Okhuma 39
39
Ottotthiwa wa soowara sa esaserdoti
1Yaattottha soowara sootthaviwa ni ikuwo sa kanka, sookankela, ni sooxeera weera asaserdoti* erumeeleke vaNipuroni Nootteela*. Yaamuttotthelatho Aharoni soowara sootteela, ntoko Yave aamulamulenlaawe Moisesi.
Mooxikootti
2Yaamuttottha mooxikootti ootteettheya, ootthaviwa ni nliinya na ekuwo ya ncano, ya kanka, yookankela ni yooxeera. 3Yaahana ezazaalihaka eyuuma yoorikaxa, enaleka awaayeene weera exoreliwekeno ikuwo sa nliinya nootteettheya na kanka, nookankela ni nooxeera – muteko wooreerela wa namaratta. 4Yaampakela mooxikootti miramba sa mmakhatani sitthukiweene okhwipi wa mipattasaya soomiili weera sitthukeliwekeno. 5Laamba aatthukeliwa ni mooxikootti yaari ekuwo emohamoharu. Laambatho aapakiwe ni nliinya nootteettheya nootthaviwa ni maliinya a ncano, a kanka, ookankela ni ooxeera, ntoko Yave aamulamulenlaawe Moisesi. 6Yaattotthelela maluku a onikisi* mukaaxani ekhaanene ya eyuuma yoorikaxa, enalepamo masina a anamwane asilopwana a Yixrayeli, ntoko namalepa onlepaawe munnelani woottittelano. 7Vahoolowaya yaattotthelela mmakhatani a mooxikootti ntoko maluku oowuupuwelelano anamwane asilopwana a Yixrayeli, ntoko Yave aamulamulenlaawe Moisesi.
Yoowara ya vakakasani
8Yaapaka yoowara ya vakakasani, muteko wa namaratta. Yaapaka ntoko mooxikootti: Nliinya nootteettheya nootthaviwa na maliinya a ncano, a kanka, ookankela ni ooxeera. 9Yaari yoolikanela ni miringo iya: isentimeetru* miloko miili ni piili, vamoha ni isentimeetru* miloko miili ni piilitho ni yoopindiwa veeli. 10Vahoolowaya yaatthukelelamo misera mixexe sa maluku oowaaraxa. Mmuserani woopacera aakhala rubi*, topaziyo* ni berilo*. 11Mmuserani wanaaveeli yaspe*, safira* ni esmeralda*; 12mmuserani wanaararu yasinto*, agata* ni ametista* 13ni mmuserani wanaaxexe krisolito*, onikisi* ni yaspe*. Ootheene yaatthukeleliwe vakaaxani sikhaanene sa eyuuma yoorikaxa. 14Yaakhala maluku muloko ni meeli – nimoha wa khula nsina na anamwane asilopwana a Yixrayeli; khula nluku noolempwa ntoko onlempwaaya munnelani woottittelano, nikhalanaka nsina nimoha na khula epuumba. 15Yaapakela yoowara ya vakakasani onyooro wootthaveliwa ni eyuuma yoorikaxa yooreera, ntoko mikhoyi. 16Vano yaapaka ikaaxa piili sikhaanene sa eyuuma yoorikaxa ni annela eeli a eyuuma yoorikaxa, mwa yaawo yaatthukelenlaaya mmaloothoni meeli a yoowara ya vakakasani. 17Yaatthukelela onyooro miili wa eyuuma yoorikaxa mwaannelani eeli a mmaloothoni a yoowara ya vakakasani. 18Vano mipatta sikina sa onyooro saatthukeleliwa ni ikaaxa sikhaanene piili etthukelelaka hiiho sootheene mmakhatani mpatta wa ohoolo wa mooxikootti. 19Yaahaapaka annela eeli akina a eyuuma yoorikaxa, enaatthukelela mmaloothoni meeli makina a yoowara ya vakakasani mpuwa waaxoriwe, vakhiviru wa mooxikootti. 20Vahoolowaya yaahaapakatho annela eeli akina a eyuuma yoorikaxa, enaatthukelela vathi wa sa mmakhatani, ohoolo wa mooxikootti, vakhiviru wa nttottho, ciireru vasulu laamba a mooxikootti. 21Yaahaatthukelela annela a yoowara ya vakakasani ni yaawo a mooxikootti ni muramba wa kanka okumanyihiweene ni laamba weera yoowara ya vakakasani ehiinaine vamooxikoottini. Yaapaka ntoko Yave aamulamulenlaawe Moisesi.
Soowara sikina sa esaserdoti
22Yaattottha evestidu ya mooxikootti yootheene eyo ya nliinya na kanka, muteko wa namatthava. 23Yaakhalano nlaka eriyari, ni mukhwipimwaya nlaka nno waapindeliwa ntoko ekolariinya weera ehaahuwe. 24Yaattotthela irooma* sa nliinya nootteettheya nootthaviwa ni ekuwo ya kanka, yookankela ni yooxeera mooxoriwa wa evestidu. 25Yaapakela ingilingili ikhaanene sa eyuuma yoorikaxa yooreera etthukelelaka mwaaxoriwe evaxaka ni irooma*. 26Ingilingili ni irooma* saavaxana mooxoriwa moothemwene wa evestidu, sootheene saapakeliwe weera siwareliweke woorumeela, ntoko Yave aamulamulenlaawe Moisesi. 27Yaamuttotthela Aharoni ni anamwanaawe asilopwana mikaandyo sa nliinya nootteettheya, soopakiwa ni namatthava. 28Yaapakatho icireemba, sootthukano mmuru ni akaputtula a mpuwa ootthaviwa ni nliinya nootteettheya. 29Laambatho aari a nliinya nootteettheya nootthaviwa ni ekuwo ya kanka, yookankela ni yooxeera, oopakiwa ni namaxora, ntoko Yave aamulamulenlaawe Moisesi. 30Yaapaka ediyadema* ya eyuuma yoorikaxa, enalepamo ntoko namalepa onlepaawe munnelani woottittelano. Yaalepa ha: YOOTTEELIHERIWA YAVE.” 31Vahoolowaya yaatthukela yeeyo ni muramba wa kanka mpatta wa osulu wa ecireemba, ntoko Yave aamulamulenlaawe Moisesi.
Omalihera wa miteko
32Hiiho miteko sootheene sa etabernaakulu*, Eheema ya Muthukumano*, saamalihiwa. aYixrayeli yaapaka sootheene ntoko Yave aamulamulenlaawe Moisesi. 33Vahoolowaya yaamuruuhela Moisesi etabernaakulu: Eheema ni ikarumasaya sootheene, ivarelelosaya, acikhaaya, mikoombasaya, amarimbwaaya ni nyettosaya, 34yookhuneelano ya ixapala sa amaankhoro sooningiwa yooxeera, ni yookhuneelano ya ixapala soohukhiwa, eluttu yookuttelelano, 35Arka* a Wiiraana ni ikoposaya, yookhuneelano, 36meesa ni ikarumasaya sootheene, epaawu ya Okhala*, 37onyaari wa eyuuma yoorikaxa yooreera ni misera sa soomwaleela vamoha ni ikarumasaya sootheene nitho makhura oomwaleelela, 38altaari* a eyuuma yoorikaxa, makhura oottikitthelano, erubani* yoowunkhelaxa, eluttu ya mulako wa eheema, 39altaari* a ebronze* ni nivalinaya, ikoposaya ni ikarumasaya sootheene, ebasiya ni mweettwaaya, 40iluttu sa nipuwa ni amarimbwaaya ni nyettosaya, eluttu ya mulako wa nipuwa, mikhoyi ni mikuro sa eheema ya nipuwa, ikaruma sootheene sa etabernaakulu*, Eheema ya Muthukumano*, 41soowara soorumeelano vaNipuroni Nootteela* – soowara sootteela sa Aharoni, musaserdoti* mpaka sa anamwanaawe asilopwana yaarumeelaka ntoko asaserdoti*. 42aYixrayeli yaapaka miteko sootheene ntoko Yave aamulamulenlaawe Moisesi. 43Moisesi woowoona muteko, aahaattapahera weera soopakeya sootheene ntoko Yave aalamulenlaawe. Vano Moisesi aahaareeliha.
നിലവിൽ തിരഞ്ഞെടുത്തിരിക്കുന്നു:
Okhuma 39: VMK2021
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.
Okhuma 39
39
Ottotthiwa wa soowara sa esaserdoti
1Yaattottha soowara sootthaviwa ni ikuwo sa kanka, sookankela, ni sooxeera weera asaserdoti* erumeeleke vaNipuroni Nootteela*. Yaamuttotthelatho Aharoni soowara sootteela, ntoko Yave aamulamulenlaawe Moisesi.
Mooxikootti
2Yaamuttottha mooxikootti ootteettheya, ootthaviwa ni nliinya na ekuwo ya ncano, ya kanka, yookankela ni yooxeera. 3Yaahana ezazaalihaka eyuuma yoorikaxa, enaleka awaayeene weera exoreliwekeno ikuwo sa nliinya nootteettheya na kanka, nookankela ni nooxeera – muteko wooreerela wa namaratta. 4Yaampakela mooxikootti miramba sa mmakhatani sitthukiweene okhwipi wa mipattasaya soomiili weera sitthukeliwekeno. 5Laamba aatthukeliwa ni mooxikootti yaari ekuwo emohamoharu. Laambatho aapakiwe ni nliinya nootteettheya nootthaviwa ni maliinya a ncano, a kanka, ookankela ni ooxeera, ntoko Yave aamulamulenlaawe Moisesi. 6Yaattotthelela maluku a onikisi* mukaaxani ekhaanene ya eyuuma yoorikaxa, enalepamo masina a anamwane asilopwana a Yixrayeli, ntoko namalepa onlepaawe munnelani woottittelano. 7Vahoolowaya yaattotthelela mmakhatani a mooxikootti ntoko maluku oowuupuwelelano anamwane asilopwana a Yixrayeli, ntoko Yave aamulamulenlaawe Moisesi.
Yoowara ya vakakasani
8Yaapaka yoowara ya vakakasani, muteko wa namaratta. Yaapaka ntoko mooxikootti: Nliinya nootteettheya nootthaviwa na maliinya a ncano, a kanka, ookankela ni ooxeera. 9Yaari yoolikanela ni miringo iya: isentimeetru* miloko miili ni piili, vamoha ni isentimeetru* miloko miili ni piilitho ni yoopindiwa veeli. 10Vahoolowaya yaatthukelelamo misera mixexe sa maluku oowaaraxa. Mmuserani woopacera aakhala rubi*, topaziyo* ni berilo*. 11Mmuserani wanaaveeli yaspe*, safira* ni esmeralda*; 12mmuserani wanaararu yasinto*, agata* ni ametista* 13ni mmuserani wanaaxexe krisolito*, onikisi* ni yaspe*. Ootheene yaatthukeleliwe vakaaxani sikhaanene sa eyuuma yoorikaxa. 14Yaakhala maluku muloko ni meeli – nimoha wa khula nsina na anamwane asilopwana a Yixrayeli; khula nluku noolempwa ntoko onlempwaaya munnelani woottittelano, nikhalanaka nsina nimoha na khula epuumba. 15Yaapakela yoowara ya vakakasani onyooro wootthaveliwa ni eyuuma yoorikaxa yooreera, ntoko mikhoyi. 16Vano yaapaka ikaaxa piili sikhaanene sa eyuuma yoorikaxa ni annela eeli a eyuuma yoorikaxa, mwa yaawo yaatthukelenlaaya mmaloothoni meeli a yoowara ya vakakasani. 17Yaatthukelela onyooro miili wa eyuuma yoorikaxa mwaannelani eeli a mmaloothoni a yoowara ya vakakasani. 18Vano mipatta sikina sa onyooro saatthukeleliwa ni ikaaxa sikhaanene piili etthukelelaka hiiho sootheene mmakhatani mpatta wa ohoolo wa mooxikootti. 19Yaahaapaka annela eeli akina a eyuuma yoorikaxa, enaatthukelela mmaloothoni meeli makina a yoowara ya vakakasani mpuwa waaxoriwe, vakhiviru wa mooxikootti. 20Vahoolowaya yaahaapakatho annela eeli akina a eyuuma yoorikaxa, enaatthukelela vathi wa sa mmakhatani, ohoolo wa mooxikootti, vakhiviru wa nttottho, ciireru vasulu laamba a mooxikootti. 21Yaahaatthukelela annela a yoowara ya vakakasani ni yaawo a mooxikootti ni muramba wa kanka okumanyihiweene ni laamba weera yoowara ya vakakasani ehiinaine vamooxikoottini. Yaapaka ntoko Yave aamulamulenlaawe Moisesi.
Soowara sikina sa esaserdoti
22Yaattottha evestidu ya mooxikootti yootheene eyo ya nliinya na kanka, muteko wa namatthava. 23Yaakhalano nlaka eriyari, ni mukhwipimwaya nlaka nno waapindeliwa ntoko ekolariinya weera ehaahuwe. 24Yaattotthela irooma* sa nliinya nootteettheya nootthaviwa ni ekuwo ya kanka, yookankela ni yooxeera mooxoriwa wa evestidu. 25Yaapakela ingilingili ikhaanene sa eyuuma yoorikaxa yooreera etthukelelaka mwaaxoriwe evaxaka ni irooma*. 26Ingilingili ni irooma* saavaxana mooxoriwa moothemwene wa evestidu, sootheene saapakeliwe weera siwareliweke woorumeela, ntoko Yave aamulamulenlaawe Moisesi. 27Yaamuttotthela Aharoni ni anamwanaawe asilopwana mikaandyo sa nliinya nootteettheya, soopakiwa ni namatthava. 28Yaapakatho icireemba, sootthukano mmuru ni akaputtula a mpuwa ootthaviwa ni nliinya nootteettheya. 29Laambatho aari a nliinya nootteettheya nootthaviwa ni ekuwo ya kanka, yookankela ni yooxeera, oopakiwa ni namaxora, ntoko Yave aamulamulenlaawe Moisesi. 30Yaapaka ediyadema* ya eyuuma yoorikaxa, enalepamo ntoko namalepa onlepaawe munnelani woottittelano. Yaalepa ha: YOOTTEELIHERIWA YAVE.” 31Vahoolowaya yaatthukela yeeyo ni muramba wa kanka mpatta wa osulu wa ecireemba, ntoko Yave aamulamulenlaawe Moisesi.
Omalihera wa miteko
32Hiiho miteko sootheene sa etabernaakulu*, Eheema ya Muthukumano*, saamalihiwa. aYixrayeli yaapaka sootheene ntoko Yave aamulamulenlaawe Moisesi. 33Vahoolowaya yaamuruuhela Moisesi etabernaakulu: Eheema ni ikarumasaya sootheene, ivarelelosaya, acikhaaya, mikoombasaya, amarimbwaaya ni nyettosaya, 34yookhuneelano ya ixapala sa amaankhoro sooningiwa yooxeera, ni yookhuneelano ya ixapala soohukhiwa, eluttu yookuttelelano, 35Arka* a Wiiraana ni ikoposaya, yookhuneelano, 36meesa ni ikarumasaya sootheene, epaawu ya Okhala*, 37onyaari wa eyuuma yoorikaxa yooreera ni misera sa soomwaleela vamoha ni ikarumasaya sootheene nitho makhura oomwaleelela, 38altaari* a eyuuma yoorikaxa, makhura oottikitthelano, erubani* yoowunkhelaxa, eluttu ya mulako wa eheema, 39altaari* a ebronze* ni nivalinaya, ikoposaya ni ikarumasaya sootheene, ebasiya ni mweettwaaya, 40iluttu sa nipuwa ni amarimbwaaya ni nyettosaya, eluttu ya mulako wa nipuwa, mikhoyi ni mikuro sa eheema ya nipuwa, ikaruma sootheene sa etabernaakulu*, Eheema ya Muthukumano*, 41soowara soorumeelano vaNipuroni Nootteela* – soowara sootteela sa Aharoni, musaserdoti* mpaka sa anamwanaawe asilopwana yaarumeelaka ntoko asaserdoti*. 42aYixrayeli yaapaka miteko sootheene ntoko Yave aamulamulenlaawe Moisesi. 43Moisesi woowoona muteko, aahaattapahera weera soopakeya sootheene ntoko Yave aalamulenlaawe. Vano Moisesi aahaareeliha.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.