Yôna 1
1
1Igamba nyi Yeôva ny’aṽyeṉi gôre Yôna, y’ômwaṉ’ôṉôm̃e w’Amitay, inè:
2Gum̃aṉa, ko kènda gô Ninive, nkala mpôlô mèyoṉo, arônga gô sira yô! konde ibe sa yô s’apandi kwanga gôre myè.
3Ndô Yôna agum̃aṉi gô fanga gô Tarsis, bô avila g’ôzô wi Yeôva. N’azum̃iṉi yè gô Yafô, n’aliṽinyi yè ôwatanga wi kènda gô Tarsis; n’aveṉi yè ipa s’ôgèndo, agweṉa g’ôwatanga gô kènda gô Tarsis na waô w’akweṉagi kè, bô avila g’ôzô wi Yeôva.
4Ndô Yeôva azingiz’ômpung’ômpôlô gô mbeṉe, n’arweṉ’ôgul’ômpôlô gô mbeṉe. Yeṉo ôwatanga w’arweṉi gô dom̃iṉa. 5Aryeṉi mongi w’ôwatanga, arôngi waô ôm’edu gôr’anyambyè yè, n’avungi waô igumba ny’avegagi g’ôwatanga gô mbeṉe, ko wô javura. Ndô Yôna aliwô asum̃iṉi g’ômpulungu w’ôwatanga, alèwa bi, alèwi yè antyôviṉô ampôlômè. 6Yeṉo aṽyeṉ’ôma wi tev’ôronga gôre yè, awulinyè inè: Ntiṉa nde yi dèwo? Ṉongwa, ko dagiṉ’Anyambyè yo! vende twa Anyambyè e be pikilya zwè, ko zw’ayuwa. 7N’awulyaṉi waô na waô inè: Yôgôṉi, azwè ga vungeṉ’ezôga, ko zwè mye ntiṉa ya mande yi re njuke yiṉo gôre zwè. N’avungi waô ezôga, n’agôt’ezôga gôre Yôna.
8Vovo awulinyi waô yè inè: Wulinya zwè njuke yiṉo zwè dènga yô ntiṉa ya mande. Ô janje ṽilô nde, ô pila na gweṉi? Ntye yo ne yeṉi, n’awè iṉongo nde? 9N’awiṉizi yè waô inè: Myè mw’Ebèr, mi tye Yeôva, Anyambyè y’ôrôṽa, y’avangi mbeṉe ni ntye. 10N’aryeṉ’aṉôm̃e wiṉo ntyeṉi mbe, awulinyi waô yè inè: Ntina nde yi re wè denda p’ôsam̃u wiṉo? Konde aṉôm̃e wiṉo w’amyeṉi nè, awangi avila g’ôzô wi Yeôva, konde adiwô amyezi waô. 11N’awulinyi waô yè inè: Azwè ga lende wè sè, ko mbeṉe dimbiṉa zwè ôdèmbè? Konde mbeṉe y’abendagi pôlô vyagaṉô, apôswi ôgulônkangwè ômpôlô. 12N’awulinyi yè waô inè: Wongaṉi myè, ko pungaṉi myè gô mbeṉe, ko mbeṉe dimbiṉa ṉwè ôdèmbè; konde my’avôrô nè, ôgulônkangwè ômpôlô wiṉo wi re bya pa gôre ṉwè ntiṉa na myè.
13Ndô aṉôm̃e wiṉo w’aṉugi pôlô gô bag’ôwatanga gô ntye, ndô wi pa jolya, konde mbeṉe y’aṽendiṉi waô pôlô vyagaṉômè. 14Vovo alagiṉi waô Yeôva awulya inè: Yeôva, kokolo avanga zwè gô pera gô ntiṉa y’em̃èṉo z’ôma wiṉo, ko azoziza zwè gô ntyiṉa yi r’ôgara fo! Konde awè Yeôva, ô denda ga nte belo. 15Yeṉo awongi waô Yôna, avungè gô mbeṉe. N’arigi mbeṉe ibenda. 16N’aryeṉ’aṉaga wiṉo Yeôva pôlô, n’ayiri waô ntyagô gôre Yeôva avangaṉ’impangaṉô.
നിലവിൽ തിരഞ്ഞെടുത്തിരിക്കുന്നു:
Yôna 1: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Yôna 1
1
1Igamba nyi Yeôva ny’aṽyeṉi gôre Yôna, y’ômwaṉ’ôṉôm̃e w’Amitay, inè:
2Gum̃aṉa, ko kènda gô Ninive, nkala mpôlô mèyoṉo, arônga gô sira yô! konde ibe sa yô s’apandi kwanga gôre myè.
3Ndô Yôna agum̃aṉi gô fanga gô Tarsis, bô avila g’ôzô wi Yeôva. N’azum̃iṉi yè gô Yafô, n’aliṽinyi yè ôwatanga wi kènda gô Tarsis; n’aveṉi yè ipa s’ôgèndo, agweṉa g’ôwatanga gô kènda gô Tarsis na waô w’akweṉagi kè, bô avila g’ôzô wi Yeôva.
4Ndô Yeôva azingiz’ômpung’ômpôlô gô mbeṉe, n’arweṉ’ôgul’ômpôlô gô mbeṉe. Yeṉo ôwatanga w’arweṉi gô dom̃iṉa. 5Aryeṉi mongi w’ôwatanga, arôngi waô ôm’edu gôr’anyambyè yè, n’avungi waô igumba ny’avegagi g’ôwatanga gô mbeṉe, ko wô javura. Ndô Yôna aliwô asum̃iṉi g’ômpulungu w’ôwatanga, alèwa bi, alèwi yè antyôviṉô ampôlômè. 6Yeṉo aṽyeṉ’ôma wi tev’ôronga gôre yè, awulinyè inè: Ntiṉa nde yi dèwo? Ṉongwa, ko dagiṉ’Anyambyè yo! vende twa Anyambyè e be pikilya zwè, ko zw’ayuwa. 7N’awulyaṉi waô na waô inè: Yôgôṉi, azwè ga vungeṉ’ezôga, ko zwè mye ntiṉa ya mande yi re njuke yiṉo gôre zwè. N’avungi waô ezôga, n’agôt’ezôga gôre Yôna.
8Vovo awulinyi waô yè inè: Wulinya zwè njuke yiṉo zwè dènga yô ntiṉa ya mande. Ô janje ṽilô nde, ô pila na gweṉi? Ntye yo ne yeṉi, n’awè iṉongo nde? 9N’awiṉizi yè waô inè: Myè mw’Ebèr, mi tye Yeôva, Anyambyè y’ôrôṽa, y’avangi mbeṉe ni ntye. 10N’aryeṉ’aṉôm̃e wiṉo ntyeṉi mbe, awulinyi waô yè inè: Ntina nde yi re wè denda p’ôsam̃u wiṉo? Konde aṉôm̃e wiṉo w’amyeṉi nè, awangi avila g’ôzô wi Yeôva, konde adiwô amyezi waô. 11N’awulinyi waô yè inè: Azwè ga lende wè sè, ko mbeṉe dimbiṉa zwè ôdèmbè? Konde mbeṉe y’abendagi pôlô vyagaṉô, apôswi ôgulônkangwè ômpôlô. 12N’awulinyi yè waô inè: Wongaṉi myè, ko pungaṉi myè gô mbeṉe, ko mbeṉe dimbiṉa ṉwè ôdèmbè; konde my’avôrô nè, ôgulônkangwè ômpôlô wiṉo wi re bya pa gôre ṉwè ntiṉa na myè.
13Ndô aṉôm̃e wiṉo w’aṉugi pôlô gô bag’ôwatanga gô ntye, ndô wi pa jolya, konde mbeṉe y’aṽendiṉi waô pôlô vyagaṉômè. 14Vovo alagiṉi waô Yeôva awulya inè: Yeôva, kokolo avanga zwè gô pera gô ntiṉa y’em̃èṉo z’ôma wiṉo, ko azoziza zwè gô ntyiṉa yi r’ôgara fo! Konde awè Yeôva, ô denda ga nte belo. 15Yeṉo awongi waô Yôna, avungè gô mbeṉe. N’arigi mbeṉe ibenda. 16N’aryeṉ’aṉaga wiṉo Yeôva pôlô, n’ayiri waô ntyagô gôre Yeôva avangaṉ’impangaṉô.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.