Amosi 6
6
1Azile gôre waô wi dwaṉa dwèrè gô Siyôn, na wi re ôrèm̃a du do gô nômba yi Samarya, gôr’avôlô mè w’ilônga ny’anongo, gôre waô wi pônô ne nagô y’Israèl! ... 2Sambô gèndagaṉi gô Kalne ko jeṉaṉi, avila vovo gèndaṉi kwanga gw’Amat mpôlô, ko sum̃iṉaṉi gô Gat gôre Filiste: Inkala mèsoṉo si re mbyambye vyagaṉô n’aṉongo maṉi ambaṉi, ni ntye yaô yi r’ômpuzu vyagaṉô n’iyaṉi? ... 3Aṉwè pikilya bô ntyugu y’azile, n’aṉwè pang’ipangiṉa si mbaô gô susa pyèrè. 4Wi dèwa gw’idô y’impunji, wi nyonyuṉ’ikuṽi yaô gw’idô yaô; wi ny’awaṉa w’adombè avila g’ôlemba, n’awaṉa w’inyare wi re pom̃izô pa gw’inagô s’inyare. 5Wi kamb’egambanyam byè gw’inyôy nyintyambi, wi pikilya nè wi re n’avôṉô gô bôl’abeka egolaṉi ga David. 6Wi jong’ivè gw’amogi ampôlô, wi sagiz’ikuṽi yaô n’agali ambya, ko w’ayeṉ’ekèṽa gw’ijiliza si Yôsèf! 7Yeṉo wi be bagô ikôte gô bôsô y’ikôte; ni mbôgiṉa y’igeṽa ya mongi mèsoṉo wi nyonyuṉ’ikuṽi yaô yi be poṉa.
8Rerè, Yeôva, are tanga p’ôrangô n’ôkuṽi wèmè; Yeôva, Anyambyè y’imbèli, awulyi nè my’aṽik’ekale zi Yakob, na mi bik’inagô sè s’aga; mi be pe nkala n’ezom̃’edu zi re gô yô. 9E be twa inè, j’atigaṉ’igôm̃i ny’aṉôm̃e gô nagô, wi be juwa. 10Jogo iyaṉô ny’ôma abong’ebende gô peza zô ko yè kogunye pa avila gô nagô, gambèṉè e be buliny’ôma wi re gô ntiṉentye yi nagô inè: gôgô e p’ar’ôm’ômwèṉè na wè? n’ôma mè e be fwiṉiza inè: E zel’ôma ... n’ôm̃ori e be bulya inè: Lwaṉa dodo! ziṉo arang’egômbe zi tet’ina nyi Yeôva.
11Konde vôna, Yeôva e sômbya inè: e be jilize nagô mpôlô, e be jilize kè nagô nyangô. 12Rigare, ikavala sô ko pale mangô gw’idô, ôma ko tumbiṉe ntye gôgô n’inyare, gô re ṉwè kaluṉa p’ôgôre gô mbundu, n’ôlônda w’ôrèti gw’abisènte? 13Aṉwè jeṉ’igeṽa gw’ezom̃a z’enyalè, aṉwè bulya inè: Azwè pa dènge ngulu yazô vo ngulu yi re na zwè? 14Yeṉo vôna, mi be nongunya gô sira ṉwè, nagô y’Israèl, bulye Yeôva, Anyambyè y’imbèli, iṉongo nyi be bangatya ṉwè avila gô njingiṉô y’Amat kwanga gô mw’ôloṽi w’itôve.
നിലവിൽ തിരഞ്ഞെടുത്തിരിക്കുന്നു:
Amosi 6: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Amosi 6
6
1Azile gôre waô wi dwaṉa dwèrè gô Siyôn, na wi re ôrèm̃a du do gô nômba yi Samarya, gôr’avôlô mè w’ilônga ny’anongo, gôre waô wi pônô ne nagô y’Israèl! ... 2Sambô gèndagaṉi gô Kalne ko jeṉaṉi, avila vovo gèndaṉi kwanga gw’Amat mpôlô, ko sum̃iṉaṉi gô Gat gôre Filiste: Inkala mèsoṉo si re mbyambye vyagaṉô n’aṉongo maṉi ambaṉi, ni ntye yaô yi r’ômpuzu vyagaṉô n’iyaṉi? ... 3Aṉwè pikilya bô ntyugu y’azile, n’aṉwè pang’ipangiṉa si mbaô gô susa pyèrè. 4Wi dèwa gw’idô y’impunji, wi nyonyuṉ’ikuṽi yaô gw’idô yaô; wi ny’awaṉa w’adombè avila g’ôlemba, n’awaṉa w’inyare wi re pom̃izô pa gw’inagô s’inyare. 5Wi kamb’egambanyam byè gw’inyôy nyintyambi, wi pikilya nè wi re n’avôṉô gô bôl’abeka egolaṉi ga David. 6Wi jong’ivè gw’amogi ampôlô, wi sagiz’ikuṽi yaô n’agali ambya, ko w’ayeṉ’ekèṽa gw’ijiliza si Yôsèf! 7Yeṉo wi be bagô ikôte gô bôsô y’ikôte; ni mbôgiṉa y’igeṽa ya mongi mèsoṉo wi nyonyuṉ’ikuṽi yaô yi be poṉa.
8Rerè, Yeôva, are tanga p’ôrangô n’ôkuṽi wèmè; Yeôva, Anyambyè y’imbèli, awulyi nè my’aṽik’ekale zi Yakob, na mi bik’inagô sè s’aga; mi be pe nkala n’ezom̃’edu zi re gô yô. 9E be twa inè, j’atigaṉ’igôm̃i ny’aṉôm̃e gô nagô, wi be juwa. 10Jogo iyaṉô ny’ôma abong’ebende gô peza zô ko yè kogunye pa avila gô nagô, gambèṉè e be buliny’ôma wi re gô ntiṉentye yi nagô inè: gôgô e p’ar’ôm’ômwèṉè na wè? n’ôma mè e be fwiṉiza inè: E zel’ôma ... n’ôm̃ori e be bulya inè: Lwaṉa dodo! ziṉo arang’egômbe zi tet’ina nyi Yeôva.
11Konde vôna, Yeôva e sômbya inè: e be jilize nagô mpôlô, e be jilize kè nagô nyangô. 12Rigare, ikavala sô ko pale mangô gw’idô, ôma ko tumbiṉe ntye gôgô n’inyare, gô re ṉwè kaluṉa p’ôgôre gô mbundu, n’ôlônda w’ôrèti gw’abisènte? 13Aṉwè jeṉ’igeṽa gw’ezom̃a z’enyalè, aṉwè bulya inè: Azwè pa dènge ngulu yazô vo ngulu yi re na zwè? 14Yeṉo vôna, mi be nongunya gô sira ṉwè, nagô y’Israèl, bulye Yeôva, Anyambyè y’imbèli, iṉongo nyi be bangatya ṉwè avila gô njingiṉô y’Amat kwanga gô mw’ôloṽi w’itôve.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.