I Kor Nhingeno
Nhingeno
Korinto afa wuli muti wukulu wa vuxavisi wuyakiwi ambangwini lowu afaka wuli makari ka tiko dra Pelopeneso ni tiko dra Girika, ni hlaluku ku drin'wana ni drin'wana dra malwandle lawa afaka mali makari ka drone. A muti lowu wundruluki hikola ka leswo, mbangu wa ntalu wukulu wa vhanu va tinxaka-xaka ni vukhongoti bya kuhambana; na swone a nxaviso wu ndruluki ntsindra wukulu wa vukosi ni wa vusiwana, na kone wundruluki mbangu wa vutomi bya kuhambana ni mahanyela manene.
A vahlayi vakusungula va papela ledri afa drili butrhu dritrongo dra vakriste, ledri afaka drisunguliwi ha Pawulosi (I Kor 3:6-10; 4:15; II Kor 10:14; Mnt. 18:11), hi malembe ya mune wa makume ni ntlhanu na mune (49) kumbe ya ntlhanu wa makume (50), Ntrhaku ka Kriste; butrhu ledri afa drili dritrongo ngopfu, amakari ka muti.
A vakriste lava ingi afa valumba mintlawa ya vhanu va kutxhaviseka ngopfu va doropa (1:26-28). A vutomi bya kuhambana ni mahanyela lamanene ni swihena swa vuhedeni afa swiya mahlweni hi kutlulela a butrhu dritrongo dra vakriste.
A butrhu ledriya afa drikombisa a mintxhumu minyingi ya lisima (1:45—12), kambe afa kupfumaleka ku butrhu ledriya a vuyentelelo bya kutiva a ntamu wa makungu ya Xikwembu Nkulukumba (ndrima 2). Kukumeka kuyavana amakari ka butrhu (1:10-13; 6:1-11); vapfumelela a mintxhumu ya vukhunguvanyiso; (5:1-13); Vanonon'hweliwa hi vukhongoti byinene ni mahanyela manene: A kubekisa a milawu ya kubindra ngopfu ni kulandra a vubihi byikulu swikumeka na swifana (tind. 7-8); a kusandra kumbe kubekela lisima a tinyiko ta Moya wa Kuxwenga swikumeka na swifana (tind. 12-14) vakota vasusa ni lisima kumbe ntlhamuxelo wa Xilalelo xa Hosi.
A mutrali wa papela ledri akuna kuganaganeka leswaku avi mupostola Pawulosi, lweyi ntrhaku ka kuva a lembe ni hafu le Korinto akuva asungula a butrhu da vukriste, ayi mahlweni na ayamukela madrungula ni kurumela a mapapela (5:9), ni kurumela a vapfunisi vakwe swanga ha Timotewu (4:11) mfuri afa ayamukela amadrungulo mambeni hi van'we va vanakulobye (1:11).
A papela ledri ingi dritava dra vubiri ku lawa ya mune angavaka atraleli butrhu dra vakriste va-le-Korinto na dringavaka dritraliwi hi lembe dra vuntlhanu kumbe lembe dra vuntlhanu na drin'we ntrhaku kakuva Pawulosi atlhasi mutini lowuya.
A papela ledri adrina nkongometo wa kulongoloxa dondriso mayelano ni nhloko ya mhaka ya kukari, kambe drilongoloxa mintratriyo ya kufambelana ni timhaka tinyingi, tin'we ku tone afaka swivi swivutiso leswi swirumeliwiki ku Pawulosi hi butrhu ledriya.
Tinhloko ta timhaka ta papela ledri tingalongoloxisiwa xileswi:
1. Kulosa ni kukhensa Xikwembu Nkulukumba: 1:1-9.
2. Ntratriyo ku butrhu akuva drihanya ampatran'weni: 1:10—4:21.
3. Xikombelo akuva a butrhu dridrela a mahanyela lawa mangaliki manene: 5.
4. Mabekisela ya ntiro wa vuyavanyisi andreni ka butrhu dra vukriste: 6:1-11.
5. Matirisela ni ntlhamunxelo wa miri: 6:12-20.
6. Ta vukati ni kuhanya ahandle ka vukati: 7.
7. Timhaka ta kuhanyisana ni lava vangalandrikiki a vupfumeli: 8:1—11:1
8. Timhaka mayelano ni Xilalelo xa Hosi, ni tinyiko ta Moya wa Kuxwenga: 11:2—14:40
9 Kupfuka akufeni: Ka Yesu ni ka vapfumeli: 15:1-58
10. Xikombelo xa kupfuna vapfumeli va-le-Yerusalema: 16:1-12
11. Vugamu bya papela: 16:13-24
നിലവിൽ തിരഞ്ഞെടുത്തിരിക്കുന്നു:
I Kor Nhingeno: NTX2007
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.
I Kor Nhingeno
Nhingeno
Korinto afa wuli muti wukulu wa vuxavisi wuyakiwi ambangwini lowu afaka wuli makari ka tiko dra Pelopeneso ni tiko dra Girika, ni hlaluku ku drin'wana ni drin'wana dra malwandle lawa afaka mali makari ka drone. A muti lowu wundruluki hikola ka leswo, mbangu wa ntalu wukulu wa vhanu va tinxaka-xaka ni vukhongoti bya kuhambana; na swone a nxaviso wu ndruluki ntsindra wukulu wa vukosi ni wa vusiwana, na kone wundruluki mbangu wa vutomi bya kuhambana ni mahanyela manene.
A vahlayi vakusungula va papela ledri afa drili butrhu dritrongo dra vakriste, ledri afaka drisunguliwi ha Pawulosi (I Kor 3:6-10; 4:15; II Kor 10:14; Mnt. 18:11), hi malembe ya mune wa makume ni ntlhanu na mune (49) kumbe ya ntlhanu wa makume (50), Ntrhaku ka Kriste; butrhu ledri afa drili dritrongo ngopfu, amakari ka muti.
A vakriste lava ingi afa valumba mintlawa ya vhanu va kutxhaviseka ngopfu va doropa (1:26-28). A vutomi bya kuhambana ni mahanyela lamanene ni swihena swa vuhedeni afa swiya mahlweni hi kutlulela a butrhu dritrongo dra vakriste.
A butrhu ledriya afa drikombisa a mintxhumu minyingi ya lisima (1:45—12), kambe afa kupfumaleka ku butrhu ledriya a vuyentelelo bya kutiva a ntamu wa makungu ya Xikwembu Nkulukumba (ndrima 2). Kukumeka kuyavana amakari ka butrhu (1:10-13; 6:1-11); vapfumelela a mintxhumu ya vukhunguvanyiso; (5:1-13); Vanonon'hweliwa hi vukhongoti byinene ni mahanyela manene: A kubekisa a milawu ya kubindra ngopfu ni kulandra a vubihi byikulu swikumeka na swifana (tind. 7-8); a kusandra kumbe kubekela lisima a tinyiko ta Moya wa Kuxwenga swikumeka na swifana (tind. 12-14) vakota vasusa ni lisima kumbe ntlhamuxelo wa Xilalelo xa Hosi.
A mutrali wa papela ledri akuna kuganaganeka leswaku avi mupostola Pawulosi, lweyi ntrhaku ka kuva a lembe ni hafu le Korinto akuva asungula a butrhu da vukriste, ayi mahlweni na ayamukela madrungula ni kurumela a mapapela (5:9), ni kurumela a vapfunisi vakwe swanga ha Timotewu (4:11) mfuri afa ayamukela amadrungulo mambeni hi van'we va vanakulobye (1:11).
A papela ledri ingi dritava dra vubiri ku lawa ya mune angavaka atraleli butrhu dra vakriste va-le-Korinto na dringavaka dritraliwi hi lembe dra vuntlhanu kumbe lembe dra vuntlhanu na drin'we ntrhaku kakuva Pawulosi atlhasi mutini lowuya.
A papela ledri adrina nkongometo wa kulongoloxa dondriso mayelano ni nhloko ya mhaka ya kukari, kambe drilongoloxa mintratriyo ya kufambelana ni timhaka tinyingi, tin'we ku tone afaka swivi swivutiso leswi swirumeliwiki ku Pawulosi hi butrhu ledriya.
Tinhloko ta timhaka ta papela ledri tingalongoloxisiwa xileswi:
1. Kulosa ni kukhensa Xikwembu Nkulukumba: 1:1-9.
2. Ntratriyo ku butrhu akuva drihanya ampatran'weni: 1:10—4:21.
3. Xikombelo akuva a butrhu dridrela a mahanyela lawa mangaliki manene: 5.
4. Mabekisela ya ntiro wa vuyavanyisi andreni ka butrhu dra vukriste: 6:1-11.
5. Matirisela ni ntlhamunxelo wa miri: 6:12-20.
6. Ta vukati ni kuhanya ahandle ka vukati: 7.
7. Timhaka ta kuhanyisana ni lava vangalandrikiki a vupfumeli: 8:1—11:1
8. Timhaka mayelano ni Xilalelo xa Hosi, ni tinyiko ta Moya wa Kuxwenga: 11:2—14:40
9 Kupfuka akufeni: Ka Yesu ni ka vapfumeli: 15:1-58
10. Xikombelo xa kupfuna vapfumeli va-le-Yerusalema: 16:1-12
11. Vugamu bya papela: 16:13-24
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.