ဢႃႇမူတ်ႉ 2

မိူင်းမေႃႇၽႃႉ

1ထႃႇဝရႃႉၽြႃးသမ်ႉ မီးဢမိင်ႉၸမ်ႉ၊ ၵွပ်ႈပိူဝ်ႈဢပႅတ်ႈမိူင်းမေႃႇၽႃႉ သၢမ်ပႃး ဢမ်ႇၵႃး၊ ၵွပ်ႈပိူဝ်ႈဢပႅတ်ႈ သီႇပႃးလႄႈ ၵဝ်ယင်းဢမ်ႇပၼ်တၢမ်ႇလႄႈ ဢမ်ႇယူႇ။ လွင်ႈမၼ်းၸမ်ႉ မၼ်းဢဝ်ၽႆးတုတ်ႇၽဝ်လုပ်ႇၶုၼ်ႁေႃၶမ်း ဢေႇတုမ်ႇ ႁႂ်ႈပဵၼ်ထုၼ်ၵႂႃႇ ယဝ်ႉယဝ်ႉ။- 2ၵဝ်တၵ်းပွႆႇၸႂ်ႉၽႆးသႂ်ႇ ၵႃႈၼိူဝ် မိူင်းမေႃႇၽႃႉလႄႈ ႁႂ်ႈမႆႈႁေႃၶမ်း ဝဵင်းၵေးရုတ်ႉတင်းလၢႆဢေႃႈ။ မိူင်းမေႃႇၽႃႉၼၼ်ႉ တၵ်းပႃးတင်းတၢင်းဢၼ် ဢူၼ်ဢဵၼ်မေႃးမႄး၊ တၢင်းဢၼ်ႁွင်ႉသႅၼ်ႇ၊ တၢင်းဢၼ်ပဝ်ႇ ၼႄးၶရႃႇသေလႄႈ သုမ်းၸွမ်းၵႂႃႇဢေႃႈ။- 3ၵဝ်တၵ်းပႄႇၽဵဝ်ႈ ၵူၼ်းဢၼ် ၸီႇယၢင်ႇတြႃး ပႅတ်ႈသေၵႃႈၼႂ်းၵၢင်မိူင်းမေႃႇၽႃႉလႄႈ ဢဝ်မၼ်း ဢိၵ်ႇတင်း မူးမၢတ်ႈ ၽွင်းမိူင်းမၼ်းတင်းလၢႆ တၢႆပႅတ်ႈဢေႃႈ၊ ဝႃႈၼင်ႇၼႆဢေႃႈ၊ ထႃႇဝရႃႉၽြႃး မီးဢမိင်ႉဢေႃႈ။

မိူင်းယူႉတႃႉ

4ထႃႇဝရႃႉၽြႃးသမ်ႉ မီးဢမိင်ႉၸမ်ႉ၊ ၵွပ်ႈပိူဝ်ႈဢပႅတ်ႈ မဵဝ်းယူႉတႃႉ သၢမ်ပႃးဢမ်ႇၵႃး၊ ၵွပ်ႈပိူဝ်ႈဢပႅတ်ႈ သီႇပႃးလႄႈ ၵဝ်ယင်းဢမ်ႇပၼ်တၢမ်ႇလႄႈ ဢမ်ႇယူႇ၊ လွင်ႈမၼ်းၸမ်ႉ ၶဝ်ၸုၼ်ႉပႅတ်ႈ ပိင်းၺၢပ်ႈတြႃး ထႃႇဝရႃႉၽြႃးလႄႈ ဢမ်ႇပႂ်ႉၵမ်ပႂ်ႉၸွမ်း ထုင်းၽိင်ႈတြႃးမၼ်းၸဝ်ႈသေလႄႈ ဢဝ်မိၵ်ႉသႃႇတိၵ်ႉထီႉ ဢၼ်ပူႇၶဝ်မွၼ်ႇၶဝ် ယၢမ်ႈၸွမ်းၼၼ်ႉ ၽိတ်းပိူင်ႈ ယဝ်ႉယဝ်ႉ။- 5ၵဝ်တၵ်းပွႆႇၸႂ်ႉၽႆးသႂ်ႇ ၵႃႈၼိူဝ်မိူင်းယူႉတႃႉလႄႈ ႁႂ်ႈမႆႈႁေႃၶမ်း ဝဵင်းယေႇရူႉသလႅမ်ႇတင်းလၢႆဢေႃႈ၊ ဝႃႈၼင်ႇၼႆဢေႃႈ။

ၽြႃးပဵၼ်ၸဝ်ႈၸီႇယၢင်ႇပၼ်တၢမ်ႇၵႃႈၼိူဝ်ၵူၼ်းမိူင်းဢီႉသရေႇလႃႉ

6ထႃႇဝရႃႉၽြႃးသမ်ႉ မီးဢမိင်ႉၸမ်ႉ၊ ၵွပ်ႈပိူဝ်ႈဢပႅတ်ႈ မဵဝ်းဢီႉသရေႇလႃႉ သၢမ်ပႃး ဢမ်ႇၵႃး၊ ၵွပ်ႈပိူဝ်ႈဢပႅတ်ႈ သီႇပႃးလႄႈ ၵဝ်ယင်းဢမ်ႇပၼ်တၢမ်ႇလႄႈ ဢမ်ႇယူႇ။ လွင်ႈမၼ်းၸမ်ႉ ၶဝ်ဢဝ်ၵေႃႉဢၼ်သိုဝ်ႈတေႃႇ ၶၢႆဢဝ်ငိုၼ်းလႄႈ ဢဝ်ၵေႃႉဢၼ်ၸုတ်ႈဢၼ်လုတ်ႈၼၼ်ႉ ၶၢႆဢဝ်ၶႅပ်းတိၼ် ၵူႈၼိုင်ႈ၊- 7ဢိၵ်ႇတင်း မီးဢလူဝ်ႇၶႂ်ႈလႆႈ မုၼ်ႈလိၼ် ဢၼ်ၶဝ်ၸိူဝ်း ဢၼ်ယၢၵ်ႈဢၼ်ၽၢၼ်တင်းလၢႆ ဢဝ်သႂ်ႇၵႃႈၼိူဝ်ႁူဝ်ၶဝ်ၼၼ်ႉ ၼႃႇလူင်လၢင်လႄႈ ၸီႇယၢင်ႇဢမ်ႇၸွမ်းၼင်ႇတြႃး တီႈၶဝ်ၸိူဝ်းဢၼ် တူၵ်းတီႈတႅမ်ႇၼၼ်ႉ ႁႂ်ႈလႆႈၶျႃးၼႃႇမႃႉ ၸိုဝ်ႈသဵင်ၵဝ် တူၵ်းတီႈတႅမ်ႇလႄႈ ပေႃႈတင်းလုၵ်ႈၸၢႆး ႁူမ်ႈပွင်းၼွၼ်းလူၺ်ႈၵၼ်တင်း မႄႈယိင်းၵေႃႉလဵဝ်ၵူၺ်း၊- 8ဢိၵ်ႇတင်း ဢဝ်ၶူဝ်းၼုင်ႈတၢင်းမႆ ဢၼ်ပွင်ႇဢၼ်ၵမ်ႉဝႆႉ ၸိူဝ်းၼၼ်ႉ သိူဝ်ႇၵႃႈတီႈႁိမ်း ယိတ်ႈပလၢင်ႇသေလႄႈ ၼွၼ်းလႄႈ ဢဝ်ၼမ်ႉၸပိတ်ႈ ဢၼ်ဢဝ်တင်း ငိုၼ်းၵႃႈၶၼ်ဢၼ်ယေႃႇ ဢၼ်သေ ဢပႅတ်ႈၼၼ်ႉ သိုဝ်ႉဢဝ်ၼၼ်ႉသေလႄႈ သူတ်ႉၵိၼ်ၵႃႈၼႂ်း ႁိူၼ်းၽြႃးပဵၼ်ၸဝ်ႈ ၶဝ်ၼၼ်ႉ ယဝ်ႉယဝ်ႉ။- 9ၵဝ်ပႄႇၽဵဝ်ႈမဵဝ်းဢႃႇမေႃးရီႉ ဢၼ်တၢင်းသုင်မၼ်း မိူၼ်ၸိူဝ်ႉၼင်ႇတူၼ်ႈဢႃႇရိတ်ႉလႄႈ ၵႅၼ်ႇၶႅင်မိူၼ်ၸိူဝ်ႉၼင်ႇ တူၼ်ႈမႆႉၼိမ်ၼၼ်ႉ ပႅတ်ႈသေၵႃႈတီႈၽၢႆႇၼႃႈၶဝ်လႄႈ ယႃႉမၢၵ်ႇၶဝ်ပႅတ်ႈသေၵႃႈတီႈၼိူဝ် ဢိၵ်ႇတင်း ႁၢၵ်ႈၶဝ်ပႅတ်ႈသေ ၵႃႈတီႈတႂ်ႈ ယဝ်ႉယဝ်ႉ။- 10ၵဝ်ၼုၵ်ႈဢဝ်သူ ဢွၵ်ႇသေၵႃႈၼႂ်းမိူင်း ဢေႇၵိပ်ႉတူႉလႄႈ ဢဝ်သူင်ႇၵႂႃႇ ၵႃႈၼႂ်းထိူၼ်ႇယူႇ သီႇသိပ်းပီႊတဵမ်တဵမ် ႁႂ်ႈသူလႆႈၶဝ်ႈ ၵိၼ်မိူင်းဢႃႇမေႃးရီႉဢေႃႈ။- 11ၵဝ်ၶၢၼ်းလုၵ်ႈၸၢႆးသူ ၵမ်ႈၽွင်ႈဝႆႉၵႃႈၼႂ်းဢရႃႇ ယိတ်ႈပရေႃးႁဵၵ်ႈ ဢိၵ်ႇတင်း ၵူၼ်းၼုမ်ႇၵူၼ်းၵမ်သူၵမ်ႈၽွင်ႈ ဝႆႉၵႃႈၼႂ်းဢရႃႇ ၵူၼ်းၼႃႇၸရီႉယဝ်ႉ။ ၵူၼ်းမဵဝ်းဢီႉသရေႇလႃႉတင်းလၢႆၶဝ်ဢိူၺ်း၊ ၵႂၢမ်းၼႆႉ မၢၼ်ႇမႅၼ်ႈ ဢမ်ႇၸႂ်ႈႁိုဝ်။ ဝႃႈၼင်ႇၼႆလႄႈ ထႃႇဝရႃႉၽြႃးထၢမ်ဢေႃႈ။- 12သူၸမ်ႉ၊ ဢွၼ်ၵၼ် ဢဝ်ၼမ်ႉၸပိတ်ႈပၼ် ႁႂ်ႈၵူၼ်းၼႃႇၸရီႉၵိၼ်ယဝ်ႉ။ ပရေႃးၽႅတ်ႈ တင်းလၢႆၵေႃႈ သူဢွၼ်ၵၼ် ႁႄႉၶႅၼ်လႄႈ လၢတ်ႈလႄႈဝႃႈ၊ ယႃႇပေႁဵတ်း ပရေႃးၽႅတ်ႈသေလႄႈ ႁေႃးလၢတ်ႈ၊ ဝႃႈၼင်ႇၼႆယဝ်ႉ။- 13ပိူဝ်ႈၼႆလႄႈ ၵဝ်တၵ်းတဵၵ်းၶီႇ တဵၵ်းတဵင်သူယူႇ ၵႃႈၼႂ်းတီႈယူႇသူ မိူၼ်ၸိူဝ်ႉၼင်ႇဢၼ် လေႃႉဢၼ်လိုၼ်ႈၶဝ်ႈတၢင်ႇသႂ်ႇ ႁႂ်ႈတဵမ်ဝႆႉၼၼ်ႉ တဵၵ်းၶီႇတဵၵ်းတဵင်ယူႇ ၼၼ်ႉဢေႃႈ။- 14တီႈဢၼ်ပၢႆႈတဵတ်ႇ ပၢႆႈမႅပ်ႉၼၼ်ႉ တၵ်းဢမ်ႇပၼ်ဢၶႂၢင်ႉ တီႈၵေႃႉဢၼ် ၶုၼ်ႇလႅၼ်ႈၸူးၼၼ်ႉ။ ၵေႃႉဢၼ်ႁႅင်းယႂ်ႇၼၼ်ႉ ဢမ်ႇလႆႈမီးဢၶႂၢင်ႉ ဢၼ်လႆႈဢဝ်ႁႅင်းမၼ်းဢွၵ်ႇ။ ႁူဝ်ႁၢၼ်ၵူၼ်းသိုၵ်းၼၼ်ႉ ဢမ်ႇလႆႈၵႄႇသႄႇဢဝ်တူဝ် မၼ်းလွတ်ႈ။- 15ၵေႃႉဢၼ်ယိပ်းၵၢင်ႇၼၼ်ႉ ဢမ်ႇလႆႈၸုၵ်းလႆႈၶၢမ်ႇ။ ၵေႃႉဢၼ် တိၼ်ၶၼ်တိၼ်ၽႂ်းၼၼ်ႉ ဢမ်ႇလႆႈၵႄႇသႄႇဢဝ်တူဝ် မၼ်းလွတ်ႈ။ ႁူဝ်ႁၢၼ်ၵူၼ်းသိုၵ်းၶီႇမႃႉၵေႃႈ ဢမ်ႇလႆႈၵႄႇသႄႇဢဝ်တူဝ်မၼ်းလွတ်ႈ။- 16ၵူၼ်းသိုၵ်းဢၼ်ႁတ်းဢၼ်ႁၢၼ်ၼၼ်ႉ တၵ်းလႆႈယူႇတူဝ်ပူၺ်သေလႄႈ ဢွၵ်ႇပၢႆႈၵႂႃႇၼႂ်းဝၼ်းမိူဝ်ႈၼၼ်ႉဢေႃႈ၊ ဝႃႈၼင်ႇၼႆလႄႈ ထႃႇဝရႃႉၽြႃးမီးဢမိင်ႉဢေႃႈ။

നിലവിൽ തിരഞ്ഞെടുത്തിരിക്കുന്നു:

ဢႃႇမူတ်ႉ 2: CBMS

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

သမ်ႇမႃႇၵျၢမ်းလိၵ်ႈ ထႃႇဝရႃႉၽြႂး നെക്കുറിച്ച് കൂടുതലറിയുക

ဢႃႇမူတ်ႉ 2