မၢတ်ႈထႄႇ 20
20
ၵႂၢမ်းဢူႉပမႃႇၵူၼ်းၵိၼ်ၸၢင်ႈႁဵတ်းသူၼ်
1ဢူႉပမႃႇၸမ်ႉ၊ မိူင်းၵၢင်ႁၢဝ်ၸဝ်ႈ မိူၼ်ၸိူဝ်ႉၼင်ႇၸဝ်ႈႁိူၼ်းဢၼ်ဢွၵ်ႇၵႂႃႇ ၵၢင်ၼႂ်ၸဝ်ႉၸဝ်ႉ ႁႂ်ႈလႆႈၸၢင်ႈဢဝ်ၵူၼ်းၸိူဝ်းဢၼ် တၵ်းႁဵတ်းသူၼ်ၸပိတ်ႈမၼ်းၼၼ်ႉဢေႃႈ။- 2မၼ်းၼၼ်ႉ ယေႈဝၼ်းတၵ်းပၼ်တေႇၼႃႇရီႇ ယေႈၶႅပ်းဝႃႈၼႆ ႁပ်ႉတုင်းဢဝ်လူၺ်ႈၵၼ်တင်းၶဝ်ၸိူဝ်းဢၼ် တၵ်းႁဵတ်းတၵ်းသၢင်ႈၼၼ်ႉယဝ်ႉၸင်ႇ၊ ပွႆႇၸႂ်ႉၶဝ်ၵႂႃႇၵႃႈတီႈသူၼ် ၸပိတ်ႈမၼ်းပုၼ်ႉဢေႃႈ။- 3သၢမ်ၼႃႇရီႇၸမ်ၸမ်၊ မၼ်းသမ်ႉဢွၵ်ႇၵႂႃႇလႄႈ ထူပ်းႁၼ်ၵူၼ်းတၢင်ႇတီႈဢၼ်ဢမ်ႇႁဵတ်းတၢင်းႁဵတ်းတင်းလၢႆ ၸုၵ်းယူႇၼႂ်းၵၢတ်ႇလႄႈ လၢတ်ႈတီႈၶဝ်ၼၼ်ႉလႄႈဝႃႈ၊- 4သူၼႆႉၵေႃႈ ၵႂႃႇၵႃႈတီႈသူၼ်ၸပိတ်ႈၵဝ်ပုၼ်ႉတႃႉ။ ၵဝ်တၵ်းပၼ်ထုၵ်ႇထုၵ်ႇဢေႃႈ။ မိူဝ်ႈဢၼ်ဝႃႈၼင်ႇၼႆၸိုင်၊ ၶဝ်ၼၼ်ႉၵေႃႈၵႂႃႇဢေႃႈ။- 5ၵမ်းၼိုင်ႈ ၶိင်ႇႁူၵ်းၼႃႇရီႇၸမ်ၸမ်၊ ၵမ်းၼိုင်ႈၶိင်ႇၵဝ်ႈၼႃႇရီႇၸမ်ၸမ်၊ မၼ်းသမ်ႉဢွၵ်ႇၵႂႃႇလႄႈ ႁဵတ်းၸိူဝ်ႉၼင်ႇ ၵမ်းဢွၼ်တၢင်းၼၼ်ႉဢေႃႈ။- 6သိပ်းဢဵတ်းၼႃႇရီႇၸမ်ၸမ်ၵေႃႈ၊ မၼ်းသမ်ႉဢွၵ်ႇၵႂႃႇလႄႈ ထူပ်းႁၼ်ၵူၼ်တၢင်ႇတီႈတင်းလၢႆ ၸုၵ်းယူႇလႄႈထၢမ်တီႈၶဝ်လႄႈဝႃႈ၊ ႁဵတ်းသင်လႄႈသူၼႆႉ ယင်းဢမ်ႇႁဵတ်းတၢင်းႁဵတ်းလႄႈ ၸုၵ်းယူႇၵႃႈတီႈၼႆႈတင်းဝၼ်းၼင်ႇႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊- 7ၶဝ်ၼၼ်ႉၵေႃႈလၢတ်ႈလႄႈဝႃႈ၊ ၽူႈလႂ်သေၵေႃႉသေၵူၼ်း ဢမ်ႇၸၢင်ႈဢဝ်ႁဝ်းၶႃႈၼႆႉၶႃႈ၊ ဝႃႈၼင်ႇၼႆဢေႃႈ။ မၼ်းၵေႃႈလၢတ်ႈလႄႈဝႃႈ၊ သူၼႆႉၵေႃႈ ၵႂႃႇၵႃႈတီႈသူၼ်ၸပိတ်ႈၵဝ်ပုၼ်ႉတႃႉ၊ ဝႃႈၼင်ႇၼႆဢေႃႈ။
8မိူဝ်ႈဢၼ်ထိုင်ၶိင်ႇႁူဝ်ၶမ်ႈၸိုင်၊ ၸဝ်ႈသူၼ်ၸပိတ်ႈၼၼ်ႉ လၢတ်ႈတီႈၸရေးမၼ်းလႄႈဝႃႈ၊ ႁွင်ႉၶဝ်ၸိူဝ်းဢၼ်ႁဵတ်းဢၼ်သၢင်ႈၼၼ်ႉမႃးတႃႉ။ ပၼ်ၵႃႈမၼ်းၶၼ်မၼ်းၵႃႈတီႈ ၸႃႉၸဵမ်ၶဝ်ၸိူဝ်းဢၼ်ၶဝ်ႈႁဵတ်းလိုၼ်းၼၼ်ႉ တေႃႇထိုင်ႁွတ်ႈၶဝ်ၸိူဝ်းဢၼ်ၶဝ်ႈႁဵတ်းဢွၼ်တၢင်းၼၼ်ႉတႃႉ၊ ဝႃႈၼင်ႇၼႆဢေႃႈ။- 9ပိူဝ်ႈၼႆလႄႈ ၶဝ်ၸိူဝ်းဢၼ်ၶဝ်ႈႁဵတ်းသိပ်းဢဵတ်းၼႃႇရီႇၸမ်ၸမ်ၼၼ်ႉ မႃးလႄႈၶၢမ်ႇဢဝ်ယေႈၵေႃႉတေႇၼႃႇရီႇ ယေႈၶႅပ်းဢေႃႈ။- 10မိူဝ်ႈဢၼ် ၶဝ်ၸိူဝ်းဢၼ်ၶဝ်ႈႁဵတ်းဢွၼ်တၢင်းၼၼ်ႉမႃးၸိုင်၊ ပိၵ်ႉသမ်ႉၶဝ်ထၢင်ႇၼႂ်းၸႂ်လႄႈဝႃႈ၊ ႁဝ်းၼႆႉယဵင်ႈၶႅၼ်းတၵ်းလႆႈလိူဝ်လႆႈတွၼ်းဢေႃႈ၊ ဝႃႈၼင်ႇၼႆသေၵေႃႈ၊ လႆႈယေႈၵေႃႉ တေႇၼႃႇရီႇ ယေႈၶႅပ်းဢေႃႈ။- 11မိူဝ်ႈဢၼ်လႆႈၶၢမ်ႇဢဝ်ၸိူဝ်ႉၼင်ႇၼၼ်ႉယဝ်ႉၸိုင် ၶဝ်သႄႉသွမ်းတၢင်ႇဢပႅတ်ႈတီႈၸဝ်ႈႁိူၼ်းလႄႈဝႃႈ၊- 12ၶဝ်ၸိူဝ်းဢၼ်ၶဝ်ႈႁဵတ်းလိုၼ်းၼၼ်ႉ ပိၵ်ႉသမ်ႉႁဵတ်းၼႃႇရီႇၼိုင်ႈၵူၺ်းသေၵေႃႈ၊ ၸဝ်ႈႁဝ်းၸီႇယၢင်ႇႁႂ်ႈပဵၼ်မိူၼ်ၵၼ်တင်းႁဝ်းၸိူဝ်းဢၼ်ႁၢပ်ႇၼၵ်းတင်းဝၼ်းလႄႈ လႆႈၶၢမ်ႇတၢင်းဢၼ်လႅတ်ႇမႆႈၼႆႉလူင်ပႄႇ၊ ဝႃႈၼင်ႇၼႆဢေႃႈ။- 13ၸဝ်ႈႁိူၼ်းၵေႃႈ ၶိုၼ်းလၢတ်ႈတီႈၵေႃႉၼိုင်ႈလႄႈဝႃႈ၊ ပီႈၼွင်ႉဢိူၺ်း၊ ၵဝ်ဢမ်ႇႁဵတ်းလွင်ႈတၢင်းဢၼ်ဢမ်ႇသိုဝ်ႈဢမ်ႇတေႃႇတီႈမႂ်း။ ပုၼ်ႈတေႇၼႃႇရီႇၶႅပ်းၼိုင်ႈ ဝႃႈၼႆမႂ်းႁပ်ႉတုင်းဢဝ်တီႈၵဝ်ယဝ်ႉဢမ်ႇၸႂ်ႈႁိုဝ်။- 14ဢဝ်ၶွင်မႂ်းလႄႈၵႂႃႇတႃႉ။ ၵဝ်မီးဢလူဝ်ႇၶႂ်ႈပၼ်တီႈၶဝ်ၸိူဝ်းဢၼ်ႁဵတ်းလိုၼ်းၼၼ်ႉ မိူၼ်ၵၼ်တင်းမႂ်းဢေႃႈ။- 15ၵႃႈၼင်ႇဢၼ် ၵဝ်ၶႂ်ႈဢဝ်ၶွင်တူဝ်ၸဝ်ႈၵဝ်ႇႁဵတ်းၼၼ်ႉ၊ ၵဝ်ဢမ်ႇလႆႈႁဵတ်းႁိုဝ်။ ပိူဝ်ႈဢၼ်ၵဝ်လီလႄႈ ဢမ်ႇထုၵ်ႇတႃမႂ်းႁိုဝ်။ ဝႃႈၼင်ႇၼႆဢေႃႈ။- 16မိူၼ်ၼင်ႇၼၼ် ၶဝ်ၸိူဝ်းဢၼ်တူၵ်းလိုၼ်းတၵ်းတူၵ်းဢွၼ်တၢင်းဢေႃႈ။ ၶဝ်ၸိူဝ်းဢၼ်တူၵ်းဢွၼ်တၢင်း တၵ်းတူၵ်းလိုၼ်းဢေႃႈ။ ပိၵ်ႉသမ်ႉၶဝ်ၸိူဝ်းဢၼ် မၼ်းၸဝ်ႈႁွင်ႉဢဝ်ၼၼ်ႉ ၼမ်ၼႃႇသေၵေႃႈ၊ ၶဝ်ၸိူဝ်းဢၼ်မၼ်းၸဝ်ႈလိူၵ်ႈၵဵပ်းဢဝ်ၼၼ်ႉ ၵေႇၼႃႇဢေႃႈ၊ ဝႃႈၼင်ႇၼႆဢေႃႈ။
ၸဝ်ႈယေႇသူႉလၢတ်ႈတၢင်းတၢႆၸဝ်ႈပွၵ်ႈသၢမ်
(တူၺ်း၊ မႃႇ 10:32-34။ လူႉ 18:31-34)
17ၼႂ်းမိူဝ်ႈဢၼ်ယေႇသူႉၶိုၼ်ႈၵႂႃႇ ၵႃႈတီႈဝဵင်းယေႇရူႉသလႅမ်ႇယူႇၼၼ်ႉၸိုင်၊ ၵႃႈတီႈၵၢင်တၢင်း မၼ်းၸဝ်ႈႁွင်ႉဢဝ်တပႄးၸဝ်ႈ သိပ်းသွင်ပႃး ၵႂႃႇၵႃႈတီႈဢၼ်ပိူၼ်ႈဢမ်ႇမီးၼၼ်ႉသေလႄႈ လၢတ်ႈလႄႈဝႃႈ၊- 18တူၺ်းလူး၊ ႁဝ်းၶိုၼ်ႈၵႂႃႇၵႃႈတီႈဝဵင်းယေႇရူႉသလႅမ်ႇယူႇဢေႃႈ။ လုၵ်ႈၵူၼ်းတၵ်းၶၢမ်ႇတၢင်းဢၼ် ဢၢပ်ႈတီႈယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းထုတ်ႇၵျၢမ်းတင်းလၢႆဢေႃႈ။ ၶဝ်ၼၼ်ႉ တၵ်းၸီႇယၢင်ႇႁႂ်ႈတၢႆဢေႃႈ။- 19ၶဝ်တၵ်းဢဝ်မၼ်းဢၢပ်ႈပၼ် တီႈၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆ ႁႂ်ႈၶဝ်လႆႈႁဵတ်းပျၢၵ်ႈယႅၼ်ႉတူပ်ႇဢဝ်တွၵ်ႇဝႆႉ ၵႃႈၼိူဝ်သဝ်လၵ်းဝႃးၵၢပ်ႈဢေႃႈ။ ၼႂ်းဝၼ်းဢၼ်ထူၼ်ႈထိုင်သၢမ်ဝၼ်းၼၼ်ႉ မၼ်းတၵ်းလုၵ်ႉၶိုၼ်းဢေႃႈ၊ ဝႃႈၼင်ႇၼႆဢေႃႈ။
လွင်ႈမႄႈယိင်းၵေႃႉၼိုင်ႈလဝ်ႊယွၼ်း
(တူၺ်း၊ မႃႇ 10:35-45)
20မိူဝ်ႈၼၼ်ႉ မေးၸေႇပေႇတႄး ဢိၵ်ႇတင်းလုၵ်ႈၸၢႆးမၼ်းတင်းလၢႆ သုတ်ႉၸပ်းသုတ်ႉၸူးတီႈမၼ်းၸဝ်ႈလႄႈ ၶုပ်ႉမူပ်ႇယူႇသေလႄႈ ယွၼ်းသေၸိူဝ်ႉသေပိူင် တီႈမၼ်းၸဝ်ႈဢေႃႈ။- 21မၼ်းၸဝ်ႈၵေႃႈထၢမ်လႄႈဝႃႈ၊ မႂ်းၶႂ်ႈယွၼ်းၸိူဝ်ႉၼင်ႇႁိုဝ်။ ဝႃႈၼင်ႇၼႆဢေႃႈ။ မၼ်းၵေႃႈလဝ်ႊလၢတ်ႈလႄႈဝႃႈ၊ ၶႅၼ်းတေႃႈပၼ်ဢၶႂၢင်ႉႁႂ်ႈလုၵ်ႈၸၢႆးၵဝ်ၶႃႈသွင်ၵေႃႉၼႆႉ လႆႈၼင်ႈၵႃႈတီႈၽၢႆႇၶႂႃၸဝ်ႈႁဝ်းၵေႃႉၼိုင်ႈ ၵႃႈတီႈၽၢႆႇသၢႆႉၸဝ်ႈႁဝ်းၵေႃႉၼိုင်ႈ ၵႃႈၼႂ်းမိူင်းၸဝ်ႈႁဝ်းပုၼ်ႉသေၵမ်းၶႃႈ၊ ဝႃႈၼင်ႇၼႆဢေႃႈ။- 22ယေႇသူႉၵေႃႈ ၶိုၼ်းလၢတ်ႈလႄႈဝႃႈ၊ သူၼႆႉဢမ်ႇႁူႉလွင်ႈဢၼ်သူယွၼ်းၼၼ်ႉ။ သူတၢတ်ႈၼိူင်ႇလႆႈ ႁႂ်ႈလႆႈၵိၼ်ၵွၵ်းဢၼ်ၵဝ်ၸမ်တၵ်းလႆႈၵိၼ်ၼၼ်ႉႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊ ၶဝ်ၵေႃႈလဝ်ႊလၢတ်ႈလႄႈဝႃႈ၊ ႁဝ်းၶႃႈတၢတ်ႈၼိူင်ႇလႆႈယူႇၶႃႈ၊ ဝႃႈၼင်ႇၼႆဢေႃႈ။- 23မၼ်းၸဝ်ႈၵေႃႈလၢတ်ႈလႄႈဝႃႈ၊ ၵွၵ်းၵဝ်ၸိုင် သူတၵ်းလႆႈၵိၼ်ဢေႃႈ။ ၼႂ်းဝႃႈၼၼ်သေၵေႃႈ လွင်ႈဢၼ်တၵ်းလႆႈၼင်ႈၵႃႈတီႈၽၢႆႇၶႂႃၵဝ်၊ ၵႃႈတီႈၽၢႆႇသၢႆႉၵဝ်ၼၼ်ႉၸမ်ႉ၊ ၵဝ်ဢမ်ႇပိူင်ႇပၼ်။ ပုၼ်ႈႁင်းၽူႈလႂ်သေဢမ်ႇဝႃႈ၊ ဢၼ်ပေႃႈၵဝ်မႄးဝႆႉၼၼ်ႉၸိုင် တၵ်းပဵၼ်ပုၼ်ႈၶဝ်ၼၼ်ႉဢေႃႈ၊ ဝႃႈၼင်ႇၼႆဢေႃႈ။
24တပႄးၸဝ်ႈသိပ်းပႃးၼၼ်ႉငိၼ်းသေယဝ်ႉ ၸႂ်မႆႈၶႆႈၸႃႉတီႈပီႈၼွင်ႉသွင်ၵေႃႉၼၼ်ႉဢေႃႈ။- 25ယေႇသူႉႁွင်ႉဢဝ်ၶဝ်လႄႈလၢတ်ႈဝႃႈ၊ ၶဝ်ၸိူဝ်းဢၼ်ပဵၼ်ၶုၼ်ၼႂ်းၵူၼ်း တၢင်ႇၸိူဝ်ႉတၢင်ႇၶိူဝ်းတင်းလၢႆၼၼ်ႉ ၸၢင်ႈဢုပ်ႉၸၢင်ႈပိူင်ႇဢေႃႈ။ ၶဝ်ၸိူဝ်းဢၼ်ပဵၼ်ၵူၼ်းယႂ်ႇၵူၼ်းလူင်တင်းလၢႆၵေႃႈ ၸၢင်ႈဝႆႉဢႃႇၼႃႇ ဝႃႈၼႆသူႁူႉယူႇဢေႃႈ။- 26ၼႂ်းသူၸမ်ႉ၊ ဢမ်ႇလႆႈပဵၼ်ၸိူဝ်ႉၼင်ႇၼၼ်။ ၼႂ်းသူၼႆႉ ၽူႈလႂ်သေဢမ်ႇဝႃႈ ၵေႃႉဢၼ်ၶႂ်ႈပဵၼ်ၵူၼ်းယႂ်ႇသူၼၼ်ႉ ႁႂ်ႈၵေႃႉၼၼ်ႉ ပဵၼ်ၵူၼ်းၸႂ်ႉၵူၼ်းသွႆသူတႃႉ။- 27ၼႂ်းသူၼႆႉ ၽူႈလႂ်သေဢမ်ႇဝႃႈ ၵေႃႉဢၼ်ၶႂ်ႈပဵၼ်ႁူဝ်သူၼၼ်ႉၵေႃႈ ႁႂ်ႈၵေႃႉၼၼ်ႉ ပဵၼ်ၶႃႈသူတႃႉ။- 28မိူၼ်ၼင်ႇၼၼ် လုၵ်ႈၵူၼ်းမႃး ႁႂ်ႈလႆႈၸႂ်ႉၵိၼ်ပိူၼ်ႈဢမ်ႇၸႂ်ႈ။ မႃးႁႂ်ႈလႆႈၶၢမ်ႇတၢင်းဢၼ်ပိူၼ်ႈၸႂ်ႉ ဢိၵ်ႇတင်းႁႂ်ႈလႆႈၸုၼ်ႉဢသၢၵ်ႈတူဝ်ၸဝ်ႈၵဝ်ႇသေလႄႈ ထုတ်ႇဢဝ်ၵူၼ်းၼမ်ၼႃႇဢေႃႈ၊ ဝႃႈၼင်ႇၼႆဢေႃႈ။
ၸဝ်ႈယေႇသူႉႁႂ်ႈၵူၼ်းတႃမွတ်ႇသွင်ၵေႃႉႁၼ်
29ၼႂ်းမိူဝ်ႈဢၼ် ၶဝ်ဢွၵ်ႇသေၵႃႈၼႂ်းဝဵင်းယေႇရီႉၶူဝ်း ၵႂႃႇယူႇၼၼ်ႉၸိုင်၊ ၵူၼ်းဢၼ်ၸူႉဢၼ်တုမ်ၼမ်ၼႃႇ ၸွမ်းပႃႈလင်မၼ်းၸဝ်ႈယူႇဢေႃႈ။- 30ၵူၼ်းတႃမွတ်ႇသွင်ၵေႃႉ ဢၼ်ၼင်ႈယူႇၵႃႈတီႈႁိမ်းတၢင်းၼၼ်ႉ၊ မိူဝ်ႈဢၼ်လႆႈငိၼ်းလွင်ႈဢၼ်ယေႇသူႉ ၸွမ်းတၢင်းၵႂႃႇယူႇၼၼ်ႉၸိုင်၊ ႁွင်ႉသႅၼ်ႇလႄႈဝႃႈ၊ ၸဝ်ႈႁဝ်း၊ လုၵ်ႈတႃႇဝိတ်ႈတီႈၶႃႈ၊ ဢဵတ်းလူႁဝ်းၶႃႈသေၵမ်းၶႃႈ၊ ဝႃႈၼင်ႇၼႆယူႇဢေႃႈ၊- 31ပိၵ်ႉသမ်ႉၵူၼ်းဢၼ်ၸူႉဢၼ်တုမ်ႁိုတ်းဝႃႈ ႁႂ်ႈၶဝ်ယူႇတဵတ်ႇတဵတ်ႇယဵၼ်ယဵၼ်သေၵေႃႈ ၶဝ်ၼၼ်ႉ ယဵင်ႈၶႅၼ်းႁွင်ႉသႅၼ်ႇလႄႈဝႃႈ၊ ၸဝ်ႈႁဝ်း၊ လုၵ်ႈတႃႇဝိတ်ႈတီႈၶႃႈ၊ ဢဵတ်းလူႁဝ်းၶႃႈသေၵမ်းၶႃႈ၊ ဝႃႈၼင်ႇၼႆယူႇဢေႃႈ။- 32ယေႇသူႉၸင်ႇ ၸုၵ်းၵိုတ်းယူႇသေယဝ်ႉ ႁွင်ႉၶဝ်လႄႈထၢမ်ဝႃႈ၊ ၶႂ်ႈႁႂ်ႈၵဝ်ႁဵတ်းတီႈသူၸိူဝ်ႉၼင်ႇႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊- 33ၶဝ်ၵေႃႈ လဝ်ႊလၢတ်ႈလႄႈဝႃႈ၊ ၸဝ်ႈႁဝ်း၊ ႁဵတ်းႁႂ်ႈမၢၵ်ႇတႃႁဝ်းၶႃႈႁၼ်မႃးသေၵမ်းၶႃႈ၊ ဝႃႈၼင်ႇၼႆဢေႃႈ။- 34ယေႇသူႉမီးၸႂ်ဢၼ်ဢဵတ်းလူလႄႈ တိူဝ်ႉသႂ်ႇမၢၵ်ႇတႃၶဝ်ၼၼ်ႉဢေႃႈ။ ၶဝ်ၼၼ်ႉ မၢၵ်ႇတႃႁၼ်မႃးၵမ်းလဵဝ်လႄႈ ၸွမ်းပႃႈလင်မၼ်းၸဝ်ႈၵႂႃႇဢေႃႈ။
നിലവിൽ തിരഞ്ഞെടുത്തിരിക്കുന്നു:
မၢတ်ႈထႄႇ 20: CBMS
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship
မၢတ်ႈထႄႇ 20
20
ၵႂၢမ်းဢူႉပမႃႇၵူၼ်းၵိၼ်ၸၢင်ႈႁဵတ်းသူၼ်
1ဢူႉပမႃႇၸမ်ႉ၊ မိူင်းၵၢင်ႁၢဝ်ၸဝ်ႈ မိူၼ်ၸိူဝ်ႉၼင်ႇၸဝ်ႈႁိူၼ်းဢၼ်ဢွၵ်ႇၵႂႃႇ ၵၢင်ၼႂ်ၸဝ်ႉၸဝ်ႉ ႁႂ်ႈလႆႈၸၢင်ႈဢဝ်ၵူၼ်းၸိူဝ်းဢၼ် တၵ်းႁဵတ်းသူၼ်ၸပိတ်ႈမၼ်းၼၼ်ႉဢေႃႈ။- 2မၼ်းၼၼ်ႉ ယေႈဝၼ်းတၵ်းပၼ်တေႇၼႃႇရီႇ ယေႈၶႅပ်းဝႃႈၼႆ ႁပ်ႉတုင်းဢဝ်လူၺ်ႈၵၼ်တင်းၶဝ်ၸိူဝ်းဢၼ် တၵ်းႁဵတ်းတၵ်းသၢင်ႈၼၼ်ႉယဝ်ႉၸင်ႇ၊ ပွႆႇၸႂ်ႉၶဝ်ၵႂႃႇၵႃႈတီႈသူၼ် ၸပိတ်ႈမၼ်းပုၼ်ႉဢေႃႈ။- 3သၢမ်ၼႃႇရီႇၸမ်ၸမ်၊ မၼ်းသမ်ႉဢွၵ်ႇၵႂႃႇလႄႈ ထူပ်းႁၼ်ၵူၼ်းတၢင်ႇတီႈဢၼ်ဢမ်ႇႁဵတ်းတၢင်းႁဵတ်းတင်းလၢႆ ၸုၵ်းယူႇၼႂ်းၵၢတ်ႇလႄႈ လၢတ်ႈတီႈၶဝ်ၼၼ်ႉလႄႈဝႃႈ၊- 4သူၼႆႉၵေႃႈ ၵႂႃႇၵႃႈတီႈသူၼ်ၸပိတ်ႈၵဝ်ပုၼ်ႉတႃႉ။ ၵဝ်တၵ်းပၼ်ထုၵ်ႇထုၵ်ႇဢေႃႈ။ မိူဝ်ႈဢၼ်ဝႃႈၼင်ႇၼႆၸိုင်၊ ၶဝ်ၼၼ်ႉၵေႃႈၵႂႃႇဢေႃႈ။- 5ၵမ်းၼိုင်ႈ ၶိင်ႇႁူၵ်းၼႃႇရီႇၸမ်ၸမ်၊ ၵမ်းၼိုင်ႈၶိင်ႇၵဝ်ႈၼႃႇရီႇၸမ်ၸမ်၊ မၼ်းသမ်ႉဢွၵ်ႇၵႂႃႇလႄႈ ႁဵတ်းၸိူဝ်ႉၼင်ႇ ၵမ်းဢွၼ်တၢင်းၼၼ်ႉဢေႃႈ။- 6သိပ်းဢဵတ်းၼႃႇရီႇၸမ်ၸမ်ၵေႃႈ၊ မၼ်းသမ်ႉဢွၵ်ႇၵႂႃႇလႄႈ ထူပ်းႁၼ်ၵူၼ်တၢင်ႇတီႈတင်းလၢႆ ၸုၵ်းယူႇလႄႈထၢမ်တီႈၶဝ်လႄႈဝႃႈ၊ ႁဵတ်းသင်လႄႈသူၼႆႉ ယင်းဢမ်ႇႁဵတ်းတၢင်းႁဵတ်းလႄႈ ၸုၵ်းယူႇၵႃႈတီႈၼႆႈတင်းဝၼ်းၼင်ႇႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊- 7ၶဝ်ၼၼ်ႉၵေႃႈလၢတ်ႈလႄႈဝႃႈ၊ ၽူႈလႂ်သေၵေႃႉသေၵူၼ်း ဢမ်ႇၸၢင်ႈဢဝ်ႁဝ်းၶႃႈၼႆႉၶႃႈ၊ ဝႃႈၼင်ႇၼႆဢေႃႈ။ မၼ်းၵေႃႈလၢတ်ႈလႄႈဝႃႈ၊ သူၼႆႉၵေႃႈ ၵႂႃႇၵႃႈတီႈသူၼ်ၸပိတ်ႈၵဝ်ပုၼ်ႉတႃႉ၊ ဝႃႈၼင်ႇၼႆဢေႃႈ။
8မိူဝ်ႈဢၼ်ထိုင်ၶိင်ႇႁူဝ်ၶမ်ႈၸိုင်၊ ၸဝ်ႈသူၼ်ၸပိတ်ႈၼၼ်ႉ လၢတ်ႈတီႈၸရေးမၼ်းလႄႈဝႃႈ၊ ႁွင်ႉၶဝ်ၸိူဝ်းဢၼ်ႁဵတ်းဢၼ်သၢင်ႈၼၼ်ႉမႃးတႃႉ။ ပၼ်ၵႃႈမၼ်းၶၼ်မၼ်းၵႃႈတီႈ ၸႃႉၸဵမ်ၶဝ်ၸိူဝ်းဢၼ်ၶဝ်ႈႁဵတ်းလိုၼ်းၼၼ်ႉ တေႃႇထိုင်ႁွတ်ႈၶဝ်ၸိူဝ်းဢၼ်ၶဝ်ႈႁဵတ်းဢွၼ်တၢင်းၼၼ်ႉတႃႉ၊ ဝႃႈၼင်ႇၼႆဢေႃႈ။- 9ပိူဝ်ႈၼႆလႄႈ ၶဝ်ၸိူဝ်းဢၼ်ၶဝ်ႈႁဵတ်းသိပ်းဢဵတ်းၼႃႇရီႇၸမ်ၸမ်ၼၼ်ႉ မႃးလႄႈၶၢမ်ႇဢဝ်ယေႈၵေႃႉတေႇၼႃႇရီႇ ယေႈၶႅပ်းဢေႃႈ။- 10မိူဝ်ႈဢၼ် ၶဝ်ၸိူဝ်းဢၼ်ၶဝ်ႈႁဵတ်းဢွၼ်တၢင်းၼၼ်ႉမႃးၸိုင်၊ ပိၵ်ႉသမ်ႉၶဝ်ထၢင်ႇၼႂ်းၸႂ်လႄႈဝႃႈ၊ ႁဝ်းၼႆႉယဵင်ႈၶႅၼ်းတၵ်းလႆႈလိူဝ်လႆႈတွၼ်းဢေႃႈ၊ ဝႃႈၼင်ႇၼႆသေၵေႃႈ၊ လႆႈယေႈၵေႃႉ တေႇၼႃႇရီႇ ယေႈၶႅပ်းဢေႃႈ။- 11မိူဝ်ႈဢၼ်လႆႈၶၢမ်ႇဢဝ်ၸိူဝ်ႉၼင်ႇၼၼ်ႉယဝ်ႉၸိုင် ၶဝ်သႄႉသွမ်းတၢင်ႇဢပႅတ်ႈတီႈၸဝ်ႈႁိူၼ်းလႄႈဝႃႈ၊- 12ၶဝ်ၸိူဝ်းဢၼ်ၶဝ်ႈႁဵတ်းလိုၼ်းၼၼ်ႉ ပိၵ်ႉသမ်ႉႁဵတ်းၼႃႇရီႇၼိုင်ႈၵူၺ်းသေၵေႃႈ၊ ၸဝ်ႈႁဝ်းၸီႇယၢင်ႇႁႂ်ႈပဵၼ်မိူၼ်ၵၼ်တင်းႁဝ်းၸိူဝ်းဢၼ်ႁၢပ်ႇၼၵ်းတင်းဝၼ်းလႄႈ လႆႈၶၢမ်ႇတၢင်းဢၼ်လႅတ်ႇမႆႈၼႆႉလူင်ပႄႇ၊ ဝႃႈၼင်ႇၼႆဢေႃႈ။- 13ၸဝ်ႈႁိူၼ်းၵေႃႈ ၶိုၼ်းလၢတ်ႈတီႈၵေႃႉၼိုင်ႈလႄႈဝႃႈ၊ ပီႈၼွင်ႉဢိူၺ်း၊ ၵဝ်ဢမ်ႇႁဵတ်းလွင်ႈတၢင်းဢၼ်ဢမ်ႇသိုဝ်ႈဢမ်ႇတေႃႇတီႈမႂ်း။ ပုၼ်ႈတေႇၼႃႇရီႇၶႅပ်းၼိုင်ႈ ဝႃႈၼႆမႂ်းႁပ်ႉတုင်းဢဝ်တီႈၵဝ်ယဝ်ႉဢမ်ႇၸႂ်ႈႁိုဝ်။- 14ဢဝ်ၶွင်မႂ်းလႄႈၵႂႃႇတႃႉ။ ၵဝ်မီးဢလူဝ်ႇၶႂ်ႈပၼ်တီႈၶဝ်ၸိူဝ်းဢၼ်ႁဵတ်းလိုၼ်းၼၼ်ႉ မိူၼ်ၵၼ်တင်းမႂ်းဢေႃႈ။- 15ၵႃႈၼင်ႇဢၼ် ၵဝ်ၶႂ်ႈဢဝ်ၶွင်တူဝ်ၸဝ်ႈၵဝ်ႇႁဵတ်းၼၼ်ႉ၊ ၵဝ်ဢမ်ႇလႆႈႁဵတ်းႁိုဝ်။ ပိူဝ်ႈဢၼ်ၵဝ်လီလႄႈ ဢမ်ႇထုၵ်ႇတႃမႂ်းႁိုဝ်။ ဝႃႈၼင်ႇၼႆဢေႃႈ။- 16မိူၼ်ၼင်ႇၼၼ် ၶဝ်ၸိူဝ်းဢၼ်တူၵ်းလိုၼ်းတၵ်းတူၵ်းဢွၼ်တၢင်းဢေႃႈ။ ၶဝ်ၸိူဝ်းဢၼ်တူၵ်းဢွၼ်တၢင်း တၵ်းတူၵ်းလိုၼ်းဢေႃႈ။ ပိၵ်ႉသမ်ႉၶဝ်ၸိူဝ်းဢၼ် မၼ်းၸဝ်ႈႁွင်ႉဢဝ်ၼၼ်ႉ ၼမ်ၼႃႇသေၵေႃႈ၊ ၶဝ်ၸိူဝ်းဢၼ်မၼ်းၸဝ်ႈလိူၵ်ႈၵဵပ်းဢဝ်ၼၼ်ႉ ၵေႇၼႃႇဢေႃႈ၊ ဝႃႈၼင်ႇၼႆဢေႃႈ။
ၸဝ်ႈယေႇသူႉလၢတ်ႈတၢင်းတၢႆၸဝ်ႈပွၵ်ႈသၢမ်
(တူၺ်း၊ မႃႇ 10:32-34။ လူႉ 18:31-34)
17ၼႂ်းမိူဝ်ႈဢၼ်ယေႇသူႉၶိုၼ်ႈၵႂႃႇ ၵႃႈတီႈဝဵင်းယေႇရူႉသလႅမ်ႇယူႇၼၼ်ႉၸိုင်၊ ၵႃႈတီႈၵၢင်တၢင်း မၼ်းၸဝ်ႈႁွင်ႉဢဝ်တပႄးၸဝ်ႈ သိပ်းသွင်ပႃး ၵႂႃႇၵႃႈတီႈဢၼ်ပိူၼ်ႈဢမ်ႇမီးၼၼ်ႉသေလႄႈ လၢတ်ႈလႄႈဝႃႈ၊- 18တူၺ်းလူး၊ ႁဝ်းၶိုၼ်ႈၵႂႃႇၵႃႈတီႈဝဵင်းယေႇရူႉသလႅမ်ႇယူႇဢေႃႈ။ လုၵ်ႈၵူၼ်းတၵ်းၶၢမ်ႇတၢင်းဢၼ် ဢၢပ်ႈတီႈယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းထုတ်ႇၵျၢမ်းတင်းလၢႆဢေႃႈ။ ၶဝ်ၼၼ်ႉ တၵ်းၸီႇယၢင်ႇႁႂ်ႈတၢႆဢေႃႈ။- 19ၶဝ်တၵ်းဢဝ်မၼ်းဢၢပ်ႈပၼ် တီႈၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆ ႁႂ်ႈၶဝ်လႆႈႁဵတ်းပျၢၵ်ႈယႅၼ်ႉတူပ်ႇဢဝ်တွၵ်ႇဝႆႉ ၵႃႈၼိူဝ်သဝ်လၵ်းဝႃးၵၢပ်ႈဢေႃႈ။ ၼႂ်းဝၼ်းဢၼ်ထူၼ်ႈထိုင်သၢမ်ဝၼ်းၼၼ်ႉ မၼ်းတၵ်းလုၵ်ႉၶိုၼ်းဢေႃႈ၊ ဝႃႈၼင်ႇၼႆဢေႃႈ။
လွင်ႈမႄႈယိင်းၵေႃႉၼိုင်ႈလဝ်ႊယွၼ်း
(တူၺ်း၊ မႃႇ 10:35-45)
20မိူဝ်ႈၼၼ်ႉ မေးၸေႇပေႇတႄး ဢိၵ်ႇတင်းလုၵ်ႈၸၢႆးမၼ်းတင်းလၢႆ သုတ်ႉၸပ်းသုတ်ႉၸူးတီႈမၼ်းၸဝ်ႈလႄႈ ၶုပ်ႉမူပ်ႇယူႇသေလႄႈ ယွၼ်းသေၸိူဝ်ႉသေပိူင် တီႈမၼ်းၸဝ်ႈဢေႃႈ။- 21မၼ်းၸဝ်ႈၵေႃႈထၢမ်လႄႈဝႃႈ၊ မႂ်းၶႂ်ႈယွၼ်းၸိူဝ်ႉၼင်ႇႁိုဝ်။ ဝႃႈၼင်ႇၼႆဢေႃႈ။ မၼ်းၵေႃႈလဝ်ႊလၢတ်ႈလႄႈဝႃႈ၊ ၶႅၼ်းတေႃႈပၼ်ဢၶႂၢင်ႉႁႂ်ႈလုၵ်ႈၸၢႆးၵဝ်ၶႃႈသွင်ၵေႃႉၼႆႉ လႆႈၼင်ႈၵႃႈတီႈၽၢႆႇၶႂႃၸဝ်ႈႁဝ်းၵေႃႉၼိုင်ႈ ၵႃႈတီႈၽၢႆႇသၢႆႉၸဝ်ႈႁဝ်းၵေႃႉၼိုင်ႈ ၵႃႈၼႂ်းမိူင်းၸဝ်ႈႁဝ်းပုၼ်ႉသေၵမ်းၶႃႈ၊ ဝႃႈၼင်ႇၼႆဢေႃႈ။- 22ယေႇသူႉၵေႃႈ ၶိုၼ်းလၢတ်ႈလႄႈဝႃႈ၊ သူၼႆႉဢမ်ႇႁူႉလွင်ႈဢၼ်သူယွၼ်းၼၼ်ႉ။ သူတၢတ်ႈၼိူင်ႇလႆႈ ႁႂ်ႈလႆႈၵိၼ်ၵွၵ်းဢၼ်ၵဝ်ၸမ်တၵ်းလႆႈၵိၼ်ၼၼ်ႉႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊ ၶဝ်ၵေႃႈလဝ်ႊလၢတ်ႈလႄႈဝႃႈ၊ ႁဝ်းၶႃႈတၢတ်ႈၼိူင်ႇလႆႈယူႇၶႃႈ၊ ဝႃႈၼင်ႇၼႆဢေႃႈ။- 23မၼ်းၸဝ်ႈၵေႃႈလၢတ်ႈလႄႈဝႃႈ၊ ၵွၵ်းၵဝ်ၸိုင် သူတၵ်းလႆႈၵိၼ်ဢေႃႈ။ ၼႂ်းဝႃႈၼၼ်သေၵေႃႈ လွင်ႈဢၼ်တၵ်းလႆႈၼင်ႈၵႃႈတီႈၽၢႆႇၶႂႃၵဝ်၊ ၵႃႈတီႈၽၢႆႇသၢႆႉၵဝ်ၼၼ်ႉၸမ်ႉ၊ ၵဝ်ဢမ်ႇပိူင်ႇပၼ်။ ပုၼ်ႈႁင်းၽူႈလႂ်သေဢမ်ႇဝႃႈ၊ ဢၼ်ပေႃႈၵဝ်မႄးဝႆႉၼၼ်ႉၸိုင် တၵ်းပဵၼ်ပုၼ်ႈၶဝ်ၼၼ်ႉဢေႃႈ၊ ဝႃႈၼင်ႇၼႆဢေႃႈ။
24တပႄးၸဝ်ႈသိပ်းပႃးၼၼ်ႉငိၼ်းသေယဝ်ႉ ၸႂ်မႆႈၶႆႈၸႃႉတီႈပီႈၼွင်ႉသွင်ၵေႃႉၼၼ်ႉဢေႃႈ။- 25ယေႇသူႉႁွင်ႉဢဝ်ၶဝ်လႄႈလၢတ်ႈဝႃႈ၊ ၶဝ်ၸိူဝ်းဢၼ်ပဵၼ်ၶုၼ်ၼႂ်းၵူၼ်း တၢင်ႇၸိူဝ်ႉတၢင်ႇၶိူဝ်းတင်းလၢႆၼၼ်ႉ ၸၢင်ႈဢုပ်ႉၸၢင်ႈပိူင်ႇဢေႃႈ။ ၶဝ်ၸိူဝ်းဢၼ်ပဵၼ်ၵူၼ်းယႂ်ႇၵူၼ်းလူင်တင်းလၢႆၵေႃႈ ၸၢင်ႈဝႆႉဢႃႇၼႃႇ ဝႃႈၼႆသူႁူႉယူႇဢေႃႈ။- 26ၼႂ်းသူၸမ်ႉ၊ ဢမ်ႇလႆႈပဵၼ်ၸိူဝ်ႉၼင်ႇၼၼ်။ ၼႂ်းသူၼႆႉ ၽူႈလႂ်သေဢမ်ႇဝႃႈ ၵေႃႉဢၼ်ၶႂ်ႈပဵၼ်ၵူၼ်းယႂ်ႇသူၼၼ်ႉ ႁႂ်ႈၵေႃႉၼၼ်ႉ ပဵၼ်ၵူၼ်းၸႂ်ႉၵူၼ်းသွႆသူတႃႉ။- 27ၼႂ်းသူၼႆႉ ၽူႈလႂ်သေဢမ်ႇဝႃႈ ၵေႃႉဢၼ်ၶႂ်ႈပဵၼ်ႁူဝ်သူၼၼ်ႉၵေႃႈ ႁႂ်ႈၵေႃႉၼၼ်ႉ ပဵၼ်ၶႃႈသူတႃႉ။- 28မိူၼ်ၼင်ႇၼၼ် လုၵ်ႈၵူၼ်းမႃး ႁႂ်ႈလႆႈၸႂ်ႉၵိၼ်ပိူၼ်ႈဢမ်ႇၸႂ်ႈ။ မႃးႁႂ်ႈလႆႈၶၢမ်ႇတၢင်းဢၼ်ပိူၼ်ႈၸႂ်ႉ ဢိၵ်ႇတင်းႁႂ်ႈလႆႈၸုၼ်ႉဢသၢၵ်ႈတူဝ်ၸဝ်ႈၵဝ်ႇသေလႄႈ ထုတ်ႇဢဝ်ၵူၼ်းၼမ်ၼႃႇဢေႃႈ၊ ဝႃႈၼင်ႇၼႆဢေႃႈ။
ၸဝ်ႈယေႇသူႉႁႂ်ႈၵူၼ်းတႃမွတ်ႇသွင်ၵေႃႉႁၼ်
29ၼႂ်းမိူဝ်ႈဢၼ် ၶဝ်ဢွၵ်ႇသေၵႃႈၼႂ်းဝဵင်းယေႇရီႉၶူဝ်း ၵႂႃႇယူႇၼၼ်ႉၸိုင်၊ ၵူၼ်းဢၼ်ၸူႉဢၼ်တုမ်ၼမ်ၼႃႇ ၸွမ်းပႃႈလင်မၼ်းၸဝ်ႈယူႇဢေႃႈ။- 30ၵူၼ်းတႃမွတ်ႇသွင်ၵေႃႉ ဢၼ်ၼင်ႈယူႇၵႃႈတီႈႁိမ်းတၢင်းၼၼ်ႉ၊ မိူဝ်ႈဢၼ်လႆႈငိၼ်းလွင်ႈဢၼ်ယေႇသူႉ ၸွမ်းတၢင်းၵႂႃႇယူႇၼၼ်ႉၸိုင်၊ ႁွင်ႉသႅၼ်ႇလႄႈဝႃႈ၊ ၸဝ်ႈႁဝ်း၊ လုၵ်ႈတႃႇဝိတ်ႈတီႈၶႃႈ၊ ဢဵတ်းလူႁဝ်းၶႃႈသေၵမ်းၶႃႈ၊ ဝႃႈၼင်ႇၼႆယူႇဢေႃႈ၊- 31ပိၵ်ႉသမ်ႉၵူၼ်းဢၼ်ၸူႉဢၼ်တုမ်ႁိုတ်းဝႃႈ ႁႂ်ႈၶဝ်ယူႇတဵတ်ႇတဵတ်ႇယဵၼ်ယဵၼ်သေၵေႃႈ ၶဝ်ၼၼ်ႉ ယဵင်ႈၶႅၼ်းႁွင်ႉသႅၼ်ႇလႄႈဝႃႈ၊ ၸဝ်ႈႁဝ်း၊ လုၵ်ႈတႃႇဝိတ်ႈတီႈၶႃႈ၊ ဢဵတ်းလူႁဝ်းၶႃႈသေၵမ်းၶႃႈ၊ ဝႃႈၼင်ႇၼႆယူႇဢေႃႈ။- 32ယေႇသူႉၸင်ႇ ၸုၵ်းၵိုတ်းယူႇသေယဝ်ႉ ႁွင်ႉၶဝ်လႄႈထၢမ်ဝႃႈ၊ ၶႂ်ႈႁႂ်ႈၵဝ်ႁဵတ်းတီႈသူၸိူဝ်ႉၼင်ႇႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊- 33ၶဝ်ၵေႃႈ လဝ်ႊလၢတ်ႈလႄႈဝႃႈ၊ ၸဝ်ႈႁဝ်း၊ ႁဵတ်းႁႂ်ႈမၢၵ်ႇတႃႁဝ်းၶႃႈႁၼ်မႃးသေၵမ်းၶႃႈ၊ ဝႃႈၼင်ႇၼႆဢေႃႈ။- 34ယေႇသူႉမီးၸႂ်ဢၼ်ဢဵတ်းလူလႄႈ တိူဝ်ႉသႂ်ႇမၢၵ်ႇတႃၶဝ်ၼၼ်ႉဢေႃႈ။ ၶဝ်ၼၼ်ႉ မၢၵ်ႇတႃႁၼ်မႃးၵမ်းလဵဝ်လႄႈ ၸွမ်းပႃႈလင်မၼ်းၸဝ်ႈၵႂႃႇဢေႃႈ။
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Copyright © 2021 by OMF International, Shan Baptist Churches Fellowship