မၢတ်ႈထႄႇ 28
28
ၸဝ်ႈယေႇသူႉလုၵ်ႉၵႃႈတၢင်းတၢႆၶိုၼ်းလိပ်း
(တူၺ်း၊ မႃႇ 16:1-10။ လူႉ 24:1-12။ ယူဝ်း 20:1-10)
1ပူၼ်ႉဝၼ်းၵမ်သိၼ်လႄႈ၊ ဝၼ်းဢၼ်ပဵၼ်ဝၼ်းပထမႃႉ ၼႂ်းၸဵတ်းဝၼ်း၊ ၶိင်ႇဢၼ်မိူင်းၸမ်တၵ်းလႅင်းၼၼ်ႉ၊ မႃႇရီႉမႃႇၵတလႃႉ တင်းမႃႇရီႉတၢင်ႇၵေႃႉ ၵႂႃႇၵႃႈတီႈသၢင်းၶႅင်းမၼ်းၸဝ်ႈ ႁႂ်ႈလႆႈလူလႆႈတူၺ်းဢေႃႈ။- 2မိူဝ်ႈၼၼ်ႉ ဢိင်ႇသၼ်ႇၼႃႇလူင်လၢင်ဢေႃႈ။ လွင်ႈမၼ်းၸမ်ႉ တမၢၼ်ႇၵၢင်ႁၢဝ်ထႃႇဝရႃႉၽြႃး လုၵ်ႉသေၵႃႈၼိူဝ်မိူင်းၵၢင်ႁၢဝ်ပုၼ်ႉ လူင်းမႃးလႄႈ ၵိင်ႈပိၼ်ႈမၢၵ်ႇႁိၼ်ၼၼ်ႉပႅတ်ႈယဝ်ႉၸင်ႇ၊ ၼင်ႈယူႇၵႃႈၼိူဝ်မၢၵ်ႇႁိၼ်ၼၼ်ႉဢေႃႈ။- 3ႁၢင်ႈၽၢင်မၼ်းၵေႃႈ ႁိူဝ်ႈလႅင်းၸိူဝ်ႉၼင်ႇၽႃႉမႅပ်ႈဢေႃႈ။ ၶူဝ်းၼုင်ႈမၼ်းၵေႃႈ ၽိူၵ်ႇၶၢဝ်ၸိူဝ်ႉၼင်ႇမူၺ်ႁႃႇဢေႃႈ။- 4ၵူၼ်းပႂ်ႉၸိူဝ်းၼၼ်ႉ ပိူဝ်ႈဢၼ်ၵူဝ်ႁႄမၼ်းလႄႈ သၼ်ႇဝႆၼႃႇလူင်လၢင် မိူၼ်ၸိူဝ်ႉၼင်ႇႁၢင်ႈတၵ်းတၢႆဢေႃႈ။- 5တမၢၼ်ႇၵၢင်ႁၢဝ်ၵေႃႈ ၶိုၼ်းလၢတ်ႈတီႈမႄႈယိင်းၸိူဝ်းၼၼ်ႉလႄႈဝႃႈ၊ ယႃႇပေၵူဝ်ပေႁႄ။ ၵဝ်ႁူႉလွင်ႈဢၼ်သူႁႃယေႇသူႉ ဢၼ်လႆႈၶၢမ်ႇတၢင်းဢၼ်တွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈၼၼ်ႉယူႇဢေႃႈ။- 6မၼ်းၸဝ်ႈဢမ်ႇမီးၵႃႈတီႈၼႆႈ။ ၵႃႈၼင်ႇဢၼ်မၼ်းၸဝ်ႈလၢတ်ႈဝႆႉၼၼ်ႉ၊ မၼ်းၸဝ်ႈလုၵ်ႉၶိုၼ်းယဝ်ႉ။ မႃးလႄႈတူၺ်းတီႈဢၼ်မၼ်းၸဝ်ႈၵိင်းၼွၼ်းယူႇၼႆႉတႃႉ။- 7ၵႂႃႇၶၼ်ၶၼ်ၽႂ်းၽႂ်းလႄႈမွၵ်ႇလၢတ်ႈလွင်ႈဢၼ် မၼ်းၸဝ်ႈလုၵ်ႉၵႃႈတၢင်းတၢႆၶိုၼ်းလိပ်းၼၼ်ႉ တီႈတပႄးၸဝ်ႈတင်းလၢႆတႃႉ။ တူၺ်းလူး၊ မၼ်းၸဝ်ႈၵႂႃႇၵႃႈတီႈမိူင်း ၵႃႇလီႉလႄးပုၼ်ႉ ဢွၼ်တၢင်းသူယူႇဢေႃႈ။ သူတၵ်းထူပ်းႁၼ်မၼ်းၸဝ်ႈ ၵႃႈတီႈမိူင်းပုၼ်ႉဢေႃႈ။ တူၺ်းလူး၊ ၵဝ်မွၵ်ႇလၢတ်ႈတီႈသူယဝ်ႉ၊ ဝႃႈၼင်ႇၼႆဢေႃႈ။
8ၶဝ်ၼၼ်ႉၵေႃႈ မီးတင်းၸႂ်ဢၼ်ၵူဝ်ၼႃႇ ဢိၵ်ႇတင်းၸႂ်ဢၼ်သိူဝ်းၸူမ်းၼႃႇယူႇသေလႄႈ လုၵ်ႉသေၵႃႈတီႈသၢင်းၶႅင်းမၼ်းၸဝ်ႈၼၼ်ႉ ၶၼ်ၶၼ်ၽႂ်းၽႂ်းလႄႈလႅၼ်ႈၵႂႃႇ ႁႂ်ႈလႆႈမွၵ်ႇလၢတ်ႈပၼ်သတၢင်းၼၼ်ႉ တီႈတပႄးၸဝ်ႈတင်းလၢႆဢေႃႈ။- 9ယေႇသူႉမႃးႁပ်ႉႁူဝ်တၢင်းၶဝ်လႄႈလၢတ်ႈဝႃႈ၊ ႁႂ်ႈမင်ႇၵလႃႇမီးတီႈသူတႃႉ၊ ဝႃႈၼင်ႇၼႆဢေႃႈ။ ၶဝ်ၼၼ်ႉသုတ်ႉၸပ်းသုတ်ႉၸူးတီႈမၼ်းၸဝ်ႈသေယဝ်ႉ၊ ၵွတ်ႇတိၼ်မၼ်းၸဝ်ႈလႄႈ ၶုပ်ႉမူပ်ႇၵူဝ်းၵႂၢႆႇမၼ်းၸဝ်ႈဢေႃႈ။- 10ယေႇသူႉၵေႃႈလၢတ်ႈလႄႈဝႃႈ၊ ယႃႇပေၵူဝ်ပေႁႄ။ ၵႂႃႇတႃႉ။ ၼင်ႇႁိုဝ်ၼွင်ႉၵဝ်တင်းလၢႆ တၵ်းၵႂႃႇၵႃႈတီႈမိူင်းၵႃႇလီႉလႄး ပုၼ်ႉၸိုင်၊ မွၵ်ႇလၢတ်ႈပၼ်တီႈၶဝ်တႃႉ။ ၶဝ်တၵ်းထူပ်းႁၼ်ၵဝ် ၵႃႈတီႈမိူင်းပုၼ်ႉဢေႃႈ၊ ဝႃႈၼင်ႇၼႆဢေႃႈ။
လွင်ႈတၢင်းဢၼ်ၵူၼ်းသိုၵ်းပႂ်ႉတိူင်ႇလၢတ်ႈ
11ၼႂ်းမိူဝ်ႈဢၼ် ၶဝ်ယင်းတိုၵ်ႉၵႂႃႇယူႇၼၼ်ႉၸိုင်၊ ၵူၼ်းဢၼ်ပႂ်ႉၸိူဝ်းၼၼ်ႉၵမ်ႈၽွင်ႈၶဝ်ႈၵႃႈၼႂ်းဝဵင်းသေလႄႈ မွၵ်ႇလၢတ်ႈလွင်ႈတၢင်းဢၼ်ပဵၼ်မႃးတင်းသဵင်ႈတင်းလူင်ၼၼ်ႉ တီႈယိတ်ႈပရေႃးႁဵၵ်ႈလူင်တင်းလၢႆဢေႃႈ။- 12ယိတ်ႈပရေႃးႁဵၵ်ႈလူင်ၸိူဝ်းၼၼ်ႉ ၸူႉတုမ်လူၺ်ႈၵၼ်တင်း ၵူၼ်းဢၼ်ပဵၼ်ၵႄႇပဵၼ်ႁူဝ်တင်းလၢႆသေလႄႈ တိူင်ႇပၢင်ႇၵၼ်ယဝ်ႉၸင်ႇ၊ ပၼ်ငိုၼ်းၼမ်ၼႃႇတီႈၵူၼ်းသိုၵ်းၸိူဝ်းၼၼ်ႉလႄႈ၊- 13သင်ႇလၢတ်ႈလႄႈဝႃႈ၊ သူလၢတ်ႈလႄႈဝႃႈ၊ တပႄးမၼ်းတင်းလၢႆမႃးၶိင်ႇၵၢင်ၶိုၼ်းလႄႈ လၵ်ႉဢဝ်တူဝ်တၢႆမၼ်းၵႂႃႇ ၼႂ်းမိူဝ်ႈဢၼ်ႁဝ်းၶႃႈၼွၼ်းလပ်းယူႇၼၼ်ႉဢေႃႈ၊ ဝႃႈၼင်ႇၼႆတႃႉ။- 14ပေႃးၵႂၢမ်းၼႆႉထိုင်ႁူၶုၼ်ၸိုင်၊ ႁဝ်းတၵ်းၶျေႃးမၼ်းၸဝ်ႈလႄႈ ႁဵတ်းႁႂ်ႈသူၵၢင်းလွတ်ႈတင်းဢမူႉဢေႃႈ၊ ဝႃႈၼင်ႇၼႆဢေႃႈ။- 15ၵူၼ်းသိုၵ်းၸိူဝ်းၼၼ်ႉၵေႃႈ ဢဝ်ငိုၼ်းလႄႈ ႁဵတ်းၸွမ်းၵႃႈၼင်ႇဢၼ် ၶဝ်သင်ႇသွၼ်ပၼ်ၼၼ်ႉဢေႃႈ။ ၵႂၢမ်းၶဝ်ၼၼ်ႉၵေႃႈ ၸွတ်ႇတူဝ်ႈၵႂႃႇၵႃႈၼႂ်းၵူၼ်းယူႉတႃႉတင်းလၢႆ ၵူႈတီႈၵူႈလႅၼ် တေႃႇထိုင်ႁွတ်ႈဝၼ်းမိူဝ်ႈၼႆႉဢေႃႈ။
ၸဝ်ႈယေႇသူႉၼႄပျႃးတူဝ်တီႈတပႄးၸဝ်ႈ
(တူၺ်း၊ မႃႇ 16:14-18။ လူႉ 24:36-49။ ယူဝ်း 20:19-23။ တ 1:6-8)
16တပႄးၸဝ်ႈသိပ်းဢိတ်းပႃးၵႂႃႇၵႃႈတီႈမိူင်း ၵႃႇလီႉလႄးပုၼ်ႉလႄႈ ၶိုၼ်ႈၵႃႈၼိူဝ်လွႆဢၼ်ယေႇသူႉ သင်ႇလၢတ်ႈဝႆႉၼၼ်ႉဢေႃႈ။- 17မိူဝ်ႈဢၼ်ၶဝ်ထူပ်းႁၼ်မၼ်းၸဝ်ႈၸိုင်၊ ၶဝ်ၶုပ်ႉမူပ်ႇၵူဝ်းၵႂၢႆႇမၼ်းၸဝ်ႈဢေႃႈ။ ၵူၺ်းၵႃႈ ၵမ်ႈၽွင်ႈဢမ်ႇပေႃးယုမ်ႇ။- 18ယေႇသူႉမႃးၸူးတီႈၶဝ်သေယဝ်ႉ၊ လၢတ်ႈလႄႈဝႃႈ၊ ၵဝ်လႆႈၶၢမ်ႇဢၶႂၢင်ႉတၼ်းၶူဝ်းဢၼ်လႆႈဢုပ်ႉပိူင်ႇၵႃႈမီးတင်းသဵင်ႈတင်းလူင် ၵႃႈၼိူဝ်ၵၢင်ႁၢဝ် ဢိၵ်ႇတင်းၵႃႈၼိူဝ်လိၼ်မိူင်းယဝ်ႉ။- 19ပိူဝ်ႈၼႆၸင်ႇ၊ သူၵႂႃႇလႄႈ ႁႂ်ႈၵူၼ်းမဵဝ်းၵႃႈမီးတင်းသဵင်ႈတင်းလူင် ပဵၼ်တပႄးၵဝ်သေယဝ်ႉ၊ ပၼ်ပပ်ႉတီႉၸမ်ႇ ၼႂ်းၼႃႇမႃႉၸိုဝ်ႈသဵင်ပေႃႈၸဝ်ႈ၊ လုၵ်ႈၸဝ်ႈ တင်းဝီႉၺိၺ်ႇဢၼ်မူတ်းၸၢင်ႇၸဝ်ႈတႃႉ။- 20သင်ႇသွၼ်သုင်းမႃႉပၼ် ႁႂ်ႈၶဝ်လႆႈၵမ်လႆႈၵျၢင်ႉပိင်းၺၢပ်ႈၵႃႈဢၼ်ၵဝ်ပၼ်တီႈသူၼၼ်ႉတႃႉ။ ၵဝ်ၵေႃႈမီးယူႇလူၺ်ႈၵၼ်တင်းသူတႃႇသေႇဢမ်ႇထၢတ်ႇတေႃႇထိုင်ႁွတ်ႈၵမ်ႇၽႃႇၼႆႉ သုတ်းသဵင်ႈပုၼ်ႉၼၼ်ႉဢေႃႈ၊ ဝႃႈၼင်ႇၼႆဢေႃႈ။
ၶရိၸ်ႈဝၢင်ႇၸဝ်ႈမၢတ်ႈထႄႇယဝ်ႉယဝ်ႉဢေႃႈ။
നിലവിൽ തിരഞ്ഞെടുത്തിരിക്കുന്നു:
မၢတ်ႈထႄႇ 28: CBMS
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship
မၢတ်ႈထႄႇ 28
28
ၸဝ်ႈယေႇသူႉလုၵ်ႉၵႃႈတၢင်းတၢႆၶိုၼ်းလိပ်း
(တူၺ်း၊ မႃႇ 16:1-10။ လူႉ 24:1-12။ ယူဝ်း 20:1-10)
1ပူၼ်ႉဝၼ်းၵမ်သိၼ်လႄႈ၊ ဝၼ်းဢၼ်ပဵၼ်ဝၼ်းပထမႃႉ ၼႂ်းၸဵတ်းဝၼ်း၊ ၶိင်ႇဢၼ်မိူင်းၸမ်တၵ်းလႅင်းၼၼ်ႉ၊ မႃႇရီႉမႃႇၵတလႃႉ တင်းမႃႇရီႉတၢင်ႇၵေႃႉ ၵႂႃႇၵႃႈတီႈသၢင်းၶႅင်းမၼ်းၸဝ်ႈ ႁႂ်ႈလႆႈလူလႆႈတူၺ်းဢေႃႈ။- 2မိူဝ်ႈၼၼ်ႉ ဢိင်ႇသၼ်ႇၼႃႇလူင်လၢင်ဢေႃႈ။ လွင်ႈမၼ်းၸမ်ႉ တမၢၼ်ႇၵၢင်ႁၢဝ်ထႃႇဝရႃႉၽြႃး လုၵ်ႉသေၵႃႈၼိူဝ်မိူင်းၵၢင်ႁၢဝ်ပုၼ်ႉ လူင်းမႃးလႄႈ ၵိင်ႈပိၼ်ႈမၢၵ်ႇႁိၼ်ၼၼ်ႉပႅတ်ႈယဝ်ႉၸင်ႇ၊ ၼင်ႈယူႇၵႃႈၼိူဝ်မၢၵ်ႇႁိၼ်ၼၼ်ႉဢေႃႈ။- 3ႁၢင်ႈၽၢင်မၼ်းၵေႃႈ ႁိူဝ်ႈလႅင်းၸိူဝ်ႉၼင်ႇၽႃႉမႅပ်ႈဢေႃႈ။ ၶူဝ်းၼုင်ႈမၼ်းၵေႃႈ ၽိူၵ်ႇၶၢဝ်ၸိူဝ်ႉၼင်ႇမူၺ်ႁႃႇဢေႃႈ။- 4ၵူၼ်းပႂ်ႉၸိူဝ်းၼၼ်ႉ ပိူဝ်ႈဢၼ်ၵူဝ်ႁႄမၼ်းလႄႈ သၼ်ႇဝႆၼႃႇလူင်လၢင် မိူၼ်ၸိူဝ်ႉၼင်ႇႁၢင်ႈတၵ်းတၢႆဢေႃႈ။- 5တမၢၼ်ႇၵၢင်ႁၢဝ်ၵေႃႈ ၶိုၼ်းလၢတ်ႈတီႈမႄႈယိင်းၸိူဝ်းၼၼ်ႉလႄႈဝႃႈ၊ ယႃႇပေၵူဝ်ပေႁႄ။ ၵဝ်ႁူႉလွင်ႈဢၼ်သူႁႃယေႇသူႉ ဢၼ်လႆႈၶၢမ်ႇတၢင်းဢၼ်တွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈၼၼ်ႉယူႇဢေႃႈ။- 6မၼ်းၸဝ်ႈဢမ်ႇမီးၵႃႈတီႈၼႆႈ။ ၵႃႈၼင်ႇဢၼ်မၼ်းၸဝ်ႈလၢတ်ႈဝႆႉၼၼ်ႉ၊ မၼ်းၸဝ်ႈလုၵ်ႉၶိုၼ်းယဝ်ႉ။ မႃးလႄႈတူၺ်းတီႈဢၼ်မၼ်းၸဝ်ႈၵိင်းၼွၼ်းယူႇၼႆႉတႃႉ။- 7ၵႂႃႇၶၼ်ၶၼ်ၽႂ်းၽႂ်းလႄႈမွၵ်ႇလၢတ်ႈလွင်ႈဢၼ် မၼ်းၸဝ်ႈလုၵ်ႉၵႃႈတၢင်းတၢႆၶိုၼ်းလိပ်းၼၼ်ႉ တီႈတပႄးၸဝ်ႈတင်းလၢႆတႃႉ။ တူၺ်းလူး၊ မၼ်းၸဝ်ႈၵႂႃႇၵႃႈတီႈမိူင်း ၵႃႇလီႉလႄးပုၼ်ႉ ဢွၼ်တၢင်းသူယူႇဢေႃႈ။ သူတၵ်းထူပ်းႁၼ်မၼ်းၸဝ်ႈ ၵႃႈတီႈမိူင်းပုၼ်ႉဢေႃႈ။ တူၺ်းလူး၊ ၵဝ်မွၵ်ႇလၢတ်ႈတီႈသူယဝ်ႉ၊ ဝႃႈၼင်ႇၼႆဢေႃႈ။
8ၶဝ်ၼၼ်ႉၵေႃႈ မီးတင်းၸႂ်ဢၼ်ၵူဝ်ၼႃႇ ဢိၵ်ႇတင်းၸႂ်ဢၼ်သိူဝ်းၸူမ်းၼႃႇယူႇသေလႄႈ လုၵ်ႉသေၵႃႈတီႈသၢင်းၶႅင်းမၼ်းၸဝ်ႈၼၼ်ႉ ၶၼ်ၶၼ်ၽႂ်းၽႂ်းလႄႈလႅၼ်ႈၵႂႃႇ ႁႂ်ႈလႆႈမွၵ်ႇလၢတ်ႈပၼ်သတၢင်းၼၼ်ႉ တီႈတပႄးၸဝ်ႈတင်းလၢႆဢေႃႈ။- 9ယေႇသူႉမႃးႁပ်ႉႁူဝ်တၢင်းၶဝ်လႄႈလၢတ်ႈဝႃႈ၊ ႁႂ်ႈမင်ႇၵလႃႇမီးတီႈသူတႃႉ၊ ဝႃႈၼင်ႇၼႆဢေႃႈ။ ၶဝ်ၼၼ်ႉသုတ်ႉၸပ်းသုတ်ႉၸူးတီႈမၼ်းၸဝ်ႈသေယဝ်ႉ၊ ၵွတ်ႇတိၼ်မၼ်းၸဝ်ႈလႄႈ ၶုပ်ႉမူပ်ႇၵူဝ်းၵႂၢႆႇမၼ်းၸဝ်ႈဢေႃႈ။- 10ယေႇသူႉၵေႃႈလၢတ်ႈလႄႈဝႃႈ၊ ယႃႇပေၵူဝ်ပေႁႄ။ ၵႂႃႇတႃႉ။ ၼင်ႇႁိုဝ်ၼွင်ႉၵဝ်တင်းလၢႆ တၵ်းၵႂႃႇၵႃႈတီႈမိူင်းၵႃႇလီႉလႄး ပုၼ်ႉၸိုင်၊ မွၵ်ႇလၢတ်ႈပၼ်တီႈၶဝ်တႃႉ။ ၶဝ်တၵ်းထူပ်းႁၼ်ၵဝ် ၵႃႈတီႈမိူင်းပုၼ်ႉဢေႃႈ၊ ဝႃႈၼင်ႇၼႆဢေႃႈ။
လွင်ႈတၢင်းဢၼ်ၵူၼ်းသိုၵ်းပႂ်ႉတိူင်ႇလၢတ်ႈ
11ၼႂ်းမိူဝ်ႈဢၼ် ၶဝ်ယင်းတိုၵ်ႉၵႂႃႇယူႇၼၼ်ႉၸိုင်၊ ၵူၼ်းဢၼ်ပႂ်ႉၸိူဝ်းၼၼ်ႉၵမ်ႈၽွင်ႈၶဝ်ႈၵႃႈၼႂ်းဝဵင်းသေလႄႈ မွၵ်ႇလၢတ်ႈလွင်ႈတၢင်းဢၼ်ပဵၼ်မႃးတင်းသဵင်ႈတင်းလူင်ၼၼ်ႉ တီႈယိတ်ႈပရေႃးႁဵၵ်ႈလူင်တင်းလၢႆဢေႃႈ။- 12ယိတ်ႈပရေႃးႁဵၵ်ႈလူင်ၸိူဝ်းၼၼ်ႉ ၸူႉတုမ်လူၺ်ႈၵၼ်တင်း ၵူၼ်းဢၼ်ပဵၼ်ၵႄႇပဵၼ်ႁူဝ်တင်းလၢႆသေလႄႈ တိူင်ႇပၢင်ႇၵၼ်ယဝ်ႉၸင်ႇ၊ ပၼ်ငိုၼ်းၼမ်ၼႃႇတီႈၵူၼ်းသိုၵ်းၸိူဝ်းၼၼ်ႉလႄႈ၊- 13သင်ႇလၢတ်ႈလႄႈဝႃႈ၊ သူလၢတ်ႈလႄႈဝႃႈ၊ တပႄးမၼ်းတင်းလၢႆမႃးၶိင်ႇၵၢင်ၶိုၼ်းလႄႈ လၵ်ႉဢဝ်တူဝ်တၢႆမၼ်းၵႂႃႇ ၼႂ်းမိူဝ်ႈဢၼ်ႁဝ်းၶႃႈၼွၼ်းလပ်းယူႇၼၼ်ႉဢေႃႈ၊ ဝႃႈၼင်ႇၼႆတႃႉ။- 14ပေႃးၵႂၢမ်းၼႆႉထိုင်ႁူၶုၼ်ၸိုင်၊ ႁဝ်းတၵ်းၶျေႃးမၼ်းၸဝ်ႈလႄႈ ႁဵတ်းႁႂ်ႈသူၵၢင်းလွတ်ႈတင်းဢမူႉဢေႃႈ၊ ဝႃႈၼင်ႇၼႆဢေႃႈ။- 15ၵူၼ်းသိုၵ်းၸိူဝ်းၼၼ်ႉၵေႃႈ ဢဝ်ငိုၼ်းလႄႈ ႁဵတ်းၸွမ်းၵႃႈၼင်ႇဢၼ် ၶဝ်သင်ႇသွၼ်ပၼ်ၼၼ်ႉဢေႃႈ။ ၵႂၢမ်းၶဝ်ၼၼ်ႉၵေႃႈ ၸွတ်ႇတူဝ်ႈၵႂႃႇၵႃႈၼႂ်းၵူၼ်းယူႉတႃႉတင်းလၢႆ ၵူႈတီႈၵူႈလႅၼ် တေႃႇထိုင်ႁွတ်ႈဝၼ်းမိူဝ်ႈၼႆႉဢေႃႈ။
ၸဝ်ႈယေႇသူႉၼႄပျႃးတူဝ်တီႈတပႄးၸဝ်ႈ
(တူၺ်း၊ မႃႇ 16:14-18။ လူႉ 24:36-49။ ယူဝ်း 20:19-23။ တ 1:6-8)
16တပႄးၸဝ်ႈသိပ်းဢိတ်းပႃးၵႂႃႇၵႃႈတီႈမိူင်း ၵႃႇလီႉလႄးပုၼ်ႉလႄႈ ၶိုၼ်ႈၵႃႈၼိူဝ်လွႆဢၼ်ယေႇသူႉ သင်ႇလၢတ်ႈဝႆႉၼၼ်ႉဢေႃႈ။- 17မိူဝ်ႈဢၼ်ၶဝ်ထူပ်းႁၼ်မၼ်းၸဝ်ႈၸိုင်၊ ၶဝ်ၶုပ်ႉမူပ်ႇၵူဝ်းၵႂၢႆႇမၼ်းၸဝ်ႈဢေႃႈ။ ၵူၺ်းၵႃႈ ၵမ်ႈၽွင်ႈဢမ်ႇပေႃးယုမ်ႇ။- 18ယေႇသူႉမႃးၸူးတီႈၶဝ်သေယဝ်ႉ၊ လၢတ်ႈလႄႈဝႃႈ၊ ၵဝ်လႆႈၶၢမ်ႇဢၶႂၢင်ႉတၼ်းၶူဝ်းဢၼ်လႆႈဢုပ်ႉပိူင်ႇၵႃႈမီးတင်းသဵင်ႈတင်းလူင် ၵႃႈၼိူဝ်ၵၢင်ႁၢဝ် ဢိၵ်ႇတင်းၵႃႈၼိူဝ်လိၼ်မိူင်းယဝ်ႉ။- 19ပိူဝ်ႈၼႆၸင်ႇ၊ သူၵႂႃႇလႄႈ ႁႂ်ႈၵူၼ်းမဵဝ်းၵႃႈမီးတင်းသဵင်ႈတင်းလူင် ပဵၼ်တပႄးၵဝ်သေယဝ်ႉ၊ ပၼ်ပပ်ႉတီႉၸမ်ႇ ၼႂ်းၼႃႇမႃႉၸိုဝ်ႈသဵင်ပေႃႈၸဝ်ႈ၊ လုၵ်ႈၸဝ်ႈ တင်းဝီႉၺိၺ်ႇဢၼ်မူတ်းၸၢင်ႇၸဝ်ႈတႃႉ။- 20သင်ႇသွၼ်သုင်းမႃႉပၼ် ႁႂ်ႈၶဝ်လႆႈၵမ်လႆႈၵျၢင်ႉပိင်းၺၢပ်ႈၵႃႈဢၼ်ၵဝ်ပၼ်တီႈသူၼၼ်ႉတႃႉ။ ၵဝ်ၵေႃႈမီးယူႇလူၺ်ႈၵၼ်တင်းသူတႃႇသေႇဢမ်ႇထၢတ်ႇတေႃႇထိုင်ႁွတ်ႈၵမ်ႇၽႃႇၼႆႉ သုတ်းသဵင်ႈပုၼ်ႉၼၼ်ႉဢေႃႈ၊ ဝႃႈၼင်ႇၼႆဢေႃႈ။
ၶရိၸ်ႈဝၢင်ႇၸဝ်ႈမၢတ်ႈထႄႇယဝ်ႉယဝ်ႉဢေႃႈ။
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship