II Kor 1
1
Kulosa
1 # Lavisa Mnt 18:1. Mine, Pawulosi, a mupostola wa Yesu Kriste lweyi a hlawuliwiki hi Xikwembu Nkulukumba, ni makweru Timotewu, hi trala a papela ledri ku Kereke dra Xikwembu Nkulukumba, ledri dringa le Korinto, kun'we ni tinsasi hinkwatu leti tinga tikweni hinkwadru dra Akaya,#1:1 Akaya: i tikwana drimpswha dra va-Grika. 2a timpswalu ni kurula aswive ku n'wine hinkwenu swipfa ku Xikwembu Nkulukumba Tatana weru, ni ku Hosi Yesu Kriste.
Kutivisisa kupfuniwa hi Xikwembu Nkulukumba
3A kutlangeliwe Xikwembu Nkulukumba, Tatana wa Hosi yeru Yesu Kriste, Tatana lweyi a taliki hi lilondro, ni Xikwembu Nkulukumba waku txhavelela hinkwaku! 4Hi Yene lweyi amiyetaka amahlomulweni hinkwawu, akuva hitamiyeta lava vanga kuxanisekeni ka kunhati, hi kumiyeta loko na hine mfuri himiyetiwaka ha kone hi Xikwembu Nkulukumba! 5Hikusa, swanga hi leswi akuxaniseka ka Kriste ku hitaleliki, na kone ku miyetiwa kweru ku hitalelile hikola ka Kriste. 6Kambe, loko hi xanisiwa, n'wikuma kumiyetiwa ni kuhuluxiwa, ni loko hi miyetiwa, na kone kambe n'wikuma kumiyetiwa, leswo swin'wiyentxaka akuva n'witiyisela akuxanisekeni kwenu loku na hine hixanisekaka ha kone. 7Akulavisela kweru hinkonta yenu kutiyile, hikutiva leswaku, swanga heswi n'wikumaka a yavelo akuxanisekeni, n'witava ni yavelo akumiyetiweni.
8Hikusa vamakweru, ahiswirandri leswaku n'wi kohla hi khombo ledri dringahumelela a Aziya, kutani switlulile mintamu, lakakuva hinga ha dumbi leswaku aku hanya ha hata hanya, 9#Lavisa I Kor 15:32. kambe, kutani ku hine mfuri, afa hi tiyanakanyela a yavanyiso dra lifu, akuva hinga tidumbi, kambe ina, ku Xikwembu Nkulukumba lweyi apfuxaka vafi, 10anga Yene lweyi ahihuluxiki ku lifu ledri drikulu; ku lweyi hilavisela leswaku ahataya mahlweni ahihuluxa mfuri. 11Na n'wihipfunisa hi swikhongoto swenu, leswaku lava vanyingi, vankhensi Xikwembu Nkulukumba hikola ka nyiko leyi hinyikiwiki yone hinkonta ya swikhongoto swa lava vanyingi.
Pawulosi andruluta makungu yake
12Hikusa a lidrumo dreru drakuva vumboni bya lipfalu dreru, leswaku hi fambisiwi misaveni, hi vunene ni xihlayelamfuri xa Xikwembu Nkulukumba, akavanga hi vutivi bya vumhunu, kambe a timpswalwini ta Xikwembu Nkulukumba, mfuri ngopfu ku n'wine. 13Hikusa akuna timhaka tin'wana hi n'witralelaka tone, handle ka leti n'witihlayaka ni leti n'wititivaka, mfuri nilavisela leswaku n'wititiva hinkwatu kuyatlhasa vugan'wini, 14swanga hi leswi swoswi n'wihitivaka hi tlhelo, leswaku hine hikutikulisa kwenu, swanga hi leswi na n'wine n'winga kutikulisa kweru hi siku dra Yesu, Hosi Yeru.
15Hi kudumba loku, afa ni naveli leswaku ni n'wiyendrela halanu, akuva n'witava ni timpswalu tavubiri. 16#Lavisa Mnt 19:21. Afa nitahundra hi halanu loko niya le Makedoniya. Ntrhaku afa nita tlhela hi lahu nangweso ni buyela ku n'wine, akuva n'winipfuna ku liyendro dra kuya Yudeya. 17Kambe swingava leswaku nindruluti miyanakanyu nakungena mhaka? Kumbe a makungu lawa niyentxaka, nimayentxa hi ndlela ya vumhunu, kuhlaya leswaku ina nikuyanakanya leswaku im-him? 18Kambe Xikwembu Nkulukumba lweyi adumbekaka, awaswitiva leswaku a maritu yanga ku n'wine amavanga: Ina, matlhela mava: Im-him. 19#Lavisa Mnt 18:5. Hikusa Yesu Kriste N'wana wa Xikwembu Nkulukumba, lweyi n'wingadondrisiwa ha mine na Silivano na Timotewu, angavanga ina ni im-him ha nkama mun'we. Kriste avi ina ha kunene-nene. 20Hikusa i swidumbiso hinkwaswu swinga ku Xikwembu Nkulukumba a hlaya: ina, hikusa, ha Yene kutani na hine hi hlaya Amen akuva kutwalisiwa Xikwembu Nkulukumba ha hine. 21Kambe lweyi ahitiyisaka hi kuhitlhanganisa kun'we na Kriste, lweyi ahitotiki i Xikwembu Nkulukumba, 22mfuri ahifungiki, ahinyikiki xirangana xa Moya atimbilwini teru.
23Kambe ni vitani Xikwembu Nkulukumba, yiva mboni a hikeni dranga, ni tremiki mhaka ya kuva ni nga ha yi Korinto. 24Anirandri kuva n'winyi wa vupfumeli byenu, Kambe hi tirisana na n'wine akuva n'wikuma kutrhava, hikusa hi kupfumela n'witiyile.
നിലവിൽ തിരഞ്ഞെടുത്തിരിക്കുന്നു:
II Kor 1: NTX2007
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.
II Kor 1
1
Kulosa
1 # Lavisa Mnt 18:1. Mine, Pawulosi, a mupostola wa Yesu Kriste lweyi a hlawuliwiki hi Xikwembu Nkulukumba, ni makweru Timotewu, hi trala a papela ledri ku Kereke dra Xikwembu Nkulukumba, ledri dringa le Korinto, kun'we ni tinsasi hinkwatu leti tinga tikweni hinkwadru dra Akaya,#1:1 Akaya: i tikwana drimpswha dra va-Grika. 2a timpswalu ni kurula aswive ku n'wine hinkwenu swipfa ku Xikwembu Nkulukumba Tatana weru, ni ku Hosi Yesu Kriste.
Kutivisisa kupfuniwa hi Xikwembu Nkulukumba
3A kutlangeliwe Xikwembu Nkulukumba, Tatana wa Hosi yeru Yesu Kriste, Tatana lweyi a taliki hi lilondro, ni Xikwembu Nkulukumba waku txhavelela hinkwaku! 4Hi Yene lweyi amiyetaka amahlomulweni hinkwawu, akuva hitamiyeta lava vanga kuxanisekeni ka kunhati, hi kumiyeta loko na hine mfuri himiyetiwaka ha kone hi Xikwembu Nkulukumba! 5Hikusa, swanga hi leswi akuxaniseka ka Kriste ku hitaleliki, na kone ku miyetiwa kweru ku hitalelile hikola ka Kriste. 6Kambe, loko hi xanisiwa, n'wikuma kumiyetiwa ni kuhuluxiwa, ni loko hi miyetiwa, na kone kambe n'wikuma kumiyetiwa, leswo swin'wiyentxaka akuva n'witiyisela akuxanisekeni kwenu loku na hine hixanisekaka ha kone. 7Akulavisela kweru hinkonta yenu kutiyile, hikutiva leswaku, swanga heswi n'wikumaka a yavelo akuxanisekeni, n'witava ni yavelo akumiyetiweni.
8Hikusa vamakweru, ahiswirandri leswaku n'wi kohla hi khombo ledri dringahumelela a Aziya, kutani switlulile mintamu, lakakuva hinga ha dumbi leswaku aku hanya ha hata hanya, 9#Lavisa I Kor 15:32. kambe, kutani ku hine mfuri, afa hi tiyanakanyela a yavanyiso dra lifu, akuva hinga tidumbi, kambe ina, ku Xikwembu Nkulukumba lweyi apfuxaka vafi, 10anga Yene lweyi ahihuluxiki ku lifu ledri drikulu; ku lweyi hilavisela leswaku ahataya mahlweni ahihuluxa mfuri. 11Na n'wihipfunisa hi swikhongoto swenu, leswaku lava vanyingi, vankhensi Xikwembu Nkulukumba hikola ka nyiko leyi hinyikiwiki yone hinkonta ya swikhongoto swa lava vanyingi.
Pawulosi andruluta makungu yake
12Hikusa a lidrumo dreru drakuva vumboni bya lipfalu dreru, leswaku hi fambisiwi misaveni, hi vunene ni xihlayelamfuri xa Xikwembu Nkulukumba, akavanga hi vutivi bya vumhunu, kambe a timpswalwini ta Xikwembu Nkulukumba, mfuri ngopfu ku n'wine. 13Hikusa akuna timhaka tin'wana hi n'witralelaka tone, handle ka leti n'witihlayaka ni leti n'wititivaka, mfuri nilavisela leswaku n'wititiva hinkwatu kuyatlhasa vugan'wini, 14swanga hi leswi swoswi n'wihitivaka hi tlhelo, leswaku hine hikutikulisa kwenu, swanga hi leswi na n'wine n'winga kutikulisa kweru hi siku dra Yesu, Hosi Yeru.
15Hi kudumba loku, afa ni naveli leswaku ni n'wiyendrela halanu, akuva n'witava ni timpswalu tavubiri. 16#Lavisa Mnt 19:21. Afa nitahundra hi halanu loko niya le Makedoniya. Ntrhaku afa nita tlhela hi lahu nangweso ni buyela ku n'wine, akuva n'winipfuna ku liyendro dra kuya Yudeya. 17Kambe swingava leswaku nindruluti miyanakanyu nakungena mhaka? Kumbe a makungu lawa niyentxaka, nimayentxa hi ndlela ya vumhunu, kuhlaya leswaku ina nikuyanakanya leswaku im-him? 18Kambe Xikwembu Nkulukumba lweyi adumbekaka, awaswitiva leswaku a maritu yanga ku n'wine amavanga: Ina, matlhela mava: Im-him. 19#Lavisa Mnt 18:5. Hikusa Yesu Kriste N'wana wa Xikwembu Nkulukumba, lweyi n'wingadondrisiwa ha mine na Silivano na Timotewu, angavanga ina ni im-him ha nkama mun'we. Kriste avi ina ha kunene-nene. 20Hikusa i swidumbiso hinkwaswu swinga ku Xikwembu Nkulukumba a hlaya: ina, hikusa, ha Yene kutani na hine hi hlaya Amen akuva kutwalisiwa Xikwembu Nkulukumba ha hine. 21Kambe lweyi ahitiyisaka hi kuhitlhanganisa kun'we na Kriste, lweyi ahitotiki i Xikwembu Nkulukumba, 22mfuri ahifungiki, ahinyikiki xirangana xa Moya atimbilwini teru.
23Kambe ni vitani Xikwembu Nkulukumba, yiva mboni a hikeni dranga, ni tremiki mhaka ya kuva ni nga ha yi Korinto. 24Anirandri kuva n'winyi wa vupfumeli byenu, Kambe hi tirisana na n'wine akuva n'wikuma kutrhava, hikusa hi kupfumela n'witiyile.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.