I Kor 11
11
1Vanani vayetisi vanga, swanga ha mine ningamuyetisi wa Kriste.
Matrhamela ni mayambalela atinhlegeletanwini
2Nan'wikhensa, vamakweru, hikusa n'wanidrimuka ku hinkwaswu, na kone n'wilandra a swileleto hinkwaswu leswi ningan'widondrisa. 3Kambe nidjula leswaku n'witiva leswaku a nhloko ya wanuna mun'wana-ni-mun'wana hi Kriste; a wanuna i nhloko ya wansati; kutani a nhloko ya Kriste hi Xikwembu Nkulukumba. 4A wanuna mun'wana-ni-mun'wana lweyi akhongotaka kumbe aprofetaka na afukumeti a nhloko, ayentxisa tingana a nhloko yake. 5A wansati mun'wana-ni-mun'wana loko akhongota kumbe aprofeta na angafukumetanga a nhloko, ayentxisa tingana a nhloko yake, hikusa swifana ni loko abyevulile. 6Ke, loko a wansati angafukumeti a nhloko, atremetiwe; kambe loko swini tingana ku wansati a kutremetiwa kumbe kubyevuliwa misisi, xileswo afukumete a nhloko. 7Hikuva a wanuna angafaneli kufukumeta nhloko, hi leswi anga xifaniso ni kuphatima ka Xikwembu Nkulukumba; kasi a wansati i kuphatima ka wanuna. 8Hikusa ahi wanuna lweyi apfaka ku wansati, kambe a wansati hi yene apfaka ku wanuna. 9Nakone a wanuna angavumbeliwanga wansati, kambe a wansati avumbeliwi wanuna. 10Hileswo-ke, a wansati afanela kuvani xikombiso xa kufumiwa anhlokweni, hinkonta ya tintrumi.
11A Hosini, a wansati angale henhla ka wanuna, ni wanuna angale henhla ka wansati. 12Hikusa, swanga hi leswi a wansati apfaka hi le ku wanuna, na yene wanuna apswaliwa hi wansati; hinkwaswu swipfa hi le ku Xikwembu Nkulukumba.
13Tipimiselani ha vuswenu: Xana swafanekela leswaku a wansati akhongota Xikwembu Nkulukumba na angafukumetanga a nhloko, xana? 14Xana na wone a ntumbuluku awun'widondrisi leswaku i tingana ku wanuna, a kufuya a misisi yileha? 15Kambe loko a wansati ani misisi ya kuleha, ku yene i kukhensiwa, hikuva anyikiwi misisi, xiva xifukumeto ku yene.
16Nambi swili tanu, loko kuni lweyi angani mphika ku swone, hine ahina swihila leswo, na wone a makereke ya Xikwembu Nkulukumba amanaswu.
A xilalelo xa Hosi
(Mt 26:26-29; Mrk 14:22-25; Lk 22:15-20)
17Ke loko nin'wileleta leswi, anina kun'winkhensa hikuva an'wihlengeletaneli leswi swiyisaka a vuneneni, kambe kuli kuhundrisa ku leswi swimfani. 18Hikuva, kusungula, loko n'wihlengeletana akerekeni, niyingela leswaku kuni kuhambana amakari kwenu; kutani, hi tlhelo drin'we, na pfumela leswaku leswo swahumelela. 19Mfuri, swafanela akuva kuni kuhambana amakari kwenu, akuva kutavoneka lava vafanelaka a kukhensiwa. 20Ke loko n'wihlengeletana ku mbangu mun'we, an'wahakongomi kuda a xilalelo xa Hosi, 21hikusa mun'wana-ni-mun'wana aranga atidela a xilalelo xakwe, mun'wana atrhama ni ndlala, na kasi mun'wana awapopswa. 22Xana an'wina ma kaya lomu n'wingadaka ni kunwa kone, xana? Kumbe n'widrela a kereke dra Xikwembu Nkulukumba ni kuyentxela a tingana lava vangekena ntxhumu? Xana nitahlaya yini ku n'wine? Xana nitan'winkhensa? Ku leswo anina kun'winkhensa!
23Hikuva mine niyamukeli ku Hosi leswi na mine nin'winyiketiki, leswaku Hosi Yesu, hi vusiku lebyi angawongiwa ha byone, ateki a kati, 24loko atlangelile, akhemelela aku: Leyi i miri yanga leyi minyikiwaka hikola kwenu. Yentxani leswi n'witanidrimuka ha swone. 25Ayentxisa xi swoswo ni hi ntrheko, ntrhaku ka kulalela, aku: A ntrheko lowu i xipfumelelanu lexi ximpswha angatini yanga; yentxani leswi, minkama hinkwayu, loko n'winwa, n'witanidrimuka ha swone. 26Hikuva hi minkama hinkwayu, loko n'wida a kati ledri, n'winwa a ntrheko lowu, n'witava n'witivisa a kufa ka Hosi yikondra yibuya. 27Hileswo-ke, lweyi adaka a kati kumbe anwaka a ntrheko wa Hosi hi lana swingafanelikiki, atava ni nandru wa miri ni wa ngati ya Hosi. 28Kambe a mhunu atikambe ha vuswake, xileswo ade a kati ava anwa a ntrheko. 29Hikuva lweyi adaka ni lweyi anwaka, atidela ni kutinwela a kuyavanyisiwa kwake, loko angayanakanyi a miri. 30Hileswo-ke lava vanyingi amakari kwenu vani gome, vavabya; ni vambeni vanyingi vafile. 31Nakone loko hitikamba ha vusweru, afa hingatiyavanyisiwa; 32kambe loko hiyavanyisiwa hi Hosi, hibekiwa andleleni yinene, akuva hingatiyavanyisiwa kun'we ni misava.
33Hileswo-ke vamakweru, loko n'whlengeletanela a kuda, rindrelelanani. 34Lweyi angani ndlala ade a kaya, akuva n'wingahlengeletaneli kuyavanyisiwa. Hi mintxhumu min'wana, nitatanyika a swileleto loko nitlhasa.
നിലവിൽ തിരഞ്ഞെടുത്തിരിക്കുന്നു:
I Kor 11: NTX2007
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.
I Kor 11
11
1Vanani vayetisi vanga, swanga ha mine ningamuyetisi wa Kriste.
Matrhamela ni mayambalela atinhlegeletanwini
2Nan'wikhensa, vamakweru, hikusa n'wanidrimuka ku hinkwaswu, na kone n'wilandra a swileleto hinkwaswu leswi ningan'widondrisa. 3Kambe nidjula leswaku n'witiva leswaku a nhloko ya wanuna mun'wana-ni-mun'wana hi Kriste; a wanuna i nhloko ya wansati; kutani a nhloko ya Kriste hi Xikwembu Nkulukumba. 4A wanuna mun'wana-ni-mun'wana lweyi akhongotaka kumbe aprofetaka na afukumeti a nhloko, ayentxisa tingana a nhloko yake. 5A wansati mun'wana-ni-mun'wana loko akhongota kumbe aprofeta na angafukumetanga a nhloko, ayentxisa tingana a nhloko yake, hikusa swifana ni loko abyevulile. 6Ke, loko a wansati angafukumeti a nhloko, atremetiwe; kambe loko swini tingana ku wansati a kutremetiwa kumbe kubyevuliwa misisi, xileswo afukumete a nhloko. 7Hikuva a wanuna angafaneli kufukumeta nhloko, hi leswi anga xifaniso ni kuphatima ka Xikwembu Nkulukumba; kasi a wansati i kuphatima ka wanuna. 8Hikusa ahi wanuna lweyi apfaka ku wansati, kambe a wansati hi yene apfaka ku wanuna. 9Nakone a wanuna angavumbeliwanga wansati, kambe a wansati avumbeliwi wanuna. 10Hileswo-ke, a wansati afanela kuvani xikombiso xa kufumiwa anhlokweni, hinkonta ya tintrumi.
11A Hosini, a wansati angale henhla ka wanuna, ni wanuna angale henhla ka wansati. 12Hikusa, swanga hi leswi a wansati apfaka hi le ku wanuna, na yene wanuna apswaliwa hi wansati; hinkwaswu swipfa hi le ku Xikwembu Nkulukumba.
13Tipimiselani ha vuswenu: Xana swafanekela leswaku a wansati akhongota Xikwembu Nkulukumba na angafukumetanga a nhloko, xana? 14Xana na wone a ntumbuluku awun'widondrisi leswaku i tingana ku wanuna, a kufuya a misisi yileha? 15Kambe loko a wansati ani misisi ya kuleha, ku yene i kukhensiwa, hikuva anyikiwi misisi, xiva xifukumeto ku yene.
16Nambi swili tanu, loko kuni lweyi angani mphika ku swone, hine ahina swihila leswo, na wone a makereke ya Xikwembu Nkulukumba amanaswu.
A xilalelo xa Hosi
(Mt 26:26-29; Mrk 14:22-25; Lk 22:15-20)
17Ke loko nin'wileleta leswi, anina kun'winkhensa hikuva an'wihlengeletaneli leswi swiyisaka a vuneneni, kambe kuli kuhundrisa ku leswi swimfani. 18Hikuva, kusungula, loko n'wihlengeletana akerekeni, niyingela leswaku kuni kuhambana amakari kwenu; kutani, hi tlhelo drin'we, na pfumela leswaku leswo swahumelela. 19Mfuri, swafanela akuva kuni kuhambana amakari kwenu, akuva kutavoneka lava vafanelaka a kukhensiwa. 20Ke loko n'wihlengeletana ku mbangu mun'we, an'wahakongomi kuda a xilalelo xa Hosi, 21hikusa mun'wana-ni-mun'wana aranga atidela a xilalelo xakwe, mun'wana atrhama ni ndlala, na kasi mun'wana awapopswa. 22Xana an'wina ma kaya lomu n'wingadaka ni kunwa kone, xana? Kumbe n'widrela a kereke dra Xikwembu Nkulukumba ni kuyentxela a tingana lava vangekena ntxhumu? Xana nitahlaya yini ku n'wine? Xana nitan'winkhensa? Ku leswo anina kun'winkhensa!
23Hikuva mine niyamukeli ku Hosi leswi na mine nin'winyiketiki, leswaku Hosi Yesu, hi vusiku lebyi angawongiwa ha byone, ateki a kati, 24loko atlangelile, akhemelela aku: Leyi i miri yanga leyi minyikiwaka hikola kwenu. Yentxani leswi n'witanidrimuka ha swone. 25Ayentxisa xi swoswo ni hi ntrheko, ntrhaku ka kulalela, aku: A ntrheko lowu i xipfumelelanu lexi ximpswha angatini yanga; yentxani leswi, minkama hinkwayu, loko n'winwa, n'witanidrimuka ha swone. 26Hikuva hi minkama hinkwayu, loko n'wida a kati ledri, n'winwa a ntrheko lowu, n'witava n'witivisa a kufa ka Hosi yikondra yibuya. 27Hileswo-ke, lweyi adaka a kati kumbe anwaka a ntrheko wa Hosi hi lana swingafanelikiki, atava ni nandru wa miri ni wa ngati ya Hosi. 28Kambe a mhunu atikambe ha vuswake, xileswo ade a kati ava anwa a ntrheko. 29Hikuva lweyi adaka ni lweyi anwaka, atidela ni kutinwela a kuyavanyisiwa kwake, loko angayanakanyi a miri. 30Hileswo-ke lava vanyingi amakari kwenu vani gome, vavabya; ni vambeni vanyingi vafile. 31Nakone loko hitikamba ha vusweru, afa hingatiyavanyisiwa; 32kambe loko hiyavanyisiwa hi Hosi, hibekiwa andleleni yinene, akuva hingatiyavanyisiwa kun'we ni misava.
33Hileswo-ke vamakweru, loko n'whlengeletanela a kuda, rindrelelanani. 34Lweyi angani ndlala ade a kaya, akuva n'wingahlengeletaneli kuyavanyisiwa. Hi mintxhumu min'wana, nitatanyika a swileleto loko nitlhasa.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Xironga New Testament with Psalms © Bible Society in Mozambique, 2007.