မႃႇၵူႉ 6
6
ၵူၼ်းဝဵင်းၼႃႇၸရႅတ်ႈဢမ်ႇႁပ်ႉၸဝ်ႈယေႇသူႉ
(တူၺ်း၊ မၢတ်ႈ 13:53-58။ လူႉ 4:16-30)
1မၼ်းၸဝ်ႈဢွၵ်ႇသေၵႃႈတီႈၼၼ်ႈၵႂႃႇလႄႈ ႁွတ်ႈထိုင်ၵႃႈတီႈဝဵင်း တူဝ်ၸဝ်ႈၵဝ်ႇပုၼ်ႉဢေႃႈ။ တပႄးၸဝ်ႈတင်းလၢႆၵေႃႈ ၸွမ်းမၼ်းၸဝ်ႈၵႂႃႇဢေႃႈ။- 2မိူဝ်ႈဢၼ်ႁွတ်ႈထိုင်ဝၼ်းၵမ်သိၼ်ၸိုင်၊ မၼ်းၸဝ်ႈသင်ႇသွၼ်သုင်းမႃႉပၼ် ၵႃႈၼႂ်းၸရွပ်ႈႁေႃးတြႃးယူႇဢေႃႈ။ ၵူၼ်းၼမ်ၼႃႇလႆႈငိၼ်းသေယဝ်ႉ၊ ၵႂင်ၸႂ်ယုင်ႈၸႂ်လႄႈ လၢတ်ႈလႄႈဝႃႈ၊ ၵူၼ်းၵေႃႉၼႆႉ လႆႈလွင်ႈတၢင်းၸိူဝ်းၼႆႉၵႃႈတီႈလႂ်။ ပိင်ႇၺႃႇ ဢၼ်မၼ်းလႆႈၼႆႉၸမ်ႉ၊ ပဵၼ်ပိင်ႇၺႃႇဢၼ်လႂ်။ တၼ်းၶူဝ်းၸိူဝ်းၼႆႉ ပဵၼ်မႃးၼႂ်းမိုဝ်းမၼ်းၸိူဝ်ႉၼင်ႇႁိုဝ်။- 3မၼ်းၼႆႉ ပဵၼ်လၢၵ်ႈသမႃးဢမ်ႇၸႂ်ႈႁိုဝ်။ ပဵၼ်လုၵ်ႈၸၢႆးမႃႇရီႉ ဢမ်ႇၸႂ်ႈႁိုဝ်။ ပဵၼ်ပီႈၸၢႆးယႃႇၵုပ်ႈ၊ ယူဝ်းသေႇ၊ ယူႉတႃႉ၊ သီႉမုၼ်ႇ ၶဝ်ၼၼ်ႉဢမ်ႇၸႂ်ႈႁိုဝ်။ ၼွင်ႉယိင်းမၼ်းတင်းလၢႆၵေႃႈ မီးယူႇလူၺ်ႈၵၼ်တင်းႁဝ်းဢမ်ႇၸႂ်ႈႁိုဝ်။ ဝႃႈၼင်ႇၼႆလႄႈ ၸႂ်လူႉၵွပ်ႈပိူဝ်ႈမၼ်းၸဝ်ႈဢေႃႈ။- 4ယေႇသူႉၵေႃႈ လၢတ်ႈတီႈၶဝ်ၼၼ်ႉလႄႈဝႃႈ၊ ပရေႃးၽႅတ်ႈၸိုင်၊ လိူဝ်သေၵႃႈတီႈဝဵင်းတူဝ်ၸဝ်ႈၵဝ်ႇ၊ ၵႃႈတီႈဢၼ်ပီႈၼွင်ႉတူဝ်ၸဝ်ႈၵဝ်ႇယူႇ၊ ၵႃႈတီႈႁိူၼ်းတူဝ်ၸဝ်ႈၵဝ်ႇၼၼ်ႉ၊ ဢမ်ႇၵၢင်းလွတ်ႈတင်းသရေႇ၊ ဝႃႈၼင်ႇၼႆဢေႃႈ။- 5ၵႃႈတီႈၼၼ်ႈ လိူဝ်သေတၢင်းဢၼ်ဢဝ်မိုဝ်းတၢင်ႇၵႃႈၼိူဝ်ၵူၼ်းဢၼ်ဢမ်ႇယူႇလီ ၵမ်ႈၽွင်ႈလႄႈ ႁႂ်ႈတၢင်းၶႆႈတၢင်းပဵၼ်ၶဝ်ႁၢႆၼၼ်ႉၵူၺ်း၊ မၼ်းၸဝ်ႈဢမ်ႇၼႄပျႃး တၼ်းၶူဝ်းဢၼ်လႂ်လႆႈ။- 6ပိူဝ်ႈဢၼ် ၶဝ်ဢမ်ႇယုမ်ႇမၢတ်ႈလႄႈ မၼ်းၸဝ်ႈမီးၸႂ် ဢၼ်ဢၢမ်းၼႃႇလူင်လၢင်ဢေႃႈ။
ၸဝ်ႈယေႇသူႉပွႆႇၸႂ်ႉတမၢၼ်ႇသိပ်းသွင်ပႃး
(တူၺ်း၊ မၢတ်ႈ 10:5-15။ လူႉ 9:1-6)
မၼ်းၸဝ်ႈတေႇသႃႉၸႃႇရီႇလႄႇလဵပ်ႈၵႃႈၼႂ်းဝၢၼ်ႈၼႂ်းဝဵင်း ဢၼ်မီးၵႃႈတီႈႁိမ်းႁွမ်းၸိူဝ်းၼၼ်ႉလႄႈ သင်ႇသွၼ်သုင်းမႃႉပၼ်ယူႇဢေႃႈ။
7မၼ်းၸဝ်ႈႁွင်ႉဢဝ် သိပ်းသွင်ပႃးတင်းလၢႆယဝ်ႉၸင်ႇ၊ ပၼ်ဢၶႂၢင်ႉႁႂ်ႈၶဝ်လႆႈပႄႉၼႅင်ႇၽီဢၼ်ၵူဝ်ႈၵိူၵ်ႇတင်းလၢႆယူႇသေလႄႈ ပွႆႇၸႂ်ႉၶဝ်ၵႂႃႇသွင်ၵေႃႉ သွင်ၵေႃႉ ႁင်းၽႂ်ႁင်းမၼ်းလႄႈ၊- 8သင်ႇလၢတ်ႈလႄႈဝႃႈ၊ လိူဝ်သေၶွၼ်ႉတဝ်ႉဢၼ်ၼိုင်ႈပုၼ်ႈဢၼ်တၵ်းၵႂႃႇတၢင်းၼၼ်ႉ၊ သူယႃႇပေဢဝ်ၵႃႈသင်ၵႂႃႇ။ ယႃႇပေဢဝ် ၸႃႉၸဵမ်ထူင်ပႃး၊ ၶဝ်ႈမုၼ်း ဢိၵ်ႇတင်းငိုၼ်းတွင်းၵႃႈၼႂ်းသၢႆဢႅဝ်ၵႂႃႇ။- 9တိုဝ်းၶႅပ်းတိၼ်တႃႉ။ ယႃႇပေၼုင်ႈသိူဝ်ႈသွင်ၽိုၼ်၊ ဝႃႈၼင်ႇၼႆဢေႃႈ။- 10လိူဝ်သေၼၼ်ႉ၊ မၼ်းၸဝ်ႈမီးဢမိင်ႉတီႈၶဝ်ၼၼ်ႉလႄႈဝႃႈ၊ မိူဝ်ႈဢၼ်သူၶဝ်ႈၵႃႈၼႂ်းႁိူၼ်းဢၼ်လႂ်သေဢမ်ႇဝႃႈ၊ ၸူဝ်ႈဢၼ်ဢမ်ႇပႆႇဢွၵ်ႇၵႂႃႇသေၵႃႈတီႈၼၼ်ႈၸိုင် ယူႇၵႃႈတီႈၼႂ်းႁိူၼ်းၼၼ်ႉတႃႉ။- 11တီႈလႂ်သေဢမ်ႇဝႃႈ၊ ဢၼ်ဢမ်ႇႁပ်ႉတုင်းဢဝ်သူ၊ ဢမ်ႇထွမ်ႇဢဝ်ၵႂၢမ်းသူၼၼ်ႉ၊ ၼႂ်းမိူဝ်ႈဢၼ်သူယင်းတိုၵ်ႉဢွၵ်ႇၵႂႃႇသေၵႃႈတီႈၼၼ်ႈယူႇၼၼ်ႉၸိုင် သၼ်ႇမုၼ်ႈလိၼ်ဢၼ်ၸပ်းၵႃႈတီႈတိၼ်သူၼၼ်ႉပႅတ်ႈ ႁႂ်ႈပဵၼ်သၢၵ်ႈသေႇတီႈၶဝ်ၼၼ်ႉတႃႉ၊ ဝႃႈၼင်ႇၼႆဢေႃႈ။
12ၶဝ်ၼၼ်ႉ ဢွၵ်ႇၵႂႃႇလႄႈ ႁေႃးလၢတ်ႈလွင်ႈတၢင်းဢၼ်တၵ်းလႆႈ ၶုၵ်းၸႂ်လႆႈမႆႈၸႂ်ဢေႃႈ။- 13ၶဝ်ႁေႃႈၽီႁၢႆႉၼမ်ၼႃႇဢွၵ်ႇပႅတ်ႈဢေႃႈ။ ၶဝ်ဢဝ်ၼမ်ႉမၼ်းတႃးၶဝ်ၸိူဝ်းဢၼ်ဢမ်ႇယူႇလီၼၼ်ႉလႄႈ ႁႂ်ႈတၢင်းၶႆႈတၢင်းပဵၼ်ႁၢႆဢေႃႈ။
သြႃႇယူဝ်းႁၢၼ်ႇလႆႈၶၢမ်ႇတၢႆ
(တူၺ်း၊ မၢတ်ႈ 14:1-12။ လူႉ 9:7-9)
14မိူဝ်ႈၼၼ်ႉ ပိူဝ်ႈဢၼ်ၸိုဝ်ႈသဵင်မၼ်းၸဝ်ႈ ႁူင်ႁၢင်းသႃႈၸွတ်ႇၵႂႃႇလႄႈ၊ ၶုၼ်လူင်ႁေႇရူတ်ႈငိၼ်းလႄႈ လၢတ်ႈဝႃႈ၊ ယူဝ်းႁၢၼ်ႇ ဢၼ်ပၼ်ပပ်ႉတီႉၸမ်ႇၼၼ်ႉ လုၵ်ႉၵႃႈတၢင်းတၢႆၶိုၼ်းလိပ်းယဝ်ႉ။ ပိူဝ်ႈၼႆၸင်ႇ၊ တၼ်းၶူဝ်းၼမ်ၼႃႇၼႆႉ ၸၢင်ႈႁဵတ်းပွင်ယူႇၵႃႈၼႂ်းမၼ်းဢေႃႈ၊ ဝႃႈၼင်ႇၼႆဢေႃႈ။- 15ၵူၼ်းၵမ်ႈၽွင်ႈၵေႃႈဝႃႈ၊ မၼ်းပဵၼ်ဢေးလီႉယႃႉဢေႃႈ၊ ဝႃႈၼင်ႇၼႆဢေႃႈ။ ၵမ်ႈၽွင်ႈၵေႃႈဝႃႈ၊ ပဵၼ်ပရေႃးၽႅတ်ႈမိူၼ်ၸိူဝ်ႉၼင်ႇ ပရေႃးၽႅတ်ႈဢွၼ်တၢင်းမိူဝ်ႈၼၼ်ႉၸိူဝ်းၼၼ်ႉ သေပႃးပႃးဢေႃႈ၊ ဝႃႈၼင်ႇၼႆဢေႃႈ။- 16ၵူၺ်းၵႃႈ ၶုၼ်လူင် ႁေႇရူတ်ႈၼၼ်ႉ ငိၼ်းသေယဝ်ႉ၊ လၢတ်ႈလႄႈဝႃႈ၊ ၵေႃႉၼႆႉၸမ်ႉ၊ ပဵၼ်ယူဝ်းႁၢၼ်ႇ ဢၼ်ၵဝ်ႁႂ်ႈတႅပ်းႁူဝ်မၼ်းၼၼ်ႉဢေႃႈ။ မၼ်းလုၵ်ႉၵႃႈတၢင်းတၢႆ ၶိုၼ်းလိပ်းယဝ်ႉ၊ ဝႃႈၼင်ႇၼႆဢေႃႈ။- 17မိူဝ်ႈဢွၼ်တၢင်းၼၼ်ႉ ၶုၼ်လူင် ႁေႇရူတ်ႈၼၼ်ႉ လႆႈသိမ်းဢဝ် ႁေႇရူဝ်းတီႉ မေးၼွင်ႉၸၢႆးမၼ်း ၽီႉလိပ်ႉပူႉၼၼ်ႉသေယဝ်ႉ၊ ၵွပ်ႈပိူဝ်ႈမႄႈယိင်းၼၼ်ႉလႄႈ ပွႆႇၸႂ်ႉၵူၼ်းၵႂႃႇတီႉဢဝ် ယူဝ်းႁၢၼ်ႇသေလႄႈ မတ်ႉၶင်ဝႆႉၵႃႈၼႂ်းထွင်ႇဢေႃႈ။- 18လွင်ႈမၼ်းၸမ်ႉ ယူဝ်းႁၢၼ်ႇၼၼ်ႉ လႆႈလၢတ်ႈတီႈၶုၼ်လူင် ႁေႇရူတ်ႈလႄႈဝႃႈ၊ ၸဝ်ႈႁဝ်းဢမ်ႇလီသိမ်းဢဝ်မေးၼွင်ႉၸၢႆးၸဝ်ႈၵဝ်ႇ၊ ဝႃႈၼင်ႇၼႆၼၼ်ႉဢေႃႈ။- 19ပိူဝ်ႈၼႆလႄႈ ႁေႇရူဝ်းတီႉၼၼ်ႉ ဝႆႉၸႂ်တီႈယူဝ်းႁၢၼ်ႇလႄႈ မီးဢလူဝ်ႇၶႂ်ႈဢဝ်မၼ်းတၢႆသေၵေႃႈ ဢမ်ႇပဵၼ်လႆႈ။- 20လွင်ႈမၼ်းၸမ်ႉ ၶုၼ်လူင်ႁေႇရူတ်ႈ ႁူႉလွင်ႈဢၼ် ယူဝ်းႁၢၼ်ႇပဵၼ်ၵေႃႉဢၼ်မူတ်းၸၢင်ႇ၊ ၵေႃႉဢၼ်သိုဝ်ႈတေႃႇၼၼ်ႉလႄႈ ၵူဝ်မၼ်းဢေႃႈ။ ပႂ်ႉလူပႂ်ႉတူၺ်းမၼ်းယူႇဢေႃႈ။ မိူဝ်ႈဢၼ် ထွမ်ႇၵႂၢမ်းမၼ်းၼၼ်ႉၸိုင်၊ ႁဵတ်းၸွမ်းလွင်ႈတၢင်းၼမ်ၼႃႇယူႇလႄႈ ၸင်ႇမီးတင်းၸႂ်ဢၼ်သိူဝ်းၸူမ်းၼႃႇလူင်လၢင်ထွမ်ႇငိၼ်းမၼ်းဢေႃႈ။
21လိုၼ်းၼၼ်ႉ ၶိင်ႇမၼ်းထုၵ်ႇယဝ်ႉၸင်ႇ၊ ၼႂ်းမိူဝ်ႈဢၼ် ၶုၼ်လူင်ႁေႇရူတ်ႈ ၶၢမ်ႇပွႆးဢၸႅၼ်ႇ ဝၼ်းဢၼ်ပဵၼ်ဝၼ်းမၼ်းၸဝ်ႈၵိူတ်ႇလဵင်ႉမႃးၼၼ်ႉလႄႈ ႁဵတ်းလဵင်ႉႁဵတ်းလူတီႈမူးမၢတ်ႈၽွင်းမိူင်း ဢိၵ်ႇတင်းၵႄႇၵူၼ်းသိုၵ်း တင်းၶဝ်ၸိူဝ်းဢၼ် ပဵၼ်ၵူၼ်းယႂ်ႇၵူၼ်းလူင် ၵႃႈၼႂ်းမိူင်းၵႃႇလီႉလႄးၼၼ်ႉ ယူႇၼၼ်ႉၸိုင်၊- 22လုၵ်ႈယိင်း ႁေႇရူဝ်းတီႉ ၶဝ်ႈလႄႈ ၵႃႈယဝ်ႉၸင်ႇ၊ ၸႃႉၸဵမ်ၶုၼ်လူင်ႁေႇရူတ်ႈ ဢိၵ်ႇတင်းၶဝ်ၸိူဝ်းဢၼ် ဢိင်ယူႇလူၺ်ႈၵၼ်တင်းမၼ်းၸဝ်ႈ ၵႃႈတီႈႁိမ်းၶူင်ႇတီႈၵိၼ်ၼၼ်ႉ ထုၵ်ႇၸႂ်ၵျိူၵ်ႈၸႂ်ၼႃႇလႄႈ ၶုၼ်လူင်ၵေႃႈ မီးဢမိင်ႉလၢတ်ႈတီႈမႄႈယိင်းဢွၼ်ႇၼၼ်ႉလႄႈဝႃႈ၊ ၵႃႈဢၼ်မႂ်းၶႂ်ႈလႆႈၼၼ်ႉၸိုင်၊ ယွၼ်းတႃႉ။ ၵဝ်တၵ်းပၼ်တီႈမႂ်းဢေႃႈ၊ ဝႃႈၼင်ႇၼႆဢေႃႈ။- 23မၼ်းၸဝ်ႈသမ်ႉ ၵိၼ်ႇလၢတ်ႈသေလႄႈဝႃႈ၊ ၵႃႈဢၼ်မႂ်းယွၼ်း တေႃႇထိုင်ႁွတ်ႈမိူင်းၽၢၵ်ႇၼိုင်ႈၸိုင်၊ ၵဝ်တၵ်းပၼ်တီႈမႂ်းဢေႃႈ၊ ဝႃႈၼင်ႇၼႆဢေႃႈ။- 24မႄႈယိင်းဢွၼ်ႇၼၼ်ႉ ဢွၵ်ႇၵႂႃႇလႄႈ ထၢမ်တီႈမႄႈမၼ်းလႄႈဝႃႈ၊ တၵ်းလႆႈယွၼ်းဢဝ်ၵႃႈသင်၊ ဝႃႈၼင်ႇၼႆ သေယဝ်ႉ၊ မႄႈမၼ်းၵေႃႈ ၶိုၼ်းလၢတ်ႈလႄႈဝႃႈ၊ ယွၼ်းဢဝ်ႁူဝ်ယူဝ်းႁၢၼ်ႇ ဢၼ်ပၼ်ပပ်ႉတီႉၸမ်ႇၼၼ်ႉတႃႉ၊ ဝႃႈၼင်ႇၼႆယဝ်ႉၸင်ႇ၊- 25မႄႈယိင်းဢွၼ်ႇၼၼ်ႉ ၶဝ်ႈၵႃႈတီႈၶုၼ်လူင်ၶၼ်ၶၼ်ၽႂ်းၽႂ်း ၵမ်းလဵဝ်သေလႄႈ လဝ်ႊယွၼ်းလႄႈဝႃႈ၊ ၵဝ်ၶႃႈမီးဢလူဝ်ႇၶႂ်ႈႁႂ်ႈဢဝ်ႁူဝ် ယူဝ်းႁၢၼ်ႇ ဢၼ်ပၼ်ပပ်ႉတီႉၸမ်ႇၼၼ်ႉ သႂ်ႇၵႃႈၼႂ်းလၢင်ႇပၢၼ်းမႃး ၶၼ်ၶၼ်ၽႂ်းၽႂ်းတီႈၶႃႈဢေႃႈ၊ ဝႃႈၼင်ႇၼႆဢေႃႈ။- 26ၶုၼ်လူင်ၼၼ်ႉ၊ ပိၵ်ႉသမ်ႉၸႂ်လဵၵ်ႉၼႃႇသေၵေႃႈ၊ ၵွပ်ႈပိူဝ်ႈ တၢင်းဢၼ်မၼ်းၸဝ်ႈလႆႈၵိၼ်ႇလႆႈဝႃႈ ဢိၵ်ႇတင်းၵွပ်ႈပိူဝ်ႈၶဝ်ၸိူဝ်းဢၼ် ဢိင်ယူႇလူၺ်ႈၵၼ်တင်းမၼ်းၸဝ်ႈၼၼ်ႉလႄႈ၊ ဢမ်ႇၶႂ်ႈထဵင်ပႅတ်ႈမႄႈယိင်းဢွၼ်ႇၼၼ်ႉလႄႈ၊- 27ပွႆႇၸႂ်ႉၵူၼ်းပႂ်ႉၵေႃႉၼိုင်ႈၵႂႃႇၵမ်းလဵဝ်ယူႇသေလႄႈ မီးဢမိင်ႉလႄႈဝႃႈ၊ ဢဝ်ႁူဝ်မၼ်းမႃးတႃႉ၊ ဝႃႈၼင်ႇၼႆယဝ်ႉၸင်ႇ၊- 28ၵူၼ်းပႂ်ႉၼၼ်ႉ ၵႂႃႇတႅပ်းဢဝ်ႁူဝ်ယူဝ်းႁၢၼ်ႇ ၵႃႈၼႂ်းထွင်ႇဢေႃႈ။ ဢဝ်ႁူဝ်မၼ်းသႂ်ႇၵႃႈၼႂ်းလၢင်ႇပၢၼ်းမႃးလႄႈ ပၼ်တီႈမႄႈယိင်းဢွၼ်ႇၼၼ်ႉယဝ်ႉၸင်ႇ၊ မၼ်းၵေႃႈ ပၼ်တီႈမႄႈမၼ်းဢေႃႈ။- 29တပႄးယူဝ်းႁၢၼ်ႇတင်းလၢႆၵေႃႈ၊ မိူဝ်ႈဢၼ်ငိၼ်းၸိုင်၊ မႃးဢဝ်တူဝ်တၢႆမၼ်းလႄႈ သၢင်းၵျူဝ်ႇၵႃႈၼႂ်းသၢင်းၶႅင်းဢေႃႈ။
ၸဝ်ႈယေႇသူႉလဵင်ႉၵူၼ်းႁႃႈႁဵင်
(တူၺ်း၊ မၢတ်ႈ 14:13-21။ လူႉ 9:10-17။ ယူဝ်း 6:1-14)
30တမၢၼ်ႇၸဝ်ႈတင်းလၢႆ မႃးၸူႉၵၼ်တုမ်ၵၼ်တီႈယေႇသူႉလႄႈ လဝ်ႊလၢတ်ႈလွင်ႈတၢင်းၵႃႈဢၼ်ၶဝ်ႁဵတ်း ဢိၵ်ႇတင်းလွင်ႈတၢင်းၵႃႈဢၼ်ၶဝ်သင်ႇသွၼ်ပၼ်ၸိူဝ်းၼၼ်ႉ တီႈမၼ်းၸဝ်ႈဢေႃႈ။- 31မၼ်းၸဝ်ႈၵေႃႈ လၢတ်ႈလႄႈဝႃႈ၊ သူမႃးၵႃႈတီႈၼႂ်းထိူၼ်ႇ တီႈဢၼ်ပိူၼ်ႈဢမ်ႇမီးၼၼ်ႉလႄႈ လိုဝ်ႈၵမ်းဢွၼ်ႇၼိုင်ႈလူးၵွၼ်ႇတႃႉ၊ ဝႃႈၼင်ႇၼႆဢေႃႈ။ လွင်ႈမၼ်းၸမ်ႉ ၵူၼ်းၼမ်ၼႃႇ ၵႂႃႇၵႂႃႇမႃးမႃးယူႇလႄႈ တမၢၼ်ႇၸဝ်ႈတင်းလၢႆၸိူဝ်းၼၼ်ႉ ထၼ်ႈပေႃးဢမ်ႇတၼ်းၵိၼ်တၢင်းၵိၼ် တၢင်းၶူပ်းလႆႈ။- 32ပိူဝ်ႈၼႆလႄႈ ၶဝ်ၶီႇႁိူဝ်းၵႂႃႇၵႃႈတီႈၼႂ်းထိူၼ်ႇ တီႈဢၼ်ပိူၼ်ႈဢမ်ႇမီးၼၼ်ႉဢေႃႈ။- 33ၵူၼ်းၼမ်ၼႃႇ မိူဝ်ႈဢၼ်ႁၼ်ၶဝ်ၵႂႃႇလႄႈ ႁူႉလွင်ႈဢၼ် ပဵၼ်ၶဝ်ၸိုင် ဢွၵ်ႇသေၵႃႈၼႂ်းၵူႈဝၢၼ်ႈၵူႈဝဵင်းတင်းသဵင်ႈတင်းလူင် ပႆတိၼ်လႅၼ်ႈၵႂႃႇၵႃႈတီႈၼၼ်ႈလႄႈ ႁွတ်ႈထိုင်ဢွၼ်တၢင်းၶဝ်ၼၼ်ႉဢေႃႈ။- 34မၼ်းၸဝ်ႈဢွၵ်ႇၵႂႃႇလႄႈ ထူပ်းႁၼ်ၵူၼ်းဢၼ်ၸူႉဢၼ်တုမ်ၼမ်ၼႃႇသေယဝ်ႉ၊ မီးၸႂ်ဢၼ်ဢဵတ်းလူၶဝ် ၵွပ်ႈပိူဝ်ႈဢၼ် ၶဝ်ပဵၼ်ၼင်ႇသူဝ်းတင်းလၢႆ ဢၼ်ဢမ်ႇမီးၵေႃႉဢၼ်လဵင်ႉဢၼ်လူၼၼ်ႉလႄႈ သင်ႇသွၼ်သုင်းမႃႉပၼ်ၼမ်ၼႃႇ တီႈၶဝ်ၼၼ်ႉဢေႃႈ။
35မိူဝ်ႈဢၼ်ႁွတ်ႈထိုင်ၶိင်ႇႁူဝ်ၶမ်ႈၸိုင်၊ တပႄးၸဝ်ႈတင်းလၢႆ သုတ်ႉၸပ်းသုတ်ႉၸူးတီႈမၼ်းၸဝ်ႈသေလႄႈ လဝ်ႊလၢတ်ႈလႄႈဝႃႈ၊ ၵႃႈတီႈၼႆႈ ပဵၼ်တီႈထိူၼ်ႇ ၶႃႈဢေႃႈ။ ၶိင်ႇၵေႃႈသဵင်ႈတေႃႈလဵဝ်ၶႃႈယဝ်ႉ။- 36ၼင်ႇႁိုဝ်ၵူၼ်းၸိူဝ်းၼႆႉ တၵ်းလႆႈၵႂႃႇၵႃႈတီႈ ဝၢၼ်ႈၵၢင်ပၢင်ႇႁိမ်းႁွမ်းတီႈၼႆႈလႄႈ သိုဝ်ႉဢဝ်တၢင်းၵိၼ်ၸိုင်၊ ၸဝ်ႈႁဝ်းပွႆႇၵႂႃႇသေၵမ်းၶႃႈ။ ၶဝ်ဢမ်ႇမီးပုၼ်ႈဢၼ်တၵ်းၵိၼ်ၶႃႈဢေႃႈ၊ ဝႃႈၼင်ႇၼႆယဝ်ႉၸင်ႇ၊- 37မၼ်းၸဝ်ႈၵေႃႈ ၶိုၼ်းလၢတ်ႈလႄႈဝႃႈ၊ သူပၼ်ပုၼ်ႈဢၼ်ၶဝ်တၵ်းၵိၼ်တႃႉ၊ ဝႃႈၼင်ႇၼႆဢေႃႈ။ ၶဝ်ၼၼ်ႉၵေႃႈလဝ်ႊလၢတ်ႈလႄႈဝႃႈ၊ ႁဝ်းၶႃႈတၵ်းလႆႈဢဝ်တေႇၼႃႇရီႇသွင်ပၢၵ်ႇၶႅပ်း ၵႂႃႇသိုဝ်ႉဢဝ်ၶဝ်ႈမုၼ်းလႄႈ ပၼ်ပုၼ်ႈဢၼ်ၶဝ်တၵ်းၵိၼ်ၶႃႈႁိုဝ်။ ဝႃႈၼင်ႇၼႆဢေႃႈ။- 38မၼ်းၸဝ်ႈၵေႃႈလၢတ်ႈလႄႈဝႃႈ၊ ၵႃႈတီႈသူၼႆႉ မီးၶဝ်ႈမုၼ်းလၢႆႁူၺ်ႇ။ ၵႂႃႇလႄႈတူၺ်းလူး၊ ဝႃႈၼႆ၊ ၵႃႈၼင်ႇဢၼ် မၼ်းၸဝ်ႈဝႃႈၼၼ်ႉ၊ ၶဝ်ႁူႉယဝ်ႉၸင်ႇ၊ ၶိုၼ်းလဝ်ႊလၢတ်ႈလႄႈဝႃႈ၊ မီးၶဝ်ႈမုၼ်းႁႃႈႁူၺ်ႇ တင်းပႃသွင်တူဝ်ၶႃႈဢေႃႈ၊ ဝႃႈၼင်ႇၼႆဢေႃႈ။- 39ၵမ်းၼၼ်ႉ မၼ်းၸဝ်ႈမီးဢမိင်ႉ ႁႂ်ႈၵူၼ်းတင်းသဵင်ႈတင်းလူင်ၸိူဝ်းၼၼ်ႉ ႁဵတ်းပဵၼ်မုၵ်ႉပဵၼ်မုၵ်ႉသေလႄႈ ဢိင်ယူႇၵႃႈၼိူဝ်ယိူဝ်ႈလိပ်းယိူဝ်ႈၶဵဝ်ဢေႃႈ။- 40ၶဝ်ၼၼ်ႉ ယေႈမုၵ်ႉယေႈပၢၵ်ႇ၊ ယေႈမုၵ်ႉႁႃႈသိပ်း၊ ပဵၼ်မုၵ်ႉပဵၼ်မုၵ်ႉ ဢိင်ယူႇဢေႃႈ။- 41မၼ်းၸဝ်ႈဢဝ်ၶဝ်ႈမုၼ်းႁႃႈႁူၺ်ႇတင်းပႃသွင်တူဝ် ႁႅၼ်တူၺ်းၵႃႈၼိူဝ်ၵၢင်ႁၢဝ်လႄႈ ယွင်ႈယေႃးၵျေးၸူးၸဝ်ႈယဝ်ႉၸင်ႇ၊ ဝိတ်းၶဝ်ႈမုၼ်းလႄႈ ပၼ်တီႈတပႄးၸဝ်ႈတင်းလၢႆ ႁႂ်ႈသႂ်ႇတမ်းပၼ် ၵႃႈတီႈၽၢႆႇၼႃႈ ၵူၼ်းၸိူဝ်းၼၼ်ႉဢေႃႈ။ ပႃသွင်တူဝ်ၵေႃႈ မၼ်းၸဝ်ႈမႅင်ႇပၼ်တီႈၶဝ် တင်းသဵင်ႈတင်းလူင်ၸိူဝ်းၼၼ်ႉဢေႃႈ။- 42ၵူၼ်းတင်းသဵင်ႈတင်းလူင်ၸိူဝ်းၼၼ်ႉ ၵိၼ်လႄႈ ဢိမ်ႇယဝ်ႉၸင်ႇ၊- 43ၵဵပ်းသိမ်းဢဝ်ၶဝ်ႈမုၼ်း တင်းပႃဢၼ်ႁၵ်းဢၼ်ႁဵၵ်းမၼ်းလႄႈ လႆႈတဵမ်သိပ်းသွင်ပဵတ်ႈဢေႃႈ။- 44ၵူၼ်းၸၢႆးဢၼ်ၵိၼ်ၶဝ်ႈမုၼ်းၸိူဝ်းၼၼ်ႉၸမ်ႉ၊ မီးသေႁႃႈႁဵင်ၼိုင်ႈဢေႃႈ။
ၸဝ်ႈယေႇသူႉပႆၼိူဝ်ၼမ်ႉ
(တူၺ်း၊ မၢတ်ႈ 14:22-33။ ယူဝ်း 6:15-21)
45မၼ်းၸဝ်ႈၼၼ်ႉ၊ ၼႂ်းမိူဝ်ႈဢၼ်ပွႆႇၵူၼ်းဢၼ်ၸူႉဢၼ်တုမ်ၸိူဝ်းၼၼ်ႉယူႇၼၼ်ႉၸိုင်၊ တိုၵ်းယူင်းတပႄးၸဝ်ႈတင်းလၢႆ ႁႂ်ႈၶီႇႁိူဝ်းၵႂႃႇ ၵႃႈတီႈၽင်ႇၼမ်ႉၽၢႆႇပုၼ်ႉ တီႈဝဵင်းပႅတ်ႉၸေးတႃႉၼၼ်ႉ ဢွၼ်တၢင်းမၼ်းၸဝ်ႈၵမ်းလဵဝ်ဢေႃႈ။- 46မၼ်းၸဝ်ႈ ပွႆႇၵူၼ်းဢၼ်ၸူႉဢၼ်တုမ်ၸိူဝ်းၼၼ်ႉယဝ်ႉၸင်ႇ၊ ၶိုၼ်ႈၵႂႃႇၵႃႈၼိူဝ်လွႆ ႁႂ်ႈလႆႈသူးတွင်းႁဵတ်းပထၼႃႇဢေႃႈ။
47မိူဝ်ႈဢၼ်ႁွတ်ႈထိုင်ၶိင်ႇၵၢင်ၶိုၼ်းၸိုင်၊ ႁိူဝ်းၼၼ်ႉ မီးယူႇၼႂ်းၵၢင်ၼွင်ဢေႃႈ။ မၼ်းၸဝ်ႈၸမ်ႉ မီးယူႇၼိူဝ်လွႆပႃးလဵဝ်ၵူၺ်းဢေႃႈ။- 48မၼ်းၸဝ်ႈႁၼ်တပႄးၸဝ်ႈတင်းလၢႆ ၽၢႆးႁိူဝ်းလႄႈ ယၢပ်ႇၸႂ်ၼႃႇလူင်လၢင် ၵွပ်ႈပိူဝ်ႈဢၼ် လူမ်းဢမ်ႇထုၵ်ႇၼၼ်ႉသေယဝ်ႉ၊- 49ၵၢင်ၶိုၼ်းၶိင်ႇဢၼ်ႁႆႇသၢမ်မွင်းၼၼ်ႉ၊ မၼ်းၸဝ်ႈ ပႆၵႃႈၼိူဝ်ၼမ်ႉၼွင်ၵႂႃႇ ၵႃႈတီႈဢၼ်ၶဝ်ၼၼ်ႉမီးၼၼ်ႉလႄႈ ႁဵတ်းမိူၼ်ၼင်ႇႁၢင်ႈ တၵ်းပူၼ်ႉၶဝ်ၵႂႃႇဢေႃႈ။- 50ၶဝ်ၼၼ်ႉ မိူဝ်ႈဢၼ်ႁၼ်မၼ်းၸဝ်ႈပႆၵႃႈၼိူဝ်ၼမ်ႉၼွင်ၵႂႃႇၸိူဝ်ႉၼင်ႇၼၼ် ၼၼ်ႉၸိုင် ထၢင်ႇၼႂ်းၸႂ်လႄႈဝႃႈ၊ ပဵၼ်ၽဵတ်ႇ၊ ဝႃႈၼင်ႇၼႆလႄႈ ႁွင်ႉသႅၼ်ႇဢေႃႈ။ ၶဝ်တင်းသဵင်ႈတင်းလူင်ၸိူဝ်းၼၼ်ႉ ႁၼ်မၼ်းၸဝ်ႈလႄႈ တူၵ်းၸႂ်ဢေႃႈ။ မၼ်းၸဝ်ႈတၵ်ႉလၢတ်ႈၶဝ်ၵမ်းလဵဝ်လႄႈဝႃႈ၊ ႁႂ်ႈမီးၸႂ်ဢၼ်မၼ်ႈၶိူင်ႇတႃႉ။ ပဵၼ်ၵဝ်လႆ။ ယႃႇပေၵူဝ်ပေႁႄ၊ ဝႃႈၼင်ႇၼႆဢေႃႈ။- 51မိူဝ်ႈဢၼ် မၼ်းၸဝ်ႈၶိုၼ်ႈၵႃႈၼိူဝ်ႁိူဝ်း တီႈဢၼ်ၶဝ်မီးၼၼ်ႉၸိုင်၊ လူမ်းၼၼ်ႉ ယဵၼ်ၵႂႃႇဢေႃႈ။ ၶဝ်ၼၼ်ႉ ၵႂင်ၸႂ်ယုင်ႈၸႂ်လႄႈ ဢၢမ်းၼႃႇလူင်လၢင် ထၼ်ႈပေႃးဢမ်ႇမီးတီႈဢၼ် တၵ်းတႅၵ်ႈတၵ်းတိူင်းလႆႈဢေႃႈ။- 52လွင်ႈမၼ်းၸမ်ႉ ပိူဝ်ႈဢၼ်ႁူဝ်ၸႂ်ၶဝ်ၵႅၼ်ႇၶႅင်လႄႈ ဢမ်ႇမၢတ်ႈဝႆႉတွင်းဝႆႉ လွင်ႈၶဝ်ႈမုၼ်းၼၼ်ႉ။
ၸဝ်ႈယေႇသူႉႁႂ်ႈတၢင်းပဵၼ်ၵူၼ်းမိူင်းၵိၼ်ႇၼီႇသရႅတ်ႉႁၢႆ
(တူၺ်း၊ မၢတ်ႈ 14:34-36)
53ၶဝ်ၼၼ်ႉ ၶၢမ်ႈၵႂႃႇၵႃႈတီႈ ၽင်ႇၼမ်ႉၽၢႆႇပုၼ်ႉသေယဝ်ႉ၊ ႁွတ်ႈထိုင် ၵႃႈတီႈမိူင်း ၵိၼ်ႇၼီႇသရႅတ်ႉလႄႈ သိူၵ်ႈႁိူဝ်းဢေႃႈ။- 54မိူဝ်ႈဢၼ် လူင်းသေၵႃႈၼႂ်းႁိူဝ်းၼၼ်ႉၸိုင်၊ ၵူၼ်းတင်းလၢႆ ႁူႉပဵၼ်မၼ်းၸဝ်ႈၵမ်းလဵဝ်သေယဝ်ႉ၊- 55လႅၼ်ႈၵႂႃႇၵႃႈတီႈႁိမ်းႁွမ်းၼၼ်ႉ ၵူႈတီႈၵူႈလႅၼ်လႄႈ၊ ပေႃးၶဝ်ငိၼ်းလွင်ႈဢၼ်မၼ်းၸဝ်ႈ မီးၵႃႈတီႈလႂ်သေဢမ်ႇဝႃႈ၊ ၶဝ်ဢဝ်ၵူၼ်းၶႆႈၵူၼ်းပဵၼ်ၶဝ်တင်းလၢႆ သႂ်ႇၵႃႈၼိူဝ်တီႈၼွၼ်းၵႂႃႇၸူးၵႃႈတီႈၼၼ်ႈဢေႃႈ။- 56မိူဝ်ႈဢၼ်မၼ်းၸဝ်ႈ ၶဝ်ႈၵႃႈၼႂ်းဝၢၼ်ႈၼွၵ်ႈၼႃးပၢင်ႇတင်းလၢႆ ၵႃႈၼႂ်းဝဵင်းတင်းလၢႆ တီႈလႂ်သေဢမ်ႇဝႃႈ၊ ၵႃႈတီႈၼၼ်ႈ ၶဝ်ဢဝ်ၵူၼ်းၶႆႈၵူၼ်းပဵၼ်ၶဝ်တင်းလၢႆ ဝႆႉၵႃႈၼႂ်းၵၢတ်ႇလႄႈ ဢွၼ်ၵၼ်ယွၼ်းဢၶႂၢင်ႉ ႁႂ်ႈၶဝ်လႆႈတိူဝ်ႉယိပ်းပူႈၶူဝ်းမၼ်းၸဝ်ႈၵူၺ်းဢေႃႈ။ ၵူၼ်းဢၼ်လႆႈတိူဝ်ႉလႆႈယိပ်းတင်းသဵင်ႈတင်းလူင်ၸိူဝ်းၼၼ်ႉၵေႃႈ လႆႈၵတ်းယဵၼ်ၶျၢမ်းသႃႇဢေႃႈ။
നിലവിൽ തിരഞ്ഞെടുത്തിരിക്കുന്നു:
မႃႇၵူႉ 6: CBMS
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship
မႃႇၵူႉ 6
6
ၵူၼ်းဝဵင်းၼႃႇၸရႅတ်ႈဢမ်ႇႁပ်ႉၸဝ်ႈယေႇသူႉ
(တူၺ်း၊ မၢတ်ႈ 13:53-58။ လူႉ 4:16-30)
1မၼ်းၸဝ်ႈဢွၵ်ႇသေၵႃႈတီႈၼၼ်ႈၵႂႃႇလႄႈ ႁွတ်ႈထိုင်ၵႃႈတီႈဝဵင်း တူဝ်ၸဝ်ႈၵဝ်ႇပုၼ်ႉဢေႃႈ။ တပႄးၸဝ်ႈတင်းလၢႆၵေႃႈ ၸွမ်းမၼ်းၸဝ်ႈၵႂႃႇဢေႃႈ။- 2မိူဝ်ႈဢၼ်ႁွတ်ႈထိုင်ဝၼ်းၵမ်သိၼ်ၸိုင်၊ မၼ်းၸဝ်ႈသင်ႇသွၼ်သုင်းမႃႉပၼ် ၵႃႈၼႂ်းၸရွပ်ႈႁေႃးတြႃးယူႇဢေႃႈ။ ၵူၼ်းၼမ်ၼႃႇလႆႈငိၼ်းသေယဝ်ႉ၊ ၵႂင်ၸႂ်ယုင်ႈၸႂ်လႄႈ လၢတ်ႈလႄႈဝႃႈ၊ ၵူၼ်းၵေႃႉၼႆႉ လႆႈလွင်ႈတၢင်းၸိူဝ်းၼႆႉၵႃႈတီႈလႂ်။ ပိင်ႇၺႃႇ ဢၼ်မၼ်းလႆႈၼႆႉၸမ်ႉ၊ ပဵၼ်ပိင်ႇၺႃႇဢၼ်လႂ်။ တၼ်းၶူဝ်းၸိူဝ်းၼႆႉ ပဵၼ်မႃးၼႂ်းမိုဝ်းမၼ်းၸိူဝ်ႉၼင်ႇႁိုဝ်။- 3မၼ်းၼႆႉ ပဵၼ်လၢၵ်ႈသမႃးဢမ်ႇၸႂ်ႈႁိုဝ်။ ပဵၼ်လုၵ်ႈၸၢႆးမႃႇရီႉ ဢမ်ႇၸႂ်ႈႁိုဝ်။ ပဵၼ်ပီႈၸၢႆးယႃႇၵုပ်ႈ၊ ယူဝ်းသေႇ၊ ယူႉတႃႉ၊ သီႉမုၼ်ႇ ၶဝ်ၼၼ်ႉဢမ်ႇၸႂ်ႈႁိုဝ်။ ၼွင်ႉယိင်းမၼ်းတင်းလၢႆၵေႃႈ မီးယူႇလူၺ်ႈၵၼ်တင်းႁဝ်းဢမ်ႇၸႂ်ႈႁိုဝ်။ ဝႃႈၼင်ႇၼႆလႄႈ ၸႂ်လူႉၵွပ်ႈပိူဝ်ႈမၼ်းၸဝ်ႈဢေႃႈ။- 4ယေႇသူႉၵေႃႈ လၢတ်ႈတီႈၶဝ်ၼၼ်ႉလႄႈဝႃႈ၊ ပရေႃးၽႅတ်ႈၸိုင်၊ လိူဝ်သေၵႃႈတီႈဝဵင်းတူဝ်ၸဝ်ႈၵဝ်ႇ၊ ၵႃႈတီႈဢၼ်ပီႈၼွင်ႉတူဝ်ၸဝ်ႈၵဝ်ႇယူႇ၊ ၵႃႈတီႈႁိူၼ်းတူဝ်ၸဝ်ႈၵဝ်ႇၼၼ်ႉ၊ ဢမ်ႇၵၢင်းလွတ်ႈတင်းသရေႇ၊ ဝႃႈၼင်ႇၼႆဢေႃႈ။- 5ၵႃႈတီႈၼၼ်ႈ လိူဝ်သေတၢင်းဢၼ်ဢဝ်မိုဝ်းတၢင်ႇၵႃႈၼိူဝ်ၵူၼ်းဢၼ်ဢမ်ႇယူႇလီ ၵမ်ႈၽွင်ႈလႄႈ ႁႂ်ႈတၢင်းၶႆႈတၢင်းပဵၼ်ၶဝ်ႁၢႆၼၼ်ႉၵူၺ်း၊ မၼ်းၸဝ်ႈဢမ်ႇၼႄပျႃး တၼ်းၶူဝ်းဢၼ်လႂ်လႆႈ။- 6ပိူဝ်ႈဢၼ် ၶဝ်ဢမ်ႇယုမ်ႇမၢတ်ႈလႄႈ မၼ်းၸဝ်ႈမီးၸႂ် ဢၼ်ဢၢမ်းၼႃႇလူင်လၢင်ဢေႃႈ။
ၸဝ်ႈယေႇသူႉပွႆႇၸႂ်ႉတမၢၼ်ႇသိပ်းသွင်ပႃး
(တူၺ်း၊ မၢတ်ႈ 10:5-15။ လူႉ 9:1-6)
မၼ်းၸဝ်ႈတေႇသႃႉၸႃႇရီႇလႄႇလဵပ်ႈၵႃႈၼႂ်းဝၢၼ်ႈၼႂ်းဝဵင်း ဢၼ်မီးၵႃႈတီႈႁိမ်းႁွမ်းၸိူဝ်းၼၼ်ႉလႄႈ သင်ႇသွၼ်သုင်းမႃႉပၼ်ယူႇဢေႃႈ။
7မၼ်းၸဝ်ႈႁွင်ႉဢဝ် သိပ်းသွင်ပႃးတင်းလၢႆယဝ်ႉၸင်ႇ၊ ပၼ်ဢၶႂၢင်ႉႁႂ်ႈၶဝ်လႆႈပႄႉၼႅင်ႇၽီဢၼ်ၵူဝ်ႈၵိူၵ်ႇတင်းလၢႆယူႇသေလႄႈ ပွႆႇၸႂ်ႉၶဝ်ၵႂႃႇသွင်ၵေႃႉ သွင်ၵေႃႉ ႁင်းၽႂ်ႁင်းမၼ်းလႄႈ၊- 8သင်ႇလၢတ်ႈလႄႈဝႃႈ၊ လိူဝ်သေၶွၼ်ႉတဝ်ႉဢၼ်ၼိုင်ႈပုၼ်ႈဢၼ်တၵ်းၵႂႃႇတၢင်းၼၼ်ႉ၊ သူယႃႇပေဢဝ်ၵႃႈသင်ၵႂႃႇ။ ယႃႇပေဢဝ် ၸႃႉၸဵမ်ထူင်ပႃး၊ ၶဝ်ႈမုၼ်း ဢိၵ်ႇတင်းငိုၼ်းတွင်းၵႃႈၼႂ်းသၢႆဢႅဝ်ၵႂႃႇ။- 9တိုဝ်းၶႅပ်းတိၼ်တႃႉ။ ယႃႇပေၼုင်ႈသိူဝ်ႈသွင်ၽိုၼ်၊ ဝႃႈၼင်ႇၼႆဢေႃႈ။- 10လိူဝ်သေၼၼ်ႉ၊ မၼ်းၸဝ်ႈမီးဢမိင်ႉတီႈၶဝ်ၼၼ်ႉလႄႈဝႃႈ၊ မိူဝ်ႈဢၼ်သူၶဝ်ႈၵႃႈၼႂ်းႁိူၼ်းဢၼ်လႂ်သေဢမ်ႇဝႃႈ၊ ၸူဝ်ႈဢၼ်ဢမ်ႇပႆႇဢွၵ်ႇၵႂႃႇသေၵႃႈတီႈၼၼ်ႈၸိုင် ယူႇၵႃႈတီႈၼႂ်းႁိူၼ်းၼၼ်ႉတႃႉ။- 11တီႈလႂ်သေဢမ်ႇဝႃႈ၊ ဢၼ်ဢမ်ႇႁပ်ႉတုင်းဢဝ်သူ၊ ဢမ်ႇထွမ်ႇဢဝ်ၵႂၢမ်းသူၼၼ်ႉ၊ ၼႂ်းမိူဝ်ႈဢၼ်သူယင်းတိုၵ်ႉဢွၵ်ႇၵႂႃႇသေၵႃႈတီႈၼၼ်ႈယူႇၼၼ်ႉၸိုင် သၼ်ႇမုၼ်ႈလိၼ်ဢၼ်ၸပ်းၵႃႈတီႈတိၼ်သူၼၼ်ႉပႅတ်ႈ ႁႂ်ႈပဵၼ်သၢၵ်ႈသေႇတီႈၶဝ်ၼၼ်ႉတႃႉ၊ ဝႃႈၼင်ႇၼႆဢေႃႈ။
12ၶဝ်ၼၼ်ႉ ဢွၵ်ႇၵႂႃႇလႄႈ ႁေႃးလၢတ်ႈလွင်ႈတၢင်းဢၼ်တၵ်းလႆႈ ၶုၵ်းၸႂ်လႆႈမႆႈၸႂ်ဢေႃႈ။- 13ၶဝ်ႁေႃႈၽီႁၢႆႉၼမ်ၼႃႇဢွၵ်ႇပႅတ်ႈဢေႃႈ။ ၶဝ်ဢဝ်ၼမ်ႉမၼ်းတႃးၶဝ်ၸိူဝ်းဢၼ်ဢမ်ႇယူႇလီၼၼ်ႉလႄႈ ႁႂ်ႈတၢင်းၶႆႈတၢင်းပဵၼ်ႁၢႆဢေႃႈ။
သြႃႇယူဝ်းႁၢၼ်ႇလႆႈၶၢမ်ႇတၢႆ
(တူၺ်း၊ မၢတ်ႈ 14:1-12။ လူႉ 9:7-9)
14မိူဝ်ႈၼၼ်ႉ ပိူဝ်ႈဢၼ်ၸိုဝ်ႈသဵင်မၼ်းၸဝ်ႈ ႁူင်ႁၢင်းသႃႈၸွတ်ႇၵႂႃႇလႄႈ၊ ၶုၼ်လူင်ႁေႇရူတ်ႈငိၼ်းလႄႈ လၢတ်ႈဝႃႈ၊ ယူဝ်းႁၢၼ်ႇ ဢၼ်ပၼ်ပပ်ႉတီႉၸမ်ႇၼၼ်ႉ လုၵ်ႉၵႃႈတၢင်းတၢႆၶိုၼ်းလိပ်းယဝ်ႉ။ ပိူဝ်ႈၼႆၸင်ႇ၊ တၼ်းၶူဝ်းၼမ်ၼႃႇၼႆႉ ၸၢင်ႈႁဵတ်းပွင်ယူႇၵႃႈၼႂ်းမၼ်းဢေႃႈ၊ ဝႃႈၼင်ႇၼႆဢေႃႈ။- 15ၵူၼ်းၵမ်ႈၽွင်ႈၵေႃႈဝႃႈ၊ မၼ်းပဵၼ်ဢေးလီႉယႃႉဢေႃႈ၊ ဝႃႈၼင်ႇၼႆဢေႃႈ။ ၵမ်ႈၽွင်ႈၵေႃႈဝႃႈ၊ ပဵၼ်ပရေႃးၽႅတ်ႈမိူၼ်ၸိူဝ်ႉၼင်ႇ ပရေႃးၽႅတ်ႈဢွၼ်တၢင်းမိူဝ်ႈၼၼ်ႉၸိူဝ်းၼၼ်ႉ သေပႃးပႃးဢေႃႈ၊ ဝႃႈၼင်ႇၼႆဢေႃႈ။- 16ၵူၺ်းၵႃႈ ၶုၼ်လူင် ႁေႇရူတ်ႈၼၼ်ႉ ငိၼ်းသေယဝ်ႉ၊ လၢတ်ႈလႄႈဝႃႈ၊ ၵေႃႉၼႆႉၸမ်ႉ၊ ပဵၼ်ယူဝ်းႁၢၼ်ႇ ဢၼ်ၵဝ်ႁႂ်ႈတႅပ်းႁူဝ်မၼ်းၼၼ်ႉဢေႃႈ။ မၼ်းလုၵ်ႉၵႃႈတၢင်းတၢႆ ၶိုၼ်းလိပ်းယဝ်ႉ၊ ဝႃႈၼင်ႇၼႆဢေႃႈ။- 17မိူဝ်ႈဢွၼ်တၢင်းၼၼ်ႉ ၶုၼ်လူင် ႁေႇရူတ်ႈၼၼ်ႉ လႆႈသိမ်းဢဝ် ႁေႇရူဝ်းတီႉ မေးၼွင်ႉၸၢႆးမၼ်း ၽီႉလိပ်ႉပူႉၼၼ်ႉသေယဝ်ႉ၊ ၵွပ်ႈပိူဝ်ႈမႄႈယိင်းၼၼ်ႉလႄႈ ပွႆႇၸႂ်ႉၵူၼ်းၵႂႃႇတီႉဢဝ် ယူဝ်းႁၢၼ်ႇသေလႄႈ မတ်ႉၶင်ဝႆႉၵႃႈၼႂ်းထွင်ႇဢေႃႈ။- 18လွင်ႈမၼ်းၸမ်ႉ ယူဝ်းႁၢၼ်ႇၼၼ်ႉ လႆႈလၢတ်ႈတီႈၶုၼ်လူင် ႁေႇရူတ်ႈလႄႈဝႃႈ၊ ၸဝ်ႈႁဝ်းဢမ်ႇလီသိမ်းဢဝ်မေးၼွင်ႉၸၢႆးၸဝ်ႈၵဝ်ႇ၊ ဝႃႈၼင်ႇၼႆၼၼ်ႉဢေႃႈ။- 19ပိူဝ်ႈၼႆလႄႈ ႁေႇရူဝ်းတီႉၼၼ်ႉ ဝႆႉၸႂ်တီႈယူဝ်းႁၢၼ်ႇလႄႈ မီးဢလူဝ်ႇၶႂ်ႈဢဝ်မၼ်းတၢႆသေၵေႃႈ ဢမ်ႇပဵၼ်လႆႈ။- 20လွင်ႈမၼ်းၸမ်ႉ ၶုၼ်လူင်ႁေႇရူတ်ႈ ႁူႉလွင်ႈဢၼ် ယူဝ်းႁၢၼ်ႇပဵၼ်ၵေႃႉဢၼ်မူတ်းၸၢင်ႇ၊ ၵေႃႉဢၼ်သိုဝ်ႈတေႃႇၼၼ်ႉလႄႈ ၵူဝ်မၼ်းဢေႃႈ။ ပႂ်ႉလူပႂ်ႉတူၺ်းမၼ်းယူႇဢေႃႈ။ မိူဝ်ႈဢၼ် ထွမ်ႇၵႂၢမ်းမၼ်းၼၼ်ႉၸိုင်၊ ႁဵတ်းၸွမ်းလွင်ႈတၢင်းၼမ်ၼႃႇယူႇလႄႈ ၸင်ႇမီးတင်းၸႂ်ဢၼ်သိူဝ်းၸူမ်းၼႃႇလူင်လၢင်ထွမ်ႇငိၼ်းမၼ်းဢေႃႈ။
21လိုၼ်းၼၼ်ႉ ၶိင်ႇမၼ်းထုၵ်ႇယဝ်ႉၸင်ႇ၊ ၼႂ်းမိူဝ်ႈဢၼ် ၶုၼ်လူင်ႁေႇရူတ်ႈ ၶၢမ်ႇပွႆးဢၸႅၼ်ႇ ဝၼ်းဢၼ်ပဵၼ်ဝၼ်းမၼ်းၸဝ်ႈၵိူတ်ႇလဵင်ႉမႃးၼၼ်ႉလႄႈ ႁဵတ်းလဵင်ႉႁဵတ်းလူတီႈမူးမၢတ်ႈၽွင်းမိူင်း ဢိၵ်ႇတင်းၵႄႇၵူၼ်းသိုၵ်း တင်းၶဝ်ၸိူဝ်းဢၼ် ပဵၼ်ၵူၼ်းယႂ်ႇၵူၼ်းလူင် ၵႃႈၼႂ်းမိူင်းၵႃႇလီႉလႄးၼၼ်ႉ ယူႇၼၼ်ႉၸိုင်၊- 22လုၵ်ႈယိင်း ႁေႇရူဝ်းတီႉ ၶဝ်ႈလႄႈ ၵႃႈယဝ်ႉၸင်ႇ၊ ၸႃႉၸဵမ်ၶုၼ်လူင်ႁေႇရူတ်ႈ ဢိၵ်ႇတင်းၶဝ်ၸိူဝ်းဢၼ် ဢိင်ယူႇလူၺ်ႈၵၼ်တင်းမၼ်းၸဝ်ႈ ၵႃႈတီႈႁိမ်းၶူင်ႇတီႈၵိၼ်ၼၼ်ႉ ထုၵ်ႇၸႂ်ၵျိူၵ်ႈၸႂ်ၼႃႇလႄႈ ၶုၼ်လူင်ၵေႃႈ မီးဢမိင်ႉလၢတ်ႈတီႈမႄႈယိင်းဢွၼ်ႇၼၼ်ႉလႄႈဝႃႈ၊ ၵႃႈဢၼ်မႂ်းၶႂ်ႈလႆႈၼၼ်ႉၸိုင်၊ ယွၼ်းတႃႉ။ ၵဝ်တၵ်းပၼ်တီႈမႂ်းဢေႃႈ၊ ဝႃႈၼင်ႇၼႆဢေႃႈ။- 23မၼ်းၸဝ်ႈသမ်ႉ ၵိၼ်ႇလၢတ်ႈသေလႄႈဝႃႈ၊ ၵႃႈဢၼ်မႂ်းယွၼ်း တေႃႇထိုင်ႁွတ်ႈမိူင်းၽၢၵ်ႇၼိုင်ႈၸိုင်၊ ၵဝ်တၵ်းပၼ်တီႈမႂ်းဢေႃႈ၊ ဝႃႈၼင်ႇၼႆဢေႃႈ။- 24မႄႈယိင်းဢွၼ်ႇၼၼ်ႉ ဢွၵ်ႇၵႂႃႇလႄႈ ထၢမ်တီႈမႄႈမၼ်းလႄႈဝႃႈ၊ တၵ်းလႆႈယွၼ်းဢဝ်ၵႃႈသင်၊ ဝႃႈၼင်ႇၼႆ သေယဝ်ႉ၊ မႄႈမၼ်းၵေႃႈ ၶိုၼ်းလၢတ်ႈလႄႈဝႃႈ၊ ယွၼ်းဢဝ်ႁူဝ်ယူဝ်းႁၢၼ်ႇ ဢၼ်ပၼ်ပပ်ႉတီႉၸမ်ႇၼၼ်ႉတႃႉ၊ ဝႃႈၼင်ႇၼႆယဝ်ႉၸင်ႇ၊- 25မႄႈယိင်းဢွၼ်ႇၼၼ်ႉ ၶဝ်ႈၵႃႈတီႈၶုၼ်လူင်ၶၼ်ၶၼ်ၽႂ်းၽႂ်း ၵမ်းလဵဝ်သေလႄႈ လဝ်ႊယွၼ်းလႄႈဝႃႈ၊ ၵဝ်ၶႃႈမီးဢလူဝ်ႇၶႂ်ႈႁႂ်ႈဢဝ်ႁူဝ် ယူဝ်းႁၢၼ်ႇ ဢၼ်ပၼ်ပပ်ႉတီႉၸမ်ႇၼၼ်ႉ သႂ်ႇၵႃႈၼႂ်းလၢင်ႇပၢၼ်းမႃး ၶၼ်ၶၼ်ၽႂ်းၽႂ်းတီႈၶႃႈဢေႃႈ၊ ဝႃႈၼင်ႇၼႆဢေႃႈ။- 26ၶုၼ်လူင်ၼၼ်ႉ၊ ပိၵ်ႉသမ်ႉၸႂ်လဵၵ်ႉၼႃႇသေၵေႃႈ၊ ၵွပ်ႈပိူဝ်ႈ တၢင်းဢၼ်မၼ်းၸဝ်ႈလႆႈၵိၼ်ႇလႆႈဝႃႈ ဢိၵ်ႇတင်းၵွပ်ႈပိူဝ်ႈၶဝ်ၸိူဝ်းဢၼ် ဢိင်ယူႇလူၺ်ႈၵၼ်တင်းမၼ်းၸဝ်ႈၼၼ်ႉလႄႈ၊ ဢမ်ႇၶႂ်ႈထဵင်ပႅတ်ႈမႄႈယိင်းဢွၼ်ႇၼၼ်ႉလႄႈ၊- 27ပွႆႇၸႂ်ႉၵူၼ်းပႂ်ႉၵေႃႉၼိုင်ႈၵႂႃႇၵမ်းလဵဝ်ယူႇသေလႄႈ မီးဢမိင်ႉလႄႈဝႃႈ၊ ဢဝ်ႁူဝ်မၼ်းမႃးတႃႉ၊ ဝႃႈၼင်ႇၼႆယဝ်ႉၸင်ႇ၊- 28ၵူၼ်းပႂ်ႉၼၼ်ႉ ၵႂႃႇတႅပ်းဢဝ်ႁူဝ်ယူဝ်းႁၢၼ်ႇ ၵႃႈၼႂ်းထွင်ႇဢေႃႈ။ ဢဝ်ႁူဝ်မၼ်းသႂ်ႇၵႃႈၼႂ်းလၢင်ႇပၢၼ်းမႃးလႄႈ ပၼ်တီႈမႄႈယိင်းဢွၼ်ႇၼၼ်ႉယဝ်ႉၸင်ႇ၊ မၼ်းၵေႃႈ ပၼ်တီႈမႄႈမၼ်းဢေႃႈ။- 29တပႄးယူဝ်းႁၢၼ်ႇတင်းလၢႆၵေႃႈ၊ မိူဝ်ႈဢၼ်ငိၼ်းၸိုင်၊ မႃးဢဝ်တူဝ်တၢႆမၼ်းလႄႈ သၢင်းၵျူဝ်ႇၵႃႈၼႂ်းသၢင်းၶႅင်းဢေႃႈ။
ၸဝ်ႈယေႇသူႉလဵင်ႉၵူၼ်းႁႃႈႁဵင်
(တူၺ်း၊ မၢတ်ႈ 14:13-21။ လူႉ 9:10-17။ ယူဝ်း 6:1-14)
30တမၢၼ်ႇၸဝ်ႈတင်းလၢႆ မႃးၸူႉၵၼ်တုမ်ၵၼ်တီႈယေႇသူႉလႄႈ လဝ်ႊလၢတ်ႈလွင်ႈတၢင်းၵႃႈဢၼ်ၶဝ်ႁဵတ်း ဢိၵ်ႇတင်းလွင်ႈတၢင်းၵႃႈဢၼ်ၶဝ်သင်ႇသွၼ်ပၼ်ၸိူဝ်းၼၼ်ႉ တီႈမၼ်းၸဝ်ႈဢေႃႈ။- 31မၼ်းၸဝ်ႈၵေႃႈ လၢတ်ႈလႄႈဝႃႈ၊ သူမႃးၵႃႈတီႈၼႂ်းထိူၼ်ႇ တီႈဢၼ်ပိူၼ်ႈဢမ်ႇမီးၼၼ်ႉလႄႈ လိုဝ်ႈၵမ်းဢွၼ်ႇၼိုင်ႈလူးၵွၼ်ႇတႃႉ၊ ဝႃႈၼင်ႇၼႆဢေႃႈ။ လွင်ႈမၼ်းၸမ်ႉ ၵူၼ်းၼမ်ၼႃႇ ၵႂႃႇၵႂႃႇမႃးမႃးယူႇလႄႈ တမၢၼ်ႇၸဝ်ႈတင်းလၢႆၸိူဝ်းၼၼ်ႉ ထၼ်ႈပေႃးဢမ်ႇတၼ်းၵိၼ်တၢင်းၵိၼ် တၢင်းၶူပ်းလႆႈ။- 32ပိူဝ်ႈၼႆလႄႈ ၶဝ်ၶီႇႁိူဝ်းၵႂႃႇၵႃႈတီႈၼႂ်းထိူၼ်ႇ တီႈဢၼ်ပိူၼ်ႈဢမ်ႇမီးၼၼ်ႉဢေႃႈ။- 33ၵူၼ်းၼမ်ၼႃႇ မိူဝ်ႈဢၼ်ႁၼ်ၶဝ်ၵႂႃႇလႄႈ ႁူႉလွင်ႈဢၼ် ပဵၼ်ၶဝ်ၸိုင် ဢွၵ်ႇသေၵႃႈၼႂ်းၵူႈဝၢၼ်ႈၵူႈဝဵင်းတင်းသဵင်ႈတင်းလူင် ပႆတိၼ်လႅၼ်ႈၵႂႃႇၵႃႈတီႈၼၼ်ႈလႄႈ ႁွတ်ႈထိုင်ဢွၼ်တၢင်းၶဝ်ၼၼ်ႉဢေႃႈ။- 34မၼ်းၸဝ်ႈဢွၵ်ႇၵႂႃႇလႄႈ ထူပ်းႁၼ်ၵူၼ်းဢၼ်ၸူႉဢၼ်တုမ်ၼမ်ၼႃႇသေယဝ်ႉ၊ မီးၸႂ်ဢၼ်ဢဵတ်းလူၶဝ် ၵွပ်ႈပိူဝ်ႈဢၼ် ၶဝ်ပဵၼ်ၼင်ႇသူဝ်းတင်းလၢႆ ဢၼ်ဢမ်ႇမီးၵေႃႉဢၼ်လဵင်ႉဢၼ်လူၼၼ်ႉလႄႈ သင်ႇသွၼ်သုင်းမႃႉပၼ်ၼမ်ၼႃႇ တီႈၶဝ်ၼၼ်ႉဢေႃႈ။
35မိူဝ်ႈဢၼ်ႁွတ်ႈထိုင်ၶိင်ႇႁူဝ်ၶမ်ႈၸိုင်၊ တပႄးၸဝ်ႈတင်းလၢႆ သုတ်ႉၸပ်းသုတ်ႉၸူးတီႈမၼ်းၸဝ်ႈသေလႄႈ လဝ်ႊလၢတ်ႈလႄႈဝႃႈ၊ ၵႃႈတီႈၼႆႈ ပဵၼ်တီႈထိူၼ်ႇ ၶႃႈဢေႃႈ။ ၶိင်ႇၵေႃႈသဵင်ႈတေႃႈလဵဝ်ၶႃႈယဝ်ႉ။- 36ၼင်ႇႁိုဝ်ၵူၼ်းၸိူဝ်းၼႆႉ တၵ်းလႆႈၵႂႃႇၵႃႈတီႈ ဝၢၼ်ႈၵၢင်ပၢင်ႇႁိမ်းႁွမ်းတီႈၼႆႈလႄႈ သိုဝ်ႉဢဝ်တၢင်းၵိၼ်ၸိုင်၊ ၸဝ်ႈႁဝ်းပွႆႇၵႂႃႇသေၵမ်းၶႃႈ။ ၶဝ်ဢမ်ႇမီးပုၼ်ႈဢၼ်တၵ်းၵိၼ်ၶႃႈဢေႃႈ၊ ဝႃႈၼင်ႇၼႆယဝ်ႉၸင်ႇ၊- 37မၼ်းၸဝ်ႈၵေႃႈ ၶိုၼ်းလၢတ်ႈလႄႈဝႃႈ၊ သူပၼ်ပုၼ်ႈဢၼ်ၶဝ်တၵ်းၵိၼ်တႃႉ၊ ဝႃႈၼင်ႇၼႆဢေႃႈ။ ၶဝ်ၼၼ်ႉၵေႃႈလဝ်ႊလၢတ်ႈလႄႈဝႃႈ၊ ႁဝ်းၶႃႈတၵ်းလႆႈဢဝ်တေႇၼႃႇရီႇသွင်ပၢၵ်ႇၶႅပ်း ၵႂႃႇသိုဝ်ႉဢဝ်ၶဝ်ႈမုၼ်းလႄႈ ပၼ်ပုၼ်ႈဢၼ်ၶဝ်တၵ်းၵိၼ်ၶႃႈႁိုဝ်။ ဝႃႈၼင်ႇၼႆဢေႃႈ။- 38မၼ်းၸဝ်ႈၵေႃႈလၢတ်ႈလႄႈဝႃႈ၊ ၵႃႈတီႈသူၼႆႉ မီးၶဝ်ႈမုၼ်းလၢႆႁူၺ်ႇ။ ၵႂႃႇလႄႈတူၺ်းလူး၊ ဝႃႈၼႆ၊ ၵႃႈၼင်ႇဢၼ် မၼ်းၸဝ်ႈဝႃႈၼၼ်ႉ၊ ၶဝ်ႁူႉယဝ်ႉၸင်ႇ၊ ၶိုၼ်းလဝ်ႊလၢတ်ႈလႄႈဝႃႈ၊ မီးၶဝ်ႈမုၼ်းႁႃႈႁူၺ်ႇ တင်းပႃသွင်တူဝ်ၶႃႈဢေႃႈ၊ ဝႃႈၼင်ႇၼႆဢေႃႈ။- 39ၵမ်းၼၼ်ႉ မၼ်းၸဝ်ႈမီးဢမိင်ႉ ႁႂ်ႈၵူၼ်းတင်းသဵင်ႈတင်းလူင်ၸိူဝ်းၼၼ်ႉ ႁဵတ်းပဵၼ်မုၵ်ႉပဵၼ်မုၵ်ႉသေလႄႈ ဢိင်ယူႇၵႃႈၼိူဝ်ယိူဝ်ႈလိပ်းယိူဝ်ႈၶဵဝ်ဢေႃႈ။- 40ၶဝ်ၼၼ်ႉ ယေႈမုၵ်ႉယေႈပၢၵ်ႇ၊ ယေႈမုၵ်ႉႁႃႈသိပ်း၊ ပဵၼ်မုၵ်ႉပဵၼ်မုၵ်ႉ ဢိင်ယူႇဢေႃႈ။- 41မၼ်းၸဝ်ႈဢဝ်ၶဝ်ႈမုၼ်းႁႃႈႁူၺ်ႇတင်းပႃသွင်တူဝ် ႁႅၼ်တူၺ်းၵႃႈၼိူဝ်ၵၢင်ႁၢဝ်လႄႈ ယွင်ႈယေႃးၵျေးၸူးၸဝ်ႈယဝ်ႉၸင်ႇ၊ ဝိတ်းၶဝ်ႈမုၼ်းလႄႈ ပၼ်တီႈတပႄးၸဝ်ႈတင်းလၢႆ ႁႂ်ႈသႂ်ႇတမ်းပၼ် ၵႃႈတီႈၽၢႆႇၼႃႈ ၵူၼ်းၸိူဝ်းၼၼ်ႉဢေႃႈ။ ပႃသွင်တူဝ်ၵေႃႈ မၼ်းၸဝ်ႈမႅင်ႇပၼ်တီႈၶဝ် တင်းသဵင်ႈတင်းလူင်ၸိူဝ်းၼၼ်ႉဢေႃႈ။- 42ၵူၼ်းတင်းသဵင်ႈတင်းလူင်ၸိူဝ်းၼၼ်ႉ ၵိၼ်လႄႈ ဢိမ်ႇယဝ်ႉၸင်ႇ၊- 43ၵဵပ်းသိမ်းဢဝ်ၶဝ်ႈမုၼ်း တင်းပႃဢၼ်ႁၵ်းဢၼ်ႁဵၵ်းမၼ်းလႄႈ လႆႈတဵမ်သိပ်းသွင်ပဵတ်ႈဢေႃႈ။- 44ၵူၼ်းၸၢႆးဢၼ်ၵိၼ်ၶဝ်ႈမုၼ်းၸိူဝ်းၼၼ်ႉၸမ်ႉ၊ မီးသေႁႃႈႁဵင်ၼိုင်ႈဢေႃႈ။
ၸဝ်ႈယေႇသူႉပႆၼိူဝ်ၼမ်ႉ
(တူၺ်း၊ မၢတ်ႈ 14:22-33။ ယူဝ်း 6:15-21)
45မၼ်းၸဝ်ႈၼၼ်ႉ၊ ၼႂ်းမိူဝ်ႈဢၼ်ပွႆႇၵူၼ်းဢၼ်ၸူႉဢၼ်တုမ်ၸိူဝ်းၼၼ်ႉယူႇၼၼ်ႉၸိုင်၊ တိုၵ်းယူင်းတပႄးၸဝ်ႈတင်းလၢႆ ႁႂ်ႈၶီႇႁိူဝ်းၵႂႃႇ ၵႃႈတီႈၽင်ႇၼမ်ႉၽၢႆႇပုၼ်ႉ တီႈဝဵင်းပႅတ်ႉၸေးတႃႉၼၼ်ႉ ဢွၼ်တၢင်းမၼ်းၸဝ်ႈၵမ်းလဵဝ်ဢေႃႈ။- 46မၼ်းၸဝ်ႈ ပွႆႇၵူၼ်းဢၼ်ၸူႉဢၼ်တုမ်ၸိူဝ်းၼၼ်ႉယဝ်ႉၸင်ႇ၊ ၶိုၼ်ႈၵႂႃႇၵႃႈၼိူဝ်လွႆ ႁႂ်ႈလႆႈသူးတွင်းႁဵတ်းပထၼႃႇဢေႃႈ။
47မိူဝ်ႈဢၼ်ႁွတ်ႈထိုင်ၶိင်ႇၵၢင်ၶိုၼ်းၸိုင်၊ ႁိူဝ်းၼၼ်ႉ မီးယူႇၼႂ်းၵၢင်ၼွင်ဢေႃႈ။ မၼ်းၸဝ်ႈၸမ်ႉ မီးယူႇၼိူဝ်လွႆပႃးလဵဝ်ၵူၺ်းဢေႃႈ။- 48မၼ်းၸဝ်ႈႁၼ်တပႄးၸဝ်ႈတင်းလၢႆ ၽၢႆးႁိူဝ်းလႄႈ ယၢပ်ႇၸႂ်ၼႃႇလူင်လၢင် ၵွပ်ႈပိူဝ်ႈဢၼ် လူမ်းဢမ်ႇထုၵ်ႇၼၼ်ႉသေယဝ်ႉ၊- 49ၵၢင်ၶိုၼ်းၶိင်ႇဢၼ်ႁႆႇသၢမ်မွင်းၼၼ်ႉ၊ မၼ်းၸဝ်ႈ ပႆၵႃႈၼိူဝ်ၼမ်ႉၼွင်ၵႂႃႇ ၵႃႈတီႈဢၼ်ၶဝ်ၼၼ်ႉမီးၼၼ်ႉလႄႈ ႁဵတ်းမိူၼ်ၼင်ႇႁၢင်ႈ တၵ်းပူၼ်ႉၶဝ်ၵႂႃႇဢေႃႈ။- 50ၶဝ်ၼၼ်ႉ မိူဝ်ႈဢၼ်ႁၼ်မၼ်းၸဝ်ႈပႆၵႃႈၼိူဝ်ၼမ်ႉၼွင်ၵႂႃႇၸိူဝ်ႉၼင်ႇၼၼ် ၼၼ်ႉၸိုင် ထၢင်ႇၼႂ်းၸႂ်လႄႈဝႃႈ၊ ပဵၼ်ၽဵတ်ႇ၊ ဝႃႈၼင်ႇၼႆလႄႈ ႁွင်ႉသႅၼ်ႇဢေႃႈ။ ၶဝ်တင်းသဵင်ႈတင်းလူင်ၸိူဝ်းၼၼ်ႉ ႁၼ်မၼ်းၸဝ်ႈလႄႈ တူၵ်းၸႂ်ဢေႃႈ။ မၼ်းၸဝ်ႈတၵ်ႉလၢတ်ႈၶဝ်ၵမ်းလဵဝ်လႄႈဝႃႈ၊ ႁႂ်ႈမီးၸႂ်ဢၼ်မၼ်ႈၶိူင်ႇတႃႉ။ ပဵၼ်ၵဝ်လႆ။ ယႃႇပေၵူဝ်ပေႁႄ၊ ဝႃႈၼင်ႇၼႆဢေႃႈ။- 51မိူဝ်ႈဢၼ် မၼ်းၸဝ်ႈၶိုၼ်ႈၵႃႈၼိူဝ်ႁိူဝ်း တီႈဢၼ်ၶဝ်မီးၼၼ်ႉၸိုင်၊ လူမ်းၼၼ်ႉ ယဵၼ်ၵႂႃႇဢေႃႈ။ ၶဝ်ၼၼ်ႉ ၵႂင်ၸႂ်ယုင်ႈၸႂ်လႄႈ ဢၢမ်းၼႃႇလူင်လၢင် ထၼ်ႈပေႃးဢမ်ႇမီးတီႈဢၼ် တၵ်းတႅၵ်ႈတၵ်းတိူင်းလႆႈဢေႃႈ။- 52လွင်ႈမၼ်းၸမ်ႉ ပိူဝ်ႈဢၼ်ႁူဝ်ၸႂ်ၶဝ်ၵႅၼ်ႇၶႅင်လႄႈ ဢမ်ႇမၢတ်ႈဝႆႉတွင်းဝႆႉ လွင်ႈၶဝ်ႈမုၼ်းၼၼ်ႉ။
ၸဝ်ႈယေႇသူႉႁႂ်ႈတၢင်းပဵၼ်ၵူၼ်းမိူင်းၵိၼ်ႇၼီႇသရႅတ်ႉႁၢႆ
(တူၺ်း၊ မၢတ်ႈ 14:34-36)
53ၶဝ်ၼၼ်ႉ ၶၢမ်ႈၵႂႃႇၵႃႈတီႈ ၽင်ႇၼမ်ႉၽၢႆႇပုၼ်ႉသေယဝ်ႉ၊ ႁွတ်ႈထိုင် ၵႃႈတီႈမိူင်း ၵိၼ်ႇၼီႇသရႅတ်ႉလႄႈ သိူၵ်ႈႁိူဝ်းဢေႃႈ။- 54မိူဝ်ႈဢၼ် လူင်းသေၵႃႈၼႂ်းႁိူဝ်းၼၼ်ႉၸိုင်၊ ၵူၼ်းတင်းလၢႆ ႁူႉပဵၼ်မၼ်းၸဝ်ႈၵမ်းလဵဝ်သေယဝ်ႉ၊- 55လႅၼ်ႈၵႂႃႇၵႃႈတီႈႁိမ်းႁွမ်းၼၼ်ႉ ၵူႈတီႈၵူႈလႅၼ်လႄႈ၊ ပေႃးၶဝ်ငိၼ်းလွင်ႈဢၼ်မၼ်းၸဝ်ႈ မီးၵႃႈတီႈလႂ်သေဢမ်ႇဝႃႈ၊ ၶဝ်ဢဝ်ၵူၼ်းၶႆႈၵူၼ်းပဵၼ်ၶဝ်တင်းလၢႆ သႂ်ႇၵႃႈၼိူဝ်တီႈၼွၼ်းၵႂႃႇၸူးၵႃႈတီႈၼၼ်ႈဢေႃႈ။- 56မိူဝ်ႈဢၼ်မၼ်းၸဝ်ႈ ၶဝ်ႈၵႃႈၼႂ်းဝၢၼ်ႈၼွၵ်ႈၼႃးပၢင်ႇတင်းလၢႆ ၵႃႈၼႂ်းဝဵင်းတင်းလၢႆ တီႈလႂ်သေဢမ်ႇဝႃႈ၊ ၵႃႈတီႈၼၼ်ႈ ၶဝ်ဢဝ်ၵူၼ်းၶႆႈၵူၼ်းပဵၼ်ၶဝ်တင်းလၢႆ ဝႆႉၵႃႈၼႂ်းၵၢတ်ႇလႄႈ ဢွၼ်ၵၼ်ယွၼ်းဢၶႂၢင်ႉ ႁႂ်ႈၶဝ်လႆႈတိူဝ်ႉယိပ်းပူႈၶူဝ်းမၼ်းၸဝ်ႈၵူၺ်းဢေႃႈ။ ၵူၼ်းဢၼ်လႆႈတိူဝ်ႉလႆႈယိပ်းတင်းသဵင်ႈတင်းလူင်ၸိူဝ်းၼၼ်ႉၵေႃႈ လႆႈၵတ်းယဵၼ်ၶျၢမ်းသႃႇဢေႃႈ။
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship