Matio 2
2
Ghalèn nsà
(Luk. 2.22-32)
1Num ngelaṅ mfen Hèrodé, bo bwe Yésu Bétléhém mà Yuda; 2tsemo' ghalèn nsà bag ntumnyam se' Yérusalém, ntshob ndù: Mfen ba Yuda ze bo bwe i là yà? Nummbe bag lo yen sa se bag ntumnyam, bag se' à neghamt'é.
3Hèrodé be ju' yen nu là, tu i tshu' mba njoṅ ba Yérusalém fa. 4A tse'te njoṅ kamkam ghale'te Nsi fa mba ghalèn ṅwa'ni Nsi ntùm ngô, mbètte yub dù' ze bo nsi bwe Kristô bwe là. 5Bo bùnte yi ndù: Bétléhém mà Yudéa; nummbe tshù ju ze ngatshob ntshob Nsi na' nkite li:
6Wù #Mik. 5.1Bétléhém ngô Yudéa, o ke' b'a metsit ngô netèt ngô ndùbndùb Yudéa, nummbe mfen z'a nsi tshagte, bèn béb bon tshàm ba Israél là, nsi tum à wù. 7Ndùlala Hèrodé tsiaṅ ghalèn nsa ntùm tsham, mbètte yub ngelaṅ ze sa mbit tum nà, 8ntum yub mà Bétléhém ntshob ndù: Bin nène, mbètte nu num yen mén nà kua' mebwô; ngelaṅ bin yen i là, bin soṅ àm mba me nèn ngamt'é yàm. 9Bo ju' mba mfen tshob là ndo nène. Tshù, sa se bo na' njen bag ntumnyam nà, kwé mbwe bo; ngelaṅ a kum dù' ze mén be là, a tsin num tu yen ba' là. 10Bo yen sa là ntsiaṅte kua' neshu, 11ntsho ndà, njen mén bo Maria màab nkwim ntunkekwi' mub nsi mbwe mén, ngamt'é, nga' mbàm mube, mfà nda' yi: Gol, labinda mba mire. 12Nsi tshob bo ntùm njem ndù kà bo bèn nèn mbaṅ Hèrodé, bo tshùa nze ghua mbèn njam ntùm ngô yube.
Nenèn Egipto
13Ngelaṅ ze bo nèn nà, mo' Angél Tshùaben ṅwag Yosèf ntùm njem, ntshob ndù: Lo tù, ndo' mén mba màab nkù nèn Egipto, ntswe bwe tà nkum ngelaṅ me nsi tshob wù là; nummbe Hèrodé tshwèt ndiag mén nà nezwi i. 14Yosèf lo tù, ndo' mén mba màab tèttswe', ntume, nèn Egipto. 15A #Os. 11.1tswe bwe tà nkum ngelaṅ Hèrodé kwù là, ndù men ntshob li mi ngatshob ntshob Nsi na' ntshob num ze tu Tshùaben nà, bumte ndù: Me tsiaṅ mén àm, nsô i Egipto.
16Là Hèrodé be yen ndù ghalèn nsa fùt'é, nja ntù neshu; ntum benntùn ndù bo nèn nzwite njoṅ bonfi fa tse bo be Bétléhém mba ntùm dù' ts'a ghebte mbaṅ Bétléhém nà, nto' num tse bo ghù ngu' bàa mba tse bo ke' ghù ngu' bàa là, ndaṅndaṅ mba ghalèn nsa soṅ i ngelaṅ nà. 17Ndùlala men ntshob li mi Yérémia ngatshob ntshob Nsi na' ntshob là, bumte ndù:
18Bo #Yer. 31.15lo ju' mo' nze mà Rama,
nekua' mba netam keshù' yàm neshu:
Rashél ke ndàn bon tse,
ke kô ndù mèn fite ntù i, nummbe bo
ke' bèn mbe.
19Ngelaṅ Hèrodé na' nkwù là, tshù mo' Angél Tshùaben ṅwag Yosèf ntùm njem Egipto, ntshob ndù: 20Lo tù, ndo' mén mba màab mbèn njam ntùm ngô Israél, nummbe ben tse bo na' nke nkô tu mén nà kwù. 21Yosèf lo tù, ndo' mén mba màab mbèn njam ntùm ngô Israél. 22Là, a be ju' ndù Arkélao tshwèt ntô Yudéa num dù' tàab Hèrodé, mbwôg nenèn bwe. Nsi tshob yi ntùm njem a tum nèn bag ngô Galiléa, 23nkum #Mark. 1.24; Luk. 2.39; Yoha. 1.45bwe, nke ntswe ntùm mo' ngô lén se Nazarèt, ndùlala ndù men ntshob li mi ngatshob ntshob Nsi na' ntshob là, bumte ndù: Bo nsi tsiaṅ i ze Nazarèt.
നിലവിൽ തിരഞ്ഞെടുത്തിരിക്കുന്നു:
Matio 2: BMa
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Sainte Bible en Bamiléké-Medùmba © Alliance Biblique du Cameroun, 1993. All rights reserved.