Luke 19
19
Закхей нŏх пайтәсты щир мŏщатәԓ
1Щи йўпийән Иисус Иерихон воша йŏхтәс пӑ вош хўват шушәс.
2Щита, Закхей нэмпи ий ики, ԓўв налог ӑкәтты хŏйатәт ŏх ху пӑ хŏԓна тащәӈ ху ус.
3Иисус – Щит хŏй Ԓўв, ватты кӑшсәԓы, туп мир сайән шийаԓәты ӑт веритсәԓы, пӑԓатәԓ ԓэԓ ус, щишән,
4пӑ, оԓӈашәк хухәԓмәман, смоква йўха нŏх хуӈхәс, Иисус кащаԓәты урәӈән, Ԓўвеԓ щи пўӈәԓта мӑнты мосәс.
5Хун Иисус щи тӑхайа йŏхтәс, нŏхԓы аӈкәрмәмаԓ кемән, ԓўвеԓ шийаԓәсԓы пӑ йастәс: "Закхей! Сорашәк иԓ ŏхԓа, тӑм хӑтәԓән Мӑнэм нӑӈ хотэнән уԓты мосәԓ".
6Щитәԓән ԓўв тэрматыман иԓ ŏхԓәс пӑ амәтман Ԓўвеԓ хотәԓа тусԓы.
7Пӑ хŏԓыйэ, щит ватман, ўшмащты питсәт: "Ԓўв кӑрэкәӈ хŏйат хŏща мойԓәты ԓŏӈәс!"
8Закхей пӑ, ԓойман, Турәм Кущайа йастәс: "Турәм Куща! Тӑйты хот тэԓэм и шупәԓ нўша хŏйатәта мӑԓэм, пӑ хŏй эԓты мŏԓтас усәм ки, щита ԋӑԓ пўш аратән йŏхԓы мӑԓэм".
9Иисус ԓўвеԓа йастәс: "Тӑм хӑтәԓ тӑм хота нŏх пайтәсты щир йŏхтәс, ԓўв па Авраам пŏх, щишән.
10Хŏйат Пŏх кӑншатты йŏхтәс пӑ ушәм ŏтәт нŏх пайәтты".
Христос йаӈ ŏх эԓты утәԓтәты пŏтәр пŏтәртәԓ
11Хун ԓыв щит хуԓәтсәт, и утәԓтәты пŏтәр па пŏтәртәс: Ԓўв Иерусалим вош ԉэпән ус пӑ ԓыв нумассәт, йэшавуԓ Турәм Хон Уԓәпса щи йŏхәтәԓ.
12Иисус щиты йастәс: "Йӑм рут эԓты уԓты и хŏйат хўв мўва мӑнәс, ԓуԓән щита хон кущайа павтәсты урәӈән, пӑ щӑԓта йŏхԓы йŏхәтты;
13йаӈ митйохԓаԓ вана вохман, йаӈ сорԋеӈ ŏхән#19:13 сорԋеӈ ŏх – еврей хŏйатәт щирән щит мина, хуԓәм тыԓәщ рупитәм арат ŏх; ԓывиԓаԓ мӑсԓы пӑ йастәс: "Тӑм ŏхԓән ма йŏхәттэм унты вер пеԓа мийаԓән".
14Щи мўвәӈ хŏйатԓаԓән ԓўв шек ԉикән этса пӑ ԓўв йўпеԓ хўват хŏйатәт китсайәт, йастәтыйа: "Мўӈ нўмпева щи хŏйат хŏна уԓты, мўӈ ӑт ԓӑӈхаԓув!"
15Хун, хон кущайа питмаԓ йўпийән, йŏхԓы йŏхтәс, щи митйохԓаԓ, хŏйа сорԋэӈ ŏх мийлыйәс, ԓўв хŏщайәԓ вохты партсәԓы, щи ŏхԓаԓән хŏй мўй шитәс, щит уйәтты урәӈән.
16Оԓәӈ митхуйәԓ йŏхтәс пӑ йастәс: "Куща, нӑӈ и cорԋеӈ ŏхен йаӈ сорԋеӈ ŏх тус".
17Ԓўвеԓа пӑ йастәс: "Йӑм щи, вещкат митху! Ай вер хŏща вещката уԓмен урәӈән, кущайа уԓты, йаӈ вош ўйа!"
18Кимет митхуйәԓ йŏхтәс пӑ йастәс: "Куща, нӑӈ и сорԋеӈ ŏхен вет сорԋеӈ ŏх тус".
19Щитәԓа па йастәс: "Нӑӈ па вет вош хŏща кущайа уԓа".
20Хуԓмет митхуйәԓ йŏхтәс пӑ йастәс: "Куща, тӑм мўй нӑӈ мера сорԋеӈ ŏхен, ма ԓўвеԓ, ŏхшама йŏвәртман, шависэм,
21ма нӑӈ эԓтэн пӑԓсәм, нӑӈ тарәм хŏйат: мўй ӑт пŏныԓысән, щит ўԓән, пӑ мўй мўва ӑт опсыԓысән, щит ӑкәтԓән".
22Куща ԓўвеԓа йастәс: "Вевтам митху, нӑӈ ўӈԓэнән нӑӈен сўтәтты питԓэм! Нӑӈ уйәтсэн, мўй хŏрпи ма тарәм хŏйат, мўй ӑт пŏныԓысәм, щит ўԓәм, мўй мўва ӑт опсыԓысәм, щит ӑкәтԓәм?
23Мўй урәӈән пӑ нӑӈ ма сорԋэӈ ŏхем вер пеԓа ӑт мӑсэн, ма, йŏхәттэмән ԓуԓән, йŏхԓы мŏԓтаса ўсэм!"
24Ванән ԓойты йохԓаԓ пеԓа йастәс: "Щел ŏх ԓўв эԓтэԓ ўйаԓән пӑ йаӈ сорԋеӈ ŏх тӑйты митхуйа мийаԓән".
25Ԓўвеԓа мŏхет йастәсәт: "Куща, тўмен йаӈ сорԋеӈ ŏх щи тӑйәԓ".
26"Нынана пŏтәртԓәм, кашәӈ тӑйтаӈ хŏйата мӑты питԓа, ӑт тӑйты ŏт эԓты, мўй тӑйәԓ, щитәԓ нŏх ўԓа;
27Щи мӑнэм веԓты ŏтԓам пӑ, хŏй, мӑнэма хона уԓтыйа ӑт ԓӑӈхас, тый тўваԓән пӑ, ма ватман, щӑх сэӈкаԓән".
Иисус Иерусалим воша ԓŏӈәԓ
28Щит йастәмаԓ йўпийән, Иисус йэԓԓы Иерусалим воша нŏх мӑнәс.
29Хун Ԓўв Виффагия пӑ Вифания кўртӈән ԉэпа, Элеон нэмпи кев пай ԉэпа ванамәс, кӑт утәԓтәты хуйӈәԓаԓ тŏхи китсәԓы,
30йастәман: "Нын йэԓпанән уԓты кўрта мӑнатән; щи йŏхәттанән, иԓ йӑрәм айкам осёл уйәтԓәтән, ԓўв шӑншәԓа нэмәԓты пŏрайән нэмәԓты хŏйат ӑт опсыԓыйәс; хŏԓт эӈхаԓән пӑ тый ватәԓтаԓән;
31мӑтты хŏйатән ищмиԓайтән ки: "Мўйа нŏх эхԓәԓән?", ԓўвеԓа щиты йастатән: "Ԓўв Турәм Кущайа мосәԓ".
32Китәм кӑтӈән мӑтсәӈән пӑ хŏты Ԓўв ԓынана йастәс, щиты уйәтсәԓән.
33Хун пӑ ԓын айкам осёл хŏԓт эӈхәссәԓән, войәӈ хŏйатԓаԓән ԓын иԋщәссайӈән: "Мўйа осёл пŏшәх нŏх эхсәԓән?"
34Ԓын йŏхԓы йастәсӈән: "Ԓўв Турәм Кущайа мосәԓ".
35Щӑԓта ԓўвеԓ Иисус хŏща тусԓән, пӑ, ԓумәтты сŏхԓаԓ вой шӑнша пŏнман, Иисус нŏх ԓэԓтсэԓ.
36Щӑԓта, хун Ԓўв вой шӑшән мӑнмаԓән, хŏйатәт ԓумтәмԓаԓ йуша ԓэрәпсәԓаԓ.
37Хун Ԓўв Элеон кев пай эԓты иԓ ŏхәԓты тӑхайа ванамәс, хŏԓ аратәԓ утәԓтәты йохԓаԓ, ԓыв вантәм ар йӑм йурәӈ верԓаԓ урәӈән, амәтман, сыйәӈ тўрән Турәм ишәкты питсэԓ,
38пŏтәртман: "Йӑмән мийәм Хон, Турәм Куща нэм урәӈән йиты Ŏт! Турәмән пайԓы уԓәпса, пӑ нумән ишәк йасәӈ!"
39Тухәԓ фарисейәт мир кўт эԓты Ԓўвеԓа йастәсәт: "Утәԓтәты ху! Утәԓтәты йохԓан аԓ эсԓаԓән пŏтәртты!"
40Туп Ԓўв ԓывиԓаԓа йŏхԓы йастәс: "Нынана пŏтәртԓәм, ԓыв ки нŏх вŏԓыԓәт, кев шупәт ўвты питԓәт".
41Щӑԓта, хун Иисус Иерусалим ԉэпа ванамәс, вош пеԓа ватман, ԓўв урӈәԓән хоԓԓәты питәс
42пӑ йастәс: "Йэшәк, тӑм нӑӈ хӑтԓэнән ԓуԓән нӑӈ мŏштәсэн ки, нӑӈ пайԓы уԓәпсайэн шавиты мўй верәтәԓ! Туп щит ин нӑӈ сэмӈиԓан эԓты хӑԋатман уԓԓа,
43хӑтԓәт йŏхәтԓәт, хун нўрмәԓтты ŏтԓанән нӑӈ, керәтман ԉаԉәсты урәӈән, мўв пайәтән хирԓайән пӑ лӑп ԓӑрәтԓайән, пӑ ар тӑха эԓты йэрмата тӑӈәртԓайән,
44нӑӈ пӑтэн унты шўкатԓайән, ԋаврэмԓан па нӑӈ ԓыпенән пӑратԓайәт, пӑ нӑӈ ԓыпенән омәсты и хот ӑт хӑщәԓ, мўйа нӑӈ хŏщайэн Турәм йŏхтыԓыйәм пŏра ӑт мŏштәсэн, щи урәӈән!"
Турәм Хот сыстапты вер
45Турәм хот ԓыпийа ԓŏӈмаԓ кемән, тынасты пӑ ԓутәсты хŏйатәт ким воштәты питсәԓы,
46ԓывиԓаԓа пŏтәртман: "Хӑшман уԓԓа: "Ма Хотэм – пойәкщәты хот, нын пӑ ԓўвеԓ хорахщет хота версәԓән!"
47Пӑ кашәӈ хӑтәԓ Ԓўв Турәм Хотән хŏйатәт утәԓтәс. Турма йир верты хŏйатәт ŏх икет пӑ Закона утәԓтәты хŏйатәт пӑ мир хŏща уна уԓты икет Ԓўвеԓ пӑратты урәӈән, пŏра кӑшсәт,
48пӑ ӑт уйәтсәт, а хŏты Ԓўвеԓ верты; мир, Ԓўвеԓ керәтман, лӑп ԓойман, хуԓәнтәс.
നിലവിൽ തിരഞ്ഞെടുത്തിരിക്കുന്നു:
Luke 19: ХБ
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Institute for Bible Translation, Finland
Luke 19
19
Закхей нŏх пайтәсты щир мŏщатәԓ
1Щи йўпийән Иисус Иерихон воша йŏхтәс пӑ вош хўват шушәс.
2Щита, Закхей нэмпи ий ики, ԓўв налог ӑкәтты хŏйатәт ŏх ху пӑ хŏԓна тащәӈ ху ус.
3Иисус – Щит хŏй Ԓўв, ватты кӑшсәԓы, туп мир сайән шийаԓәты ӑт веритсәԓы, пӑԓатәԓ ԓэԓ ус, щишән,
4пӑ, оԓӈашәк хухәԓмәман, смоква йўха нŏх хуӈхәс, Иисус кащаԓәты урәӈән, Ԓўвеԓ щи пўӈәԓта мӑнты мосәс.
5Хун Иисус щи тӑхайа йŏхтәс, нŏхԓы аӈкәрмәмаԓ кемән, ԓўвеԓ шийаԓәсԓы пӑ йастәс: "Закхей! Сорашәк иԓ ŏхԓа, тӑм хӑтәԓән Мӑнэм нӑӈ хотэнән уԓты мосәԓ".
6Щитәԓән ԓўв тэрматыман иԓ ŏхԓәс пӑ амәтман Ԓўвеԓ хотәԓа тусԓы.
7Пӑ хŏԓыйэ, щит ватман, ўшмащты питсәт: "Ԓўв кӑрэкәӈ хŏйат хŏща мойԓәты ԓŏӈәс!"
8Закхей пӑ, ԓойман, Турәм Кущайа йастәс: "Турәм Куща! Тӑйты хот тэԓэм и шупәԓ нўша хŏйатәта мӑԓэм, пӑ хŏй эԓты мŏԓтас усәм ки, щита ԋӑԓ пўш аратән йŏхԓы мӑԓэм".
9Иисус ԓўвеԓа йастәс: "Тӑм хӑтәԓ тӑм хота нŏх пайтәсты щир йŏхтәс, ԓўв па Авраам пŏх, щишән.
10Хŏйат Пŏх кӑншатты йŏхтәс пӑ ушәм ŏтәт нŏх пайәтты".
Христос йаӈ ŏх эԓты утәԓтәты пŏтәр пŏтәртәԓ
11Хун ԓыв щит хуԓәтсәт, и утәԓтәты пŏтәр па пŏтәртәс: Ԓўв Иерусалим вош ԉэпән ус пӑ ԓыв нумассәт, йэшавуԓ Турәм Хон Уԓәпса щи йŏхәтәԓ.
12Иисус щиты йастәс: "Йӑм рут эԓты уԓты и хŏйат хўв мўва мӑнәс, ԓуԓән щита хон кущайа павтәсты урәӈән, пӑ щӑԓта йŏхԓы йŏхәтты;
13йаӈ митйохԓаԓ вана вохман, йаӈ сорԋеӈ ŏхән#19:13 сорԋеӈ ŏх – еврей хŏйатәт щирән щит мина, хуԓәм тыԓәщ рупитәм арат ŏх; ԓывиԓаԓ мӑсԓы пӑ йастәс: "Тӑм ŏхԓән ма йŏхәттэм унты вер пеԓа мийаԓән".
14Щи мўвәӈ хŏйатԓаԓән ԓўв шек ԉикән этса пӑ ԓўв йўпеԓ хўват хŏйатәт китсайәт, йастәтыйа: "Мўӈ нўмпева щи хŏйат хŏна уԓты, мўӈ ӑт ԓӑӈхаԓув!"
15Хун, хон кущайа питмаԓ йўпийән, йŏхԓы йŏхтәс, щи митйохԓаԓ, хŏйа сорԋэӈ ŏх мийлыйәс, ԓўв хŏщайәԓ вохты партсәԓы, щи ŏхԓаԓән хŏй мўй шитәс, щит уйәтты урәӈән.
16Оԓәӈ митхуйәԓ йŏхтәс пӑ йастәс: "Куща, нӑӈ и cорԋеӈ ŏхен йаӈ сорԋеӈ ŏх тус".
17Ԓўвеԓа пӑ йастәс: "Йӑм щи, вещкат митху! Ай вер хŏща вещката уԓмен урәӈән, кущайа уԓты, йаӈ вош ўйа!"
18Кимет митхуйәԓ йŏхтәс пӑ йастәс: "Куща, нӑӈ и сорԋеӈ ŏхен вет сорԋеӈ ŏх тус".
19Щитәԓа па йастәс: "Нӑӈ па вет вош хŏща кущайа уԓа".
20Хуԓмет митхуйәԓ йŏхтәс пӑ йастәс: "Куща, тӑм мўй нӑӈ мера сорԋеӈ ŏхен, ма ԓўвеԓ, ŏхшама йŏвәртман, шависэм,
21ма нӑӈ эԓтэн пӑԓсәм, нӑӈ тарәм хŏйат: мўй ӑт пŏныԓысән, щит ўԓән, пӑ мўй мўва ӑт опсыԓысән, щит ӑкәтԓән".
22Куща ԓўвеԓа йастәс: "Вевтам митху, нӑӈ ўӈԓэнән нӑӈен сўтәтты питԓэм! Нӑӈ уйәтсэн, мўй хŏрпи ма тарәм хŏйат, мўй ӑт пŏныԓысәм, щит ўԓәм, мўй мўва ӑт опсыԓысәм, щит ӑкәтԓәм?
23Мўй урәӈән пӑ нӑӈ ма сорԋэӈ ŏхем вер пеԓа ӑт мӑсэн, ма, йŏхәттэмән ԓуԓән, йŏхԓы мŏԓтаса ўсэм!"
24Ванән ԓойты йохԓаԓ пеԓа йастәс: "Щел ŏх ԓўв эԓтэԓ ўйаԓән пӑ йаӈ сорԋеӈ ŏх тӑйты митхуйа мийаԓән".
25Ԓўвеԓа мŏхет йастәсәт: "Куща, тўмен йаӈ сорԋеӈ ŏх щи тӑйәԓ".
26"Нынана пŏтәртԓәм, кашәӈ тӑйтаӈ хŏйата мӑты питԓа, ӑт тӑйты ŏт эԓты, мўй тӑйәԓ, щитәԓ нŏх ўԓа;
27Щи мӑнэм веԓты ŏтԓам пӑ, хŏй, мӑнэма хона уԓтыйа ӑт ԓӑӈхас, тый тўваԓән пӑ, ма ватман, щӑх сэӈкаԓән".
Иисус Иерусалим воша ԓŏӈәԓ
28Щит йастәмаԓ йўпийән, Иисус йэԓԓы Иерусалим воша нŏх мӑнәс.
29Хун Ԓўв Виффагия пӑ Вифания кўртӈән ԉэпа, Элеон нэмпи кев пай ԉэпа ванамәс, кӑт утәԓтәты хуйӈәԓаԓ тŏхи китсәԓы,
30йастәман: "Нын йэԓпанән уԓты кўрта мӑнатән; щи йŏхәттанән, иԓ йӑрәм айкам осёл уйәтԓәтән, ԓўв шӑншәԓа нэмәԓты пŏрайән нэмәԓты хŏйат ӑт опсыԓыйәс; хŏԓт эӈхаԓән пӑ тый ватәԓтаԓән;
31мӑтты хŏйатән ищмиԓайтән ки: "Мўйа нŏх эхԓәԓән?", ԓўвеԓа щиты йастатән: "Ԓўв Турәм Кущайа мосәԓ".
32Китәм кӑтӈән мӑтсәӈән пӑ хŏты Ԓўв ԓынана йастәс, щиты уйәтсәԓән.
33Хун пӑ ԓын айкам осёл хŏԓт эӈхәссәԓән, войәӈ хŏйатԓаԓән ԓын иԋщәссайӈән: "Мўйа осёл пŏшәх нŏх эхсәԓән?"
34Ԓын йŏхԓы йастәсӈән: "Ԓўв Турәм Кущайа мосәԓ".
35Щӑԓта ԓўвеԓ Иисус хŏща тусԓән, пӑ, ԓумәтты сŏхԓаԓ вой шӑнша пŏнман, Иисус нŏх ԓэԓтсэԓ.
36Щӑԓта, хун Ԓўв вой шӑшән мӑнмаԓән, хŏйатәт ԓумтәмԓаԓ йуша ԓэрәпсәԓаԓ.
37Хун Ԓўв Элеон кев пай эԓты иԓ ŏхәԓты тӑхайа ванамәс, хŏԓ аратәԓ утәԓтәты йохԓаԓ, ԓыв вантәм ар йӑм йурәӈ верԓаԓ урәӈән, амәтман, сыйәӈ тўрән Турәм ишәкты питсэԓ,
38пŏтәртман: "Йӑмән мийәм Хон, Турәм Куща нэм урәӈән йиты Ŏт! Турәмән пайԓы уԓәпса, пӑ нумән ишәк йасәӈ!"
39Тухәԓ фарисейәт мир кўт эԓты Ԓўвеԓа йастәсәт: "Утәԓтәты ху! Утәԓтәты йохԓан аԓ эсԓаԓән пŏтәртты!"
40Туп Ԓўв ԓывиԓаԓа йŏхԓы йастәс: "Нынана пŏтәртԓәм, ԓыв ки нŏх вŏԓыԓәт, кев шупәт ўвты питԓәт".
41Щӑԓта, хун Иисус Иерусалим ԉэпа ванамәс, вош пеԓа ватман, ԓўв урӈәԓән хоԓԓәты питәс
42пӑ йастәс: "Йэшәк, тӑм нӑӈ хӑтԓэнән ԓуԓән нӑӈ мŏштәсэн ки, нӑӈ пайԓы уԓәпсайэн шавиты мўй верәтәԓ! Туп щит ин нӑӈ сэмӈиԓан эԓты хӑԋатман уԓԓа,
43хӑтԓәт йŏхәтԓәт, хун нўрмәԓтты ŏтԓанән нӑӈ, керәтман ԉаԉәсты урәӈән, мўв пайәтән хирԓайән пӑ лӑп ԓӑрәтԓайән, пӑ ар тӑха эԓты йэрмата тӑӈәртԓайән,
44нӑӈ пӑтэн унты шўкатԓайән, ԋаврэмԓан па нӑӈ ԓыпенән пӑратԓайәт, пӑ нӑӈ ԓыпенән омәсты и хот ӑт хӑщәԓ, мўйа нӑӈ хŏщайэн Турәм йŏхтыԓыйәм пŏра ӑт мŏштәсэн, щи урәӈән!"
Турәм Хот сыстапты вер
45Турәм хот ԓыпийа ԓŏӈмаԓ кемән, тынасты пӑ ԓутәсты хŏйатәт ким воштәты питсәԓы,
46ԓывиԓаԓа пŏтәртман: "Хӑшман уԓԓа: "Ма Хотэм – пойәкщәты хот, нын пӑ ԓўвеԓ хорахщет хота версәԓән!"
47Пӑ кашәӈ хӑтәԓ Ԓўв Турәм Хотән хŏйатәт утәԓтәс. Турма йир верты хŏйатәт ŏх икет пӑ Закона утәԓтәты хŏйатәт пӑ мир хŏща уна уԓты икет Ԓўвеԓ пӑратты урәӈән, пŏра кӑшсәт,
48пӑ ӑт уйәтсәт, а хŏты Ԓўвеԓ верты; мир, Ԓўвеԓ керәтман, лӑп ԓойман, хуԓәнтәс.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Institute for Bible Translation, Finland