Romu 7
7
Furu-Koe Misalɛ
1N na-kelen-nyɔgɛnu, n bi a fɛ ka min fɔ wo ye, wo si wo nya-yen bawo wo dama ya tɔn wara-koe lɔn. Ma tenbi ma niyi la, furu-tɔn siginɛ ma kuma. 2Kei-wara-sigi-musi si ma kɛ misalɛ la ma ye. Fananta ala kei ye a kɛndɛ la, anubɛ ala kei ti fara muk! Kɔnɔ ni a fagara, ala musi ara bɔ tɔn wo kɔrɔ. 3Woletɔ ni a sigira kei-gbɛrɛ wara ala kei ma faga wɛ tumɛ min, mɔgɛnu si a kele ko yɛlan. Kɔnɔ ni ala kei fagara, musi wo ara bɔ tɔn wo kɔrɔ. Woletɔ hali a sigira kei-gbɛrɛ wara#7.3 Kei-gbɛrɛ wara: Anuta namu sa iko male Kurankɔɛnutɛ ye nya min. wo kɔma, a ma yɛlɛnyɛ kɛ worɔ.
4N na-kelen-nyɔgɛnu, wole fanan bi wo nya le. A manɛ iko wole ara faga ka bɔ tɔn-kitabu kɔrɔ ka kofu Kirasiti ma. Kaka, wo ara ma aletɛ la, ado a wulita ka bɔ furinu tɛma alako wo ni ma gbɔ-nyimɛ la Alla ye. 5Ma ye ma sɔn-kɔrɛnu da kun tɔ tumɛ min, tɔn-kitabu wara-koe le ya a ma, nata-yogomɛnu wulita ma yisi rɔ. Anu tora wɔlila ma bagbuyinu tɔ ka a laban sayɛ ma ma bolo. 6Hali wo kaka, ma ara hɔrɔya ka bɔ tɔn-kitabu wo kɔrɔ bawo min ya ma bira fɔlɔ-nun ka ma ladon yɔɔnyɛ rɔ, ma ara faga ka bɔ wo kɔrɔ. Ma ma to ma sɔn-kɔrɛnu da kun tɔ fɔ Allata Ni-Sɛnimɛ ye sɔn-kurɛ minnu dila ma ma.
Tɔn anubɛ Hakɛ Wara-Koenu
7 #
Bɔ-Koe-Iyipiti 20.17; Tɔn-Fɔɛ-Fila-Nyɔgɛ 5.21 Ma si nfen fɔ worɔ? Ma si a fɔ ko tɔn-kitabu wo nyɛrɛ le hakɛ la, wa? Ade! Tɔn-kitabu wara-koe le ya a ma, n ya nta hakɛ lɔn, ado ni Nɛbi Musata tɔn do ma a fɔ nun ko n kana n niyi sa mɔgɔna-fan kuma, n ti a lɔn ko hakɛ le wo la nun. 8Kɔnɔ hakɛ le ya a ma, nata-su bɛɛ wulita nde rɔ tɔn wo fɛ, ado ni tɔn wara-ko sa nun, hakɛ ti sɛnbɛ sɔrɔn ma ma nun. 9Yanni n ni tɔn wara-koe lamɔɛn, n bi n niyi la nun. Kɔnɔ n ya tonyɛ lɔn tumɛ min, hakɛ wulita n yisi rɔ ha n fagara, 10ado tɔn wara-koe min bɛnta ka niyi di n ma, wo nara sayɛ la nde ye 11#Ko-Dabirɛnu 3.13 bawo hakɛ ya fɛrɛ sɔrɔn ka n yanfa tɔn wara-koe fɛ. Ka a tɛgɛ tɔn wara-koe ma, hakɛ ya n kan natɛgɛ.
12Tɔn-kitabu nyɛrɛ sɛnima, a telenta, a kin. 13Hakɛ ya ko-nyimɛ do kɛ n ye, Nɛbi Musata tɔn-kitabu, kɔni. Wo le nara sayɛ la n kuma. Kɛ mara le alako n ni a lɔn hakɛ ye nya min! Tɔn-kitabu le ya a yira ma la ko hakɛ yogo dɔgɔma-ma-de!
Kɛ-Nya Filɛ minnu bi Mɔgɛ Rɔ
14Ma ya a lɔn ko Alla le ya tɔn-kitabu di n ma kɔnɔ mɔgɔni-gbuyi le nde la. A manɛ iko n bi yɔɔnyɛ la hakɛ bolo. 15#Kalesiya 5.17 N bi min mala, n ma wo lɔn, ado n bi a fɛ ka min ma, n sa wo mala, ado min ma di n ye, n bi wo le mala. 16N sa a fɛ ka min ma, n ba wo ma tumɛ min, wo si a yira ko n bara sɔn ko Allata tɔn-kitabu telenta. 17Nde sa ko kɛnu mala n nyɛrɛ ma fɔ hakɛ min bi n tɔ. 18N ya a lɔn ko ko-nyima wo ko-nyima sa nta hadama-denyɛ rɔ, ado hali ko-nyimɛ kɛ-sɔgɛ ye n na, n ti ke a mala. 19N bi a fɛ ka ko-nyimɛ minnu ma, n sa wonu mala. Kɔnɔ n sa a fɛ ka ko-yogomɛ minnu ma, n bi wonu denu mala. 20N sa a fɛ ka minnu ma, ni n ya wonu ma, wo kɔrɛ le ko nde sa wonu mala n nyɛrɛ ma fɔ hakɛ min bi n tɔ.
21N bara a yen worɔ ko koe do ye mala n na. Ko-nyimɛ kɛ-sɔgɛ wa n bira tumɛ min, n ni n nyɛrɛ yen ko-yogomɛnu da kun tɔ, 22ado n sewanɛ n yisi rɔ ka a tɛgɛ Allala tɔn wara-koe ma. 23Kɔnɔ ko do ye wɔlila nde rɔ, min bi Allala tɔn wara-koe kɛlɛla n yisi rɔ. Wo ara n ma yɔɔn la hakɛ kɔrɔ, ado wo si n mara. 24E, mɔgɔ-tɔrɔnɛ le nde la feu! Yon si n nakanan hakɛ ma min bi n halakila n fɛrɛ-bɔnkɛ kɛ rɔ? 25Tabarakala Alla ma, a si n nakanan ma Mari Yisa, Allata-Mɔgɔ-Yabɔnɛ baraka rɔ!
I ma a yen? A sɔgɛ ye n na, n ni ma Allala yɔɔn la n yisi rɔ kɔnɔ nta hadama-denyɛ rɔ, n bi yɔɔnyɛ la hakɛ kɔrɔ.
നിലവിൽ തിരഞ്ഞെടുത്തിരിക്കുന്നു:
Romu 7: KCLB
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Kuranko Common Language Bible © The Bible Society in Sierra Leone, 2006.
Romu 7
7
Furu-Koe Misalɛ
1N na-kelen-nyɔgɛnu, n bi a fɛ ka min fɔ wo ye, wo si wo nya-yen bawo wo dama ya tɔn wara-koe lɔn. Ma tenbi ma niyi la, furu-tɔn siginɛ ma kuma. 2Kei-wara-sigi-musi si ma kɛ misalɛ la ma ye. Fananta ala kei ye a kɛndɛ la, anubɛ ala kei ti fara muk! Kɔnɔ ni a fagara, ala musi ara bɔ tɔn wo kɔrɔ. 3Woletɔ ni a sigira kei-gbɛrɛ wara ala kei ma faga wɛ tumɛ min, mɔgɛnu si a kele ko yɛlan. Kɔnɔ ni ala kei fagara, musi wo ara bɔ tɔn wo kɔrɔ. Woletɔ hali a sigira kei-gbɛrɛ wara#7.3 Kei-gbɛrɛ wara: Anuta namu sa iko male Kurankɔɛnutɛ ye nya min. wo kɔma, a ma yɛlɛnyɛ kɛ worɔ.
4N na-kelen-nyɔgɛnu, wole fanan bi wo nya le. A manɛ iko wole ara faga ka bɔ tɔn-kitabu kɔrɔ ka kofu Kirasiti ma. Kaka, wo ara ma aletɛ la, ado a wulita ka bɔ furinu tɛma alako wo ni ma gbɔ-nyimɛ la Alla ye. 5Ma ye ma sɔn-kɔrɛnu da kun tɔ tumɛ min, tɔn-kitabu wara-koe le ya a ma, nata-yogomɛnu wulita ma yisi rɔ. Anu tora wɔlila ma bagbuyinu tɔ ka a laban sayɛ ma ma bolo. 6Hali wo kaka, ma ara hɔrɔya ka bɔ tɔn-kitabu wo kɔrɔ bawo min ya ma bira fɔlɔ-nun ka ma ladon yɔɔnyɛ rɔ, ma ara faga ka bɔ wo kɔrɔ. Ma ma to ma sɔn-kɔrɛnu da kun tɔ fɔ Allata Ni-Sɛnimɛ ye sɔn-kurɛ minnu dila ma ma.
Tɔn anubɛ Hakɛ Wara-Koenu
7 #
Bɔ-Koe-Iyipiti 20.17; Tɔn-Fɔɛ-Fila-Nyɔgɛ 5.21 Ma si nfen fɔ worɔ? Ma si a fɔ ko tɔn-kitabu wo nyɛrɛ le hakɛ la, wa? Ade! Tɔn-kitabu wara-koe le ya a ma, n ya nta hakɛ lɔn, ado ni Nɛbi Musata tɔn do ma a fɔ nun ko n kana n niyi sa mɔgɔna-fan kuma, n ti a lɔn ko hakɛ le wo la nun. 8Kɔnɔ hakɛ le ya a ma, nata-su bɛɛ wulita nde rɔ tɔn wo fɛ, ado ni tɔn wara-ko sa nun, hakɛ ti sɛnbɛ sɔrɔn ma ma nun. 9Yanni n ni tɔn wara-koe lamɔɛn, n bi n niyi la nun. Kɔnɔ n ya tonyɛ lɔn tumɛ min, hakɛ wulita n yisi rɔ ha n fagara, 10ado tɔn wara-koe min bɛnta ka niyi di n ma, wo nara sayɛ la nde ye 11#Ko-Dabirɛnu 3.13 bawo hakɛ ya fɛrɛ sɔrɔn ka n yanfa tɔn wara-koe fɛ. Ka a tɛgɛ tɔn wara-koe ma, hakɛ ya n kan natɛgɛ.
12Tɔn-kitabu nyɛrɛ sɛnima, a telenta, a kin. 13Hakɛ ya ko-nyimɛ do kɛ n ye, Nɛbi Musata tɔn-kitabu, kɔni. Wo le nara sayɛ la n kuma. Kɛ mara le alako n ni a lɔn hakɛ ye nya min! Tɔn-kitabu le ya a yira ma la ko hakɛ yogo dɔgɔma-ma-de!
Kɛ-Nya Filɛ minnu bi Mɔgɛ Rɔ
14Ma ya a lɔn ko Alla le ya tɔn-kitabu di n ma kɔnɔ mɔgɔni-gbuyi le nde la. A manɛ iko n bi yɔɔnyɛ la hakɛ bolo. 15#Kalesiya 5.17 N bi min mala, n ma wo lɔn, ado n bi a fɛ ka min ma, n sa wo mala, ado min ma di n ye, n bi wo le mala. 16N sa a fɛ ka min ma, n ba wo ma tumɛ min, wo si a yira ko n bara sɔn ko Allata tɔn-kitabu telenta. 17Nde sa ko kɛnu mala n nyɛrɛ ma fɔ hakɛ min bi n tɔ. 18N ya a lɔn ko ko-nyima wo ko-nyima sa nta hadama-denyɛ rɔ, ado hali ko-nyimɛ kɛ-sɔgɛ ye n na, n ti ke a mala. 19N bi a fɛ ka ko-nyimɛ minnu ma, n sa wonu mala. Kɔnɔ n sa a fɛ ka ko-yogomɛ minnu ma, n bi wonu denu mala. 20N sa a fɛ ka minnu ma, ni n ya wonu ma, wo kɔrɛ le ko nde sa wonu mala n nyɛrɛ ma fɔ hakɛ min bi n tɔ.
21N bara a yen worɔ ko koe do ye mala n na. Ko-nyimɛ kɛ-sɔgɛ wa n bira tumɛ min, n ni n nyɛrɛ yen ko-yogomɛnu da kun tɔ, 22ado n sewanɛ n yisi rɔ ka a tɛgɛ Allala tɔn wara-koe ma. 23Kɔnɔ ko do ye wɔlila nde rɔ, min bi Allala tɔn wara-koe kɛlɛla n yisi rɔ. Wo ara n ma yɔɔn la hakɛ kɔrɔ, ado wo si n mara. 24E, mɔgɔ-tɔrɔnɛ le nde la feu! Yon si n nakanan hakɛ ma min bi n halakila n fɛrɛ-bɔnkɛ kɛ rɔ? 25Tabarakala Alla ma, a si n nakanan ma Mari Yisa, Allata-Mɔgɔ-Yabɔnɛ baraka rɔ!
I ma a yen? A sɔgɛ ye n na, n ni ma Allala yɔɔn la n yisi rɔ kɔnɔ nta hadama-denyɛ rɔ, n bi yɔɔnyɛ la hakɛ kɔrɔ.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Kuranko Common Language Bible © The Bible Society in Sierra Leone, 2006.