1 aKorinto 16
16
Musurukhu wa muloko wa Muluku
1Vano, mwaha wa musurukhu wa muloko wa Muluku, mupakeke yeeyo miyo kaalamulenlaaka ikerexa sa oGalata. 2Nihuku noopacera na isimana soothesene, khula mutthu a nyuwo athokororeke mpatta wa musurukhu yoowo mungweraanyu, muthokororaka yoowo weera miyo kaaphiyaka, khoontthuneya othukumanya musurukhu wa ehuhuweene yeeyo. 3Vano, miyo kaaphiyaka, nkaavahe ikaratta sa olaihera yaawo muneeraanyu mwaathanle, ni nkaarume oYerusaleemu ni yoovahaanyu. 4Ni koona weera onootthuneya miyo orowatho, awo eniikihoole.
Mavekelo a Pawulo
5Nkirwe kooxekureni kavira oMasedoniya, niwoko ontthuneya ovira oMasedoniya. 6Apaale nkikhale ni nyuwo wa ehuhu ekina, hoye hoye mpaka mulaala wootheene, weera mukikhavihere mukwahaaka wa mapuro ootheene kineeraaka kirowe. 7Emaareene yeeyo nkintthuna owoonani woowaakuveya paahi, kinroromela weera nkikhale ni nyuwo ehuhu yincipale, Apwiya yakitthunihera. 8Nkikhaletho wEfeso mpaka Pentekoste*, 9niwoko koohuleliwa nsele ntokotoko na miteko sooreera, ni aakhala amwiittana ancipale. 10Vano, awa Timootheyo, mweeteteyeke weera akhale oohoova areene ni nyuwo, niwoko owo onaavarela muteko Apwiya ntoko miyo. 11Tivawo, khaawo aneera amuramuseke. Munkhavihereke opwaherera mukwahaawe ni murettele, weera owo ahokoleele wa miyo. Miyo kinoongweherera vamoha ni axunna. 12Mwaha wa munna Apolo, kannamunyeserera weera arowe ooxekureni vamoha ni axunna. Owo khaatthunne hata vakhaani, mene anaarowe akhalano ehuhu yootthuneya. 13Mukhale oowehaweha, mukhaleke oowiilipiha munroromeloni, mukhale alopwana oolipiha murima, mukhale oolipa. 14Mupakeke sootheene moosivelani. 15Nyuwo moosuwela weera yaawo a vaate wa Stefana yaari aKristu oopacera a wAkhaya, ni weera awo yaahiiveleela waarumeela atthu ootteela. Kinoovekelani axunna 16weera ngwiiwelele atthu ntoko awo, ni ootheene yaawo amvara muteko vamoha ni hiyo. 17Koohakalalela orwa wa Stefana, Fortunato ni Akhaiko, niwoko yaawo yaakiruuhela yeeyo yaakihaleela wa nyuwo. 18Awo aakurunuxa munepaaka nitho munepaanyu. Ngwoonelemo asilopwana ntoko awo.
Isalaama sookisera
19Ikerexa sa wAsiya sinoovahani isalaama. Akila ni Priska anoovahani isalaama sincipale mwa Apwiya, nitho ekerexa enthukumana mpaanimwaya. 20Axunna ootheene anoovahani isalaama. Muulumihane ni ebeecu yootteela. 21Miyo, Pawulo, koolepa isalaama iya ni ntatanaka. 22Akhala mukina ohinaasivela Apwiya, akhaleke oolamphwa. Ewe Apwiya! 23Mahala a Apwiya Yeesu ekhale ni nyuwo. 24Osivelawaka okhale ni nyuwo ootheene mwa Kristu Yeesu.
നിലവിൽ തിരഞ്ഞെടുത്തിരിക്കുന്നു:
1 aKorinto 16: VMK2021
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.
1 aKorinto 16
16
Musurukhu wa muloko wa Muluku
1Vano, mwaha wa musurukhu wa muloko wa Muluku, mupakeke yeeyo miyo kaalamulenlaaka ikerexa sa oGalata. 2Nihuku noopacera na isimana soothesene, khula mutthu a nyuwo athokororeke mpatta wa musurukhu yoowo mungweraanyu, muthokororaka yoowo weera miyo kaaphiyaka, khoontthuneya othukumanya musurukhu wa ehuhuweene yeeyo. 3Vano, miyo kaaphiyaka, nkaavahe ikaratta sa olaihera yaawo muneeraanyu mwaathanle, ni nkaarume oYerusaleemu ni yoovahaanyu. 4Ni koona weera onootthuneya miyo orowatho, awo eniikihoole.
Mavekelo a Pawulo
5Nkirwe kooxekureni kavira oMasedoniya, niwoko ontthuneya ovira oMasedoniya. 6Apaale nkikhale ni nyuwo wa ehuhu ekina, hoye hoye mpaka mulaala wootheene, weera mukikhavihere mukwahaaka wa mapuro ootheene kineeraaka kirowe. 7Emaareene yeeyo nkintthuna owoonani woowaakuveya paahi, kinroromela weera nkikhale ni nyuwo ehuhu yincipale, Apwiya yakitthunihera. 8Nkikhaletho wEfeso mpaka Pentekoste*, 9niwoko koohuleliwa nsele ntokotoko na miteko sooreera, ni aakhala amwiittana ancipale. 10Vano, awa Timootheyo, mweeteteyeke weera akhale oohoova areene ni nyuwo, niwoko owo onaavarela muteko Apwiya ntoko miyo. 11Tivawo, khaawo aneera amuramuseke. Munkhavihereke opwaherera mukwahaawe ni murettele, weera owo ahokoleele wa miyo. Miyo kinoongweherera vamoha ni axunna. 12Mwaha wa munna Apolo, kannamunyeserera weera arowe ooxekureni vamoha ni axunna. Owo khaatthunne hata vakhaani, mene anaarowe akhalano ehuhu yootthuneya. 13Mukhale oowehaweha, mukhaleke oowiilipiha munroromeloni, mukhale alopwana oolipiha murima, mukhale oolipa. 14Mupakeke sootheene moosivelani. 15Nyuwo moosuwela weera yaawo a vaate wa Stefana yaari aKristu oopacera a wAkhaya, ni weera awo yaahiiveleela waarumeela atthu ootteela. Kinoovekelani axunna 16weera ngwiiwelele atthu ntoko awo, ni ootheene yaawo amvara muteko vamoha ni hiyo. 17Koohakalalela orwa wa Stefana, Fortunato ni Akhaiko, niwoko yaawo yaakiruuhela yeeyo yaakihaleela wa nyuwo. 18Awo aakurunuxa munepaaka nitho munepaanyu. Ngwoonelemo asilopwana ntoko awo.
Isalaama sookisera
19Ikerexa sa wAsiya sinoovahani isalaama. Akila ni Priska anoovahani isalaama sincipale mwa Apwiya, nitho ekerexa enthukumana mpaanimwaya. 20Axunna ootheene anoovahani isalaama. Muulumihane ni ebeecu yootteela. 21Miyo, Pawulo, koolepa isalaama iya ni ntatanaka. 22Akhala mukina ohinaasivela Apwiya, akhaleke oolamphwa. Ewe Apwiya! 23Mahala a Apwiya Yeesu ekhale ni nyuwo. 24Osivelawaka okhale ni nyuwo ootheene mwa Kristu Yeesu.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Makhua Shirima Bible © Christelike Lektuurmaatskappy NPC, 2021.