Mark 7
7
1Ifarisi n’irèndisi imyèwo, y’avili gô Yerusalèm, y’alataṉi gôre Yesu. 2Ayeṉi waô inè, iṉèngi yè imyèwo wi ny’inyi saô n’ago m’isèkè, nyi pivya nè, mi pa jôvuṉô. 3Konde ifarisi n’Iju sôdu wi pa nya kaô w’ajôvuṉ’ago mbyambye, mpenjavenjag’inènja s’aṉèro; 4na gô fwinya waô avila gw’igôliṉô, wi pa nya kaô w’asovuṉa. Ar’isam̃u imyèṉè kè imyenge y’awongyô waô gô penjavenj’inènja s’aṉèro, ga nt’ar’ijôvuṉa s’amogi, n’intyuaṉa n’ilômbô. 5N’aṽambyô yè n’ifarisi n’irèndisi inè: Ntiṉa nde yi re iṉèngi yo yi pa penjavenj’inènja s’aṉèro, ndô wi ny’inyi saô n’ago mi re mi pa jôvuṉô? 6Awulinyô waô ne Yesu inè: Aṉwè imbyagwana, Yezaya avogi mbyambye g’ômwanji waṉi, ga nt’are tèndô pa inè: Iṉongo nyiṉo nyi duba myè n’iṉumbu yaô, ndô irèm̃i yaô yi re bô avila gôre myè. 7Wi saviṉa myè gô nyawènyawè, nènjag’inènji saô si r’isômbya s’aṉaga. 8Aṉwè tig’isômbya s’Anyambyè, avenjavenj’inènja s’aṉaga. 9N’arô bulinyi yè waô inè: Rèti, aṉwè tômb’ôzômbyô w’Anyambyè, ko ṉwè penjavenj’inènji saṉi s’aṉèro. 10Konde Môsès awulyi nè: Lube reri yo ni ngi yo; n’ôm’edu e be kambe mbe gôre reri yè ge gôre ngi yè, e ga yuwe njuwaga. 11Ndô aṉwè bulya inè: Jog’ôma abulinye reri yè ge ngi yè inè: Ezom̃a zi re myè ko nunguṉo zi re korban, nyi pivya inè, zi re pô pa gôr’Anyambyè, 12gambèṉè aṉwè re tô jivira gôre yè gô nunguṉe reri yè ge ngi yè mpongo, 13yeṉo aṉwè pang’igamba ny’Anyambyè ôsam̃u wa nyawènyawè n’inènja si nènjô ṉwè, n’isam̃u imyèṉè imyenge yi dendô ṉwè egolaṉi ga yiṉo.
14N’arô fweyi yè aṉaga awulinya waô inè: Aṉwèdu vôganyôṉi myè, ko kôtizaṉi. 15E zel’ezom̃a zi jingiṉa gôr’ôma zi re ko fwevizè; ndô yom̃a yi kogwa avila gôr’ôma, yiṉo yô fwevizè. 16[Ayè yi re n’arôy gô jogo e ga yogo.]
17Gw’ayingiṉi yè gô nagô, ayè sanjaṉa pa n’aṉaga, iṉèngi yè y’aṽambyi yè g’ômwanja wi nkôgô yiṉo. 18N’awulinyi yè waô inè: Sambô aṉwè p’are kè ikôtiza fo? Aṉwè pa kôtiza inè, e zel’ezom̃a zi jingiṉa gôr’ôma zi re ko fwevizè? 19Konde zi pa jingiṉa g’ôrèm̃i wè, ndô gw’iwum̃u, agalwa ati, mèpizag’inya sôdu. 20Arô bulyi yè inè: Ezom̃a zi kogwa avila gôr’ôma, ziṉo zô fweviz’ôma. 21Konde avila gô gare ntye, avila gw’irèm̃a y’aṉaga, e kogwa ipikily ’ibe, ôṽelaṉô, isam̃u y’isèkè, ijôṉ’aṉaga, ijufa, 22ôgasô w’aṉiva, ijanj’ibe, itemiza, itongiṉa, intyw’iṽe, ibèrinya, ekale, n’edosu. 23Isam̃u imbe yiṉo yôdu yi kogwa avila gô gare ntye, aweviz’ôma.
24Alubwi Yesu avila vovo agènda gw’inkôṽa si Tir ni Sidôn. N’ayingiṉi yè gô nagô, mbelaga inè, amy’ôma yeṉo, ndô e re jolye gô sombuṉa. 25Konde ômwantô avegagi n’ômwaṉ’ômwantô w’avegagi n’iṉiṉa ny’isèkè, ayogyô yè pelè g’ômwanji wè, n’aṽyeṉi yè avôswa gw’agôlô mè. 26Ômwantô mè avegagi mwô’Grèk, iṉongo nyè Sirôfinisya. Agweni yè inkolo gô tômb’iṉiṉ’iṽe avila gôr’ômwaṉi wè. 27N’awulinyô yè ne Yesu inè: Awaṉa wi ga lônge jôrizô, konde e zele mbya gô bong’inya s’awaṉa, avungiṉa sô imbwa. 28N’awiṉizi yè inè: Èñ, Rera, ndô vangaṉe imbwa g’ôdôlôngô wi tavulu si nye nkizi y’awaṉa. 29N’awulinyè yè inè: G’ômwanja w’igamba nyiṉo, gèndaga, iṉiṉ’iṽe ny’akogwi avila gôr’ômwaṉi wo. 30Na gw’agèndi yè gô nagô yè, aliṽinyi ômwaṉi wè dèwa pa g’ôdô, n’iṉiṉ’iṽe kogwa pa avila gôre yè.
31Arô dubwi Yesu avila gw’inkôṽa si Tir, avyagaṉa Sidôn gw’eliṽa zi Galile, mpyagaṉaga gô ntye yi Dekapôlis.
32N’aṽagi waô gôre yè ôma w’avegagi mpôge, n’igagum̃a, n’agweni waô yè inkolo inè, e ga ralye ago mè gôre yè. 33N’awongyè yè nkôṽa avila gôr’aṉaga, aweli yè im̃eṉô yè gw’arôy mè, n’arônyi yè igwaṉa, awat’ôṉèm̃è wè; 34n’avôni yè g’ôrôṽa, azèkum̃a, awulya inè: Efata, nyi pivya inè: ṉungwa. 35N’aṉungwi arôy mè pelè, n’avurwi ezom̃a z’agôti ôṉèm̃è wè, n’agambi yè mbyambye. 36Azômbyô waô ne Yesu inè, w’awuliny’ôma, ndô gw’alegi yè waô pôlô, w’amyez’igamba pôlô vyagaṉô. 37N’am̃ami waô pôlômè, awulya inè: Are denda p’isam̃u vôdu mbyambye; e panga vangaṉe impôge gô jogo, n’am̃am̃u gô kamba.
നിലവിൽ തിരഞ്ഞെടുത്തിരിക്കുന്നു:
Mark 7: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Mark 7
7
1Ifarisi n’irèndisi imyèwo, y’avili gô Yerusalèm, y’alataṉi gôre Yesu. 2Ayeṉi waô inè, iṉèngi yè imyèwo wi ny’inyi saô n’ago m’isèkè, nyi pivya nè, mi pa jôvuṉô. 3Konde ifarisi n’Iju sôdu wi pa nya kaô w’ajôvuṉ’ago mbyambye, mpenjavenjag’inènja s’aṉèro; 4na gô fwinya waô avila gw’igôliṉô, wi pa nya kaô w’asovuṉa. Ar’isam̃u imyèṉè kè imyenge y’awongyô waô gô penjavenj’inènja s’aṉèro, ga nt’ar’ijôvuṉa s’amogi, n’intyuaṉa n’ilômbô. 5N’aṽambyô yè n’ifarisi n’irèndisi inè: Ntiṉa nde yi re iṉèngi yo yi pa penjavenj’inènja s’aṉèro, ndô wi ny’inyi saô n’ago mi re mi pa jôvuṉô? 6Awulinyô waô ne Yesu inè: Aṉwè imbyagwana, Yezaya avogi mbyambye g’ômwanji waṉi, ga nt’are tèndô pa inè: Iṉongo nyiṉo nyi duba myè n’iṉumbu yaô, ndô irèm̃i yaô yi re bô avila gôre myè. 7Wi saviṉa myè gô nyawènyawè, nènjag’inènji saô si r’isômbya s’aṉaga. 8Aṉwè tig’isômbya s’Anyambyè, avenjavenj’inènja s’aṉaga. 9N’arô bulinyi yè waô inè: Rèti, aṉwè tômb’ôzômbyô w’Anyambyè, ko ṉwè penjavenj’inènji saṉi s’aṉèro. 10Konde Môsès awulyi nè: Lube reri yo ni ngi yo; n’ôm’edu e be kambe mbe gôre reri yè ge gôre ngi yè, e ga yuwe njuwaga. 11Ndô aṉwè bulya inè: Jog’ôma abulinye reri yè ge ngi yè inè: Ezom̃a zi re myè ko nunguṉo zi re korban, nyi pivya inè, zi re pô pa gôr’Anyambyè, 12gambèṉè aṉwè re tô jivira gôre yè gô nunguṉe reri yè ge ngi yè mpongo, 13yeṉo aṉwè pang’igamba ny’Anyambyè ôsam̃u wa nyawènyawè n’inènja si nènjô ṉwè, n’isam̃u imyèṉè imyenge yi dendô ṉwè egolaṉi ga yiṉo.
14N’arô fweyi yè aṉaga awulinya waô inè: Aṉwèdu vôganyôṉi myè, ko kôtizaṉi. 15E zel’ezom̃a zi jingiṉa gôr’ôma zi re ko fwevizè; ndô yom̃a yi kogwa avila gôr’ôma, yiṉo yô fwevizè. 16[Ayè yi re n’arôy gô jogo e ga yogo.]
17Gw’ayingiṉi yè gô nagô, ayè sanjaṉa pa n’aṉaga, iṉèngi yè y’aṽambyi yè g’ômwanja wi nkôgô yiṉo. 18N’awulinyi yè waô inè: Sambô aṉwè p’are kè ikôtiza fo? Aṉwè pa kôtiza inè, e zel’ezom̃a zi jingiṉa gôr’ôma zi re ko fwevizè? 19Konde zi pa jingiṉa g’ôrèm̃i wè, ndô gw’iwum̃u, agalwa ati, mèpizag’inya sôdu. 20Arô bulyi yè inè: Ezom̃a zi kogwa avila gôr’ôma, ziṉo zô fweviz’ôma. 21Konde avila gô gare ntye, avila gw’irèm̃a y’aṉaga, e kogwa ipikily ’ibe, ôṽelaṉô, isam̃u y’isèkè, ijôṉ’aṉaga, ijufa, 22ôgasô w’aṉiva, ijanj’ibe, itemiza, itongiṉa, intyw’iṽe, ibèrinya, ekale, n’edosu. 23Isam̃u imbe yiṉo yôdu yi kogwa avila gô gare ntye, aweviz’ôma.
24Alubwi Yesu avila vovo agènda gw’inkôṽa si Tir ni Sidôn. N’ayingiṉi yè gô nagô, mbelaga inè, amy’ôma yeṉo, ndô e re jolye gô sombuṉa. 25Konde ômwantô avegagi n’ômwaṉ’ômwantô w’avegagi n’iṉiṉa ny’isèkè, ayogyô yè pelè g’ômwanji wè, n’aṽyeṉi yè avôswa gw’agôlô mè. 26Ômwantô mè avegagi mwô’Grèk, iṉongo nyè Sirôfinisya. Agweni yè inkolo gô tômb’iṉiṉ’iṽe avila gôr’ômwaṉi wè. 27N’awulinyô yè ne Yesu inè: Awaṉa wi ga lônge jôrizô, konde e zele mbya gô bong’inya s’awaṉa, avungiṉa sô imbwa. 28N’awiṉizi yè inè: Èñ, Rera, ndô vangaṉe imbwa g’ôdôlôngô wi tavulu si nye nkizi y’awaṉa. 29N’awulinyè yè inè: G’ômwanja w’igamba nyiṉo, gèndaga, iṉiṉ’iṽe ny’akogwi avila gôr’ômwaṉi wo. 30Na gw’agèndi yè gô nagô yè, aliṽinyi ômwaṉi wè dèwa pa g’ôdô, n’iṉiṉ’iṽe kogwa pa avila gôre yè.
31Arô dubwi Yesu avila gw’inkôṽa si Tir, avyagaṉa Sidôn gw’eliṽa zi Galile, mpyagaṉaga gô ntye yi Dekapôlis.
32N’aṽagi waô gôre yè ôma w’avegagi mpôge, n’igagum̃a, n’agweni waô yè inkolo inè, e ga ralye ago mè gôre yè. 33N’awongyè yè nkôṽa avila gôr’aṉaga, aweli yè im̃eṉô yè gw’arôy mè, n’arônyi yè igwaṉa, awat’ôṉèm̃è wè; 34n’avôni yè g’ôrôṽa, azèkum̃a, awulya inè: Efata, nyi pivya inè: ṉungwa. 35N’aṉungwi arôy mè pelè, n’avurwi ezom̃a z’agôti ôṉèm̃è wè, n’agambi yè mbyambye. 36Azômbyô waô ne Yesu inè, w’awuliny’ôma, ndô gw’alegi yè waô pôlô, w’amyez’igamba pôlô vyagaṉô. 37N’am̃ami waô pôlômè, awulya inè: Are denda p’isam̃u vôdu mbyambye; e panga vangaṉe impôge gô jogo, n’am̃am̃u gô kamba.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.