Danyèl 5
5
1Belisazar y’ôga avang’ôgeṽ’ômpôlô gôre ntozèny y’ivangiṉi yè, n’ayongi yè ivè gw’azô maô. 2Gw’alembi Belisazar ivè, azômbyi nè, vagô yi sika ya teṉateṉa na ya pupu y’awongyô reri yè Nebukadnezar avila gô nagô y’Anyambyè y’avegagi gô Yerusalèm yi ga ṽagô, ko ôga, n’ivangiṉi yè, n’antu wè, n’arondi mè jonga na yô. 3Vovo aṽagi waô vagô yi sika ya teṉateṉa y’awongyô avila gô nagô y’Anyambyè y’avegagi gô Yerusalèm; n’ayongi ôga n’ivangiṉi yè, antu wè n’arondi mè gô yô. 4Ayongi waô ivè, azum̃iny’inyambyè si sika ya teṉateṉa na si sika ya pupu, na si nyènyè, na s’imyanga, na si rere na s’adô.
5Gw’egômbe mèzoṉo, awôm̃uny’im̃eṉô y’ôgo w’ôma, arèndi yô swaswo n’ôsak’ôjô, g’ôzira wi nagô y’ôga. N’ayeṉ’ôga ereṉe z’ôgo z’arèndagi. 6N’agalwi ôzô w’ôga, n’ipikilyi sè s’azokolyi yè; inyôngô s’ôni wè s’avekwaṉi, n’ampuvi mè m’alôkaṉi. 7N’arông’ôga ni ngulu inè, mongi wi myeza g’ômwanja w’igègèṉi, mongi Kalde n’aganga w’imbwiri wi ga ṽagô; n’agamb’ôga awuliny’aṉaga w’imya wi Babèl inè: Ôm’edu e be tanguṉ’irèndo yiṉo aṽènguṉa myè yô e be boryô n’ôsolomèngèlè, n’ôlônda wi sika ya teṉateṉa g’ômpele wè, e be dwaṉ’ôvangiṉi w’irarô w’iṉongo. 8N’ayingiṉ’aṉaga waôdu w’imya w’ôga, ndô wi re jolye tanguṉ’irèndo ge myez’ôga ibènguṉa sa yô. 9Gô ntiṉa yiṉo ôga Belisazar aryeṉi pôlômè, n’ôzô wè w’agalwi, n’ivangiṉi yè y’am̃ami pôlô.
10Ôg’ômwantô, gô ntiṉa y’igamba ny’ôga n’ivangiṉi yè, ayingiṉi gô ñanja y’ôgeṽe, n’agambi yè inè: Ôga, lwaṉa gô koṉako! Ipikilyi so si ga rig’azokolyo, na inè, ebagaṉô z’ôzô wo z’agalwa! 11Ar’ôma gw’iṉongo nyo are n’iṉiṉa ny’inyambyè s’ôrunda; gw’intyugu sa reri yo, ôzange n’ikôtiza n’imya egolaṉi g’imya s’inyambyè s’alèngyô gôre yè. Yeṉo ôga Nebukadnezar, ya reri yo, ôga, reri yo, alwaṉizi yè ôvangiṉi w’aganga, wa waô wi myeza g’ômwanja w’igègèṉi, wa mongi Kalde, na w’aganga w’imbwiri, 12konde nè alèngyô gôre yè, gôre Danyèl mèyo, y’aṽètyô ne ôga ina nyi Bèltisazar, iṉiṉ’iṽyamè, imya n’ikôtiza, ni ngulu yi bènguṉ’inyinô, na yi myez’isam̃u ya parapara na yi teṉiz’impag’injoli. Sambô Danyèl e ga weyô, ko yè myez’ibènguṉa.
13Vovo ayinginyô Danyèl g’ôzô w’ôga. N’agamb’ôga awulinye Danyèl inè: Awè ne Danyèl mèyoṉo, ôm̃ori gôr’ikôte yi Yuda, aṽagyô ne reri yam̃ ôga avila gô Yuda? 14My’are jogo pa g’ômwanji wo inè, ô re n’iṉiṉa ny’inyambyè, na inè, ôzange, ikôtiza n’imya sipôlômè si dèngô gôre wè. 15Aṉaga w’imya na waô wi myeza g’ômwanja w’igègèṉi w’aṽagyô gôre myè, inè, wi ga ranguṉ’irèndo yiṉo, amyeza myè ibènguṉa sa yô, ndô wi re jolye gô bènguṉ’agamba. 16Ndô my’are jogo pa g’ômwanji wo inè, awè ko jolya gô bènguṉa na gô teṉiz’impag’injoli; ndô vèṉo j’aw’ajolya gô tanguṉ’irèndo yiṉo amyeza myè ibènguṉa sa yô, gambèṉè ô be boryô n’ôsolomèngèlè, n’ôlônda wi sika ya teṉateṉa g’ômpele wo, ko wè dwaṉ’ôvangiṉi w’irarô w’iṉongo.
17N’awiṉizi Danyèl g’ôzô w’ôga inè: Wonge mpagagi yo gôre wèmè, ko pa yô gôr’ôm’ômwèṉè; ndô vanga nono mi be tanguṉ’irèndo gôr’ôga, amyè ibènguṉa sa yô. 18Awè ôga, Anyambyè y’igôṉôgônwe aliwô apeṉi Nebukadnezar, ya reri yo, ipangiṉa, ipenda, ivenda n’ôlubô; 19na g’ômwanja w’ipenda s’avenyè yè, aṉongo môdu, imbuṽe sôdu n’aṉaga wi nkambiny’edu w’aryeṉi aratam̃iṉa g’ôzô wè. Ayôṉizi mongi w’aṽelyô yè, arôliza mongi w’arondyô yè; avendyi mongi w’arondyô yè, azônya mongi w’aṽelyô yè. 20Ndô gw’arômbiny’ôrèm̃i wè, ko iṉiṉi nyè jolizô n’ekale, arômbyô avila gw’eki zè z’ôga awongiṉô ivendi nyè; 21azugyô avila gôr’awaṉa w’aṉaga, ôrèm̃i wè w’agalwi ga w’inyam̃a, n’ilwaṉô nyè ny’alwaṉi n’iburu s’iga; n’anyezyô yè n’am̃aṉi ga inyare, n’ôkuṽi wè w’arèṽizyô n’ômpèmbè w’ôrôṽa, kwanga gw’amyeṉi yè inè, Anyambyè y’igôṉôgônwe e pangiṉa gw’ipangiṉa s’aṉaga, na inè, e pa sô gôr’ôma wi tondô yè. 22N’awè, Belisazar, y’ômwaṉi wè, ô pa sôny’ôrèm̃i wo, vangaṉe w’amyeṉ’isam̃u yiṉo yôdu. 23Ô re tômbiṉa p’ôkuṽi wo gô sire Rerè y’ôrôṽa; vagô yi nagô yè yi re bagô pa g’ôzô wo, awè jonga na yô ivè, awè n’ivangiṉi yo, antu wo n’arondi mo, ko wè sum̃iny’inyambyè si sika ya pupu na si sika ya teṉateṉa, na si nyènyè, na s’ômwanga, na si rere na s’adô, si re si pa jeṉa ge jogo, ge my’ezom̃a, n’awè ô pa pendy’Anyambyè yi re n’ômwèy wo n’impoṉo so sôdu g’ôgo wè. 24Gô ntiṉa mèyoṉo are yè tôm̃a p’ereṉe z’ôgo ziṉo, zi re tènda p’irèndo yiṉo. 25Na yiṉo ne irèndo y’arèndyô inè: Tangô pa, tangô pa, pisô pa, ni kerô pa. 26Ibènguṉa s’agamba miṉo ne siṉo. Tangô pa, nyi pivya inè: Anyambyè are tanga p’ipangiṉi so, am̃aza sô. 27Pisô pa, nyi pivya inè: Ô re pisô pa g’ôdôdô, ndô ô re dèngô pe javura. 28Kerô pa, nyi pivya inè: Ipangiṉi so si be kerô, avô gôre Maday na gôre Paras.
29N’azunge sômbyi Belisazar inè, wi ga worye Danyèl ni nkèmbo y’ôsolomèngèlè, aworizè ôlônda wi sika ya teṉateṉa g’ômpele wè, amyeza inè, e ga lwaṉe ôvangiṉi w’irarô w’iṉongo.
30G’ôgwèra mèwoṉo, Belisazar, y’ôga wa mongi Kalde, ayônyô. 31N’awongi Daryus, yi Maday, ipangiṉa, ayè re agôm̃i m’impum̃’ôrôṽa n’impum̃’imbaṉi g’ôṉèro wè.
നിലവിൽ തിരഞ്ഞെടുത്തിരിക്കുന്നു:
Danyèl 5: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Danyèl 5
5
1Belisazar y’ôga avang’ôgeṽ’ômpôlô gôre ntozèny y’ivangiṉi yè, n’ayongi yè ivè gw’azô maô. 2Gw’alembi Belisazar ivè, azômbyi nè, vagô yi sika ya teṉateṉa na ya pupu y’awongyô reri yè Nebukadnezar avila gô nagô y’Anyambyè y’avegagi gô Yerusalèm yi ga ṽagô, ko ôga, n’ivangiṉi yè, n’antu wè, n’arondi mè jonga na yô. 3Vovo aṽagi waô vagô yi sika ya teṉateṉa y’awongyô avila gô nagô y’Anyambyè y’avegagi gô Yerusalèm; n’ayongi ôga n’ivangiṉi yè, antu wè n’arondi mè gô yô. 4Ayongi waô ivè, azum̃iny’inyambyè si sika ya teṉateṉa na si sika ya pupu, na si nyènyè, na s’imyanga, na si rere na s’adô.
5Gw’egômbe mèzoṉo, awôm̃uny’im̃eṉô y’ôgo w’ôma, arèndi yô swaswo n’ôsak’ôjô, g’ôzira wi nagô y’ôga. N’ayeṉ’ôga ereṉe z’ôgo z’arèndagi. 6N’agalwi ôzô w’ôga, n’ipikilyi sè s’azokolyi yè; inyôngô s’ôni wè s’avekwaṉi, n’ampuvi mè m’alôkaṉi. 7N’arông’ôga ni ngulu inè, mongi wi myeza g’ômwanja w’igègèṉi, mongi Kalde n’aganga w’imbwiri wi ga ṽagô; n’agamb’ôga awuliny’aṉaga w’imya wi Babèl inè: Ôm’edu e be tanguṉ’irèndo yiṉo aṽènguṉa myè yô e be boryô n’ôsolomèngèlè, n’ôlônda wi sika ya teṉateṉa g’ômpele wè, e be dwaṉ’ôvangiṉi w’irarô w’iṉongo. 8N’ayingiṉ’aṉaga waôdu w’imya w’ôga, ndô wi re jolye tanguṉ’irèndo ge myez’ôga ibènguṉa sa yô. 9Gô ntiṉa yiṉo ôga Belisazar aryeṉi pôlômè, n’ôzô wè w’agalwi, n’ivangiṉi yè y’am̃ami pôlô.
10Ôg’ômwantô, gô ntiṉa y’igamba ny’ôga n’ivangiṉi yè, ayingiṉi gô ñanja y’ôgeṽe, n’agambi yè inè: Ôga, lwaṉa gô koṉako! Ipikilyi so si ga rig’azokolyo, na inè, ebagaṉô z’ôzô wo z’agalwa! 11Ar’ôma gw’iṉongo nyo are n’iṉiṉa ny’inyambyè s’ôrunda; gw’intyugu sa reri yo, ôzange n’ikôtiza n’imya egolaṉi g’imya s’inyambyè s’alèngyô gôre yè. Yeṉo ôga Nebukadnezar, ya reri yo, ôga, reri yo, alwaṉizi yè ôvangiṉi w’aganga, wa waô wi myeza g’ômwanja w’igègèṉi, wa mongi Kalde, na w’aganga w’imbwiri, 12konde nè alèngyô gôre yè, gôre Danyèl mèyo, y’aṽètyô ne ôga ina nyi Bèltisazar, iṉiṉ’iṽyamè, imya n’ikôtiza, ni ngulu yi bènguṉ’inyinô, na yi myez’isam̃u ya parapara na yi teṉiz’impag’injoli. Sambô Danyèl e ga weyô, ko yè myez’ibènguṉa.
13Vovo ayinginyô Danyèl g’ôzô w’ôga. N’agamb’ôga awulinye Danyèl inè: Awè ne Danyèl mèyoṉo, ôm̃ori gôr’ikôte yi Yuda, aṽagyô ne reri yam̃ ôga avila gô Yuda? 14My’are jogo pa g’ômwanji wo inè, ô re n’iṉiṉa ny’inyambyè, na inè, ôzange, ikôtiza n’imya sipôlômè si dèngô gôre wè. 15Aṉaga w’imya na waô wi myeza g’ômwanja w’igègèṉi w’aṽagyô gôre myè, inè, wi ga ranguṉ’irèndo yiṉo, amyeza myè ibènguṉa sa yô, ndô wi re jolye gô bènguṉ’agamba. 16Ndô my’are jogo pa g’ômwanji wo inè, awè ko jolya gô bènguṉa na gô teṉiz’impag’injoli; ndô vèṉo j’aw’ajolya gô tanguṉ’irèndo yiṉo amyeza myè ibènguṉa sa yô, gambèṉè ô be boryô n’ôsolomèngèlè, n’ôlônda wi sika ya teṉateṉa g’ômpele wo, ko wè dwaṉ’ôvangiṉi w’irarô w’iṉongo.
17N’awiṉizi Danyèl g’ôzô w’ôga inè: Wonge mpagagi yo gôre wèmè, ko pa yô gôr’ôm’ômwèṉè; ndô vanga nono mi be tanguṉ’irèndo gôr’ôga, amyè ibènguṉa sa yô. 18Awè ôga, Anyambyè y’igôṉôgônwe aliwô apeṉi Nebukadnezar, ya reri yo, ipangiṉa, ipenda, ivenda n’ôlubô; 19na g’ômwanja w’ipenda s’avenyè yè, aṉongo môdu, imbuṽe sôdu n’aṉaga wi nkambiny’edu w’aryeṉi aratam̃iṉa g’ôzô wè. Ayôṉizi mongi w’aṽelyô yè, arôliza mongi w’arondyô yè; avendyi mongi w’arondyô yè, azônya mongi w’aṽelyô yè. 20Ndô gw’arômbiny’ôrèm̃i wè, ko iṉiṉi nyè jolizô n’ekale, arômbyô avila gw’eki zè z’ôga awongiṉô ivendi nyè; 21azugyô avila gôr’awaṉa w’aṉaga, ôrèm̃i wè w’agalwi ga w’inyam̃a, n’ilwaṉô nyè ny’alwaṉi n’iburu s’iga; n’anyezyô yè n’am̃aṉi ga inyare, n’ôkuṽi wè w’arèṽizyô n’ômpèmbè w’ôrôṽa, kwanga gw’amyeṉi yè inè, Anyambyè y’igôṉôgônwe e pangiṉa gw’ipangiṉa s’aṉaga, na inè, e pa sô gôr’ôma wi tondô yè. 22N’awè, Belisazar, y’ômwaṉi wè, ô pa sôny’ôrèm̃i wo, vangaṉe w’amyeṉ’isam̃u yiṉo yôdu. 23Ô re tômbiṉa p’ôkuṽi wo gô sire Rerè y’ôrôṽa; vagô yi nagô yè yi re bagô pa g’ôzô wo, awè jonga na yô ivè, awè n’ivangiṉi yo, antu wo n’arondi mo, ko wè sum̃iny’inyambyè si sika ya pupu na si sika ya teṉateṉa, na si nyènyè, na s’ômwanga, na si rere na s’adô, si re si pa jeṉa ge jogo, ge my’ezom̃a, n’awè ô pa pendy’Anyambyè yi re n’ômwèy wo n’impoṉo so sôdu g’ôgo wè. 24Gô ntiṉa mèyoṉo are yè tôm̃a p’ereṉe z’ôgo ziṉo, zi re tènda p’irèndo yiṉo. 25Na yiṉo ne irèndo y’arèndyô inè: Tangô pa, tangô pa, pisô pa, ni kerô pa. 26Ibènguṉa s’agamba miṉo ne siṉo. Tangô pa, nyi pivya inè: Anyambyè are tanga p’ipangiṉi so, am̃aza sô. 27Pisô pa, nyi pivya inè: Ô re pisô pa g’ôdôdô, ndô ô re dèngô pe javura. 28Kerô pa, nyi pivya inè: Ipangiṉi so si be kerô, avô gôre Maday na gôre Paras.
29N’azunge sômbyi Belisazar inè, wi ga worye Danyèl ni nkèmbo y’ôsolomèngèlè, aworizè ôlônda wi sika ya teṉateṉa g’ômpele wè, amyeza inè, e ga lwaṉe ôvangiṉi w’irarô w’iṉongo.
30G’ôgwèra mèwoṉo, Belisazar, y’ôga wa mongi Kalde, ayônyô. 31N’awongi Daryus, yi Maday, ipangiṉa, ayè re agôm̃i m’impum̃’ôrôṽa n’impum̃’imbaṉi g’ôṉèro wè.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.