Mark 5
5
1Aṽyeṉi waô gô ntye mori y’eliṽa gô ntye ya mongi Gadara. 2N’azunge talwi Yesu avila gw’elende, n’alataṉi yè n’ôma wi pila gw’ibenga, avegagi n’iṉiṉa ny’isèkè. 3Ôma mè avegagi n’elumbi zè gw’ibenga, e re pegeg’ôma w’ayolyi gô kôrè, vangaṉe n’izungakaṉô. 4Konde inyongo sinyenge aliwô afwelyô ibôka gw’agôlô, aragô n’azungakaṉô, ndô araṽi azungakaṉô, ayôṉ’ibôka, e re pegege kè ôma ni ngulu gô keṽè. 5Egômbe zôdu, ôgwèra n’ôm̃anda, avegagi gw’ibenga na gw’inômba, ntôngaga ni mbonjag’ôkuṽi wè n’adô. 6Ndô gw’ayeṉi yè Yesu bô, avali mangô, avuraṉa mbè g’ôzô wè, 7arônga n’inyôy ivôlô inè: Ezom̃a nde zi re myè na wè, Yesu, y’Ômwaṉa w’Anyambyè y’igôṉômè? Mi sômbyo gw’ina ny’Anyambyè inè, ayeṉiza myè azingô. 8Konde Yesu awulinyi yè inè: Awè, iṉiṉa ny’isèkè, gogwa avila gôr’ôma wiṉo. 9N’aṽambyè yè inè: Ini nyo mande? N’awiṉizi yè inè, ini nyam̃ ne nkumba, konde azw’ar’awenge. 10N’agwenyè yè inkolo inè, e ga rig’arômba waô avila gô ntye mè. 11Avegagi vovo gô nômba ip’ivôlô ny’ingôwa ny’anyeṉagi. 12N’aṉiṉ’ambe m’agweni Yesu inkolo inè: Rôm̃a zwè gôr’ingôwa siṉo, ko zwè jingiṉa gô sô. N’ayiviri yè mô gô kènda. 13N’agogwi aṉiṉa m’isèkè, ayingiṉa gôr’ingôwa, n’ayiraṉ’ipa ny’ingôwa ni mangô, azum̃iṉa gô mbôra y’ôlôlôṽa agènda gw’eliṽa: s’avegagi pyèrè n’intozèny mbaṉi, n’ayuwi sô gw’eliṽa. 14N’awangi mongi w’anyezagi sô, awunguṉe ntyangô gô nkala na gw’impindi. N’agèndi aṉaga gô jeṉ’ôsam̃u w’arweṉi. 15Aṽyeṉi waô gôre Yesu, n’ayeṉi waô ôma w’avegagi n’aṉiṉ’ambe, ayè y’avegagi ni nkumba, dwaṉa pa baru, borizô pa, n’ôgu wè mbyambye; n’aryeṉi waô. 16Waô w’ayeṉi nt’arweṉ’igamba, w’arakilyi waô nt’arweṉi gôr’ôma w’avegagi n’aṉiṉ’ambe, na g’ômwanja w’ingôwa. 17N’avakilyi waô gô kwene Yesu inkolo inè, e ga lubwe avila gô ntye yaô.
18Gw’agweṉi yè gw’elende, ôma w’avegagi n’aṉiṉ’ambe agweni yè inkolo inè, e ga lwaṉe na yè. 19Ndô Yesu e re jivire yè, ndô awulinyi yè inè: Gènda gô nagô yo, na gôre mongi yo, ko takilya waô isam̃u yôdu yi re Rerè dendiṉo pa, ni nt’apôgiṉè wè. 20N’agèndi yè, avakilye myeza gô Dekapôlis isam̃u yôdu y’alendinyô yè ne Yesu. N’am̃ami aṉaga waôdu.
21Gw’alalyi Yesu n’elende gô ntye mori, aṽengaṉi aṉag’awenge gôre yè. N’ayè avegagi g’ôzamba w’eliṽa. 22N’aṽyeṉi ôm̃ori w’ivangiṉi yi nagô yi soṉo, ini nyè ne Yayirus; gw’ayenyè yè avôswi gw’agôlô mè, 23agwenè inkolo pôlô, awulya inè: Ômwaṉi wam̃ ômwantô atweṉi pyèrè n’ijuwa; ôvirô, ko taly’ago mo gôre yè, ko yè tôla alwaṉa bo. 24N’agèndi Yesu na yè. N’azôngyô yè n’aṉag’awenge, aṽangatyè.
25Ômwantô w’ayiraṉôgô ntyiṉa igôm̃i ny’impum̃a n’impum̃’imbaṉi, 26aliwô jeṉi njuke mpôlô gw’ago m’agang’awenge, averize yom̃i yè yôdu, ko yè arôla, ndô nkaṉi y’aliri ndiraga. 27Gw’ayogyô yè g’ômwanja wi Yesu, aṽyeṉi gô nkumba y’aṉaga gô nyum̃i yè, awate ngoy yè. 28Konde awulyi nè: Ja my’abwata vangaṉe ingoy sè, gambèṉè mi be tôla. 29N’areṉ’ijiraṉa si ntyiṉi yè pelè, n’amyeṉi yè g’ôkuṽi wè inè, ajingyô avila gô nkaṉi yè. 30N’azunge myeṉi Yesu ayèmè inè, ngulu y’akogwi avila gôre yè; n’agegwi yè gôr’aṉaga, awulya inè: Mande abwat’ingoy sam̃? 31N’awulinyô yè n’iṉèngi yè inè: Ô jeṉ’aṉaga wi bangatyo, ko wè tô bulya inè: Mande abwata myè? 32N’avôni yè vingôvingô gô jeṉ’ôma w’alendi ndaga mè. 33Ndô ômwantô aryeṉi aratam̃iṉa, myagaga nt’arweṉi gôre yè, aṽyeṉi yè avôswa gw’agôlô mè, awulinyè ôrèti wôdu. 34Ndô Yesu awulinyi yè inè: ’Mwam̃, ibekelyi so s’atôlizi wè; gènda n’am̃ènjè, ko dwaṉa tôla pa avila gô nkaṉi yo.
35Gw’agambagi yè, aṽyeṉi aṉaga avila gô nagô y’ôvangiṉi wi nagô yi soṉo awulya inè: Ômwaṉi wo ômwantô ajuwi; ntiṉa nde yi pe sokolyo ôṉènji? 36Ndô Yesu e pa bong’agamba m’agambyô, ndô awulinyi ôvangiṉi wi nagô yi soṉo inè: Arya, ṽekelya dadyè. 37Ndô e pa jivir’ôm’edu gô sôngè, kaô Pyère, ni Yakobu, ni Yôan, ya mwô’ngwè wi Yakobu. 38Waô bwanganya gô nagô y’ôvangiṉi wi nagô yi soṉo, Yesu ayeṉi mbôgiṉa n’aṉaga ndeṉaga ni nsônkaga pôlô. 39Gw’ayingiṉi yè, awulinyi waô inè: Ntiṉa nde yi bôgiṉa ṉwè, aleṉa? Ômwaṉa e pa juwa, ndô e dèwa. 40N’azèlyi waô yè. Ndô ayè kogunya p’aṉaga waôdu, awongi yè rerè ni ngwè y’ômwaṉa, na waô w’avegagi na yè, n’ayingiṉi yè gô mbôra y’avegag’ômwaṉa. 41N’agôti yè ômwaṉa g’ôgo, awulinyè inè: Talita kumi, nyi pivya inè: Ôlèngwaṉi, mi bulinyo inè: ṉongwa. 42N’aṉongwi ôlèngwaṉi pelè, agènda, konde avegagi igôm̃i ny’impum̃a n’impum̃’imbaṉi g’ôṉèro wè. N’am̃ami waô pôlô. 43Yesu azômbyi waô pôlô inè, igamba mè ny’amyô n’ôm’edu; n’awulyi yè inè, ômwaṉa e ga vô ezom̃a zi nya.
നിലവിൽ തിരഞ്ഞെടുത്തിരിക്കുന്നു:
Mark 5: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Mark 5
5
1Aṽyeṉi waô gô ntye mori y’eliṽa gô ntye ya mongi Gadara. 2N’azunge talwi Yesu avila gw’elende, n’alataṉi yè n’ôma wi pila gw’ibenga, avegagi n’iṉiṉa ny’isèkè. 3Ôma mè avegagi n’elumbi zè gw’ibenga, e re pegeg’ôma w’ayolyi gô kôrè, vangaṉe n’izungakaṉô. 4Konde inyongo sinyenge aliwô afwelyô ibôka gw’agôlô, aragô n’azungakaṉô, ndô araṽi azungakaṉô, ayôṉ’ibôka, e re pegege kè ôma ni ngulu gô keṽè. 5Egômbe zôdu, ôgwèra n’ôm̃anda, avegagi gw’ibenga na gw’inômba, ntôngaga ni mbonjag’ôkuṽi wè n’adô. 6Ndô gw’ayeṉi yè Yesu bô, avali mangô, avuraṉa mbè g’ôzô wè, 7arônga n’inyôy ivôlô inè: Ezom̃a nde zi re myè na wè, Yesu, y’Ômwaṉa w’Anyambyè y’igôṉômè? Mi sômbyo gw’ina ny’Anyambyè inè, ayeṉiza myè azingô. 8Konde Yesu awulinyi yè inè: Awè, iṉiṉa ny’isèkè, gogwa avila gôr’ôma wiṉo. 9N’aṽambyè yè inè: Ini nyo mande? N’awiṉizi yè inè, ini nyam̃ ne nkumba, konde azw’ar’awenge. 10N’agwenyè yè inkolo inè, e ga rig’arômba waô avila gô ntye mè. 11Avegagi vovo gô nômba ip’ivôlô ny’ingôwa ny’anyeṉagi. 12N’aṉiṉ’ambe m’agweni Yesu inkolo inè: Rôm̃a zwè gôr’ingôwa siṉo, ko zwè jingiṉa gô sô. N’ayiviri yè mô gô kènda. 13N’agogwi aṉiṉa m’isèkè, ayingiṉa gôr’ingôwa, n’ayiraṉ’ipa ny’ingôwa ni mangô, azum̃iṉa gô mbôra y’ôlôlôṽa agènda gw’eliṽa: s’avegagi pyèrè n’intozèny mbaṉi, n’ayuwi sô gw’eliṽa. 14N’awangi mongi w’anyezagi sô, awunguṉe ntyangô gô nkala na gw’impindi. N’agèndi aṉaga gô jeṉ’ôsam̃u w’arweṉi. 15Aṽyeṉi waô gôre Yesu, n’ayeṉi waô ôma w’avegagi n’aṉiṉ’ambe, ayè y’avegagi ni nkumba, dwaṉa pa baru, borizô pa, n’ôgu wè mbyambye; n’aryeṉi waô. 16Waô w’ayeṉi nt’arweṉ’igamba, w’arakilyi waô nt’arweṉi gôr’ôma w’avegagi n’aṉiṉ’ambe, na g’ômwanja w’ingôwa. 17N’avakilyi waô gô kwene Yesu inkolo inè, e ga lubwe avila gô ntye yaô.
18Gw’agweṉi yè gw’elende, ôma w’avegagi n’aṉiṉ’ambe agweni yè inkolo inè, e ga lwaṉe na yè. 19Ndô Yesu e re jivire yè, ndô awulinyi yè inè: Gènda gô nagô yo, na gôre mongi yo, ko takilya waô isam̃u yôdu yi re Rerè dendiṉo pa, ni nt’apôgiṉè wè. 20N’agèndi yè, avakilye myeza gô Dekapôlis isam̃u yôdu y’alendinyô yè ne Yesu. N’am̃ami aṉaga waôdu.
21Gw’alalyi Yesu n’elende gô ntye mori, aṽengaṉi aṉag’awenge gôre yè. N’ayè avegagi g’ôzamba w’eliṽa. 22N’aṽyeṉi ôm̃ori w’ivangiṉi yi nagô yi soṉo, ini nyè ne Yayirus; gw’ayenyè yè avôswi gw’agôlô mè, 23agwenè inkolo pôlô, awulya inè: Ômwaṉi wam̃ ômwantô atweṉi pyèrè n’ijuwa; ôvirô, ko taly’ago mo gôre yè, ko yè tôla alwaṉa bo. 24N’agèndi Yesu na yè. N’azôngyô yè n’aṉag’awenge, aṽangatyè.
25Ômwantô w’ayiraṉôgô ntyiṉa igôm̃i ny’impum̃a n’impum̃’imbaṉi, 26aliwô jeṉi njuke mpôlô gw’ago m’agang’awenge, averize yom̃i yè yôdu, ko yè arôla, ndô nkaṉi y’aliri ndiraga. 27Gw’ayogyô yè g’ômwanja wi Yesu, aṽyeṉi gô nkumba y’aṉaga gô nyum̃i yè, awate ngoy yè. 28Konde awulyi nè: Ja my’abwata vangaṉe ingoy sè, gambèṉè mi be tôla. 29N’areṉ’ijiraṉa si ntyiṉi yè pelè, n’amyeṉi yè g’ôkuṽi wè inè, ajingyô avila gô nkaṉi yè. 30N’azunge myeṉi Yesu ayèmè inè, ngulu y’akogwi avila gôre yè; n’agegwi yè gôr’aṉaga, awulya inè: Mande abwat’ingoy sam̃? 31N’awulinyô yè n’iṉèngi yè inè: Ô jeṉ’aṉaga wi bangatyo, ko wè tô bulya inè: Mande abwata myè? 32N’avôni yè vingôvingô gô jeṉ’ôma w’alendi ndaga mè. 33Ndô ômwantô aryeṉi aratam̃iṉa, myagaga nt’arweṉi gôre yè, aṽyeṉi yè avôswa gw’agôlô mè, awulinyè ôrèti wôdu. 34Ndô Yesu awulinyi yè inè: ’Mwam̃, ibekelyi so s’atôlizi wè; gènda n’am̃ènjè, ko dwaṉa tôla pa avila gô nkaṉi yo.
35Gw’agambagi yè, aṽyeṉi aṉaga avila gô nagô y’ôvangiṉi wi nagô yi soṉo awulya inè: Ômwaṉi wo ômwantô ajuwi; ntiṉa nde yi pe sokolyo ôṉènji? 36Ndô Yesu e pa bong’agamba m’agambyô, ndô awulinyi ôvangiṉi wi nagô yi soṉo inè: Arya, ṽekelya dadyè. 37Ndô e pa jivir’ôm’edu gô sôngè, kaô Pyère, ni Yakobu, ni Yôan, ya mwô’ngwè wi Yakobu. 38Waô bwanganya gô nagô y’ôvangiṉi wi nagô yi soṉo, Yesu ayeṉi mbôgiṉa n’aṉaga ndeṉaga ni nsônkaga pôlô. 39Gw’ayingiṉi yè, awulinyi waô inè: Ntiṉa nde yi bôgiṉa ṉwè, aleṉa? Ômwaṉa e pa juwa, ndô e dèwa. 40N’azèlyi waô yè. Ndô ayè kogunya p’aṉaga waôdu, awongi yè rerè ni ngwè y’ômwaṉa, na waô w’avegagi na yè, n’ayingiṉi yè gô mbôra y’avegag’ômwaṉa. 41N’agôti yè ômwaṉa g’ôgo, awulinyè inè: Talita kumi, nyi pivya inè: Ôlèngwaṉi, mi bulinyo inè: ṉongwa. 42N’aṉongwi ôlèngwaṉi pelè, agènda, konde avegagi igôm̃i ny’impum̃a n’impum̃’imbaṉi g’ôṉèro wè. N’am̃ami waô pôlô. 43Yesu azômbyi waô pôlô inè, igamba mè ny’amyô n’ôm’edu; n’awulyi yè inè, ômwaṉa e ga vô ezom̃a zi nya.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.