Zakarya 12
12
1Ipoga, igamba nyi Yeôva g’ômwanja w’Israèl.
Yeṉo kambe Yeôva, yi re sambuṉa p’ôrôṽa, alôvy’izanga nyi ntye, avang’iṉiṉa ny’ôma gô gare yè, inè: 2Vôna, mi be pange Yerusalèm ômpômbala w’itatam̃iṉa gôr’aṉongo môdu vingôvingô, na gôre Yuda kè gô be pingwavingwa waô Yerusalèm. 3Gô ntyugu mèyoṉo, mi be pange Yerusalèm idô ny’irwaṉô gôr’aṉongo môdu; waôdu wi be tômbiṉa nyô wi be bonj’ikuṽi yaô; n’aṉongo môdu mi ntye mi be dataṉa gô sira nyô. 4Gô ntyugu mèyoṉo, bulye Yeôva, mi be bôl’ikavala sôdu n’itatam̃iṉa, n’eranya waô wi panda gô sô; ndô mi be nunguṉ’antyo gô nagô yi Yuda, gô be bôla myè ikavala sôdu s’aṉongo n’ipoku. 5Gogi yi Yuda yi be bulya gw’irèm̃i yaô inè: Alwaṉi wi Yerusalèm wi re ngulu yazô, vo Yeôva y’imbèli, Anyambyè yaô. 6Gô ntyugu mèyoṉo, mi be pange gogi yi Yuda ga inu ny’ôgôṉi gw’ikôṉi, ga ôjô w’ôgôṉi gw’ita; wi be jiliz’aṉongo môdu mi re vingôvingô, g’ôgo ôṉôm̃yè n’ôgo ônyantwè, ni Yerusalèm yi be dwaṉa gô mbôra ya yô, gô Yerusalèm. 7Yeôva e be dônge sungiṉ’inagô s’akuku si Yuda, ko ivenda nyi nagô yi David, ivenda ny’alwaṉi wi Yerusalèm wi pa pendy’ikuṽi yaômè gôre Yuda. 8Gô ntyugu mèyoṉo, Yeôva e be kaṉ’alwaṉi wi Yerusalèm, n’ayè yi re dèla gôre waô e be dwaṉa ga David gô ntyugu mèyoṉo; nagô yi David yi be dwaṉa ga Anyambyè, ga yenjèl yi Yeôva gô bôsô yaô. 9Gô ntyugu mèyoṉo, mi be kèṉiza gô jiliz’aṉongo môdu mi be bya gô sire Yerusalèm.
10Vovo mi be jira gô nagô yi David na gôr’alwaṉi wi Yerusalèm iṉiṉa ny’imèpiṉô na ny’ikambiṉa, ko waô pôna gôre myè y’arumyô waô igonga. Wi be deṉa g’ômwanji wè ga nte deṉ’ôma g’ômwanja w’ômwaṉi wè w’ikika, wi be jeṉ’ekèṽ’evôlô g’ômwanji wè ga nte jeṉ’ôma ekèṽa g’ômwanja wi njalyè yè. 11Gô ntyugu mèyoṉo, iwoga nyi be dwaṉ’ivôlô gô Yerusalèm, ga nt’alwaṉ’iwoga ny’Adadrimon g’ôdèdè wi Megidon. 12Ntye yi be dwaṉ’iwoga, mbuṽ’edu nkôṽi yè: mbuṽe yi nagô yi David nkôṽi yè, n’antô nkôṽi yaô; mbuṽe yi nagô yi Natan nkôṽi yè, n’antô nkôṽi yaô; 13mbuṽe yi nagô yi Levi nkôṽi yè, n’antô nkôṽi yaô; mbuṽe yi Simèy nkôṽi yè, n’antô nkôṽi yaô; 14imbuṽ’im̃ori sôdu, mbuṽ’edu nkôṽi yè, n’antô nkôṽi yaô.
നിലവിൽ തിരഞ്ഞെടുത്തിരിക്കുന്നു:
Zakarya 12: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Zakarya 12
12
1Ipoga, igamba nyi Yeôva g’ômwanja w’Israèl.
Yeṉo kambe Yeôva, yi re sambuṉa p’ôrôṽa, alôvy’izanga nyi ntye, avang’iṉiṉa ny’ôma gô gare yè, inè: 2Vôna, mi be pange Yerusalèm ômpômbala w’itatam̃iṉa gôr’aṉongo môdu vingôvingô, na gôre Yuda kè gô be pingwavingwa waô Yerusalèm. 3Gô ntyugu mèyoṉo, mi be pange Yerusalèm idô ny’irwaṉô gôr’aṉongo môdu; waôdu wi be tômbiṉa nyô wi be bonj’ikuṽi yaô; n’aṉongo môdu mi ntye mi be dataṉa gô sira nyô. 4Gô ntyugu mèyoṉo, bulye Yeôva, mi be bôl’ikavala sôdu n’itatam̃iṉa, n’eranya waô wi panda gô sô; ndô mi be nunguṉ’antyo gô nagô yi Yuda, gô be bôla myè ikavala sôdu s’aṉongo n’ipoku. 5Gogi yi Yuda yi be bulya gw’irèm̃i yaô inè: Alwaṉi wi Yerusalèm wi re ngulu yazô, vo Yeôva y’imbèli, Anyambyè yaô. 6Gô ntyugu mèyoṉo, mi be pange gogi yi Yuda ga inu ny’ôgôṉi gw’ikôṉi, ga ôjô w’ôgôṉi gw’ita; wi be jiliz’aṉongo môdu mi re vingôvingô, g’ôgo ôṉôm̃yè n’ôgo ônyantwè, ni Yerusalèm yi be dwaṉa gô mbôra ya yô, gô Yerusalèm. 7Yeôva e be dônge sungiṉ’inagô s’akuku si Yuda, ko ivenda nyi nagô yi David, ivenda ny’alwaṉi wi Yerusalèm wi pa pendy’ikuṽi yaômè gôre Yuda. 8Gô ntyugu mèyoṉo, Yeôva e be kaṉ’alwaṉi wi Yerusalèm, n’ayè yi re dèla gôre waô e be dwaṉa ga David gô ntyugu mèyoṉo; nagô yi David yi be dwaṉa ga Anyambyè, ga yenjèl yi Yeôva gô bôsô yaô. 9Gô ntyugu mèyoṉo, mi be kèṉiza gô jiliz’aṉongo môdu mi be bya gô sire Yerusalèm.
10Vovo mi be jira gô nagô yi David na gôr’alwaṉi wi Yerusalèm iṉiṉa ny’imèpiṉô na ny’ikambiṉa, ko waô pôna gôre myè y’arumyô waô igonga. Wi be deṉa g’ômwanji wè ga nte deṉ’ôma g’ômwanja w’ômwaṉi wè w’ikika, wi be jeṉ’ekèṽ’evôlô g’ômwanji wè ga nte jeṉ’ôma ekèṽa g’ômwanja wi njalyè yè. 11Gô ntyugu mèyoṉo, iwoga nyi be dwaṉ’ivôlô gô Yerusalèm, ga nt’alwaṉ’iwoga ny’Adadrimon g’ôdèdè wi Megidon. 12Ntye yi be dwaṉ’iwoga, mbuṽ’edu nkôṽi yè: mbuṽe yi nagô yi David nkôṽi yè, n’antô nkôṽi yaô; mbuṽe yi nagô yi Natan nkôṽi yè, n’antô nkôṽi yaô; 13mbuṽe yi nagô yi Levi nkôṽi yè, n’antô nkôṽi yaô; mbuṽe yi Simèy nkôṽi yè, n’antô nkôṽi yaô; 14imbuṽ’im̃ori sôdu, mbuṽ’edu nkôṽi yè, n’antô nkôṽi yaô.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.