I Kor 2
2
Ivangeli ya Yesu lweyi avambiwiki
1Na mine, vamakweru, loko nitlhasile ku n'wine, anatanga hi maritu ya kutlakuka kumbe ya vutivi akuva nin'witivisa a xihundla xa Xikwembu Nkulukumba. 2Hikusa afa nititrimbeli leswaku ningadjuli kutiva swimbeni amakari kwenu loko kungali Yesu Kriste ntsena, Kriste lweyi avambiwiki axihambanwini. 3Kutani nitlhasi ku n'wine na nini gome, ni kutxhava, ni kururumela kukulu, 4na kone a ritu dranga ni kurera kwanga, aswavanga swa maritu ya vutlhari bya kukholwisa, kambe kuvi kukombisa ka ntamu wa Moya, 5akuva a kupfumela kwenu kungasukeli vutlharini bya vhanu, kambe antan'wini wa Xikwembu Nkulukumba.
A vutlhari bya Xikwembu Nkulukumba
6Nambi swilitanu, hivulavula hi vutlhari amakari ka vhanu lava vawupfiki, angaliki vutlhari bya nkama lowu kumbe bya varangeli va nkama lowu lava vasuvaka, 7kambe hivulavula hi vutlhari bya Xikwembu Nkulukumba, anga xihundla lexi xifihlekiki, lebyi Xikwembu Nkulukumba abyibekiseliki a kutwala kweru na minkama mingasinava kone; 8vutlhari lebyi ni mun'we ku varangeli va minkama leyi abyitiviki; hikusa loko afa vabyitivile, ana vangavambanga axihambanwini a Hosi ya kuphatima. 9Kambe swanga hi leswi kutraliwiki leswaku:
Leswi a tihlo dringaswivonangakiki, ni ndleve yingaswiyingelangakiki, swinganhingenangakiki ni le mbilwini ya mhunu,
leswi Xikwembu Nkulukumba an'wibekiseliki lava vamurandraka;
10kambe ku hine, Xikwembu Nkulukumba aswipfuletelile hikola ka Moya, hikusa a Moya wadjulisisa hinkwaswu, nambi a vuyentelelo bya Xikwembu Nkulukumba. 11Hikuva hi mani lweyi ativaka a swa mhunu, loko wungali moya wakwe lowu nga ku yene? Hi xiswoswo, a swa Xikwembu Nkulukumba, akuna lweyi aswitivaka loko wungali Moya wa Xikwembu Nkulukumba. 12Nakone hine ahiyamukelanga moya wa misava leyi, kambe hiyamukeli a Moya wa Xikwembu Nkulukumba, akuva hitiva a mintxhumu leyi Xikwembu Nkulukumba ahinyikiki; 13a mintxhumu leyi hikhanelaka ha yone kungali hi maritu ya kudondrisiwa hi vutlhari bya vumhunu, kambe hi maritu lawa madondrisiwiki hi Moya, na hili kari hitlhamuxela a swa Moya ku lava vanga va Moya. 14Kambe a mhunu lweyi angaliki wa Moya, angayamukeli leswi swinga swa Moya wa Xikwembu Nkulukumba, hikusa ku yene i vusinge, na kone angaswikoti a kuswiyingelisisa hikusa swiyanakanyiwa hi mayanakanyela ya moya. 15Kambe lweyi anga wa Moya ayavanyisa hinkwaswu, na kone yene angayavanyisiwi hi mhunu. 16Hikusa hi mani lweyi ativiki a kuyanakanya ka Hosi, angakotaka ni kuyidondrisa xana?
Kambe hine hini kuyanakanya ka Kriste.
നിലവിൽ തിരഞ്ഞെടുത്തിരിക്കുന്നു:
I Kor 2: NTX2007
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.
I Kor 2
2
Ivangeli ya Yesu lweyi avambiwiki
1Na mine, vamakweru, loko nitlhasile ku n'wine, anatanga hi maritu ya kutlakuka kumbe ya vutivi akuva nin'witivisa a xihundla xa Xikwembu Nkulukumba. 2Hikusa afa nititrimbeli leswaku ningadjuli kutiva swimbeni amakari kwenu loko kungali Yesu Kriste ntsena, Kriste lweyi avambiwiki axihambanwini. 3Kutani nitlhasi ku n'wine na nini gome, ni kutxhava, ni kururumela kukulu, 4na kone a ritu dranga ni kurera kwanga, aswavanga swa maritu ya vutlhari bya kukholwisa, kambe kuvi kukombisa ka ntamu wa Moya, 5akuva a kupfumela kwenu kungasukeli vutlharini bya vhanu, kambe antan'wini wa Xikwembu Nkulukumba.
A vutlhari bya Xikwembu Nkulukumba
6Nambi swilitanu, hivulavula hi vutlhari amakari ka vhanu lava vawupfiki, angaliki vutlhari bya nkama lowu kumbe bya varangeli va nkama lowu lava vasuvaka, 7kambe hivulavula hi vutlhari bya Xikwembu Nkulukumba, anga xihundla lexi xifihlekiki, lebyi Xikwembu Nkulukumba abyibekiseliki a kutwala kweru na minkama mingasinava kone; 8vutlhari lebyi ni mun'we ku varangeli va minkama leyi abyitiviki; hikusa loko afa vabyitivile, ana vangavambanga axihambanwini a Hosi ya kuphatima. 9Kambe swanga hi leswi kutraliwiki leswaku:
Leswi a tihlo dringaswivonangakiki, ni ndleve yingaswiyingelangakiki, swinganhingenangakiki ni le mbilwini ya mhunu,
leswi Xikwembu Nkulukumba an'wibekiseliki lava vamurandraka;
10kambe ku hine, Xikwembu Nkulukumba aswipfuletelile hikola ka Moya, hikusa a Moya wadjulisisa hinkwaswu, nambi a vuyentelelo bya Xikwembu Nkulukumba. 11Hikuva hi mani lweyi ativaka a swa mhunu, loko wungali moya wakwe lowu nga ku yene? Hi xiswoswo, a swa Xikwembu Nkulukumba, akuna lweyi aswitivaka loko wungali Moya wa Xikwembu Nkulukumba. 12Nakone hine ahiyamukelanga moya wa misava leyi, kambe hiyamukeli a Moya wa Xikwembu Nkulukumba, akuva hitiva a mintxhumu leyi Xikwembu Nkulukumba ahinyikiki; 13a mintxhumu leyi hikhanelaka ha yone kungali hi maritu ya kudondrisiwa hi vutlhari bya vumhunu, kambe hi maritu lawa madondrisiwiki hi Moya, na hili kari hitlhamuxela a swa Moya ku lava vanga va Moya. 14Kambe a mhunu lweyi angaliki wa Moya, angayamukeli leswi swinga swa Moya wa Xikwembu Nkulukumba, hikusa ku yene i vusinge, na kone angaswikoti a kuswiyingelisisa hikusa swiyanakanyiwa hi mayanakanyela ya moya. 15Kambe lweyi anga wa Moya ayavanyisa hinkwaswu, na kone yene angayavanyisiwi hi mhunu. 16Hikusa hi mani lweyi ativiki a kuyanakanya ka Hosi, angakotaka ni kuyidondrisa xana?
Kambe hine hini kuyanakanya ka Kriste.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.