Ndandililo 9
9
Akunnungu akuŵika lilangano ni che Nuhu
1Nipele Akunnungu ŵampele upile che Nuhu ni achiŵanagwe, ŵaasalile, “Mmeleche, njonjesyeche nkachigumbasye chilambo. 2Inyama yose ni ijuni ya mwinani yose ni yepanganyikwe yaikukwaŵa yose pachilambo ni somba syose sya mu bahali, yose ili mu ulamusi wenu, nombeyo chiikole lipamba ni kunjogopa ŵanyamwe. 3Inyama yose chiiŵe chakulya chenu, ngumpanga mpela ila inditite pakumpa mimela kuŵa chakulya chenu. 4Nambo ngasinlya nyama jili ni miasi, umi uli mu miasi. 5Mundu jwalijose ambulagaga njakwe chalamulikwe. Ni chinyama chilichose chachichiulaje mundu chinachiulaje. 6Mundu jwalijose juchammulaje njakwe nombejo aulajikwe ni ŵandu, pakuŵa Akunnungu ŵangumbile mundu kwa kulandana ni asyene.
7“Ni ŵanyamwe mmeleche nkajonjesyeche, mmeleche kwannope nkachigumbasye chilambo.”
8Nipele Akunnungu ŵansalile che Nuhu ni achiŵanagwe, 9“Sambano nguŵika lilangano lyangu ni ŵanyamwe pampepe ni uŵelesi ŵenu, 10ni chepanganyikwe chachilichose chachili pamo ni wanyamwe: Ijuni ya mwinani ni inyama yakulangwa ni ya mmatinji, ni wose ŵaŵakopweche pamo ni ŵanyamwe mu safina. 11Ngulisalichisya lilangano lyangu ni ŵanyamwe kuti, ngunaaulaga yepanganyikwe yose ni chikumba meesi chekulungwa atamuno ngachityochela chikumba meesi ng'oo kuchijonanga chilambo.” 12Sooni Akunnungu ŵatite, “Achi ni chimanyisyo cha lilangano lyangu lingutenda ni ŵanyanwe pampepe ni yepanganyikwe yejumi yose yaili pamo ni ŵanyamwe kwa iŵelesi yose ichiiche. 13Nguŵika ukunje wa ula kumaunde, ni wele chiuŵe chimanyisyo cha lilangano lyangu ni chilambo. 14Katema kose pachiichenago maunde pachilambo ni ukunje wa ula pachiutyochele mmaunde, 15chinalikumbuchile lilangano lyangu ni ŵanyamwe pamo ni yepanganyikwe yejumi yose. Iyoyo chikumba meesi chekulungwa ngachiulaga yepanganyikwe yejumi. 16Wele ukunje wa ula pachiutyoche kumaunde, chinauwone ni kulikumbuchila lilangano lyangu lya moŵa gose pangali mbesi lyalili pasikati jangu ni yepanganyikwe yose yaili ni umi ya uŵeleuŵele pachilambo.” 17Nipele Akunnungu ŵansalile che Nuhu, “Achi ni chimanyisyo cha lilangano lindesile pasikati jangu ni yepanganyikwe yose pachilambo.”
Che Nuhu ni achiŵanagwe
18Ŵanache ŵa che Nuhu uŵakopweche mu safina ŵaliji che Shemu ni che Hamu ni che Yafeti. Che Hamu ŵaliji atatigwe che Kanaani. 19Ŵele ŵatatu wo ali achiŵanagwe che Nuhu ni kutyochela mwa ŵelewo ŵandu ŵagumbele mchilambo chose.
20Che Nuhu ŵatandite kulima, ni ŵapandile misabibu. 21Ŵang'wele divai, ŵakolelwe, nipele ŵausile iwalo yao ŵagonile matakope mu lisakasa lyao. 22Che Hamu, atatigwe che Kanaani, paŵammweni atatigwe ali matakope, ŵakopweche paasa ni kwasalila achapwakwe ŵaŵili. 23Nambo che Shemu ni che Yafeti ŵajigele nguo, ŵaliuniche mmakoyo mwao, ŵajawile chitukulu nyuma ni kwaunika atati ŵao. Ŵalolite pambali kuti ngasiŵawona atati ŵao ali matakope. 24Che Nuhu puwaatyosile divai muntwe ŵaimanyilile iŵaitesile mwanagwe jwannandi, 25ŵatite,
“Che Kanaani alweseche!
Chaaŵe kapolo jwa pasi nnope mwa achikapolo ŵa achapwakwe.”
26Sooni ŵatite, “Ajinichilwe Ambuje, Akunnungu jwa che Shemu!
Kanaani aŵe kapolo jwakwe.
27Akunnungu auchulusye uŵelesi u che Yafeti,
Che Yafeti atame mmasakasa ga che Shemu!
Kanaani aŵe kapolo jwakwe.”
28Pachamasile chikumba meesi che Nuhu ŵatemi yaka mia tatu na hansini. 29Yaka yose iŵatemi che Nuhu yaliji yaka mia tisa na hansini, ni ŵawile.
നിലവിൽ തിരഞ്ഞെടുത്തിരിക്കുന്നു:
Ndandililo 9: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.
Ndandililo 9
9
Akunnungu akuŵika lilangano ni che Nuhu
1Nipele Akunnungu ŵampele upile che Nuhu ni achiŵanagwe, ŵaasalile, “Mmeleche, njonjesyeche nkachigumbasye chilambo. 2Inyama yose ni ijuni ya mwinani yose ni yepanganyikwe yaikukwaŵa yose pachilambo ni somba syose sya mu bahali, yose ili mu ulamusi wenu, nombeyo chiikole lipamba ni kunjogopa ŵanyamwe. 3Inyama yose chiiŵe chakulya chenu, ngumpanga mpela ila inditite pakumpa mimela kuŵa chakulya chenu. 4Nambo ngasinlya nyama jili ni miasi, umi uli mu miasi. 5Mundu jwalijose ambulagaga njakwe chalamulikwe. Ni chinyama chilichose chachichiulaje mundu chinachiulaje. 6Mundu jwalijose juchammulaje njakwe nombejo aulajikwe ni ŵandu, pakuŵa Akunnungu ŵangumbile mundu kwa kulandana ni asyene.
7“Ni ŵanyamwe mmeleche nkajonjesyeche, mmeleche kwannope nkachigumbasye chilambo.”
8Nipele Akunnungu ŵansalile che Nuhu ni achiŵanagwe, 9“Sambano nguŵika lilangano lyangu ni ŵanyamwe pampepe ni uŵelesi ŵenu, 10ni chepanganyikwe chachilichose chachili pamo ni wanyamwe: Ijuni ya mwinani ni inyama yakulangwa ni ya mmatinji, ni wose ŵaŵakopweche pamo ni ŵanyamwe mu safina. 11Ngulisalichisya lilangano lyangu ni ŵanyamwe kuti, ngunaaulaga yepanganyikwe yose ni chikumba meesi chekulungwa atamuno ngachityochela chikumba meesi ng'oo kuchijonanga chilambo.” 12Sooni Akunnungu ŵatite, “Achi ni chimanyisyo cha lilangano lyangu lingutenda ni ŵanyanwe pampepe ni yepanganyikwe yejumi yose yaili pamo ni ŵanyamwe kwa iŵelesi yose ichiiche. 13Nguŵika ukunje wa ula kumaunde, ni wele chiuŵe chimanyisyo cha lilangano lyangu ni chilambo. 14Katema kose pachiichenago maunde pachilambo ni ukunje wa ula pachiutyochele mmaunde, 15chinalikumbuchile lilangano lyangu ni ŵanyamwe pamo ni yepanganyikwe yejumi yose. Iyoyo chikumba meesi chekulungwa ngachiulaga yepanganyikwe yejumi. 16Wele ukunje wa ula pachiutyoche kumaunde, chinauwone ni kulikumbuchila lilangano lyangu lya moŵa gose pangali mbesi lyalili pasikati jangu ni yepanganyikwe yose yaili ni umi ya uŵeleuŵele pachilambo.” 17Nipele Akunnungu ŵansalile che Nuhu, “Achi ni chimanyisyo cha lilangano lindesile pasikati jangu ni yepanganyikwe yose pachilambo.”
Che Nuhu ni achiŵanagwe
18Ŵanache ŵa che Nuhu uŵakopweche mu safina ŵaliji che Shemu ni che Hamu ni che Yafeti. Che Hamu ŵaliji atatigwe che Kanaani. 19Ŵele ŵatatu wo ali achiŵanagwe che Nuhu ni kutyochela mwa ŵelewo ŵandu ŵagumbele mchilambo chose.
20Che Nuhu ŵatandite kulima, ni ŵapandile misabibu. 21Ŵang'wele divai, ŵakolelwe, nipele ŵausile iwalo yao ŵagonile matakope mu lisakasa lyao. 22Che Hamu, atatigwe che Kanaani, paŵammweni atatigwe ali matakope, ŵakopweche paasa ni kwasalila achapwakwe ŵaŵili. 23Nambo che Shemu ni che Yafeti ŵajigele nguo, ŵaliuniche mmakoyo mwao, ŵajawile chitukulu nyuma ni kwaunika atati ŵao. Ŵalolite pambali kuti ngasiŵawona atati ŵao ali matakope. 24Che Nuhu puwaatyosile divai muntwe ŵaimanyilile iŵaitesile mwanagwe jwannandi, 25ŵatite,
“Che Kanaani alweseche!
Chaaŵe kapolo jwa pasi nnope mwa achikapolo ŵa achapwakwe.”
26Sooni ŵatite, “Ajinichilwe Ambuje, Akunnungu jwa che Shemu!
Kanaani aŵe kapolo jwakwe.
27Akunnungu auchulusye uŵelesi u che Yafeti,
Che Yafeti atame mmasakasa ga che Shemu!
Kanaani aŵe kapolo jwakwe.”
28Pachamasile chikumba meesi che Nuhu ŵatemi yaka mia tatu na hansini. 29Yaka yose iŵatemi che Nuhu yaliji yaka mia tisa na hansini, ni ŵawile.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.