Matay 9
9
1Agweṉi Yesu gw’elende, alalya, agènda gô nkali yèmè. 2Na vôna, w’aṽagi gôre yè ôma w’avegagi juwa p’ awogo, bi g’ôdô. Na gw’ayeṉi Yesu ibekelyi saô, awuliny’ôma w’ayuwi a wogo inè: ’Mwam̃, zindy’ ôrèm̃a, ibe so s’anyezyô wè. 3Vovo awuly’irèndisi imyèwo gw’irèm̃i yaô inè: Ôma wino e pèdy’Anyambyè. 4Na gw’amyeṉi Yesu ipikilyi saô, awulyi nè: Ntiṉa nde yi pikilya ṉwè ibe gw’irèm̃i yaṉi? 5Konde ezom̃a nde zi re dèla vyagaṉô, gô bulya inè: Ibe so s’anyezyô wè, mbè gô bulya inè: Ṉongwa, ko kènda? 6Ndô gôre ṉwè gô mya inè, ômwaṉa w’ôma are ni ngulu gô ntye gô nyez’ibe, vovo awulinyè ôma re juwa p’awogo inè: Ṉongwa, rômbiṉ’ôdô wo, ko kènda gô nagô yo. 7N’aṉongwi yè, agènda gô nagô yèmè. 8Na gw’ayeṉ’aṉaga yeṉo, w’aryeṉi, azum̃iny’Anyambyè, aveṉi aṉaga ngulu ôṉongo mè.
9Gw’avyagaṉi Yesu avila vovo, ayeṉ’ôma baru gô nagô yi bongô mpagô, ini nyè ne Matay. N’awulinyè yè inè: Zônga myè. N’agum̃aṉi ôma mè azôngè.
10Arweṉi gw’avegagi Yesu gw’inya gô nagô, vôna, ipublikan sinyenge n’aṉag’aṽe awenge w’aṽyeṉi alwaṉa baru ni Yesu n’iṉèngi yè gw’inya. 11Gw’ayeṉ’ifarisi yeṉo, w’awuliny’iṉèngi yè inè: Ntiṉa nde yi nye Reri yaṉi n’ipublikan n’aṉag’ aṽe? 12Ndô gw’ayogyô Yesu igamba, awulyi nè: Mongi wi re mbyambye wi zele n’isolo ny’ôganga, ndô kaô mongi wi jogw’inkaṉi. 13Gèndagaṉi, ko nèngaṉi nte pivya igamba nyiṉo inè: Mi bele nkèngo, n’arang’intyagô. Konde mi re bye gô fwey’aṉag’aṽya ndô aṉag’aṽe.
14Vovo aṽyeṉ’iṉèngi yi Yôan gôre Yesu, awulya inè: Ntiṉa nde yi re nè, azwè n’ifarisi azw’are mpengag’ esônge, ndô iṉèngi yo yi re penga du? 15N’awiṉizô waô ne Yesu inè: Indegô s’ôṉôm̃e wi jômba sô ko deṉa gô p’are ôṉôm̃e wi jômba na waô? Ndô intyugu si be bya si be bong’ ôṉôm̃e wi jômba avila gôre waô, gambèṉè wi be peng’esônge. 16E zel’ôma wi fwel’engala z’ôṉamb’ômwoṉa gô ngoy nungu, konde engala mè zi be susume ngoy, ko ijôkwa penda. 17Aṉaga kè wi pa jir’iv’inyoṉa gw’imbute inungu si banda: ja yeṉo, gambèṉè imbute si tuwa, ko ivè jiraṉa, ko imbute bundakaṉa; ndô wi jir’iv’inyoṉa gw’imbut’inyoṉa si banda, ko yô ṽaṉi penjavenjô.
18Gw’awulinyagi yè waô agamba miṉo, vôna, aṽyeṉi ôvangiṉi, alèmbya g’ôzô wè, awulya inè: Ômwaṉi wam̃ ômwantô ajuwa gô tètèvèṉo, ndô yôgô gô talyè ago mo, ko yè tôla. 19N’agum̃aṉi Yesu, azôngè, n’iṉèngi kè y’agèndi na yè.
20Na vôna, ômwantô avegagi n’ijiraṉa si ntyiṉa vo igôm̃i ny’impum̃a n’impum̃’imbaṉi, aṽyeṉi gô nyum̃i yè awat’ ôgômbiṉô wi ngoy yè. 21Konde awulyi g’ôrèm̃i wè inè: Ja my’abwata vangaṉe ngoy yè, gambèṉè mi be tôla. 22N’agegwi Yesu ayeṉè, awulya inè: ’Mwam̃, zindy’ôrèm̃a, ibekelyi so s’atôlizi wè. N’arôli ômwantô mè gw’igwèra mènyoṉo.
23Na gw’aṽyeṉi Yesu gô nagô y’ôvangiṉi, ayeṉi mongi wi bôl’abeka, n’aṉaga ntôngaga, 24n’awulinyi yè waô inè: Veryaṉi myè; konde ômwaṉa e pa juwa, ndô e dèwa. 25Ndô gw’agogunyô aṉaga, ayingiṉi yè, agôt’ôgo w’ômwaṉa, n’aṉongwi ômwaṉa. 26N’ayagayagi elum̃i ziṉo gô ntye mèyo yôdu.
27Gw’avyagaṉi Yesu avila vovo, azôngyô ne apoku ambaṉi, m’arôngagi awulya inè: Vôgiṉa zwè, awè ômwaṉa wi David. 28Na gw’ayingiṉi yè gô nagô, apoku m’aṽyeṉi gôre yè; n’awulinyô waô ne Yesu inè: Aṉwè bekelya inè, myè ko jolye dende ndaga yiṉo? Ayiviri waô yè inè: Èñ, Rera. 29Vovo awati yè antyo maô, awulya inè: Ga lwaṉe gôre ṉwè ga nt’ar’ibekelyi saṉi. 30N’aṉungwi antyo maô. N’azômbyô waô ne Yesu inè: Ṽandam̃iṉaṉi amy’ôma igamba nyiṉo. 31Ndô gw’agogwi waô w’ayagayagi elum̃i zè gô ntye mèye yôdu.
32Gw’agèndi waô, vôna, w’aṽagi gôre Yesu im̃am̃u ny’avegagi n’iṉiṉ’iṽe. 33Na gw’arômbyô iṉiṉ’iṽe, im̃am̃u ny’agambi. N’ am̃ami aṉaga, awulya inè: Pa jeṉô yeṉo ni mori gw’Israèl. 34Ndô ifarisi s’awulyi nè: E tômb’aṉiṉ’ambe vo ôvangiṉi w’aṉiṉ’ambe.
35Agangaṉagi Yesu gw’inkal’ impôlô sôdu n’inyangô kè, nènjaga gw’inagô si soṉo, agambiṉe ntyangô mbya y’iṉongo ayinge nkany’edu ni ndèliny’edu.
36Ndô gw’ayeṉi yè aṉaga, avôgiṉi waô, konde w’ayeṉagi njuke avazangaṉa g’adombè mi r’ôvenjavenji fo. 37Vovo awulinyi yè iṉèngi yè inè: Inya si re rèti ijenge gô ntyaga, ndô mongi wi janja wi r’awèwo. 38Sambô gwenaṉi ôṉivi w’inya inkolo inè, e ga rôm̃e mongi wi janja gô ntyagi yè.
നിലവിൽ തിരഞ്ഞെടുത്തിരിക്കുന്നു:
Matay 9: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Matay 9
9
1Agweṉi Yesu gw’elende, alalya, agènda gô nkali yèmè. 2Na vôna, w’aṽagi gôre yè ôma w’avegagi juwa p’ awogo, bi g’ôdô. Na gw’ayeṉi Yesu ibekelyi saô, awuliny’ôma w’ayuwi a wogo inè: ’Mwam̃, zindy’ ôrèm̃a, ibe so s’anyezyô wè. 3Vovo awuly’irèndisi imyèwo gw’irèm̃i yaô inè: Ôma wino e pèdy’Anyambyè. 4Na gw’amyeṉi Yesu ipikilyi saô, awulyi nè: Ntiṉa nde yi pikilya ṉwè ibe gw’irèm̃i yaṉi? 5Konde ezom̃a nde zi re dèla vyagaṉô, gô bulya inè: Ibe so s’anyezyô wè, mbè gô bulya inè: Ṉongwa, ko kènda? 6Ndô gôre ṉwè gô mya inè, ômwaṉa w’ôma are ni ngulu gô ntye gô nyez’ibe, vovo awulinyè ôma re juwa p’awogo inè: Ṉongwa, rômbiṉ’ôdô wo, ko kènda gô nagô yo. 7N’aṉongwi yè, agènda gô nagô yèmè. 8Na gw’ayeṉ’aṉaga yeṉo, w’aryeṉi, azum̃iny’Anyambyè, aveṉi aṉaga ngulu ôṉongo mè.
9Gw’avyagaṉi Yesu avila vovo, ayeṉ’ôma baru gô nagô yi bongô mpagô, ini nyè ne Matay. N’awulinyè yè inè: Zônga myè. N’agum̃aṉi ôma mè azôngè.
10Arweṉi gw’avegagi Yesu gw’inya gô nagô, vôna, ipublikan sinyenge n’aṉag’aṽe awenge w’aṽyeṉi alwaṉa baru ni Yesu n’iṉèngi yè gw’inya. 11Gw’ayeṉ’ifarisi yeṉo, w’awuliny’iṉèngi yè inè: Ntiṉa nde yi nye Reri yaṉi n’ipublikan n’aṉag’ aṽe? 12Ndô gw’ayogyô Yesu igamba, awulyi nè: Mongi wi re mbyambye wi zele n’isolo ny’ôganga, ndô kaô mongi wi jogw’inkaṉi. 13Gèndagaṉi, ko nèngaṉi nte pivya igamba nyiṉo inè: Mi bele nkèngo, n’arang’intyagô. Konde mi re bye gô fwey’aṉag’aṽya ndô aṉag’aṽe.
14Vovo aṽyeṉ’iṉèngi yi Yôan gôre Yesu, awulya inè: Ntiṉa nde yi re nè, azwè n’ifarisi azw’are mpengag’ esônge, ndô iṉèngi yo yi re penga du? 15N’awiṉizô waô ne Yesu inè: Indegô s’ôṉôm̃e wi jômba sô ko deṉa gô p’are ôṉôm̃e wi jômba na waô? Ndô intyugu si be bya si be bong’ ôṉôm̃e wi jômba avila gôre waô, gambèṉè wi be peng’esônge. 16E zel’ôma wi fwel’engala z’ôṉamb’ômwoṉa gô ngoy nungu, konde engala mè zi be susume ngoy, ko ijôkwa penda. 17Aṉaga kè wi pa jir’iv’inyoṉa gw’imbute inungu si banda: ja yeṉo, gambèṉè imbute si tuwa, ko ivè jiraṉa, ko imbute bundakaṉa; ndô wi jir’iv’inyoṉa gw’imbut’inyoṉa si banda, ko yô ṽaṉi penjavenjô.
18Gw’awulinyagi yè waô agamba miṉo, vôna, aṽyeṉi ôvangiṉi, alèmbya g’ôzô wè, awulya inè: Ômwaṉi wam̃ ômwantô ajuwa gô tètèvèṉo, ndô yôgô gô talyè ago mo, ko yè tôla. 19N’agum̃aṉi Yesu, azôngè, n’iṉèngi kè y’agèndi na yè.
20Na vôna, ômwantô avegagi n’ijiraṉa si ntyiṉa vo igôm̃i ny’impum̃a n’impum̃’imbaṉi, aṽyeṉi gô nyum̃i yè awat’ ôgômbiṉô wi ngoy yè. 21Konde awulyi g’ôrèm̃i wè inè: Ja my’abwata vangaṉe ngoy yè, gambèṉè mi be tôla. 22N’agegwi Yesu ayeṉè, awulya inè: ’Mwam̃, zindy’ôrèm̃a, ibekelyi so s’atôlizi wè. N’arôli ômwantô mè gw’igwèra mènyoṉo.
23Na gw’aṽyeṉi Yesu gô nagô y’ôvangiṉi, ayeṉi mongi wi bôl’abeka, n’aṉaga ntôngaga, 24n’awulinyi yè waô inè: Veryaṉi myè; konde ômwaṉa e pa juwa, ndô e dèwa. 25Ndô gw’agogunyô aṉaga, ayingiṉi yè, agôt’ôgo w’ômwaṉa, n’aṉongwi ômwaṉa. 26N’ayagayagi elum̃i ziṉo gô ntye mèyo yôdu.
27Gw’avyagaṉi Yesu avila vovo, azôngyô ne apoku ambaṉi, m’arôngagi awulya inè: Vôgiṉa zwè, awè ômwaṉa wi David. 28Na gw’ayingiṉi yè gô nagô, apoku m’aṽyeṉi gôre yè; n’awulinyô waô ne Yesu inè: Aṉwè bekelya inè, myè ko jolye dende ndaga yiṉo? Ayiviri waô yè inè: Èñ, Rera. 29Vovo awati yè antyo maô, awulya inè: Ga lwaṉe gôre ṉwè ga nt’ar’ibekelyi saṉi. 30N’aṉungwi antyo maô. N’azômbyô waô ne Yesu inè: Ṽandam̃iṉaṉi amy’ôma igamba nyiṉo. 31Ndô gw’agogwi waô w’ayagayagi elum̃i zè gô ntye mèye yôdu.
32Gw’agèndi waô, vôna, w’aṽagi gôre Yesu im̃am̃u ny’avegagi n’iṉiṉ’iṽe. 33Na gw’arômbyô iṉiṉ’iṽe, im̃am̃u ny’agambi. N’ am̃ami aṉaga, awulya inè: Pa jeṉô yeṉo ni mori gw’Israèl. 34Ndô ifarisi s’awulyi nè: E tômb’aṉiṉ’ambe vo ôvangiṉi w’aṉiṉ’ambe.
35Agangaṉagi Yesu gw’inkal’ impôlô sôdu n’inyangô kè, nènjaga gw’inagô si soṉo, agambiṉe ntyangô mbya y’iṉongo ayinge nkany’edu ni ndèliny’edu.
36Ndô gw’ayeṉi yè aṉaga, avôgiṉi waô, konde w’ayeṉagi njuke avazangaṉa g’adombè mi r’ôvenjavenji fo. 37Vovo awulinyi yè iṉèngi yè inè: Inya si re rèti ijenge gô ntyaga, ndô mongi wi janja wi r’awèwo. 38Sambô gwenaṉi ôṉivi w’inya inkolo inè, e ga rôm̃e mongi wi janja gô ntyagi yè.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.