyɛ eezɛke nɛ bɛdjekel náá: «Ɛwala ɛpezyɛ, ɛwala bi aadi nɛ gwyes ɛbee Sɛɛŋɛlɛ Mɔn Mot, ye nakoozobɛ beea ba dwoo wat. É ɛwala tak, bi aanàkwaabee nyɛ. 23Bɛ waalɛɛ bin náá: “Nyɛ ɛ́ wak,” nɛghu náá, “Nyɛ ɛ́ poon.” Deenek, sa mot ààtɔ́, sa mot ààdu nɛ kaab. 24Dáa ngwyes bhi di ekas tɔ gwoo ɛ, djɛ gwyɛ tɔ edi djas ɛ, yɛ aadi ɛ́ deenek é dwoo Sɛɛŋɛlɛ Mɔn Mot aazyɛ ɛ. 25Ɛsok nɛ etɛp binek nɛ sael, ye goka ɛ́ náá, Sɛɛŋɛlɛ Mɔn Mot pookozuk ɛbuɛpe, da bot ɛ́ di kɔ bɔs'ak mos'aak ɛ pookoswonal nyɛ. 26Dáa ye nasael é ghɛŋ ɛ Noe ɛ, yɛ aabaazosael ɛ́ deenek é dwoo Sɛɛŋɛlɛ Mɔn Mot aabula ɛ. 27É ghɛŋ tak, bot nadi edɛ edee nɛ ɛdɛ mɛnyok. Bɛ nadi eba mɛba nɛ ɛkɛdjɛ bɔn bɔɔ é mɛba, kɛyaka nɛ dwoo Noe nani tɔ mɛsuwa ɛ. Bhii tak, boo bhyoŋ naazyɛ, wɔ gwaa, ye zɛdesal bɔɔ djas, bɔɔ djas gwyɛ. 28Yɛ aadi ɛ́, tyee é ghɛŋ ɛ Lɔt. É ghɛŋ tak, bot nadi edɛ edee nɛ mɛnyok. Bɛ nadi ebɔm esa, bɛ nadi ebɔmsa esa, bɛ nadi ebɛ epyeeb nɛ ɛsum ɛ mendjaa. 29Tin, dwoo Lɔt nadus kɔ dɛl ɛ Sodɔm ɛ, ye nabɛ ɛ́, Zɛɛb naasa náá, bhi na du, nɛ pup na mɛsii mɛ na goo-goo dus tɔ gwoo, zyɛ kɔ bɔs, da gó bot binɔk djas. 30Yɛ aabaazosael ɛ́ deenek é dwoo Sɛɛŋɛlɛ Mɔn Mot aabula ɛ.
31Dwoo tak, mot kwaadi pɛ ɛko ɛ ndjaŋ'ɛ ɔ, sa nyɛ ààbaasul étɛp ɛkɛnɔɔ esa bɛ di pɛ si ɛ. Tyee wat nɛ mot aadi tɔ pyeeb ɔ, sa nyɛ ààbaasik pɛ ndjaŋ'ɛ. 32Taalaka sa nasael nɛ mwaa Lɔt ɛ! 33Mot aasuu ɛkwyɛɛg ɛ́ tsik'ɛ ɔ, nyɛ waasu tsik'ɛ. Mot aasu tsik'ɛ ɔ, nyɛ waabaal tsik'ɛ. 34Mɛ lɛɛ bin ɛ́ tsɛɛtsɛ náá, é pum tak, bot ɛbá ɛ́ waadjaasi goŋ wat. Ngɔt ɛ́ waanɔŋaa, nwyak ngɔt likaa. 35Boa ɛbá aadi edum bhum tɔ bwak wat, ngɔt ɛ́ waanɔŋaa, nwyak ngɔt likaa. [ 36Bot ɛbá ɛ́ waadi tɔ pyeeb, ngɔt ɛ́ waanɔŋaa, nwyak ngɔt likaa.]» 37Bɛdjekel bɛ zokazɛdji nyɛ náá: «Ghɛŋ, etɛp binek djas aasael pɛ yaa sum di?» Wɔ gwaa, nyɛ zɛbɔɔza nɛ nɔɔ náá: «É sok bi aadi ebee enen di edjóoaa mɛbɛk#17.37 Mɛbɛk yɛ ɛ́ enen di edɛ epuud ɔ. e kii tɔ gwoo ɛ, keka náá, muu tit ɛ́ tin.»
നിലവിൽ തിരഞ്ഞെടുത്തിരിക്കുന്നു:
Luk 17: bkwNT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© (Active), Wycliffe Bible Translators, Inc. All rights reserved.
Luk 17
17
Mesyem nɛ ɛpelak
1Yezu eezɛke nɛ bɛdjekel bɛ náá: «Yɛ ɛ́ tsɛɛtsɛ náá, yɛ waadi nɛ mɛbɛk mɛ di náá, mot aanàkwaagwoob ɛ#17.1 yɛ waadi nɛ mɛbɛk mɛ di náá, mot aanàkwaagwoob ɛ Mɛbɛk mɛ tak ɛ́ waasa náá, bot sa mesyem.. Haaa kpaa-ghoŋ nɛ mot aadi ɛbɛk ɛ tak ɔ. 2Nɛ mbi mot deenek, ye goka nɛ nɛ ɛ́, bɛ tsel nyɛ boo ɛkok é tsuŋ, da bɛ ɛ́ lóo nyɛ tɔ boo dii mɛsɔn. Ye goka nɛ nɛ ɛ́ deenek, ààbɛ náá, nyɛ kwyesal ngɔt tɔ bot ɛ di ààlyel tɔ ɛdum ɛ koŋ nɛ Zɛɛb ɔ tɔ mesyem. 3Dika ghwyɛ.
Mɔn-nyoog ɛ syem nɛ nɔ ɔɔ, djóoa nyɛ, da wɔ ɛ́ dul nyɛ mɛlɔ nɛ lyem wat. Tin, nyɛ liig lyem ɔɔ, pela nyɛ. 4Nyɛ sa wɔ embee esa dwoo wat esok etɛn nɛ ebá, da nyɛ ɛ́ bula esok etɛn nɛ ebá, étɛp ɛzɛke nɛ nɔ náá: “Pela mɛ! Mɛ eegu ɛbiyo ɛ lam” ɔɔ, da wɔ ɛ́ pel nyɛ.»
Ɛdum ɛ koŋ nɛ Zɛɛb
5Bot ɛ lwoma eezɛke nɛ Ghɛŋ náá: «Bila bis ɛdum ɛ koŋ nɛ Zɛɛb.» 6Deenek, Ghɛŋ eezɛbɔɔza nɛ nɔɔ náá: «Bi ɛpedi ɛ́ di nɛ ɛdum ɛ koŋ ɛbuɛpe dáa mɔɔ bhek le mutaad ɔɔ, pe bi ɛ́ waake nɛ ɛtsok ɛlak náá: “Gua ekaŋal bɔ wak! Tɔ́a, kɛbɛ nyel'ɔ tɔ dii mɛsɔn”, nyɛ waalooba nɛ nen.»
Sa mot-mɛsa di egoka nɛ ɛsa ɛ
7«Djhoopookogek dáak: Mot ngɔt tɔ len ɛ́ nɛ mot-mɛsa di bɛ nyɛ epyeeb nɛghu ɛbaal ɛ nyɛ ɛsaŋ ɛ etaŋ ɔ. É sok nyɛ di ebee mot tak ebula pɛ ndjaa bhii mɛsa ɛ, nyɛ nɛ ke nɛ nɛ náá: “Lela ɛzyɛ zɛdi kɔ mesa wɔ needɛ”? Ààbɛ deenek é! 8Mɛ bee ɛ́ náá, nyɛ aake nɛ nɛ ɛ́ náá: “Djaaba mɛ edee, da wɔ ɛ́ swoola ekaad, étɛp wɔ neezɛlaa mɛ edee, mɛ needɛ. Bhii mam aakasilal ɛdɛ edee nɛ mɛdii ɛ, wɔy ɛ́ nɛ ghwyil ɛ kadɛ yɔ.” 9Nyɛ tok nɛ ghwyil ɛghaapɛɛ mot-mɛsa mɛ etɛɛ náá, nyɛ eesa mɛsa mɛ kukuma yɛ lwom nyɛ ɛ. Ye tok deenek é? 10Yɛ ɛ́ tyee wat nɛ biyɔ pe. É sok bi aadi náá, bi eezesa mɛsa mɛ bi lwomaa náá, bi sa ɛ, keka náá: “Bis tok bɛdhiiti evaŋ bot ɛ mɛsa. Bis zosa ɛ́, mɛsa mɛ lwomaa náá, bis sa ɛ.”»
Yezu eetsik bot ɛ ɛbɛ́ ɛ zezam kam
11Dáa Yezu nadi etɔ́ pɛ Yeluzalɛm ɛ, nyɛ nadhaŋ ɛ́ mbaka-mbaka é kpal pak kyee dɛl Samaali nɛ Ghalile. 12Dáa nyɛ natuula kɔ dɛl ɛ, wɔ gwaa, bot ɛ ɛbɛ́ ɛ zezam kam zokazɛboma nɛ nɛ. Bɛ eezɛtyaa tetel ba ɛtsetaɛpe nɛ nɛ. 13Bɛ moo tin etsim náá: «Heee Yezu, Ghɛŋ! Geka bis ghoŋ!» 14Dáa Yezu nabee bɛ ɛ, nyɛ ɛ́ booke nɛ nɔɔ náá: «Tɔ́ka kɛlyaal mɛnyel men pɛ daa bɛghaa-Zɛɛb.» Dáa bɛ nadi bɛ dinaa etɔ́-tɔ́ak ɛ, bɛ naazɛtsak. 15Mot ngɔt pak'ɔɔ zokabula pɛ bhis, é ɛduwal ɛ Zɛɛb nɛ etsim. 16Nyɛ eezɛduma sok bhwoob ɛ Yezu mɛboŋ si, nyɛ eezɛghaapɛɛ Yezu. Ye nazobɛ ɛ́, mot kyee dik Samaali. 17Yezu eezɛke náá: «Bɔɔ bot kam djas eetsak, etsal é? Haaa bak bot bɛtɛn nɛ bɛná moo wo? 18Ye tok nɛ mot ngɔt pak'ɔɔ taala ɛbula, étɛp ɛzɛghaapɛɛ Zɛɛb, yɛ di ààbɛ ndjoŋ'ak nyɛ ɛmet ɔɔ?» 19Bhii tak Yezu eezɛke nɛ nɛ náá: «Wyɛla, da wɔ ɛ́ nɔɔ nyel'ɔ tɔ́. Ɛmyaal ɛ lɔ eetsik wɔ!»
Ɛtuula ɛ Ɛyoŋ ɛ Zɛɛb
20EFalizyɛ zokazɛdji Yezu náá: «Ɛyoŋ ɛ Zɛɛb aazyɛ den?» Yezu eezɛbɔɔza nɛ nɔɔ náá: «Ɛyoŋ ɛ Zɛɛb aanàkwaazyɛ, mis mɛ bot djas ebee. 21Bot ɛ́ waake nɛ nen náá: “Beeka, yɛ ɛ́ wak,” nɛghu “Beeka yɛ di poon'enek!” Ye nyɔ ɛ́, bi gu náá, Ɛyoŋ ɛ Zɛɛb ɛ́ tɔ len.»
22Bhii tak, nyɛ eezɛke nɛ bɛdjekel náá: «Ɛwala ɛpezyɛ, ɛwala bi aadi nɛ gwyes ɛbee Sɛɛŋɛlɛ Mɔn Mot, ye nakoozobɛ beea ba dwoo wat. É ɛwala tak, bi aanàkwaabee nyɛ. 23Bɛ waalɛɛ bin náá: “Nyɛ ɛ́ wak,” nɛghu náá, “Nyɛ ɛ́ poon.” Deenek, sa mot ààtɔ́, sa mot ààdu nɛ kaab. 24Dáa ngwyes bhi di ekas tɔ gwoo ɛ, djɛ gwyɛ tɔ edi djas ɛ, yɛ aadi ɛ́ deenek é dwoo Sɛɛŋɛlɛ Mɔn Mot aazyɛ ɛ. 25Ɛsok nɛ etɛp binek nɛ sael, ye goka ɛ́ náá, Sɛɛŋɛlɛ Mɔn Mot pookozuk ɛbuɛpe, da bot ɛ́ di kɔ bɔs'ak mos'aak ɛ pookoswonal nyɛ. 26Dáa ye nasael é ghɛŋ ɛ Noe ɛ, yɛ aabaazosael ɛ́ deenek é dwoo Sɛɛŋɛlɛ Mɔn Mot aabula ɛ. 27É ghɛŋ tak, bot nadi edɛ edee nɛ ɛdɛ mɛnyok. Bɛ nadi eba mɛba nɛ ɛkɛdjɛ bɔn bɔɔ é mɛba, kɛyaka nɛ dwoo Noe nani tɔ mɛsuwa ɛ. Bhii tak, boo bhyoŋ naazyɛ, wɔ gwaa, ye zɛdesal bɔɔ djas, bɔɔ djas gwyɛ. 28Yɛ aadi ɛ́, tyee é ghɛŋ ɛ Lɔt. É ghɛŋ tak, bot nadi edɛ edee nɛ mɛnyok. Bɛ nadi ebɔm esa, bɛ nadi ebɔmsa esa, bɛ nadi ebɛ epyeeb nɛ ɛsum ɛ mendjaa. 29Tin, dwoo Lɔt nadus kɔ dɛl ɛ Sodɔm ɛ, ye nabɛ ɛ́, Zɛɛb naasa náá, bhi na du, nɛ pup na mɛsii mɛ na goo-goo dus tɔ gwoo, zyɛ kɔ bɔs, da gó bot binɔk djas. 30Yɛ aabaazosael ɛ́ deenek é dwoo Sɛɛŋɛlɛ Mɔn Mot aabula ɛ.
31Dwoo tak, mot kwaadi pɛ ɛko ɛ ndjaŋ'ɛ ɔ, sa nyɛ ààbaasul étɛp ɛkɛnɔɔ esa bɛ di pɛ si ɛ. Tyee wat nɛ mot aadi tɔ pyeeb ɔ, sa nyɛ ààbaasik pɛ ndjaŋ'ɛ. 32Taalaka sa nasael nɛ mwaa Lɔt ɛ! 33Mot aasuu ɛkwyɛɛg ɛ́ tsik'ɛ ɔ, nyɛ waasu tsik'ɛ. Mot aasu tsik'ɛ ɔ, nyɛ waabaal tsik'ɛ. 34Mɛ lɛɛ bin ɛ́ tsɛɛtsɛ náá, é pum tak, bot ɛbá ɛ́ waadjaasi goŋ wat. Ngɔt ɛ́ waanɔŋaa, nwyak ngɔt likaa. 35Boa ɛbá aadi edum bhum tɔ bwak wat, ngɔt ɛ́ waanɔŋaa, nwyak ngɔt likaa. [ 36Bot ɛbá ɛ́ waadi tɔ pyeeb, ngɔt ɛ́ waanɔŋaa, nwyak ngɔt likaa.]» 37Bɛdjekel bɛ zokazɛdji nyɛ náá: «Ghɛŋ, etɛp binek djas aasael pɛ yaa sum di?» Wɔ gwaa, nyɛ zɛbɔɔza nɛ nɔɔ náá: «É sok bi aadi ebee enen di edjóoaa mɛbɛk#17.37 Mɛbɛk yɛ ɛ́ enen di edɛ epuud ɔ. e kii tɔ gwoo ɛ, keka náá, muu tit ɛ́ tin.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© (Active), Wycliffe Bible Translators, Inc. All rights reserved.