Zakarya 3
3
1Arum̃inyi myè Yôsua, yi miṉisè mpôlô, kum̃aṉa pa gôre g’ôzô wi yenjèl yi Yeôva, ni Satan w’agum̃aṉagi gôre g’ôgo wè ôṉôm̃yè gô sirè. 2N’awulinyi Yeôva Satan inè: Yeôva e ga zèmbe wè, Satan! Yeôva e ga zèmbe wè, ayè yi re pinja pe Yerusalèm! Wiṉo arang’ôsakilya wi re re tômbô pa gw’inu? 3Vovo Yôsua avegagi bora p’ingoy s’avegagi kôta pe nanga, n’agum̃aṉagi yè gôre g’ôzô wi yenjèl. 4N’agambi yenjèl awulinya waô w’avegagi g’ôzô wè inè: Rômbaṉ’ingoy si re kôta pe nanga avila gôre yè! Avila vovo awulinyi yè Yôsua inè: Yeṉa, mi tômb’ibe so, ko mi borizo n’ingoy si fèti. 5N’awulyi myè inè, e ga wônyô ipaki iṽya gw’ewônjô zè! N’abônyô yè ipaki iṽya gw’ewônjô zè, aworizè ingoy. N’avegagi gôgô yenjèl yi Yeôva kum̃aṉa pa gôre.
6N’awulyi yenjèl yi Yeôva gôre Yôsua igamba nyiṉo inè: 7Yeṉo kambe Yeôva y’imbèli inè: J’aw’akangaṉa gw’impoṉo sam̃, ko wè penjavenj’isômbyi sam̃, gambèṉè ô be jèkèlye nagô yam̃, avenjavenje vungu yam̃, ko mi po iyingiṉô gôre waô wi re guṉu. 8Sambô, vôganyô, awè Yôsua, yi miṉisè mpôlô, awè n’indegô so si re dwaṉa pa baru g’ôzô wo! — konde waô aṉaga wi be dwaṉa ga lingilyô. — Vôna, mi be bage nyôngô yam̃, y’intyo ny’erere. 9Konde vôn’idô nyi re myè dimbiṉa pa g’ôzô wi Yôsua; antyo ôrwageṉô mi re gô nyô; vôna, mi be tôka gô nyô irèndo nyi re ko tôkô, bulye Yeôva y’imbèli; na mi be tômb’ibe si ntye yiṉo gô ntyugu mori. 10Gô ntyugu mèyoṉo, bulye Yeôva y’imbèli, aṉwè be fweya ôm’edu ôrangaṉô wè gô ntye y’ôgoli na g’ôdôlôngô w’erere z’ifigi.
നിലവിൽ തിരഞ്ഞെടുത്തിരിക്കുന്നു:
Zakarya 3: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Zakarya 3
3
1Arum̃inyi myè Yôsua, yi miṉisè mpôlô, kum̃aṉa pa gôre g’ôzô wi yenjèl yi Yeôva, ni Satan w’agum̃aṉagi gôre g’ôgo wè ôṉôm̃yè gô sirè. 2N’awulinyi Yeôva Satan inè: Yeôva e ga zèmbe wè, Satan! Yeôva e ga zèmbe wè, ayè yi re pinja pe Yerusalèm! Wiṉo arang’ôsakilya wi re re tômbô pa gw’inu? 3Vovo Yôsua avegagi bora p’ingoy s’avegagi kôta pe nanga, n’agum̃aṉagi yè gôre g’ôzô wi yenjèl. 4N’agambi yenjèl awulinya waô w’avegagi g’ôzô wè inè: Rômbaṉ’ingoy si re kôta pe nanga avila gôre yè! Avila vovo awulinyi yè Yôsua inè: Yeṉa, mi tômb’ibe so, ko mi borizo n’ingoy si fèti. 5N’awulyi myè inè, e ga wônyô ipaki iṽya gw’ewônjô zè! N’abônyô yè ipaki iṽya gw’ewônjô zè, aworizè ingoy. N’avegagi gôgô yenjèl yi Yeôva kum̃aṉa pa gôre.
6N’awulyi yenjèl yi Yeôva gôre Yôsua igamba nyiṉo inè: 7Yeṉo kambe Yeôva y’imbèli inè: J’aw’akangaṉa gw’impoṉo sam̃, ko wè penjavenj’isômbyi sam̃, gambèṉè ô be jèkèlye nagô yam̃, avenjavenje vungu yam̃, ko mi po iyingiṉô gôre waô wi re guṉu. 8Sambô, vôganyô, awè Yôsua, yi miṉisè mpôlô, awè n’indegô so si re dwaṉa pa baru g’ôzô wo! — konde waô aṉaga wi be dwaṉa ga lingilyô. — Vôna, mi be bage nyôngô yam̃, y’intyo ny’erere. 9Konde vôn’idô nyi re myè dimbiṉa pa g’ôzô wi Yôsua; antyo ôrwageṉô mi re gô nyô; vôna, mi be tôka gô nyô irèndo nyi re ko tôkô, bulye Yeôva y’imbèli; na mi be tômb’ibe si ntye yiṉo gô ntyugu mori. 10Gô ntyugu mèyoṉo, bulye Yeôva y’imbèli, aṉwè be fweya ôm’edu ôrangaṉô wè gô ntye y’ôgoli na g’ôdôlôngô w’erere z’ifigi.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.