မႃႇလၶီႉ 3

1တူၺ်းလူး။ ၵဝ်တၵ်းပွႆႇၸႂ်ႉတမၢၼ်ႇၵဝ် ဢၼ်တၵ်းမႄးသဵၼ်ႈတၢင်းဢၼ်ၵဝ်ၵႂႃႇၼၼ်ႉ ၵႃႈတီႈၽၢႆႇၼႃႈၵဝ်ဢေႃႈ။ ၸဝ်ႈဢၼ်သူႁႃၼၼ်ႉ တၵ်းၽုတ်းၽၢတ်းႁွတ်ႈမႃး ၵႃႈတီႈပိၵ်ႈမၢၼ်ႇၸဝ်ႈ ၵမ်းလဵဝ်ဢေႃႈ။ တမၢၼ်ႇပတီႉၺိၺ်ႇၸဝ်ႈ ဢၼ်သူထုၵ်ႇၸႂ်ၵျိူၵ်ႈၸႂ်ၼၼ်ႉ၊ တူၺ်းလူး။ ၸဝ်ႈၼၼ်ႉ တၵ်းႁွတ်ႈမႃးဢေႃႈ၊ ဝႃႈၼင်ႇၼႆလႄႈ ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးမီးဢမိင်ႉဢေႃႈ။- 2ၽူႈလႂ်တၵ်းၵိုတ်းၶၢမ်ႇ မိုဝ်ႉဝၼ်းဢၼ်မၼ်းၸဝ်ႈႁွတ်ႈမႃးၼၼ်ႉလႆႈ။ ၽူႈလႂ်တၵ်းၸုၵ်းၶၢမ်ႇၼႂ်း မိူဝ်ႈဢၼ်မၼ်းၸဝ်ႈပေႃႇပႂၢင်ႉၼၼ်ႉလႆႈ။ ၸဝ်ႈၼၼ်ႉ တၵ်းပဵၼ်မိူၼ်ၸိူဝ်ႉၼင်ႇၽႆး ၵေႃႉဢၼ် ၶႃႇငိုၼ်း၊ သပ်ႉပျႃႇဢၼ်ၵူၼ်း သၵ်ႉၶူဝ်းသုင်းသွင်ႇၼၼ်ႉဢေႃႈ။- 3မၼ်းၸဝ်ႈတၵ်းၼင်ႈယူႇ မိူၼ်ၸိူဝ်ႉၼင်ႇၵေႃႉဢၼ်ၶႃႇငိုၼ်းလႄႈ ႁႂ်ႈမူတ်းသႂ်ၼၼ်ႉ သေလႄႈ ၶႃႇၵူၼ်းမဵဝ်းလေႇဝီႉတင်းလၢႆ မိူၼ်ၸိူဝ်ႉၼင်ႇဢၼ် ၶႃႇငိုၼ်းၶႃႇၶမ်းလႄႈ ႁႂ်ႈမူတ်းသႂ်ၼၼ်ႉလႄႈ ၶဝ်ၼၼ်ႉ တၵ်းပုၵ်ႈၸေႃႇၶိူင်ႈပုၵ်ႈၸေႃႇ ၸွမ်းလူၺ်ႈတၢင်းဢၼ်သိုဝ်ႈတေႃႇၼၼ်ႉ တီႈထႃႇဝရႃႉၽြႃးဢေႃႈ။- 4မိူဝ်ႈၼၼ်ႉ ၶိူင်ႈပုၵ်ႈၸေႃႇမဵဝ်းယူႉတႃႉ တင်းဝဵင်းယေႇရူႉသလႅမ်ႇၸိူဝ်းၼၼ်ႉ တၵ်းပဵၼ်တီႈဢၼ်လီထုၵ်ႇၸႂ်ၵျိူၵ်ႈၸႂ် ထႃႇဝရႃႉၽြႃး မိူၼ်ၸိူဝ်ႉၼင်ႇဢၼ်ပဵၼ်ၼႂ်းၶိင်ႇမိူဝ်ႈၵွၼ်ႇဢွၼ်ၼႆႉၼၼ်ႉ ၶူပ်ႇပီႊမိူဝ်ႈမိုၼ်ႉၸိုၼ်ႉသိုၼ်းၼၼ်ႉဢေႃႈ။- 5ၵဝ်တၵ်းသုတ်ႉၸပ်းသုတ်ႉၸူးတီႈသူ ႁႂ်ႈလႆႈၸႅတ်ႈထၢမ်ၸီႇယၢင်ႇသူဢေႃႈ။ ၵဝ်တၵ်းပဵၼ်သၢၵ်ႈသေႇ ဢၼ်ၶၼ်ဢၼ်ၽႂ်းယူႇၽၢႆႇၼိုင်ႈ တင်းၵေႃႉဢၼ်ၸၢင်ႈၸေႃႉၸၢင်ႈႁဵတ်း၊ ၵေႃႉဢၼ်ၽိတ်းပိူင်ႈမေးပိူၼ်ႈ၊ ၵေႃႉဢၼ်ႁဵတ်းတၢင်းဢၼ်ၵိၼ်ႇဝႃႈ ဢၼ်ဢမ်ႇၸိုဝ်ႈဢမ်ႇၸႂ်ႈ၊ ၵေႃႉဢၼ်ယင်းဢမ်ႇပၼ်ၵႃႈၸၢင်ႈၶၼ်ငႃ ၵူၼ်းဢၼ်ၵိၼ်ၸၢင်ႈၵိၼ်ငႃၼၼ်ႉလႄႈ ၼိၵ်ႈၸၢၵ်ႈငႅၼ်းသႄး၊ ၵေႃႉဢၼ်ၼိၵ်ႈၸၢၵ်ႈငႅၼ်းသႄး မႄႈမူၵ်းမႄႈမၢႆႈ ဢိၵ်ႇတင်းလုၵ်ႈဢွၼ်ႇဢၼ် ၽၢၼ်ပေႃႈၽၢၼ်မႄႈ၊ ၵေႃႉဢၼ် ၸီႇယၢင်ႇဢမ်ႇၸွမ်းၼင်ႇတြႃး တီႈၶႅၵ်ႇဢႃႇၵၼ်ႇတူႉ၊ ၵေႃႉဢၼ်ဢမ်ႇၵူဝ်ဢမ်ႇႁႄၵဝ် ၸိူဝ်းၼၼ်ႉဢေႃႈ၊ ဝႃႈၼင်ႇၼႆလႄႈ ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးမီးဢမိင်ႉဢေႃႈ။

တၢင်းလူႇသိပ်းပုၼ်ႈပုၼ်ႈၼိုင်ႈ

6ၵဝ်ၼႆႉပဵၼ်ထႃႇဝရႃႉၽြႃးလႄႈ ဢမ်ႇမီးတၢင်းဢၼ်ၶၢႆႉဢၼ်ပုတ်ႈ။ ပိူဝ်ႈၼႆလႄႈ ၵူၼ်းမဵဝ်းယႃႇၵုပ်ႈတင်းလၢႆၶဝ်ဢိူၺ်း၊ သူဢမ်ႇႁွတ်ႈထိုင်တၢင်းဢၼ်သုမ်းဢၼ်ၸွမ်းၵူၺ်ႉ။- 7ဢဝ်ၵႃႈတီႈၸႃႉၸဵမ်ၸူဝ်ႈပၢၼ်ပူႇသူမွၼ်ႇသူၼၼ်ႉလႄႈ သူဢွၼ်ၵၼ်ဝႄႈပႅတ်ႈ ထုင်းၽိင်ႈတြႃး ဢၼ်ၵဝ်ၸီႇယၢင်ႇဝႆႉ ၸိူဝ်းၼၼ်ႉလႄႈ ဢမ်ႇပႂ်ႉၵမ်ပႂ်ႉၸွမ်း၊ ဢွၼ်ၵၼ်ၶိုၼ်းမႃးၸူးတီႈၵဝ်တႃႉ။ ၵဝ်ၵေႃႈတၵ်းၶိုၼ်းမႃးၸူးတီႈသူဢေႃႈ၊ ဝႃႈၼင်ႇၼႆလႄႈ ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးမီးဢမိင်ႉဢေႃႈ။- 8ၵူၺ်းၵႃႈ သူဢွၼ်ၵၼ်ထၢမ်လႄႈဝႃႈ၊ ၶႃႈၸဝ်ႈႁဝ်းၶဝ် တၵ်းလႆႈႁဵတ်းၸိူဝ်ႉၼင်ႇႁိုဝ် ၶိုၼ်းမႃးၸူးတီႈၶႃႈ၊ ဝႃႈၼင်ႇၼႆလူင်ပႄႇ။ ၵူၼ်းၸိုင် တၵ်းလႆႈႁိမ်ႁူင်ႇဢဝ်ဢုၵ်ႉၸႃႇၽြႃးပဵၼ်ၸဝ်ႈႁိုဝ်။ ၵူၺ်းၵႃႈ သူဢွၼ်ၵၼ်ႁိမ်ႁူင်ႇဢဝ် ဢုၵ်ႉၸႃႇၵဝ်ယဝ်ႉ။ ၼႂ်းဝႃႈၼၼ်သေၵေႃႈ သူဢွၼ်ၵၼ်ထၢမ်လႄႈဝႃႈ၊ ၶႃႈၸဝ်ႈႁဝ်းၶဝ် ႁဵတ်းၸိူဝ်ႉၼင်ႇႁိုဝ် ႁိမ်ႁူင်ႇဢဝ်တီႈၶႃႈ၊ ဝႃႈၼင်ႇၼႆဢေႃႈ။ သူဢွၼ်ၵၼ်ႁိမ်ႁူင်ႇဢဝ် သိပ်းပုၼ်ႈပုၼ်ႈၼိုင်ႈ ၸိူဝ်းၼၼ်ႉ ဢိၵ်ႇတင်း ၶိူင်ႈပုၵ်ႈၸေႃႇၸိူဝ်းၼၼ်ႉယဝ်ႉ။- 9သူလႆႈၶၢမ်ႇဢႃႉမင်ႇၵလႃႇတၢင်းဢၼ်ၵိၼ်ႇဢၼ်ဝႃႈယဝ်ႉ။ လွင်ႈမၼ်းၸမ်ႉ သူၵႃႈပဵၼ်ၵူၼ်းဝၢၼ်ႈၵူၼ်းမိူင်းၼႆႉ ဢွၼ်ၵၼ်ႁိမ်ႁူင်ႇဢဝ် ဢုၵ်ႉၸႃႇၵဝ်ယဝ်ႉ။- 10ဢွၼ်ၵၼ်ဢဝ် သိပ်းပုၼ်ႈပုၼ်ႈၼိုင်ႈၵႃႈမီးၼၼ်ႉ သႂၢင်းၶဝ်ႈၵႃႈၼႂ်းတိူၵ်ႈၽၼ်ႇတႃႇ ႁႂ်ႈတၢင်းၵိၼ်တၢင်းၶူပ်း လႆႈမီးၵႃႈၼႂ်းႁိူၼ်းၵဝ်တႃႉ။ ဢွၼ်ၵၼ်ၸၢမ်းတူၺ်း ၸိူဝ်ႉၼင်ႇၼၼ် ႁႂ်ႈလႆႈႁူႉလွင်ႈဢၼ်ၵဝ်တၵ်းၽုၺ်ႇ ႁူးလၢင်းတဵၼ် ၽႃႉၵၢင်ႁၢဝ်တင်းလၢႆ သေလႄႈ ဢဝ်တၢင်းလီမင်ႇၵလႃႇ သွၼ်းလေႃႇ ထၼ်ႈပေႃးလူၼ်ႉ၊ပေႃးလိူဝ်ႁိုဝ်။ တၵ်းဢမ်ႇၽုၺ်ႇႁိုဝ် ၼၼ်ႉတႃႉ၊ ဝႃႈၼင်ႇၼႆလႄႈ ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးမီးဢမိင်ႉဢေႃႈ။- 11ၵဝ်တၵ်းသင်ႇသွၼ်သုင်းမႃႉ တူဝ်ဢၼ်ၸၢင်ႈၶူပ်းၵိၼ်ၼၼ်ႉ ပုၼ်ႈသူလႄႈ မၼ်းၼၼ်ႉ ဢမ်ႇလႆႈယႃႉမၢၵ်ႇလိၼ်၊ႁူင်းလိၼ်သူပႅတ်ႈ။ တိၼ်ႇမၢၵ်ႇတူၼ်ႈၶိူဝ်းမၢၵ်ႇၸပိတ်ႈသူၼၼ်ႉ တၵ်းဢမ်ႇလူၼ်ႇတူၵ်းႁူင်ႈတူၵ်းၵႃႈၼႂ်း သူၼ်ဢူးယဵၼ်ႇၸပိတ်ႈသူ ၸူဝ်ႈဢၼ်မၼ်းဢမ်ႇပႆႇၵႄႇ၊ပႆႇသုၵ်းၼၼ်ႉ၊ ဝႃႈၼင်ႇၼႆလႄႈ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး မီးဢမိင်ႉဢေႃႈ။- 12ၵူၼ်းၵူႈၸိူဝ်ႉၵူႈမဵဝ်း တၵ်းဢွၼ်ၵၼ်ႁွင်ႉႁဵၵ်ႈသူ ၵေႃႉဢၼ်မီးမင်ႇၵလႃႇလႄႈ မိူင်းသူၵေႃႈ တၵ်းပဵၼ်မိူင်းဢၼ်လီ ထုၵ်ႇၸႂ်ၵျိူၵ်ႈၸႂ်ဢေႃႈ၊ ဝႃႈၼင်ႇၼႆလႄႈ ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးမီးဢမိင်ႉဢေႃႈ။

ၽြႃးပဵၼ်ၸဝ်ႈပၼ်ၵတီႉတေႁၵ်ႉဢဵတ်းလူ

13သူဢွၼ်ၵၼ်လၢတ်ႈၵႂၢမ်း ႁတ်းႁတ်းႁၢၼ်ႁၢၼ် ၼႃႇလူင်လၢင်ယူႇၽၢႆႇၼိုင်ႈတင်းၵဝ်ယဝ်ႉ၊ ဝႃႈၼင်ႇၼႆလႄႈ ထႃႇဝရႃႉၽြႃးမီးဢမိင်ႉဢေႃႈ။ ၵူၺ်းၵႃႈ သူထၢမ်လႄႈဝႃႈ၊ ၶႃႈၸဝ်ႈႁဝ်းၶဝ် ဢွၼ်ၵၼ်လၢတ်ႈၸိူဝ်ႉၼင်ႇႁိုဝ် ယူႇၽၢႆႇၼိုင်ႈ တင်းၸဝ်ႈႁဝ်းမႅၼ်ႈ တီႈၶႃႈ၊ ဝႃႈၼင်ႇၼႆလူင်ပႄႇ။- 14သူဢွၼ်ၵၼ်လၢတ်ႈလႄႈဝႃႈ၊ တၢင်းဢၼ်ၵိုတ်ႉႁၢပ်ႇ ပွင်ႁဵတ်းဢမူႉ ထႃႇဝရႃႉၽြႃးၼၼ်ႉ ဢမ်ႇမီးဢၵျူဝ်း။ ၵွပ်ႈပိူဝ်ႈဢၼ်ႁဝ်း ပႂ်ႉၵမ်ပႂ်ႉၸွမ်း လွင်ႈတၢင်းဢၼ် မၼ်းၸဝ်ႈၸီႇယၢင်ႇႁဵတ်းထုင်းဝႆႉၼၼ်ႉသေလႄႈ ၵႂႃႇမႃးတမ်ႇၼွႆႉ မွင်ၸႂ်ယူႇ ၵႃႈတီႈၽၢႆႇၼႃႈ ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးၼၼ်ႉလႄႈ မီးၵျေးၸူးၵႃႈသင်။- 15မိူဝ်ႈလဵဝ်ၼႆႉ ႁဝ်းဢွၼ်ၵၼ် ႁွင်ႉႁဵၵ်ႈၵေႃႉဢၼ်မႃႇၼႃႉပူၵ်းပႅၼ်ၼၼ်ႉ ၵေႃႉဢၼ်မီးမင်ႇၵလႃႇဢေႃႈ။ ၶဝ်ၸိူဝ်းဢၼ် ႁဵတ်းတူႉၸရိူၵ်ႈၼၼ်ႉ ၸၢင်ႈႁဵတ်းလႆႈပဵၼ်လႆႈ ဢမၢၼ်ႇၶၼ်ပဵၼ်ဢေႃႈ။ ပိၵ်ႉသမ်ႉၶဝ်ႁဵတ်းတၢင်းဢၼ်ၸၢမ်းတူၺ်း ၽြႃးပဵၼ်ၸဝ်ႈယူႇသေၵေႃႈ ၶဝ်ၸၢင်ႈလႆႈ ၵတ်းယဵၼ်ၶျၢမ်းသႃႇယူႇ ဢမၢၼ်ႇၶၼ်ပဵၼ်ဢေႃႈ၊ ဝႃႈၼင်ႇၼႆယဝ်ႉ။- 16မိူဝ်ႈၼၼ်ႉ ၶဝ်ၸိူဝ်းဢၼ်ၵူဝ်ႁႄထႃႇဝရႃႉၽြႃးၼၼ်ႉ ၵေႃႉၼိုင်ႈလႄႈၵေႃႉၼိုင်ႈ လၢတ်ႈၵၼ်ၸႃၵၼ်ဢေႃႈ။ ထႃႇဝရႃႉၽြႃးထွမ်ႇငိၼ်းဢေႃႈ။ လိၵ်ႈဢၼ်မၢတ်ႈဝႆႉ၊တွင်းဝႆႉၼၼ်ႉ မီးတၢင်းဢၼ်တႅမ်ႈမၢႆဝႆႉယူႇ ၵႃႈတီႈၽၢႆႇၼႃႈမၼ်းၸဝ်ႈ ပုၼ်ႈၶဝ်ၸိူဝ်းဢၼ်ၵူဝ်ႁႄထႃႇဝရႃႉၽြႃးလႄႈ ၶုၵ်းၸႂ်လႆႈၶႆႈၸႂ်ထူပ်း ၼႃႇမႃႉၸိုဝ်ႈသဵင်မၼ်းၸဝ်ႈၼၼ်ႉဢေႃႈ။- 17ၶဝ်ၼၼ်ႉတၵ်းပဵၼ်ဢုၵ်ႉၸႃႇၵဝ် ၼႂ်းမိုဝ်ႉဝၼ်းဢၼ် ၵဝ်ၸီႇယၢင်ႇၽၼ်ႇတႃႇ ဢၼ်ၵဝ်ထိူၵ်ႈပိူင်ႇၼၼ်ႉဝႆႉ ၼၼ်ႉဢေႃႈ။ ၵဝ်တၵ်းသေလၢႆၶဝ်ၼၼ်ႉ မိူၼ်ၸိူဝ်ႉၼင်ႇဢၼ် ပေႃႈသေလၢႆလုၵ်ႈၸၢႆး ဢၼ်ႁဵတ်းပွင်ဢမူႉပေႃႈယူႇ ၼၼ်ႉဢေႃႈ၊ ဝႃႈၼင်ႇၼႆလႄႈ ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးမီးဢမိင်ႉဢေႃႈ။- 18မိူဝ်ႈၼၼ်ႉ သူတၵ်းသမ်ႉဢွၼ်ၵၼ်ၸၵ်းၽႄလႄႈ ႁူႉၵေႃႉဢၼ်သိုဝ်ႈတေႃႇ၊ ၵေႃႉဢၼ်ဢမ်ႇသိုဝ်ႈတေႃႇ၊ ၵေႃႉဢၼ်ပွင်ႁဵတ်းဢမူႉ ၽြႃးပဵၼ်ၸဝ်ႈ၊ ၵေႃႉဢၼ်ဢမ်ႇပွင်ႁဵတ်းၼၼ်ႉဢေႃႈ။

നിലവിൽ തിരഞ്ഞെടുത്തിരിക്കുന്നു:

မႃႇလၶီႉ 3: CBMS

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

သမ်ႇမႃႇၵျၢမ်းလိၵ်ႈ ထႃႇဝရႃႉၽြႂး നെക്കുറിച്ച് കൂടുതലറിയുക