Okhuma 12:12-13

Ohiyuweene yoowo kinooviravira mweelaponi yootheene ya wExipitu ni kinimwiiva matthaara ootheene okhuma a atthu mpaka a axinama. Nkaanyoke ni nthorihelo mwa miluku sootheene sa wExipitu. Miyo ti Yave. Ephome eniikhale eneneero yoothoonyera impa muneeraanyu mukhale. Miyo koona ephome, kinoopwaherera. Nihooxo na onyoka khanirwa noophwanyaani Miyo kaawiinlihaka awExipitu.