Marke Ebaanihi
Ebaanihi
Ncya e Mve e Marke ji evuli okʉbi o nca Ancya ma ana aso. Ateendi yo Marke ajanjihi bɨla Pole na Pyere. Ncya e mve omakaaha ndi Jesu «Krisi» nde se «Mwana a Njyami» (1.1). Maselehe oyaa «Krisi» mo onywa a Pyere, nde omana mbari bɨla esima o Ngalili (8.29) na «Mwana a Njyami» mo onywa a nkʉmu onkama aworo o yula leku lema lembanji (15.39).
Jaa e simi simi
Ebaanihi e jaa na okʉbi 1.1-13. Owobi a mbari e Njyami Esayi otoosi ndi Jan mvuuru lemvuuru mo oyamba ntoma a Njyami : nde omakaaha Jesu a Najarete.
Obari o ncomi ŋa Osaangumu ewobo mo ncya e mve, oma kaaha ejiihi mo onkʉmu o Njyami. Jesu oluusi alwoni. Marke awobo saabe mo onkʉmu o nde, o ntini e nde ayisiha lemvuuru, na lesalaha la abyeri na o ntini e nde avunihi bɨla ayisihi me ekele na Afarisi. Nca obari ojwele Jesu oya aciina mpili ambaba bɨla leku ledɨla nde o Jerusaleme 8. 31-10. 52. Jesu owobi na alwoni a nde amihi atari, ŋa bo aka yuha nde ni. Nde anku ndi nde mva «Mwana a mvuuru», ma oyaa nde na syami eso. Obari ŋa otari eyira o Jerusaleme (11. 1-13. 37). Bo akumi Jesu ancayi, okoroho nde avuniha na ankani a mo njo e Njyami a Isayele, mo osuumbu a nde acuuri atehi a biibi o nca njo e Njyami. Nde oya abaana omono ampasi ma alwoni ma aje omono, nde ayaasa bo mo omoho o nca oyalihi.
Obari ŋa ona a lembɨsa ebaanaha mo otohi (14. 1-16. 8). Baari aso asubi Jesu kalihi na alwoni a nde aji biila e Paake bɨla bo. Akwari Jesu, ankani a Njo e Njyami na Pilaate a lepatima le Rome, apami nde. Bo alehi nde mo ongeneŋe, emana bo akomi nde ma lembanji. Anyusiha na encyere, akaasi ato muuma a nde mvuuru onyaŋa. Bo ayuha ncya lekimi jya, vwohjo osi bo bo adʉmi. Esaangumu eke me eluusa ebiri e Jesu anyusihi o nca leku olahi nyuru na bo, bɨla ŋa janja alwoni (16. 9-20).
Maami maa aso omonoho nca esaangumu e Like bɨla Matye, baari majuusa osuumbu a Marke aduuha maami ma. Jesu oli o paani e baari ma ali nca ampasi. Jesu njala ndi baari ayaa nde kali. Ekiihi e nde bɨla onkani o Njyami o nde atoosoho mvuuru omo. Ŋa o cuhu e lobi saabe lepɨsa mbɨri onkani o Njyami oma? Krisi mo oduha ndi nki? Ŋa i buuna oyalaha asisari ni. Ove antini ayiri, we se we oki bɨla alwoni. Ove lesa mono leku bɨla enyusihi e «Mwana a Njyami». Osaangumu o Marke otuma mvuuru oyiha asisari mo oka okritye. Ndiimi e nde ongungu, lemihi le anyama a swaha a Jesu akuumi o yulao ntini e nde aki o kayi (1.13).
Mo oselehe oje la la
Ateendi a mbari e Njyami ake ndi yo Ncya e ncomi. Pyere mvuuru asiisi enywa o maami maa. Matye bɨla Like aki ajyabi nde. Mpili esibi e 65-70 amana J.-K, obila me eta me ekiihi nca obari 13. Mo osuumbu a nde alaha esiihi e maami ma Ajife, baari obaha ndi nde awobo na baari ma ali ka Ajife ni. Nde aka laha maami akuna kuna ni. Nde aselehe olaha ambaba a Jesu a baari aso masuba kalihi, emana akwi. Jesu awasaha mva «Krisi», Mesi aluusa lila le Isayele , ŋa ka mva baari a politiki ni. Ŋa ma ekiihi e nde e «Mwana a Njyami», amoni o ntini e nde ayahi ateeme, bɨla na e nde akaali osuumbu, nde okemini ankani bɨla mpari e yula ncye eso. Obila amoni asisyele a nde o yula lembanji!
നിലവിൽ തിരഞ്ഞെടുത്തിരിക്കുന്നു:
Marke Ebaanihi: MDT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES