Marke 7
7
Jesu awobo o maami a kala ma Afarisi
1Afarisi bɨla ayisihi me ekele eke awi Jerusaleme akusihi abuha o paani e Jesu. 2Bo ma amono ndi alwoni a Jesu ake ma aja biila bɨla jyala e nkɨri, mo oduha ndi jyala ma akini ocuka#7.2 Lemihi na ekele e bo. Like 11.38. ni. 3Mo oma, Afarisi mva Ajife aso, bo i buuna oja biila yuhu bo akini ocuka jyala yemiŋi ni. Lemihi na maami ma akuuru a bo a kala. 4Ntini e bo ma wa jando bo i buuna osa aja biila yuhu bo akini olamaŋa ni. Bo se na maami ma akuuru a bo a kala akɨma a bo manyiimaŋa mva: lecuka la akobo, bɨla ambasa ŋa na epele.
5Afarisi bɨla ayisihi me ekele epɨsi Jesu ndi: «Alwoni a we mabisiha osa maami ma akuuru a kala oma, bo ajyaha biila bɨla jyala e nkɨri?» 6Nde oduhi bo ndi: «Be anga ompyele! Esayi aki omawobo ma lengulu le Njyami o be, obila amateende ndi:
“Baari ba makasaha me me ebori etu,
ŋa etima e bo emalabaha na me.
7Bo mavwonoŋo me ŋa ngori,
na maami a bo mayisiha
aso ni esibi e baari mo omwo.”
8Be lemanyila esibi Njyami, mo olwono maami a kala a baari mo omwo.» 9Nde aduuhi na bo ndi: «Be lebɨsa esibi e Njyami kayi kayi, mo okyele maami a be anku a kala! 10Mo oma, Moyise aduhi ndi: “Nyiima taara a we bɨla nguhu a we”, nde oluusi ndi: “Mvuuru atuha taara si kali nguhu a nde, ove abumi nde.” 11Ŋa be, be leduha mbɨri: “Mvuuru aduha na taara a nde si kali na nguhu a nde ndi: biibi e me esahi ompa we mo oyamaŋa we, oma kaaha korbane”, mo oduha ndi “ndamɨni e Njyami.” 12Be ŋa be letumuŋa mvuuru jwa i ma sa kiila mo taara a nde si kali o nguhu a nde ni! 13Mo osuumbu jwa, be lediisaha ŋa mbari e Njyami, mo maami a be a kala a be leyisiha. Be se lesyaha maami akɨma kuna mva maa.»
14Jesu ovurihi ocwoli lemvuuru, oduhi bo ndi: «Leta cwi be aso be leyuha yemiŋi: 15Kiila o ma nji se omo onyuniŋa o nyuru e mvuuru esa ndi nde oka nkɨri onyaŋa. Ŋa ecuuha o nca mvuuru, kya esyaha mvuuru oki nkɨri.» [16#7.16 «Mvuuru ali na acwi mo oyuha, oyuhi.» Mbari ji mabasaha yo nca eteendihi e kala me emo. ]
17Ntini e Jesu anyuniŋi nca njo la na lemvuuru, alwoni a nde alehi nde oduhu o ncincami jya. 18Nde okaali na bo ndi: «Ŋa be, na be se oyeri kali? Be i yaa mbɨri kiila ewa nji enyuniŋa o mvuuru i buuna osobo nde ni. 19Obila maami maa ma aka nyuniŋa nca otima a nde ni, ŋa o nca mwo emana ecuuhi o ntini e we aje osoho.» Mo vwa, Jesu aduhi ŋaa ndi mabuuna oja biibi eso, jo eli ce ce. 20Nde oluusi ndi: «Me esoboho mvuuru, biibi me ecuuha o nyuru e nde. 21Obila, ecimiŋi me ebi me ecuuha nca otima a mvuuru o mwo: jo me etuma mvuuru osa obɨla, bɨla kʉba na mbumi. 22Lesa le ncuuma, na lebi, na ombibɨri, na lekʉra, na lesa le maami mo okʉru, na mfunwamwo, na etuhi, na ocwi onono, bɨla ncimi kali. 23Maami ma abi maa aso ma gwaha nca nyuru, omana mo asobi mvuuru.»
Jesu asalaha mwana okaasi a njya
24Jesu ocyehi o ŋaa oyeni nca ngaala e Tiire. Nde onyuniŋi nca njo mo, nde aki njala ndi mvuuru ayaa kali, ŋa nde aki i buuna se oka ma ajisihi ni. 25Okaasi omo aki na mwana okaasi, ŋa mwana okaasi jwa aki na odidime ebi. Nde oyuhi mawobo o Jesu, oyi na ava o ncina nyiili e nde. 26Okaasi jwa aki ongɨreke, akuli nde o Fenesi e Siri. Nde opɨsi Jesu ma otusuha odidima obi o mwana a nde okaasi. 27Ŋa Jesu oduhi nde ndi: «Sa nyila baana aja ajuriha, mo oma i buuna oyaha lepeembe le baana atʉni mo ompa baana ma amva ni.» 28Nde okaali na nde ndi: «Ee Nkʉmu baana ma amva se ojyaha mfʉsi e baana a baari mapiisaha ncina tanda.» 29Ŋa Jesu oduhi na nde ndi: «Obila o mbari jya jyehe: odidime ebi omicuuha o mwana a we okaasi.» 30Okaasi jwa ovurihi njo e nde, obasihi mwana oli o yula ntari: odidime ebi oki omicuuha o nde.
31Jesu ocyehi ngaala e Tiire oyi na avuriha ma le Sido, mpili okeri onini a Ngalili, mo otina ngaala e Dekapole.
Jesu asalaha nkɨna
32Ayi na Jesu mvuuru ali i yuha ni, nde se i wobo yemiŋi ni. Avwoni Jesu mo olehe kwoho o yula nde. 33Jesu oyeni na nde la na lemvuuru. Nde olehi nde elyemi nca acwi. Nde ocuuri antayi, omana otiili nde lempele. 34Emana Jesu okeesi na yulu, nde ocuusi owuumi oduhi na balaha jya ndi: «Efata!» Mo oduha ndi «Naaha!» 35O ŋiŋa acwi nde anaahi, lempele le nde lenaahi se, nde oya awobo yemiŋi. 36Jesu oduhi na bo ndi bo i duha na mvuuru ni. Nde aduha vwa, okoroho bo maselehe oje na otooso ncya. 37Baari aki o nca lekemi lo mɨni, bo maduha ndi: «Maami a nde ama asa aso ma ave! Baari ma ali i yuuha ni aya mayuha, ankɨna aya mawobo!»
നിലവിൽ തിരഞ്ഞെടുത്തിരിക്കുന്നു:
Marke 7: MDT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Marke 7
7
Jesu awobo o maami a kala ma Afarisi
1Afarisi bɨla ayisihi me ekele eke awi Jerusaleme akusihi abuha o paani e Jesu. 2Bo ma amono ndi alwoni a Jesu ake ma aja biila bɨla jyala e nkɨri, mo oduha ndi jyala ma akini ocuka#7.2 Lemihi na ekele e bo. Like 11.38. ni. 3Mo oma, Afarisi mva Ajife aso, bo i buuna oja biila yuhu bo akini ocuka jyala yemiŋi ni. Lemihi na maami ma akuuru a bo a kala. 4Ntini e bo ma wa jando bo i buuna osa aja biila yuhu bo akini olamaŋa ni. Bo se na maami ma akuuru a bo a kala akɨma a bo manyiimaŋa mva: lecuka la akobo, bɨla ambasa ŋa na epele.
5Afarisi bɨla ayisihi me ekele epɨsi Jesu ndi: «Alwoni a we mabisiha osa maami ma akuuru a kala oma, bo ajyaha biila bɨla jyala e nkɨri?» 6Nde oduhi bo ndi: «Be anga ompyele! Esayi aki omawobo ma lengulu le Njyami o be, obila amateende ndi:
“Baari ba makasaha me me ebori etu,
ŋa etima e bo emalabaha na me.
7Bo mavwonoŋo me ŋa ngori,
na maami a bo mayisiha
aso ni esibi e baari mo omwo.”
8Be lemanyila esibi Njyami, mo olwono maami a kala a baari mo omwo.» 9Nde aduuhi na bo ndi: «Be lebɨsa esibi e Njyami kayi kayi, mo okyele maami a be anku a kala! 10Mo oma, Moyise aduhi ndi: “Nyiima taara a we bɨla nguhu a we”, nde oluusi ndi: “Mvuuru atuha taara si kali nguhu a nde, ove abumi nde.” 11Ŋa be, be leduha mbɨri: “Mvuuru aduha na taara a nde si kali na nguhu a nde ndi: biibi e me esahi ompa we mo oyamaŋa we, oma kaaha korbane”, mo oduha ndi “ndamɨni e Njyami.” 12Be ŋa be letumuŋa mvuuru jwa i ma sa kiila mo taara a nde si kali o nguhu a nde ni! 13Mo osuumbu jwa, be lediisaha ŋa mbari e Njyami, mo maami a be a kala a be leyisiha. Be se lesyaha maami akɨma kuna mva maa.»
14Jesu ovurihi ocwoli lemvuuru, oduhi bo ndi: «Leta cwi be aso be leyuha yemiŋi: 15Kiila o ma nji se omo onyuniŋa o nyuru e mvuuru esa ndi nde oka nkɨri onyaŋa. Ŋa ecuuha o nca mvuuru, kya esyaha mvuuru oki nkɨri.» [16#7.16 «Mvuuru ali na acwi mo oyuha, oyuhi.» Mbari ji mabasaha yo nca eteendihi e kala me emo. ]
17Ntini e Jesu anyuniŋi nca njo la na lemvuuru, alwoni a nde alehi nde oduhu o ncincami jya. 18Nde okaali na bo ndi: «Ŋa be, na be se oyeri kali? Be i yaa mbɨri kiila ewa nji enyuniŋa o mvuuru i buuna osobo nde ni. 19Obila maami maa ma aka nyuniŋa nca otima a nde ni, ŋa o nca mwo emana ecuuhi o ntini e we aje osoho.» Mo vwa, Jesu aduhi ŋaa ndi mabuuna oja biibi eso, jo eli ce ce. 20Nde oluusi ndi: «Me esoboho mvuuru, biibi me ecuuha o nyuru e nde. 21Obila, ecimiŋi me ebi me ecuuha nca otima a mvuuru o mwo: jo me etuma mvuuru osa obɨla, bɨla kʉba na mbumi. 22Lesa le ncuuma, na lebi, na ombibɨri, na lekʉra, na lesa le maami mo okʉru, na mfunwamwo, na etuhi, na ocwi onono, bɨla ncimi kali. 23Maami ma abi maa aso ma gwaha nca nyuru, omana mo asobi mvuuru.»
Jesu asalaha mwana okaasi a njya
24Jesu ocyehi o ŋaa oyeni nca ngaala e Tiire. Nde onyuniŋi nca njo mo, nde aki njala ndi mvuuru ayaa kali, ŋa nde aki i buuna se oka ma ajisihi ni. 25Okaasi omo aki na mwana okaasi, ŋa mwana okaasi jwa aki na odidime ebi. Nde oyuhi mawobo o Jesu, oyi na ava o ncina nyiili e nde. 26Okaasi jwa aki ongɨreke, akuli nde o Fenesi e Siri. Nde opɨsi Jesu ma otusuha odidima obi o mwana a nde okaasi. 27Ŋa Jesu oduhi nde ndi: «Sa nyila baana aja ajuriha, mo oma i buuna oyaha lepeembe le baana atʉni mo ompa baana ma amva ni.» 28Nde okaali na nde ndi: «Ee Nkʉmu baana ma amva se ojyaha mfʉsi e baana a baari mapiisaha ncina tanda.» 29Ŋa Jesu oduhi na nde ndi: «Obila o mbari jya jyehe: odidime ebi omicuuha o mwana a we okaasi.» 30Okaasi jwa ovurihi njo e nde, obasihi mwana oli o yula ntari: odidime ebi oki omicuuha o nde.
31Jesu ocyehi ngaala e Tiire oyi na avuriha ma le Sido, mpili okeri onini a Ngalili, mo otina ngaala e Dekapole.
Jesu asalaha nkɨna
32Ayi na Jesu mvuuru ali i yuha ni, nde se i wobo yemiŋi ni. Avwoni Jesu mo olehe kwoho o yula nde. 33Jesu oyeni na nde la na lemvuuru. Nde olehi nde elyemi nca acwi. Nde ocuuri antayi, omana otiili nde lempele. 34Emana Jesu okeesi na yulu, nde ocuusi owuumi oduhi na balaha jya ndi: «Efata!» Mo oduha ndi «Naaha!» 35O ŋiŋa acwi nde anaahi, lempele le nde lenaahi se, nde oya awobo yemiŋi. 36Jesu oduhi na bo ndi bo i duha na mvuuru ni. Nde aduha vwa, okoroho bo maselehe oje na otooso ncya. 37Baari aki o nca lekemi lo mɨni, bo maduha ndi: «Maami a nde ama asa aso ma ave! Baari ma ali i yuuha ni aya mayuha, ankɨna aya mawobo!»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES