Marke 4
4
Ncincami okuni
1Jesu ovurihi oyisihi mo osyese okeri onini. Lemvuuru leso lekuhi lejeniŋi nde, nde obihi mwo oyeni na akuma o nca mbuungu ekiihi o yula anja, nde oya o nci. Nde aki mo okeri onini, ŋaa lemvuuru leso leki o ncye lemasunuŋa na mpili e jaanga. 2Nde ayisihi bo maami kuna ma ancincami. Nde aduuhi bo nca eyisihi e nde ndi: 3«Leyuha! Okuni omo oyeni na akuna. 4Ŋaa ntini e nde akuniŋi, mburu nke evi mo osyese a njila: anyuyi ayi aji yo eso. 5Mburu nkɨma evi o yula akele, biri eki ncye kuna kali. Mburu emeni, obila ncye eki kuna na nkara ncina ncye kali. 6Ntini e mwi ŋa abali ocuhi yo, obila mo kaama ekaŋa. Yo se ekayi. 7Mburu nkɨma se evi nca ancyene. Ancyene akuli, apii mburu, yo se eka mampa mburu ni. 8Ŋaa mburu emo evi mo ncye e mve, ekuli eyeli, empi mburu. Ŋa lemo lempi ekuumi e mburu etari, lemo lempi ekuumi e mburu esyami, lekɨma se lempi onkama a mburu.» 9Ŋaa Jesu oduhi ndi: «Ali na acwi ma oyuha, oyuhi!»
Jesu awobo ma ancincami mo oma
10Ntini e Jesu alabihi na lemvuuru, baari ma aki ma amajeneŋe nde bɨla alwoni aya malehe nde eduhu o yula ancincami. 11Nde okaali na bo ndi: «Mo be, amalaha be maami ama ajisihi a mo Onkani o Njyami, ŋaa mo baari ma ali o nji me owobo na bo ma ancincami. 12Mo vwa
“Bo makeese, okoroho bo i mono ni,
bo ma ta cwi, okoroho bo i yuha ni,
mo oduma caki bo ayi na avuriha na e Njyami, aboloho bo!” »
Jesu apasa ncincami okuni
13Emana Jesu na bo ndi: «Be i yuha ncincami jya ni? Ŋaa be leje oyuha ancincami aso buni? 14Okuni omakaaha mvuuru atoosiho mbari e Njyami. 15Nke evi mo osyese a njila. Osyese a njila omakaaha baari mayuha Mbari: ŋa Sata oyi asisari, ocyesi mbari eki nca etima e bo. 16Nkɨma evi o ncye akele omakaaha baari mayuuha Mbari, ayalihi asisari bɨla oswere. 17Ŋaa yo eka baha biri o nca etima e bo ni, bo masayuuha ntini mo. Ŋaa ntini ampasi bɨla ncwesehe me eya obila mo Mbari, bo asubi oyalihi o bo kalihi. 18Nkɨma se evi o nca ancyene omakaaha baari mayuhi Mbari, 19ŋa ecimiŋi me ebi e yula ncye bɨla njala osolo na ediiŋi e biibi e yula ncye, enyuniŋi omana epii Mbari, Mbari jya i mampa mburu ni. 20Ŋaa mburu evi o ncye e mve omakaaha baari mayuuha Mbari, bo ayambi yo empi mburu. Lemburu le mo lempi ekuumi etari, leemo ekuumi esyami lekɨma onkama.»
Ncincami e lapi bɨla buhu le mvuuru
21Jesu oduhi bo ndi: «Manaasaha lapi ma olehe yo ncina njuu si kali ncina ntari? Mbaa mo obaaŋa o yulu? 22Mo oma, jaa se mo ma ali i yaa ni ebɨsa ocuuha o nji kali, ŋaa e ma ajisihi se ma aje otusuha o mwa oyalala. 23Yuhu mvuuru na acwi ma oyuha, nde oyuhi!» 24Jesu ovurihi oduhi na bo ndi: «Lesa ayiba o maami a be leyuha! Njyami aje ompa be mo osuumbu a be lempa abuha, nde se aje ovʉla be osa! 25Obila mvuuru ali na kiila ma aje oselehe ompa. Ŋa mvuuru ali onyaŋa ma aje ocyese okyehe mo oli na nde.»
Ncincami lemburu lemeneŋe lo anku
26Jesu ovurihi oduhi ndi: «Onkani o Njyami ogwana mvuuru anyaaha lemburu o ncye. 27Se nde aca tolo se nde amoho, se na mpiibi se na mwi, nde i yaa osuumbu a mburu emeneŋe, na e yo ekulaha ni . 28Ncye yo anku ebaani ompa oti, omana empi lemburu, lemburu lempi ble ali na mburu e kuna. 29Ble obaana obye, acebi obila ntini otolo emito.»
Ncincami lemburu lo otaade
30Jesu ovurihi oluusi ndi: «Saabe oyelehe Onkani o Njyami bɨla oma? Saabe owobo o bo o jini ncincami? 31Onkani o Njyami mva lemburu lo otaade, ŋaa ntini makuna lo o ncye, lo lemburu levʉli abuha okyehe o yula ncye. 32Ŋa ntini ma amana okuna lo, lo lekuli levʉli eti eso e ma nguunu. Entaha ma enini ecuuhi, na anywi a yulu mabuuna ocwa anjo ma oduunu o nde.»
Eyisihi e ma ancincami
33Nde awobihi na bo kuna ma ancincami mva ma. Lemihi na eyuuhi e bo. 34Nde aki i buuna owobo na bo yuhu nde i ta ncincami ni. Okoroho ntini e bo ma ali bo atu, nde opasi alwoni a nde maami maa aso.
Jesu abye na okʉru
35Ekikolo e cuhu ji jya, Jesu oduhi na alwoni a nde ndi: «Lecwe levuula sabi e ngulu.» 36Bo anyili lemvuuru, alwoni abiri Jesu o nca mbuungu eki nde. Ambuungu akɨma aki bɨla bo. 37Pyebi yo mɨni eyi, epuhi ma etiila o mbuungu, yo eki eya eluula ma anja. 38Jesu aki tolo o yula opunduma, ŋa lembɨsa le mbuungu. Alwoni a nde anyuusi nde aduhi na nde ndi: «E Nkʉmu saabe lobi lekwa! We i mono ongwo ni?» 39Jesu onyusiha, obye na pyebi, oduhi na okeri onini ndi: «Ka pi! Biinda onywa!» O ŋaa pyebi elomi, swaha oya mbumbu kamii.
40Jesu na alwoni ndi: «Be lemono vwoho mo oma? Be lekini oyalihi kali?» 41Ŋa bo amoni vwoho bo mɨni, aya mawobo o mpaniŋi e bo ndi: «Ŋa nde ŋa na? Eli pyebi bɨla epuhi ma enyiima nde!»
നിലവിൽ തിരഞ്ഞെടുത്തിരിക്കുന്നു:
Marke 4: MDT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Marke 4
4
Ncincami okuni
1Jesu ovurihi oyisihi mo osyese okeri onini. Lemvuuru leso lekuhi lejeniŋi nde, nde obihi mwo oyeni na akuma o nca mbuungu ekiihi o yula anja, nde oya o nci. Nde aki mo okeri onini, ŋaa lemvuuru leso leki o ncye lemasunuŋa na mpili e jaanga. 2Nde ayisihi bo maami kuna ma ancincami. Nde aduuhi bo nca eyisihi e nde ndi: 3«Leyuha! Okuni omo oyeni na akuna. 4Ŋaa ntini e nde akuniŋi, mburu nke evi mo osyese a njila: anyuyi ayi aji yo eso. 5Mburu nkɨma evi o yula akele, biri eki ncye kuna kali. Mburu emeni, obila ncye eki kuna na nkara ncina ncye kali. 6Ntini e mwi ŋa abali ocuhi yo, obila mo kaama ekaŋa. Yo se ekayi. 7Mburu nkɨma se evi nca ancyene. Ancyene akuli, apii mburu, yo se eka mampa mburu ni. 8Ŋaa mburu emo evi mo ncye e mve, ekuli eyeli, empi mburu. Ŋa lemo lempi ekuumi e mburu etari, lemo lempi ekuumi e mburu esyami, lekɨma se lempi onkama a mburu.» 9Ŋaa Jesu oduhi ndi: «Ali na acwi ma oyuha, oyuhi!»
Jesu awobo ma ancincami mo oma
10Ntini e Jesu alabihi na lemvuuru, baari ma aki ma amajeneŋe nde bɨla alwoni aya malehe nde eduhu o yula ancincami. 11Nde okaali na bo ndi: «Mo be, amalaha be maami ama ajisihi a mo Onkani o Njyami, ŋaa mo baari ma ali o nji me owobo na bo ma ancincami. 12Mo vwa
“Bo makeese, okoroho bo i mono ni,
bo ma ta cwi, okoroho bo i yuha ni,
mo oduma caki bo ayi na avuriha na e Njyami, aboloho bo!” »
Jesu apasa ncincami okuni
13Emana Jesu na bo ndi: «Be i yuha ncincami jya ni? Ŋaa be leje oyuha ancincami aso buni? 14Okuni omakaaha mvuuru atoosiho mbari e Njyami. 15Nke evi mo osyese a njila. Osyese a njila omakaaha baari mayuha Mbari: ŋa Sata oyi asisari, ocyesi mbari eki nca etima e bo. 16Nkɨma evi o ncye akele omakaaha baari mayuuha Mbari, ayalihi asisari bɨla oswere. 17Ŋaa yo eka baha biri o nca etima e bo ni, bo masayuuha ntini mo. Ŋaa ntini ampasi bɨla ncwesehe me eya obila mo Mbari, bo asubi oyalihi o bo kalihi. 18Nkɨma se evi o nca ancyene omakaaha baari mayuhi Mbari, 19ŋa ecimiŋi me ebi e yula ncye bɨla njala osolo na ediiŋi e biibi e yula ncye, enyuniŋi omana epii Mbari, Mbari jya i mampa mburu ni. 20Ŋaa mburu evi o ncye e mve omakaaha baari mayuuha Mbari, bo ayambi yo empi mburu. Lemburu le mo lempi ekuumi etari, leemo ekuumi esyami lekɨma onkama.»
Ncincami e lapi bɨla buhu le mvuuru
21Jesu oduhi bo ndi: «Manaasaha lapi ma olehe yo ncina njuu si kali ncina ntari? Mbaa mo obaaŋa o yulu? 22Mo oma, jaa se mo ma ali i yaa ni ebɨsa ocuuha o nji kali, ŋaa e ma ajisihi se ma aje otusuha o mwa oyalala. 23Yuhu mvuuru na acwi ma oyuha, nde oyuhi!» 24Jesu ovurihi oduhi na bo ndi: «Lesa ayiba o maami a be leyuha! Njyami aje ompa be mo osuumbu a be lempa abuha, nde se aje ovʉla be osa! 25Obila mvuuru ali na kiila ma aje oselehe ompa. Ŋa mvuuru ali onyaŋa ma aje ocyese okyehe mo oli na nde.»
Ncincami lemburu lemeneŋe lo anku
26Jesu ovurihi oduhi ndi: «Onkani o Njyami ogwana mvuuru anyaaha lemburu o ncye. 27Se nde aca tolo se nde amoho, se na mpiibi se na mwi, nde i yaa osuumbu a mburu emeneŋe, na e yo ekulaha ni . 28Ncye yo anku ebaani ompa oti, omana empi lemburu, lemburu lempi ble ali na mburu e kuna. 29Ble obaana obye, acebi obila ntini otolo emito.»
Ncincami lemburu lo otaade
30Jesu ovurihi oluusi ndi: «Saabe oyelehe Onkani o Njyami bɨla oma? Saabe owobo o bo o jini ncincami? 31Onkani o Njyami mva lemburu lo otaade, ŋaa ntini makuna lo o ncye, lo lemburu levʉli abuha okyehe o yula ncye. 32Ŋa ntini ma amana okuna lo, lo lekuli levʉli eti eso e ma nguunu. Entaha ma enini ecuuhi, na anywi a yulu mabuuna ocwa anjo ma oduunu o nde.»
Eyisihi e ma ancincami
33Nde awobihi na bo kuna ma ancincami mva ma. Lemihi na eyuuhi e bo. 34Nde aki i buuna owobo na bo yuhu nde i ta ncincami ni. Okoroho ntini e bo ma ali bo atu, nde opasi alwoni a nde maami maa aso.
Jesu abye na okʉru
35Ekikolo e cuhu ji jya, Jesu oduhi na alwoni a nde ndi: «Lecwe levuula sabi e ngulu.» 36Bo anyili lemvuuru, alwoni abiri Jesu o nca mbuungu eki nde. Ambuungu akɨma aki bɨla bo. 37Pyebi yo mɨni eyi, epuhi ma etiila o mbuungu, yo eki eya eluula ma anja. 38Jesu aki tolo o yula opunduma, ŋa lembɨsa le mbuungu. Alwoni a nde anyuusi nde aduhi na nde ndi: «E Nkʉmu saabe lobi lekwa! We i mono ongwo ni?» 39Jesu onyusiha, obye na pyebi, oduhi na okeri onini ndi: «Ka pi! Biinda onywa!» O ŋaa pyebi elomi, swaha oya mbumbu kamii.
40Jesu na alwoni ndi: «Be lemono vwoho mo oma? Be lekini oyalihi kali?» 41Ŋa bo amoni vwoho bo mɨni, aya mawobo o mpaniŋi e bo ndi: «Ŋa nde ŋa na? Eli pyebi bɨla epuhi ma enyiima nde!»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES