2 aKorinto 5
5
Woomakawahu wiirimu
1Noosuwela weera yaphwatiwa empaahu yoovira ninkhalaahu vathi, nookhalano mpatta wa Muluku empa ekina yoohimala wiirimu, ehitekiwe ni matata a atthu. 2Tivawo nniipulela nihaawelaka owarihiwa ni empaahu ya wiirimu, 3niwoko niwarihiweene, khanimphwanyiwa pwitipwiti. 4Tivawo, nireene empeene yeela, nniipulela ni murima woolemeliwa, niwoko khanintthuna oruliwa, mene owarihiwa ni empeene yeeyo ya wiirimu, weera yeeyo eri yookhwa emiriwe ni okumi. 5Ti Muluku onirehererenle wa nthowa nna, anivahaka Munepa ntoko yoororomelihiwa ya yeeyo eneera ewe. 6Tivawo ninroromelaahu mahuku ootheene ni noosuwela weera, nireene mweerutthuni, nri ottaiwene wa Apwiya. 7Niwoko ninkhala munroromeloni, ohiya wa yeeyo nnoonaahu. 8Hiiho ninroromela, ni nintthunaxa okhala ottaiwene wa erutthu, nikhalaka ni Apwiya. 9Tivawo, hata nikhalaka mweerutthuni, hata ottaiwene wa yeeyo, nintthunaxa waasiveliha Apwiya. 10Vano nintthuneya weera ootheene hiyo niixoonihere ohoolo wa ehice yoothoriha ya Kristu, weera khula mutthu aakhele yeeyo emphwanenle niwoko na seiyo aavarelaawe muteko mweerutthunimwawe – hata sikhalaka sooreera, naari soonanara.
Muteko wa wiiraana
11Hiiho, woonaka weera noosuwela owoova Apwiya, nnaasa waaviriyela atthu. Yeeyo nraahu, yohooniheriwa ohoolo wa Muluku, ni noororomela weera eyo yohooniheriwatho mmirimanimwanyu. 12Khanneerera veeli noolaiherakani nyuwo. Mwa yeeyo nnoovahani ehuhu nyuwo munnivuwiha, weera muwere owaakhula yaawo aniivuwiha ni itthu sa omokoni, ehikhanle yeeyo eri mmurimani. 13Naari anaanepa, ti niwoko na omusivelawahu Muluku, ni naarino miruku sooreera, ti niwoko na woosivelaniwahu nyuwo. 14Vano osivela wa Muluku onninyesereriha, niwoko nooviriyeliwa weera mmoha okhwiiye wa ootheene, tivawo ootheene ahookhwa. 15Owo aakhwenle ootheene, weera yaawo ankhala ni okumi ehikhale wa asineenaaya, mene wa Yoole aakhwenle yaawo ni ovenyerenre. 16Okhuma vaanaano mpaka ohoolo, ahikhale nneeraahu nimuthorihe moota wa omutthu. Naamwi naamusuwenle Kristu moota ola khalayi, vano khannimusuwela hiiha. 17Tivawo, mukina akhala mwa Kristu, ti opattuxiwa onyowani. Itthu sa khalayi soovira; sinyowani sohoorwa. 18Soothesene iyo sinrweela wa Muluku, oniiraanyinghe ni Yoowo mwaneenaawe niwoko na Kristu ni oonivaha muteko wa wiiraana: 19weera Muluku mwa Kristu iiraanyiha elapo ya vathi ni mwaneenaaweru, ahaalikelaka soottheka sa atthu. Owo aanivaherera hiyo masu a wiiraana. 20Tivawo nri anamitthenga a Kristu, ntoko waari weera Muluku onuuluma ni eyanowaahu. Niwoko na Kristu ninoodyoonttelelani nyuwo: mwiiraaneke ni Muluku. 21Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.
നിലവിൽ തിരഞ്ഞെടുത്തിരിക്കുന്നു:
2 aKorinto 5: VMK2021
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.
2 aKorinto 5
5
Woomakawahu wiirimu
1Noosuwela weera yaphwatiwa empaahu yoovira ninkhalaahu vathi, nookhalano mpatta wa Muluku empa ekina yoohimala wiirimu, ehitekiwe ni matata a atthu. 2Tivawo nniipulela nihaawelaka owarihiwa ni empaahu ya wiirimu, 3niwoko niwarihiweene, khanimphwanyiwa pwitipwiti. 4Tivawo, nireene empeene yeela, nniipulela ni murima woolemeliwa, niwoko khanintthuna oruliwa, mene owarihiwa ni empeene yeeyo ya wiirimu, weera yeeyo eri yookhwa emiriwe ni okumi. 5Ti Muluku onirehererenle wa nthowa nna, anivahaka Munepa ntoko yoororomelihiwa ya yeeyo eneera ewe. 6Tivawo ninroromelaahu mahuku ootheene ni noosuwela weera, nireene mweerutthuni, nri ottaiwene wa Apwiya. 7Niwoko ninkhala munroromeloni, ohiya wa yeeyo nnoonaahu. 8Hiiho ninroromela, ni nintthunaxa okhala ottaiwene wa erutthu, nikhalaka ni Apwiya. 9Tivawo, hata nikhalaka mweerutthuni, hata ottaiwene wa yeeyo, nintthunaxa waasiveliha Apwiya. 10Vano nintthuneya weera ootheene hiyo niixoonihere ohoolo wa ehice yoothoriha ya Kristu, weera khula mutthu aakhele yeeyo emphwanenle niwoko na seiyo aavarelaawe muteko mweerutthunimwawe – hata sikhalaka sooreera, naari soonanara.
Muteko wa wiiraana
11Hiiho, woonaka weera noosuwela owoova Apwiya, nnaasa waaviriyela atthu. Yeeyo nraahu, yohooniheriwa ohoolo wa Muluku, ni noororomela weera eyo yohooniheriwatho mmirimanimwanyu. 12Khanneerera veeli noolaiherakani nyuwo. Mwa yeeyo nnoovahani ehuhu nyuwo munnivuwiha, weera muwere owaakhula yaawo aniivuwiha ni itthu sa omokoni, ehikhanle yeeyo eri mmurimani. 13Naari anaanepa, ti niwoko na omusivelawahu Muluku, ni naarino miruku sooreera, ti niwoko na woosivelaniwahu nyuwo. 14Vano osivela wa Muluku onninyesereriha, niwoko nooviriyeliwa weera mmoha okhwiiye wa ootheene, tivawo ootheene ahookhwa. 15Owo aakhwenle ootheene, weera yaawo ankhala ni okumi ehikhale wa asineenaaya, mene wa Yoole aakhwenle yaawo ni ovenyerenre. 16Okhuma vaanaano mpaka ohoolo, ahikhale nneeraahu nimuthorihe moota wa omutthu. Naamwi naamusuwenle Kristu moota ola khalayi, vano khannimusuwela hiiha. 17Tivawo, mukina akhala mwa Kristu, ti opattuxiwa onyowani. Itthu sa khalayi soovira; sinyowani sohoorwa. 18Soothesene iyo sinrweela wa Muluku, oniiraanyinghe ni Yoowo mwaneenaawe niwoko na Kristu ni oonivaha muteko wa wiiraana: 19weera Muluku mwa Kristu iiraanyiha elapo ya vathi ni mwaneenaaweru, ahaalikelaka soottheka sa atthu. Owo aanivaherera hiyo masu a wiiraana. 20Tivawo nri anamitthenga a Kristu, ntoko waari weera Muluku onuuluma ni eyanowaahu. Niwoko na Kristu ninoodyoonttelelani nyuwo: mwiiraaneke ni Muluku. 21Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.