I Kor 16
16
Tinyiko ta kupfuna vapfumeli va-le-Yerusalema
1Hi tlhelo dra nhlengo wa kupfuna a vahlawuleki, swanga hi leswi nileletiki a makereke ya Galatiya, yentxani swoswo na n'wine. 2Hi siku dra kusungula dra viki, mun'wana-ni-mun'wana abeki hi tlhelo, a kaya kwake, ahlengeleta mayelano ni leswi anyikiwaka kuswibindrula, akuva kungahayentxiwi minhlengo loko nitatlhasa. 3Nitaku nitlhasa, niruma, hi mapapela, lava n'witakava n'wivahlawulile, akuva vafambisa nyiko yenu a Yerusalema; 4ni loko swifanekela leswaku mine ni famba, kolahu vatafamba na mine.
Makungu ya Pawulosi
5Nitata ku n'wine loko nihundra hi le Makedoniya, hikusa nitatremakanya hi dra Makedoniya. 6Nakone swingahakoteka leswaku nitrhama kun'we na n'wine nkamanyana, kumbe nitrhama a Vuxika hinkwabyu, akuva n'witataniheketa hinkwaku lomu nita kaya kone. 7Hikusa swoswi, anidjuli kun'wivona hi kuhundra, ntsena; kambe nadumba leswaku nitatrhama na n'wine hi nkamanyana loko Hosi yiswipfumela. 8Kambe nitatrhama a Efesa, kukondra kutlhasa a Pentekosta, 9hikuva nipfuleliwi a nyangwa yikulu mfuri leyi yinene, na kone a vakaneti i vanyingi.
10Ni loko Timotewu ata, vonani leswaku angavini kutxhava amakari kwenu; hikusa yene atira a ntiro wa Hosi, swanga ha mine. 11Hileswo-ke kungavi ni lweyi atakamudrela; kambe muheketani hi kurula, akuva akota a kuta ku mine, hikusa namurindrela kun'we ni vamakweru.
12Loko ali makweru Apolo, nimutratriyi ngopfu akuva ata ku n'wine kun'we ni van'wana vamakweru, kambe yene angaswirandranga akuta swoswi; nambi swili tanu, atata hi nkama wumbeni, loko swikoteka.
Mintratriyo ya vugamu ni madrungula
13Hitekani, tiyani akupfumeleni, vanani vavanuna, vanani lava va ntamu. 14Yentxani mintxhumu yenu hinkwayu hi lirandru.
15Nahan'witratriya, vamakweru: Tivani leswaku a ndangu hinkwawu wa Stefano, lowu wunga xirangana le Akaya, wutinyiketeli antirweni wa kupfuna a vahlawuleki; 16akuva na n'wine n'wiyingiseta lava va kutanu, ni hinkwavu lava vapfunetelaka antirweni hi kutikarata. 17Nanyoxa hi kubuya ka Stefano na Fortunato na Akayiko, hikuva vahelisi a kuvilela kwanga hi leswi n'wine n'wingaliki na mine; 18hikuva varulisi a hika dranga ni drenu. Hikolahu-ke drimukani a vhanu va kutanu.
19A makereke ya le Aziya man'widrungula. Akila na Presila ni kereke ledri dringa kaya kwavu, van'widrungula ngopfu a Hosini. 20A vamakweru hinkwavu van'widrungula. Drungulanani hinkwenu, hi kunyunta ka kuxwenga.
21A kudrungula loku i ka kutraliwa hi voko dranga: Pawulosi.
22Loko kuni lweyi angarandriki Hosi, ave anaatema#16:22 A ritu draku anatema, drihlaya leswaku lweyi aruketeliwiki kumbe kuyavanyisiwa.! Maran atha. (Tana Hosi).
23A timpswalu ta Hosi Yesu Kriste ative na n'wine.
24A lirandru dranga adrive na n'wine hinkwenu, ku Kriste Yesu.
നിലവിൽ തിരഞ്ഞെടുത്തിരിക്കുന്നു:
I Kor 16: NTX2007
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.
I Kor 16
16
Tinyiko ta kupfuna vapfumeli va-le-Yerusalema
1Hi tlhelo dra nhlengo wa kupfuna a vahlawuleki, swanga hi leswi nileletiki a makereke ya Galatiya, yentxani swoswo na n'wine. 2Hi siku dra kusungula dra viki, mun'wana-ni-mun'wana abeki hi tlhelo, a kaya kwake, ahlengeleta mayelano ni leswi anyikiwaka kuswibindrula, akuva kungahayentxiwi minhlengo loko nitatlhasa. 3Nitaku nitlhasa, niruma, hi mapapela, lava n'witakava n'wivahlawulile, akuva vafambisa nyiko yenu a Yerusalema; 4ni loko swifanekela leswaku mine ni famba, kolahu vatafamba na mine.
Makungu ya Pawulosi
5Nitata ku n'wine loko nihundra hi le Makedoniya, hikusa nitatremakanya hi dra Makedoniya. 6Nakone swingahakoteka leswaku nitrhama kun'we na n'wine nkamanyana, kumbe nitrhama a Vuxika hinkwabyu, akuva n'witataniheketa hinkwaku lomu nita kaya kone. 7Hikusa swoswi, anidjuli kun'wivona hi kuhundra, ntsena; kambe nadumba leswaku nitatrhama na n'wine hi nkamanyana loko Hosi yiswipfumela. 8Kambe nitatrhama a Efesa, kukondra kutlhasa a Pentekosta, 9hikuva nipfuleliwi a nyangwa yikulu mfuri leyi yinene, na kone a vakaneti i vanyingi.
10Ni loko Timotewu ata, vonani leswaku angavini kutxhava amakari kwenu; hikusa yene atira a ntiro wa Hosi, swanga ha mine. 11Hileswo-ke kungavi ni lweyi atakamudrela; kambe muheketani hi kurula, akuva akota a kuta ku mine, hikusa namurindrela kun'we ni vamakweru.
12Loko ali makweru Apolo, nimutratriyi ngopfu akuva ata ku n'wine kun'we ni van'wana vamakweru, kambe yene angaswirandranga akuta swoswi; nambi swili tanu, atata hi nkama wumbeni, loko swikoteka.
Mintratriyo ya vugamu ni madrungula
13Hitekani, tiyani akupfumeleni, vanani vavanuna, vanani lava va ntamu. 14Yentxani mintxhumu yenu hinkwayu hi lirandru.
15Nahan'witratriya, vamakweru: Tivani leswaku a ndangu hinkwawu wa Stefano, lowu wunga xirangana le Akaya, wutinyiketeli antirweni wa kupfuna a vahlawuleki; 16akuva na n'wine n'wiyingiseta lava va kutanu, ni hinkwavu lava vapfunetelaka antirweni hi kutikarata. 17Nanyoxa hi kubuya ka Stefano na Fortunato na Akayiko, hikuva vahelisi a kuvilela kwanga hi leswi n'wine n'wingaliki na mine; 18hikuva varulisi a hika dranga ni drenu. Hikolahu-ke drimukani a vhanu va kutanu.
19A makereke ya le Aziya man'widrungula. Akila na Presila ni kereke ledri dringa kaya kwavu, van'widrungula ngopfu a Hosini. 20A vamakweru hinkwavu van'widrungula. Drungulanani hinkwenu, hi kunyunta ka kuxwenga.
21A kudrungula loku i ka kutraliwa hi voko dranga: Pawulosi.
22Loko kuni lweyi angarandriki Hosi, ave anaatema#16:22 A ritu draku anatema, drihlaya leswaku lweyi aruketeliwiki kumbe kuyavanyisiwa.! Maran atha. (Tana Hosi).
23A timpswalu ta Hosi Yesu Kriste ative na n'wine.
24A lirandru dranga adrive na n'wine hinkwenu, ku Kriste Yesu.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.