Matay 7
7
1Ayèkèlyaṉi, gambèṉè aṉw’ayèkèlyô. 2Konde ôyèkèlyô wi jèkèlya ṉwè am̃ori, wô be jèkèlyô ṉwè, n’egèṉizô zi kèṉizô ṉwè gôr’am̃ori, zô be kèṉizô gôre ṉwè. 3Ntiṉa nde yi pôno nkizi yi re gw’intyo nya mwô’ngi yo, ko w’avikily’ ôkoga wi re gw’intyo nyomè? 4Ge awè ko bulinya mwô’ngi yo inè: Ndare mi tômbare nkizi yi re gw’intyo, na vôna, ô re n’ôkoga gw’intyo nyomè? 5Awè ômbyagwaṉa, lônge tômb’ôkoga avila gw’intyo nyo, gambèṉè ô be jeṉa zange gô tômbe nkizi avila gw’ intyo nya mwô’ngi yo.
6Avaṉ’imbwa yom̃a y’ôrunda, awalaṉi kè adô maṉi ambya gw’azô m’ingôwa, si vende jara mô n’intyôzô saô, arô fwinya awonja ṉwè.
7Ṽambyaṉi, gambèṉè aṉw’apô; wutaṉi, gambèṉè aṉw’adènga; lôkaṉi, gambèṉè ny’ aṉunguṉô ṉwè. 8Konde ôm’edu e bambya e bonga, n’ayè yi buta e dènga, na gôre yè yi dôka nyi be nunguṉô. 9Ôma me mande gôre ṉwè are jog’ômwaṉi wè abambyè mpèmba, ko yè pè idô? 10Ge ja abambyè ntyuè ko yè pè ôm̃amba? 11Sambô j’aṉwè aṉag’aṽe aṉw’avôrô gô p’awaṉi waṉi yom̃a ṽya, ko pôrô Reri yaṉi yi re g’ôrôṽa e be pe yom̃a ṽya gôre waô wi bambyè.
12Sambô isam̃u yôdu yi belô ṉwè inè, aṉaga wi ga lendiṉe ṉwè, lendaṉi yô kè gôre waô, konde nyiṉo n’ivanga n’ivogisi kè.
13Yingiṉaṉi g’ômpômbala wa zwa, konde ômpômbala wi r’ômpôlô, ni mpoṉo yi r’ômpuzu wi kènda gw’ijiliza, n’awenge wi jingiṉa gô yô. 14Ndô ômpômbala wi re zwa, ni mpoṉo yi re nyangô yi kènda gw’em̃èṉo, na wa kwè waô dènga yô.
15Gelimaṉi gôr’ivogisi y’môka yi bya gôre ṉwè n’egolaṉi z’adombè, ndô gô gare ntye waô injègo si sasuṉa. 16Aṉwè be mya waô n’ilôndi yaô. Aṉaga wi dule dukatonda avila gw’arèndè, ge ifigi avila gw’ imbara? 17Erery’edu eṽya zi jaṉ’ ilônd’imbya, ndô erer’eṽe zi jaṉ’ilônd’imbe. 18Erer’eṽya z’ayolye jaṉ’ilônd’imbe, erer’eṽe kè z’ayolye jaṉ’ilônd’imbya. 19Erery’edu zi re z’ayaṉ’ ilônd’imbya, zi begô avungô g’ôgôṉi. 20Sambô aṉwè be mya waô n’ilôndi yaô.
21Arang’ôm’edu e bulinya myè inè: Rera, Rera! e be jingiṉa gw’iṉongo ny’ôrôṽa, ndô ayè yi dende ntondiṉi ya Reri yam̃ yi re g’ôrôṽa. 22Awenge wi be bulinya myè gô ntyugu mè inè: Rera, Rera, azwè pa poge n’ini nyo? Azwè pa tômb’aṉiṉ’ambe n’ini nyo? na gw’ini nyo azwè pa dende lemba yenge? 23Gambèṉè mi be bulinya waô buku inè: Mi pa mya ṉwè ni mori, lubwaṉi avila gôre myè, aṉwè yi janj’ibe.
24Sambô ôm’edu e jogw’agamba miṉo mi bulyô myè, alenda mô, e be kolaṉô g’ôma w’ôkeli aṉôgi nagô yè gw’idô. 25N’aṉogi ningô, n’avôv’intônda, n’avèviṉi ômpunga awôle nagô mè, ndô yi re tugwe, konde y’avevagi dôṽyô pa gw’idô. 26Ndô ôm’edu e jogw’agamba miṉo mi bulyô myè, ko alenda mô, e be kolaṉô g’ôma w’ôtem̃u aṉôgi nagô yè g’ôzègè. 27N’aṉogi ningô, n’avôv’intônda, n’avèviṉi ômpunga awôle nagô mè; n’arugwi yô, n’itugwa sa yô s’arweṉi sipôlô.
28N’arweṉi gw’amazi Yesu agamba miṉo, aṉaga w’am̃am’inènji sè; 29konde aṉènjagi waô g’ôma re n’inyanga, n’aranga g’irèndisi.
നിലവിൽ തിരഞ്ഞെടുത്തിരിക്കുന്നു:
Matay 7: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Matay 7
7
1Ayèkèlyaṉi, gambèṉè aṉw’ayèkèlyô. 2Konde ôyèkèlyô wi jèkèlya ṉwè am̃ori, wô be jèkèlyô ṉwè, n’egèṉizô zi kèṉizô ṉwè gôr’am̃ori, zô be kèṉizô gôre ṉwè. 3Ntiṉa nde yi pôno nkizi yi re gw’intyo nya mwô’ngi yo, ko w’avikily’ ôkoga wi re gw’intyo nyomè? 4Ge awè ko bulinya mwô’ngi yo inè: Ndare mi tômbare nkizi yi re gw’intyo, na vôna, ô re n’ôkoga gw’intyo nyomè? 5Awè ômbyagwaṉa, lônge tômb’ôkoga avila gw’intyo nyo, gambèṉè ô be jeṉa zange gô tômbe nkizi avila gw’ intyo nya mwô’ngi yo.
6Avaṉ’imbwa yom̃a y’ôrunda, awalaṉi kè adô maṉi ambya gw’azô m’ingôwa, si vende jara mô n’intyôzô saô, arô fwinya awonja ṉwè.
7Ṽambyaṉi, gambèṉè aṉw’apô; wutaṉi, gambèṉè aṉw’adènga; lôkaṉi, gambèṉè ny’ aṉunguṉô ṉwè. 8Konde ôm’edu e bambya e bonga, n’ayè yi buta e dènga, na gôre yè yi dôka nyi be nunguṉô. 9Ôma me mande gôre ṉwè are jog’ômwaṉi wè abambyè mpèmba, ko yè pè idô? 10Ge ja abambyè ntyuè ko yè pè ôm̃amba? 11Sambô j’aṉwè aṉag’aṽe aṉw’avôrô gô p’awaṉi waṉi yom̃a ṽya, ko pôrô Reri yaṉi yi re g’ôrôṽa e be pe yom̃a ṽya gôre waô wi bambyè.
12Sambô isam̃u yôdu yi belô ṉwè inè, aṉaga wi ga lendiṉe ṉwè, lendaṉi yô kè gôre waô, konde nyiṉo n’ivanga n’ivogisi kè.
13Yingiṉaṉi g’ômpômbala wa zwa, konde ômpômbala wi r’ômpôlô, ni mpoṉo yi r’ômpuzu wi kènda gw’ijiliza, n’awenge wi jingiṉa gô yô. 14Ndô ômpômbala wi re zwa, ni mpoṉo yi re nyangô yi kènda gw’em̃èṉo, na wa kwè waô dènga yô.
15Gelimaṉi gôr’ivogisi y’môka yi bya gôre ṉwè n’egolaṉi z’adombè, ndô gô gare ntye waô injègo si sasuṉa. 16Aṉwè be mya waô n’ilôndi yaô. Aṉaga wi dule dukatonda avila gw’arèndè, ge ifigi avila gw’ imbara? 17Erery’edu eṽya zi jaṉ’ ilônd’imbya, ndô erer’eṽe zi jaṉ’ilônd’imbe. 18Erer’eṽya z’ayolye jaṉ’ilônd’imbe, erer’eṽe kè z’ayolye jaṉ’ilônd’imbya. 19Erery’edu zi re z’ayaṉ’ ilônd’imbya, zi begô avungô g’ôgôṉi. 20Sambô aṉwè be mya waô n’ilôndi yaô.
21Arang’ôm’edu e bulinya myè inè: Rera, Rera! e be jingiṉa gw’iṉongo ny’ôrôṽa, ndô ayè yi dende ntondiṉi ya Reri yam̃ yi re g’ôrôṽa. 22Awenge wi be bulinya myè gô ntyugu mè inè: Rera, Rera, azwè pa poge n’ini nyo? Azwè pa tômb’aṉiṉ’ambe n’ini nyo? na gw’ini nyo azwè pa dende lemba yenge? 23Gambèṉè mi be bulinya waô buku inè: Mi pa mya ṉwè ni mori, lubwaṉi avila gôre myè, aṉwè yi janj’ibe.
24Sambô ôm’edu e jogw’agamba miṉo mi bulyô myè, alenda mô, e be kolaṉô g’ôma w’ôkeli aṉôgi nagô yè gw’idô. 25N’aṉogi ningô, n’avôv’intônda, n’avèviṉi ômpunga awôle nagô mè, ndô yi re tugwe, konde y’avevagi dôṽyô pa gw’idô. 26Ndô ôm’edu e jogw’agamba miṉo mi bulyô myè, ko alenda mô, e be kolaṉô g’ôma w’ôtem̃u aṉôgi nagô yè g’ôzègè. 27N’aṉogi ningô, n’avôv’intônda, n’avèviṉi ômpunga awôle nagô mè; n’arugwi yô, n’itugwa sa yô s’arweṉi sipôlô.
28N’arweṉi gw’amazi Yesu agamba miṉo, aṉaga w’am̃am’inènji sè; 29konde aṉènjagi waô g’ôma re n’inyanga, n’aranga g’irèndisi.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.