Matay 14
14
1Gw’egômbe mèzoṉo ayogyô Erod yi Tetrark elum̃i zi Yesu. 2N’awulinyi yè inyôngô sè inè: Wiṉo ne Yôan‐Batist! Atôngwi avil gw’ijuwa; yeṉ lemba yiṉo yi dendô yè.
3Konde Erod aliwô akôti Yôan, agôrè, awelè gô ntyôgô g’ômwanja w’Erôdyas, y’ômwantô wi Filipi, ya mwô’ngi yè, 4konde Yôan awulinyi yè inè, e zele kwèkwè gô jômbè. 5N’aṽelagi yè gô jôṉè, ndô aryeṉ’aṉaga, konde w’awongi Yôan g’ôvogisi. 6Ndô gw’arweṉi ôgeṽe wi ntyugu y’ayanyô Erod, ’mwamwantô w’Erôdyas, ayiṉagi gô garegare yaô, arondye Erod; 7yeṉo arangiṉi yè n’ôrangô gô pè ezom̃’edu zi be bambyè yè. 8N’ayè soryô pa ne ngi yè, awulyi nè: Va myè vèṉo ewônjô zi Yôan‐Batist gw’epèlè. 9Ôga ayeṉ’ekèṽa, ndô g’ômwanja w’irangô yè na g’ômwanja wa waô w’avegagi baru na yè, azômbyi nè, zi ga vô yè, 10n’arôm̃i yè, areṉe Yôan ômpele gô nagô yi ntyôgô. 11N’aṽagyô ewônjô zè gw’epèlè avô gôr’ômwaṉ’ômwantô, n’arwaṉi yè zô gôre ngi yè. 12N’aṽyeṉ’iṉèngi yi Yôan gô bong’ebende gô bèṉa zô. N’agèndi waô gô myeze Yesu.
13Gw’ayogyô Yesu ntyangô yiṉo alubwi avila vovo n’elende, agènda gô mbôra y’ôrôve waô anka; na gw’amyeṉi aṉaga yeṉo, w’azôngi yè ni ntye avila gw’inkala. 14Na gw’aralwi yè ayeṉ’aṉag’awenge, n’avôgiṉi yè waô aying’inkaṉi saô.
15Nkôlô, aṽyeṉ’iṉèngi yè gôre yè, awulya inè: Yiṉo mbôra y’ôrôve, n’ôwenja w’ajili; wiṉiz’aṉaga, ko waô kènda gw’inkala, agôl’inyi saômè. 16Ndô Yesu awulinyi waô inè: Wi zele n’isolo nyi kènda; vaṉi waô inya aṉwèmè. 17Ndô w’awulinyi yè inè: Azwè aze n’inya vèṉo, kaô amunga mi mpèmba ataṉè, n’intyuè mbaṉi. 18N’awulyi yè inè: Ṽagaṉi sô guṉu gôre myè. 19N’alwaṉizi yè aṉaga baru gw’am̃aṉi, n’awongi yè amunga mi mpèmba ataṉè n’intyuè mbaṉi, avôna g’ôrôṽa, av’akeṽa. Avila vovo am̃oguṉi yè mpèmba, ava yô gôr’iṉèngi, n’agerizi waô yô gôr’aṉaga. 20N’anyeṉi waôdu, ayôra, n’agum̃inyi waô nkizi y’arigaṉi, igôm̃i ny’itôndô n’itôndô imbaṉi ralye. 21Na waô w’anyeṉi w’avegagi pyèrè n’intozèny s’aṉôm̃e ôtaṉè, tômbare pa antô n’awaṉa.
22Azômbyi yè iṉèngi yè gô kweṉa pelè gw’ elende, alalya gô bôsô yè gô ntye mori, gô be fwiṉizè aṉaga. 23Ayè fwiṉiza p’aṉaga, avandi gô nômba gô kambiṉa ayè anka; na gw’ayili ôwenja avegagi gôgô ayè dadyè.
24Ndô elende z’aliwô z’atweṉi gô mbegare y’eliṽa, mbôlangaṉaga n’ikeṽa, konde ômpunga w’avegagi apekwa na waô. 25Ayenjiṉa, aṽyeṉi Yesu gôre waô, njaraga gw’eliṽa. 26Na gw’ayenyô yè n’iṉèngi e jar’eliṽa, w’ayègèryi, awulya inè: Nyiṉo ibambô! N’awôgiṉi waô n’itya. 27Ndô Yesu azunge kambi na waô awulya inè: Zindyaṉ’irèm̃a, ne myè, aryaṉi! 28N’awiṉizô yè ne Pyère inè: Rera, jogo ne wè, zômbya nè, mi ga ṽye gôre wè njaraga gw’ aṉingô. 29N’awulyi yè inè: Yôgô! N’azum̃iṉi Pyère avila gw’elende, ayara gw’aṉingô gô kènda gôre Yesu. 30Ndô gw’ayeṉi yè ômpung’ômpôlô aryeṉi; na gw’avakilyi yè gô dom̃iṉa, arôngi nè: Rera, zungiṉa myè. 31N’azunge daṽiṉi Yesu ôgo, agôtè, awulinyè inè: Awè y’ibekely’ijangô, ntiṉa nde y’adôṽo mpaga? 32N’agweṉi waô gw’elende, n’ayèki ômpunga. 33Na waô w’avegagi gw’elende w’azaviṉi Yesu, awulya inè: Giligili awè n’Ômwaṉa w’Anyambyè.
34Waô dalya p’eliṽa w’aṽyeṉi gô ntye yi Genezarèt. 35Aṉaga wi mbôra mè gw’amyeṉi waô Yesu, w’arôm̃’agende gô ntye yôdu vingôvingô, aṽagi waô gôre yè aṉaga waôdu w’avegagi n’inkaṉi. 36N’agweni waô yè inkolo inè, wi ga gôte vangaṉe ôgômbiṉô wi ngoy yè. Na waôdu w’agôti wô w’arôli.
നിലവിൽ തിരഞ്ഞെടുത്തിരിക്കുന്നു:
Matay 14: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Matay 14
14
1Gw’egômbe mèzoṉo ayogyô Erod yi Tetrark elum̃i zi Yesu. 2N’awulinyi yè inyôngô sè inè: Wiṉo ne Yôan‐Batist! Atôngwi avil gw’ijuwa; yeṉ lemba yiṉo yi dendô yè.
3Konde Erod aliwô akôti Yôan, agôrè, awelè gô ntyôgô g’ômwanja w’Erôdyas, y’ômwantô wi Filipi, ya mwô’ngi yè, 4konde Yôan awulinyi yè inè, e zele kwèkwè gô jômbè. 5N’aṽelagi yè gô jôṉè, ndô aryeṉ’aṉaga, konde w’awongi Yôan g’ôvogisi. 6Ndô gw’arweṉi ôgeṽe wi ntyugu y’ayanyô Erod, ’mwamwantô w’Erôdyas, ayiṉagi gô garegare yaô, arondye Erod; 7yeṉo arangiṉi yè n’ôrangô gô pè ezom̃’edu zi be bambyè yè. 8N’ayè soryô pa ne ngi yè, awulyi nè: Va myè vèṉo ewônjô zi Yôan‐Batist gw’epèlè. 9Ôga ayeṉ’ekèṽa, ndô g’ômwanja w’irangô yè na g’ômwanja wa waô w’avegagi baru na yè, azômbyi nè, zi ga vô yè, 10n’arôm̃i yè, areṉe Yôan ômpele gô nagô yi ntyôgô. 11N’aṽagyô ewônjô zè gw’epèlè avô gôr’ômwaṉ’ômwantô, n’arwaṉi yè zô gôre ngi yè. 12N’aṽyeṉ’iṉèngi yi Yôan gô bong’ebende gô bèṉa zô. N’agèndi waô gô myeze Yesu.
13Gw’ayogyô Yesu ntyangô yiṉo alubwi avila vovo n’elende, agènda gô mbôra y’ôrôve waô anka; na gw’amyeṉi aṉaga yeṉo, w’azôngi yè ni ntye avila gw’inkala. 14Na gw’aralwi yè ayeṉ’aṉag’awenge, n’avôgiṉi yè waô aying’inkaṉi saô.
15Nkôlô, aṽyeṉ’iṉèngi yè gôre yè, awulya inè: Yiṉo mbôra y’ôrôve, n’ôwenja w’ajili; wiṉiz’aṉaga, ko waô kènda gw’inkala, agôl’inyi saômè. 16Ndô Yesu awulinyi waô inè: Wi zele n’isolo nyi kènda; vaṉi waô inya aṉwèmè. 17Ndô w’awulinyi yè inè: Azwè aze n’inya vèṉo, kaô amunga mi mpèmba ataṉè, n’intyuè mbaṉi. 18N’awulyi yè inè: Ṽagaṉi sô guṉu gôre myè. 19N’alwaṉizi yè aṉaga baru gw’am̃aṉi, n’awongi yè amunga mi mpèmba ataṉè n’intyuè mbaṉi, avôna g’ôrôṽa, av’akeṽa. Avila vovo am̃oguṉi yè mpèmba, ava yô gôr’iṉèngi, n’agerizi waô yô gôr’aṉaga. 20N’anyeṉi waôdu, ayôra, n’agum̃inyi waô nkizi y’arigaṉi, igôm̃i ny’itôndô n’itôndô imbaṉi ralye. 21Na waô w’anyeṉi w’avegagi pyèrè n’intozèny s’aṉôm̃e ôtaṉè, tômbare pa antô n’awaṉa.
22Azômbyi yè iṉèngi yè gô kweṉa pelè gw’ elende, alalya gô bôsô yè gô ntye mori, gô be fwiṉizè aṉaga. 23Ayè fwiṉiza p’aṉaga, avandi gô nômba gô kambiṉa ayè anka; na gw’ayili ôwenja avegagi gôgô ayè dadyè.
24Ndô elende z’aliwô z’atweṉi gô mbegare y’eliṽa, mbôlangaṉaga n’ikeṽa, konde ômpunga w’avegagi apekwa na waô. 25Ayenjiṉa, aṽyeṉi Yesu gôre waô, njaraga gw’eliṽa. 26Na gw’ayenyô yè n’iṉèngi e jar’eliṽa, w’ayègèryi, awulya inè: Nyiṉo ibambô! N’awôgiṉi waô n’itya. 27Ndô Yesu azunge kambi na waô awulya inè: Zindyaṉ’irèm̃a, ne myè, aryaṉi! 28N’awiṉizô yè ne Pyère inè: Rera, jogo ne wè, zômbya nè, mi ga ṽye gôre wè njaraga gw’ aṉingô. 29N’awulyi yè inè: Yôgô! N’azum̃iṉi Pyère avila gw’elende, ayara gw’aṉingô gô kènda gôre Yesu. 30Ndô gw’ayeṉi yè ômpung’ômpôlô aryeṉi; na gw’avakilyi yè gô dom̃iṉa, arôngi nè: Rera, zungiṉa myè. 31N’azunge daṽiṉi Yesu ôgo, agôtè, awulinyè inè: Awè y’ibekely’ijangô, ntiṉa nde y’adôṽo mpaga? 32N’agweṉi waô gw’elende, n’ayèki ômpunga. 33Na waô w’avegagi gw’elende w’azaviṉi Yesu, awulya inè: Giligili awè n’Ômwaṉa w’Anyambyè.
34Waô dalya p’eliṽa w’aṽyeṉi gô ntye yi Genezarèt. 35Aṉaga wi mbôra mè gw’amyeṉi waô Yesu, w’arôm̃’agende gô ntye yôdu vingôvingô, aṽagi waô gôre yè aṉaga waôdu w’avegagi n’inkaṉi. 36N’agweni waô yè inkolo inè, wi ga gôte vangaṉe ôgômbiṉô wi ngoy yè. Na waôdu w’agôti wô w’arôli.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.