Abakuk 3
3
1Ikambiṉa s’Abakuk, y’ôvogisi. G’ômwanja w’idagalaga. 2Yeôva, my’are jogo pa nt’are wè kamba pa, my’akôtyô n’itya. Yeôva, lwaṉiz’eṽilô zo gô gare y’impum̃a! myeza zô gô gare y’impum̃a! ndô gw’eguṉu zo yônginye nkèngo yo!
3Anyambyè e bya avila gô Teman, ôma w’Ôrunda avila gô nômba yi Paran ... . Ijowa. Ônjèlènjèlè wè wi pug’ôrôṽa, n’ivendi nyè nyi jônye ntye. 4Ônjèlènjèlè wè wi re ga ôzange, izanjô nyi nkômbe nyi kogwa avila g’ôgo wè; ni ngulu yè yi dwaṉa vovo. 5Evunga zi kènda gô bôsô yè, n’evunga zi re gw’intyôzô sè. 6E kum̃aṉa gôre, e kèṉize ntye n’intyo nyè; e pôna, azugyazugy’aṉongo; inômba sa koṉako si tukyarukya, sanômba lungu yi jam̃iṉa; impoṉo inungu si nungwa zange g’ôzô wè. 7Mi jeṉa nè, inagô s’akuku s’Etyop si re gô njuke, n’inagô s’akuku si ntye yi Madyan si sugyazugya.
8Yeôva abendiṉ’itèmbo? Eguṉu zo zi bam̃iṉa g’ômwanja w’itèmbo, ibendi so si re g’ômwanja wi mbeṉe, ko wè panda gw’ikavali so, gô ntyôṉe yo y’ikeṽa? 9Elendiṉi zo z’apuryô; izavô yô ne izongo y’igambi nyo ... Ijowa.
Ô jaruṉe ntye gô pôviz’itèmbo. 10Gw’ijeṉô so, inômba si tatam̃iṉa, intonda s’aṉingô si sunge pyagaṉa; ôronga wi pang’inyôy nyè jogaṉô, e tômbiṉ’ago mè gw’igôṉô. 11Nkômbe n’ôgwèli wi dwaṉa do gw’alwanô maô, g’ôzange wi lendiṉi yo yi kènda, g’ôzange w’igonga nyi bamba. 12Ô pingwavingwe ntye gw’ibendi so, ô nyigyanyigy’aṉongo gw’eguṉu zo. 13Ô kogwa gô sungiṉ’iṉongo nyo, gô sungiṉ’ôzagyô wo; ô moguṉ’ôrondo wi nagô y’aṉag’aṽe, ô saza yô zwazwazwa. — Ijowa.
14Ô tum̃’izongo yo gô wônjô y’ivangiṉi ya yô; ivangiṉi wi bya ga efwizagèngè gô pazangaṉa myè, mbôgiṉaga n’igeṽa, ga w’ajiliz’ikuge gô mbôri yaô. 15Ô jare mbeṉe n’ikavali so, ômboṉa w’aṉingô am̃enge.
16My’ayogyô ... . N’azugyazugy’iwum̃u nyam̃. Gw’inyôy nyiṉo iṉumbu yam̃ yi tatam̃iṉa, pi yam̃ yi boṉa, N’ampuvi mam̃ mi sugyazugya inè: Mi ko pengiṉa dodo ntyugu yi njuke, ntyugu yi re ôṽangati gô kènda gô sir’iṉongo. 17Konde erere zi figi zi ze punjiṉe, n’ôgoli wi ze jaṉ’ezom̃a, n’ilônda yi yôlivi yi be sila, n’intyaga si ze jaṉ’ôwongo; n’adombè mi be doṽa avila gô mbôra yi nyô mô, e ze tô dwaṉa kè nyèṉè inyare gw’inagô s’inyare. 18Ndô mi bele jeṉe mbya gôre Yeôva, mi bele jeṉ’igeṽa gôr’Anyambyè y’isungiṉi sam̃. 19Yeôva, Rerè, ne ngulu yam̃; e pang’i ntyôzô sam̃ ga intyôzô s’inkambi, ko yè panga myè kangaṉa gw’imbôri sam̃ indôndwi.
Gôre nyembi mpôlô. N’iñombi s’i ndum̃a.
നിലവിൽ തിരഞ്ഞെടുത്തിരിക്കുന്നു:
Abakuk 3: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Abakuk 3
3
1Ikambiṉa s’Abakuk, y’ôvogisi. G’ômwanja w’idagalaga. 2Yeôva, my’are jogo pa nt’are wè kamba pa, my’akôtyô n’itya. Yeôva, lwaṉiz’eṽilô zo gô gare y’impum̃a! myeza zô gô gare y’impum̃a! ndô gw’eguṉu zo yônginye nkèngo yo!
3Anyambyè e bya avila gô Teman, ôma w’Ôrunda avila gô nômba yi Paran ... . Ijowa. Ônjèlènjèlè wè wi pug’ôrôṽa, n’ivendi nyè nyi jônye ntye. 4Ônjèlènjèlè wè wi re ga ôzange, izanjô nyi nkômbe nyi kogwa avila g’ôgo wè; ni ngulu yè yi dwaṉa vovo. 5Evunga zi kènda gô bôsô yè, n’evunga zi re gw’intyôzô sè. 6E kum̃aṉa gôre, e kèṉize ntye n’intyo nyè; e pôna, azugyazugy’aṉongo; inômba sa koṉako si tukyarukya, sanômba lungu yi jam̃iṉa; impoṉo inungu si nungwa zange g’ôzô wè. 7Mi jeṉa nè, inagô s’akuku s’Etyop si re gô njuke, n’inagô s’akuku si ntye yi Madyan si sugyazugya.
8Yeôva abendiṉ’itèmbo? Eguṉu zo zi bam̃iṉa g’ômwanja w’itèmbo, ibendi so si re g’ômwanja wi mbeṉe, ko wè panda gw’ikavali so, gô ntyôṉe yo y’ikeṽa? 9Elendiṉi zo z’apuryô; izavô yô ne izongo y’igambi nyo ... Ijowa.
Ô jaruṉe ntye gô pôviz’itèmbo. 10Gw’ijeṉô so, inômba si tatam̃iṉa, intonda s’aṉingô si sunge pyagaṉa; ôronga wi pang’inyôy nyè jogaṉô, e tômbiṉ’ago mè gw’igôṉô. 11Nkômbe n’ôgwèli wi dwaṉa do gw’alwanô maô, g’ôzange wi lendiṉi yo yi kènda, g’ôzange w’igonga nyi bamba. 12Ô pingwavingwe ntye gw’ibendi so, ô nyigyanyigy’aṉongo gw’eguṉu zo. 13Ô kogwa gô sungiṉ’iṉongo nyo, gô sungiṉ’ôzagyô wo; ô moguṉ’ôrondo wi nagô y’aṉag’aṽe, ô saza yô zwazwazwa. — Ijowa.
14Ô tum̃’izongo yo gô wônjô y’ivangiṉi ya yô; ivangiṉi wi bya ga efwizagèngè gô pazangaṉa myè, mbôgiṉaga n’igeṽa, ga w’ajiliz’ikuge gô mbôri yaô. 15Ô jare mbeṉe n’ikavali so, ômboṉa w’aṉingô am̃enge.
16My’ayogyô ... . N’azugyazugy’iwum̃u nyam̃. Gw’inyôy nyiṉo iṉumbu yam̃ yi tatam̃iṉa, pi yam̃ yi boṉa, N’ampuvi mam̃ mi sugyazugya inè: Mi ko pengiṉa dodo ntyugu yi njuke, ntyugu yi re ôṽangati gô kènda gô sir’iṉongo. 17Konde erere zi figi zi ze punjiṉe, n’ôgoli wi ze jaṉ’ezom̃a, n’ilônda yi yôlivi yi be sila, n’intyaga si ze jaṉ’ôwongo; n’adombè mi be doṽa avila gô mbôra yi nyô mô, e ze tô dwaṉa kè nyèṉè inyare gw’inagô s’inyare. 18Ndô mi bele jeṉe mbya gôre Yeôva, mi bele jeṉ’igeṽa gôr’Anyambyè y’isungiṉi sam̃. 19Yeôva, Rerè, ne ngulu yam̃; e pang’i ntyôzô sam̃ ga intyôzô s’inkambi, ko yè panga myè kangaṉa gw’imbôri sam̃ indôndwi.
Gôre nyembi mpôlô. N’iñombi s’i ndum̃a.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.