Mark 10
10
1Alubwi Yesu avila vovo, aṽya gô ntye yi Yuda, gô ntye mori yi Yoridan. N’arô bengaṉi aṉaga gôre yè, n’arô pakilyi gô nènja waô, nt’avegagi ntyale yè.
2Aṽyeṉ’ifarisi gôre yè, na gô dembè aṽambyi waô yè twa pa are kwèkwè gôr’ôṉôm̃e gô tômb’ômwantô wè. 3N’awiṉizi yè waô inè: Môsès azômbyi ṉwè sèṉi? 4Awulyi waô inè: Môsès ayiviri ôṉôm̃e gô tènd’ezangô z’itômba, arômb’ômwantô. 5Ndô Yesu awulinyi waô inè: G’ômwanja wi njoliṉi y’irèm̃i yaṉi avenyô ṉwè Môsès ivanga mè. 6Ndô avila gw’ipakilya s’ipangô si ntye, Anyambyè avangi ôṉôm̃e n’ômwantô; 7yeṉo ôṉôm̃e e ga rige reri yè ni ngi yè, ayôngô gôr’ômwantô wè, 8ko waô aṽaṉi dwaṉ’ôzôṉ’ômô. Yeṉo wi zele aṽaṉi nyèṉè, ndô ôzôṉ’ômô. 9Sambô ezom̃a zi re jôngô pa n’Anyambyè z’aṽangunyô n’ôma.
10Gw’avegagi waô gô nagô, iṉèngi yè y’arô bambyi yè g’ômwanja w’igamba mè. 11Awulinyi yè waô inè: Ôm’edu e tômb’ômwantô wè ayômb’ômwèṉè, gambèṉè e dèwa na wi ngaṉi, 12na j’ômwantô adubwa avila gôr’ôṉôm̃u wè, ayômb’ômwèṉè, gambèṉè e dèwa na wi ngaṉi.
13Aṽagi waô awaṉ’arumbe gôre yè, inè, e ga wate waô. Ndô iṉèngi y’alegi mongi w’aṽagi awaṉa. 14Ndô gw’ayeṉi Yesu yeṉo, aṽendi, awulinya waô inè: Yiviraṉi awaṉa gô bya gôre myè, ko alegaṉi waô, konde iṉongo ny’Anyambyè nyi re gôre mongi wi dwaṉa ga waô. 15Rèti mi bulinya ṉwè inè, ôm’edu are awong’iṉongo ny’Anyambyè g’ômwaṉ’erumbe, ayingiṉe du gô nyô. 16N’avari yè waô, azaviṉa waô, ntalyaga waô ago mè.
17Gw’agèndagi Yesu gô mpoṉo aṽyeṉ’ôma ni mangô gôre yè, alôṽiṉè akotolo, aṽambyè inè: Ôṉènji ômbya, mi ga lende ande gô niv’em̃èṉo z’egômbe zôdu? 18Awulinyô yè ne Yesu inè: Ntiṉa nde yi fweyo myè ômbya? E zel’ôm’ombya kaô ôm̃ori, ayè ne Anyambyè. 19W’avôrô ampanga: alèwa na wi ngaṉi; ayôṉa; ayufa; aṽèrinya; avita; lube reri yo ni ngi yo. 20Awiṉizè yè inè: Ôṉènji agamba miṉo môdu my’are mô penjavenja pa avila gw’erumbe zam̃. 21Avônô yè ne Yesu, arondè, awulinyè inè: Atigaṉi gôre wè igamb’im̃ori; gènda, ko kôle yom̃a yôdu yi re na wè, ko wè pa yô gôr’agèlè, gambèṉè ô be dwaṉa n’igumba g’ôrôṽa. Avila vovo ko bya, azônga myè. 22Ndô arweṉi gèṽagèṽa n’igamba mè, agèndaga n’ekèṽa; konde avegagi n’igumb’inyenge. 23N’avôni Yesu vingôvingô, awuliny’iṉèngi yè inè: Ijola nde gôre waô wi re n’igumb’inyenge gô jingiṉa gw’iṉongo ny’Anyambyè! 24Am̃am’iṉèngi agamba mi Yesu. Ndô Yesu awiṉizi awulinya waô inè: Awam̃, ijola nde gôre waô wi bekely’igumba, gô jingiṉa gw’iṉongo ny’Anyambyè! 25Are dèla gôre kamèli gô sôlya gw’igola nyi ntômbô, vyagaṉô na gôr’eṉam̃i gô jingiṉa gw’iṉongo ny’Anyambyè. 26N’arô mam’iṉèngi pôlômè, awulyaṉi waô inè: Sambô mande be jolye sungiṉô? 27N’avônô waô ne Yesu, awulya inè: Igamba nyiṉo gôr’aṉaga ny’ayolyô, ndô aranga gôr’Anyambyè; konde isam̃u yôdu ko jolyô n’Anyambyè.
28Avakilyi Pyère gô bulinyè inè: Vôna, azw’are tiga pe yom̃a yôdu, ko zwè sôngo. 29N’awiṉizi Yesu inè: Rèti, mi bulinya ṉwè inè: e zel’ôma re tiga pe nagô yè, ge awareri yè aṉôm̃e, ge yombi yè, ge reri yè, ge ngi yè, ge awaṉi wè, ge intyagi sè, g’ômwanji wam̃ na g’ômwanja wi ntyangô mbya, 30are awonge nkam̃a y’inyongo vèṉo gw’egômbe ziṉo, inagô, n’awarerè aṉôm̃e, ni yombi, n’ingwè, n’awaṉa, n’intyaga, n’ikombizô ta, na gô ntye yi bya, em̃èṉo za koṉako. 31Awenge wi re dônga pa wi be dwaṉ’aṉum̃uṉa, n’aṉum̃uṉa wi be dônga.
32Avegagi waô gô mpoṉo mpandaga gô Yerusalèm, ndô Yesu agèndagi gô bôsô yaô. N’am̃am’iṉèngi, azôngè n’itya. N’arô bongi Yesu igôm̃i n’aṽaṉi, avakilya gô bulinya waô isam̃u yi be twa gôre yè inè: 33Vônaṉi azwè panda gô Yerusalèm, n’Ômwaṉa w’ôma e be pô gôr’imiṉisè impôlô na gôr’irèndisi. Waô wi be pè ôgara gô juwa, avè gôre mongi wi ntye, 34ko waô sèlyè, aziṽè, arônyè igwaṉa, ayôṉè; ni ntyugu ntyarô pyagaṉa pa e be tôngwa.
35Aṽyeṉi Yakobu ni Yôan, awaṉa wi Zebeday, gôre Yesu, awulinyè inè: Ôṉènji, azwè ko tonda nè, lendiṉa zwè ôsam̃u wi be bambya zwè wè. 36N’awulinyi yè waô inè: Aṉwè bela myè dendiṉa ṉwè ande? 37Awulinyi waô yè inè: Va zwè inè, gô be dwaṉo gw’ivendi nyo, azwè ga lwaṉe baru, ôm̃ori g’ôgo wo ôṉôm̃yè, n’ôm̃ori g’ôgo wo ônyantwè. 38Awiṉizô waô ne Yesu inè: Aṉwè pa mya ôsam̃u wi bambyô ṉwè. Aṉwè ko jolye jong’imogi nyi jongô myè, ge batizô n’ibatiza si be batizô myè? N’awulyi waô inè: Azwè ko jolya. 39N’awiṉizô waô ne Yesu inè: Rèti aṉwè be jong’imogi nyi jongô myè, aṽatizô n’ibatiza si be batizô myè; 40ndô gô dwaṉa baru g’ôgo wam̃ ôṉôm̃yè ge g’ôgo wam̃ ônyantwè, arang’iyam̃ gô pa, ndô yi be pô gôre waô w’arangiṉô yô. 41Gw’ayogyô igôm̃i yeṉo, w’avakilyi gô bendiṉe Yakobu ni Yôan. 42N’aweyô waô ne Yesu gôre yè, awulinya waô inè: Aṉw’avôrô inè, waô wi tangô inè, wi pangiṉ’aṉongo, wi pangiṉa mô ni ngulu, n’ampendi maô mi bong’inyanga gôre waô. 43Ndô e zele yeṉo gôre ṉwè. Ndô ôm’edu e bele dwaṉ’ômpôlô gôre ṉwè e be dwaṉe nyôngô yaṉi; 44n’ôm’edu e bele dwaṉ’ôlônga gôre ṉwè, e be dwaṉ’ôsaka wa waôdu. 45Konde Ômwaṉa w’ôma are bya pa aranga gô janjiṉô, ndô gô janjiṉa na gô p’em̃èṉo zè ôraṽô gôr’awenge.
46Aṽyeṉi waô gô Yerikô. Na gw’alubwi Yesu avila gô Yerikô, ayè n’iṉèngi yè ni nkumba mpôlô y’aṉaga, Bartime y’ipoku, y’ômwaṉa wi Time, avegagi baru gô mpoṉo nègiraga. 47Gw’ayogyô yè inè, ayè ne Yesu yi Nazarèt, avakilyi gô bôgiṉa inè: Yesu, y’ômwaṉa wi David, vôgiṉa myè! 48N’alegyô yè n’awenge inè, e ga lwaṉe dodo; ndô awôgiṉi pôlô vyagaṉô inè: awè Ômwaṉa wi David, vôgiṉa myè! 49Agum̃aṉi Yesu gôre, awulya inè: weyaṉi yè. N’aweyi waô ipoku, awulinyè inè: Zindy’ôrèm̃a, gum̃aṉa, e fweyo. 50Awal’ipoku ngoy yè, agum̃aṉa, aṽya gôre Yesu. 51N’awiṉizi Yesu awulinyè inè: Ô bela nè, mi ga lendiṉe wè ande? Awiṉizô yè n’ipoku inè: Reri yam̃, mi ga yeṉe zange. 52Awulinyô yè ne Yesu inè: Gèndaga, ibekelyi so si re wè sungiṉa pa. N’ayeṉi yè pelè, azônge Yesu gô mpoṉo.
നിലവിൽ തിരഞ്ഞെടുത്തിരിക്കുന്നു:
Mark 10: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Mark 10
10
1Alubwi Yesu avila vovo, aṽya gô ntye yi Yuda, gô ntye mori yi Yoridan. N’arô bengaṉi aṉaga gôre yè, n’arô pakilyi gô nènja waô, nt’avegagi ntyale yè.
2Aṽyeṉ’ifarisi gôre yè, na gô dembè aṽambyi waô yè twa pa are kwèkwè gôr’ôṉôm̃e gô tômb’ômwantô wè. 3N’awiṉizi yè waô inè: Môsès azômbyi ṉwè sèṉi? 4Awulyi waô inè: Môsès ayiviri ôṉôm̃e gô tènd’ezangô z’itômba, arômb’ômwantô. 5Ndô Yesu awulinyi waô inè: G’ômwanja wi njoliṉi y’irèm̃i yaṉi avenyô ṉwè Môsès ivanga mè. 6Ndô avila gw’ipakilya s’ipangô si ntye, Anyambyè avangi ôṉôm̃e n’ômwantô; 7yeṉo ôṉôm̃e e ga rige reri yè ni ngi yè, ayôngô gôr’ômwantô wè, 8ko waô aṽaṉi dwaṉ’ôzôṉ’ômô. Yeṉo wi zele aṽaṉi nyèṉè, ndô ôzôṉ’ômô. 9Sambô ezom̃a zi re jôngô pa n’Anyambyè z’aṽangunyô n’ôma.
10Gw’avegagi waô gô nagô, iṉèngi yè y’arô bambyi yè g’ômwanja w’igamba mè. 11Awulinyi yè waô inè: Ôm’edu e tômb’ômwantô wè ayômb’ômwèṉè, gambèṉè e dèwa na wi ngaṉi, 12na j’ômwantô adubwa avila gôr’ôṉôm̃u wè, ayômb’ômwèṉè, gambèṉè e dèwa na wi ngaṉi.
13Aṽagi waô awaṉ’arumbe gôre yè, inè, e ga wate waô. Ndô iṉèngi y’alegi mongi w’aṽagi awaṉa. 14Ndô gw’ayeṉi Yesu yeṉo, aṽendi, awulinya waô inè: Yiviraṉi awaṉa gô bya gôre myè, ko alegaṉi waô, konde iṉongo ny’Anyambyè nyi re gôre mongi wi dwaṉa ga waô. 15Rèti mi bulinya ṉwè inè, ôm’edu are awong’iṉongo ny’Anyambyè g’ômwaṉ’erumbe, ayingiṉe du gô nyô. 16N’avari yè waô, azaviṉa waô, ntalyaga waô ago mè.
17Gw’agèndagi Yesu gô mpoṉo aṽyeṉ’ôma ni mangô gôre yè, alôṽiṉè akotolo, aṽambyè inè: Ôṉènji ômbya, mi ga lende ande gô niv’em̃èṉo z’egômbe zôdu? 18Awulinyô yè ne Yesu inè: Ntiṉa nde yi fweyo myè ômbya? E zel’ôm’ombya kaô ôm̃ori, ayè ne Anyambyè. 19W’avôrô ampanga: alèwa na wi ngaṉi; ayôṉa; ayufa; aṽèrinya; avita; lube reri yo ni ngi yo. 20Awiṉizè yè inè: Ôṉènji agamba miṉo môdu my’are mô penjavenja pa avila gw’erumbe zam̃. 21Avônô yè ne Yesu, arondè, awulinyè inè: Atigaṉi gôre wè igamb’im̃ori; gènda, ko kôle yom̃a yôdu yi re na wè, ko wè pa yô gôr’agèlè, gambèṉè ô be dwaṉa n’igumba g’ôrôṽa. Avila vovo ko bya, azônga myè. 22Ndô arweṉi gèṽagèṽa n’igamba mè, agèndaga n’ekèṽa; konde avegagi n’igumb’inyenge. 23N’avôni Yesu vingôvingô, awuliny’iṉèngi yè inè: Ijola nde gôre waô wi re n’igumb’inyenge gô jingiṉa gw’iṉongo ny’Anyambyè! 24Am̃am’iṉèngi agamba mi Yesu. Ndô Yesu awiṉizi awulinya waô inè: Awam̃, ijola nde gôre waô wi bekely’igumba, gô jingiṉa gw’iṉongo ny’Anyambyè! 25Are dèla gôre kamèli gô sôlya gw’igola nyi ntômbô, vyagaṉô na gôr’eṉam̃i gô jingiṉa gw’iṉongo ny’Anyambyè. 26N’arô mam’iṉèngi pôlômè, awulyaṉi waô inè: Sambô mande be jolye sungiṉô? 27N’avônô waô ne Yesu, awulya inè: Igamba nyiṉo gôr’aṉaga ny’ayolyô, ndô aranga gôr’Anyambyè; konde isam̃u yôdu ko jolyô n’Anyambyè.
28Avakilyi Pyère gô bulinyè inè: Vôna, azw’are tiga pe yom̃a yôdu, ko zwè sôngo. 29N’awiṉizi Yesu inè: Rèti, mi bulinya ṉwè inè: e zel’ôma re tiga pe nagô yè, ge awareri yè aṉôm̃e, ge yombi yè, ge reri yè, ge ngi yè, ge awaṉi wè, ge intyagi sè, g’ômwanji wam̃ na g’ômwanja wi ntyangô mbya, 30are awonge nkam̃a y’inyongo vèṉo gw’egômbe ziṉo, inagô, n’awarerè aṉôm̃e, ni yombi, n’ingwè, n’awaṉa, n’intyaga, n’ikombizô ta, na gô ntye yi bya, em̃èṉo za koṉako. 31Awenge wi re dônga pa wi be dwaṉ’aṉum̃uṉa, n’aṉum̃uṉa wi be dônga.
32Avegagi waô gô mpoṉo mpandaga gô Yerusalèm, ndô Yesu agèndagi gô bôsô yaô. N’am̃am’iṉèngi, azôngè n’itya. N’arô bongi Yesu igôm̃i n’aṽaṉi, avakilya gô bulinya waô isam̃u yi be twa gôre yè inè: 33Vônaṉi azwè panda gô Yerusalèm, n’Ômwaṉa w’ôma e be pô gôr’imiṉisè impôlô na gôr’irèndisi. Waô wi be pè ôgara gô juwa, avè gôre mongi wi ntye, 34ko waô sèlyè, aziṽè, arônyè igwaṉa, ayôṉè; ni ntyugu ntyarô pyagaṉa pa e be tôngwa.
35Aṽyeṉi Yakobu ni Yôan, awaṉa wi Zebeday, gôre Yesu, awulinyè inè: Ôṉènji, azwè ko tonda nè, lendiṉa zwè ôsam̃u wi be bambya zwè wè. 36N’awulinyi yè waô inè: Aṉwè bela myè dendiṉa ṉwè ande? 37Awulinyi waô yè inè: Va zwè inè, gô be dwaṉo gw’ivendi nyo, azwè ga lwaṉe baru, ôm̃ori g’ôgo wo ôṉôm̃yè, n’ôm̃ori g’ôgo wo ônyantwè. 38Awiṉizô waô ne Yesu inè: Aṉwè pa mya ôsam̃u wi bambyô ṉwè. Aṉwè ko jolye jong’imogi nyi jongô myè, ge batizô n’ibatiza si be batizô myè? N’awulyi waô inè: Azwè ko jolya. 39N’awiṉizô waô ne Yesu inè: Rèti aṉwè be jong’imogi nyi jongô myè, aṽatizô n’ibatiza si be batizô myè; 40ndô gô dwaṉa baru g’ôgo wam̃ ôṉôm̃yè ge g’ôgo wam̃ ônyantwè, arang’iyam̃ gô pa, ndô yi be pô gôre waô w’arangiṉô yô. 41Gw’ayogyô igôm̃i yeṉo, w’avakilyi gô bendiṉe Yakobu ni Yôan. 42N’aweyô waô ne Yesu gôre yè, awulinya waô inè: Aṉw’avôrô inè, waô wi tangô inè, wi pangiṉ’aṉongo, wi pangiṉa mô ni ngulu, n’ampendi maô mi bong’inyanga gôre waô. 43Ndô e zele yeṉo gôre ṉwè. Ndô ôm’edu e bele dwaṉ’ômpôlô gôre ṉwè e be dwaṉe nyôngô yaṉi; 44n’ôm’edu e bele dwaṉ’ôlônga gôre ṉwè, e be dwaṉ’ôsaka wa waôdu. 45Konde Ômwaṉa w’ôma are bya pa aranga gô janjiṉô, ndô gô janjiṉa na gô p’em̃èṉo zè ôraṽô gôr’awenge.
46Aṽyeṉi waô gô Yerikô. Na gw’alubwi Yesu avila gô Yerikô, ayè n’iṉèngi yè ni nkumba mpôlô y’aṉaga, Bartime y’ipoku, y’ômwaṉa wi Time, avegagi baru gô mpoṉo nègiraga. 47Gw’ayogyô yè inè, ayè ne Yesu yi Nazarèt, avakilyi gô bôgiṉa inè: Yesu, y’ômwaṉa wi David, vôgiṉa myè! 48N’alegyô yè n’awenge inè, e ga lwaṉe dodo; ndô awôgiṉi pôlô vyagaṉô inè: awè Ômwaṉa wi David, vôgiṉa myè! 49Agum̃aṉi Yesu gôre, awulya inè: weyaṉi yè. N’aweyi waô ipoku, awulinyè inè: Zindy’ôrèm̃a, gum̃aṉa, e fweyo. 50Awal’ipoku ngoy yè, agum̃aṉa, aṽya gôre Yesu. 51N’awiṉizi Yesu awulinyè inè: Ô bela nè, mi ga lendiṉe wè ande? Awiṉizô yè n’ipoku inè: Reri yam̃, mi ga yeṉe zange. 52Awulinyô yè ne Yesu inè: Gèndaga, ibekelyi so si re wè sungiṉa pa. N’ayeṉi yè pelè, azônge Yesu gô mpoṉo.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.