Ndandililo 38
38
Che Yuda ni che Tamali
1Katema ko, che Yuda ŵalekangene ni achapwakwe ni kwaula kutama ni mundu jumo jwa ku Hadulami, liina lyakwe che Hila. 2Kweleko che Yuda ŵasimene ni mwali jwa mundu jumo Mkanaani liina lyakwe che Shua. Ŵalombele, 3mwali ŵakwete chiilu ni kuŵeleka mwanache jwannume, juŵammilasile che Eli. 4Ŵakwete chiilu chiine ni kuligopola mwanache jwine jwannume ni kwapa liina che Onani. 5Ŵajendelechele, ŵaŵeleche mwanache jwine jwannume ni kwaŵilanga che Shela. Katema paŵapagwile che Shela, che Yuda ŵaliji nkutama ku Kesibu.
6Che Yuda ŵalombekasisye che Eli mwanache jwao jwa kwitiwo mwali liina lyakwe che Tamali. 7Nambo che Eli, mwanache jwakwitiwo ju che Yuda ŵaliji ŵachigongomalo paujo pa Ambuje Akunnungu, kwayele Ambuje Akunnungu ŵaauleje. 8Nipele, che Yuda ŵaasalile che Onani, “Akulu ŵenu ajasiche pangaleka mwanache, nipele njinjile majumba kuti mwaŵelechele ŵanache akulu ŵenu.” 9Nambo che Onani ŵaimanyilile kuti ŵanache wo ngaaŵa ŵao. Nipele paŵagonaga ni ŵakongwe wo, ŵajitilaga paasi mbeju sya uŵelesi kuti akaaŵelechela mpwao ŵanache. 10Chindu chila chaachimile Ambuje Akunnungu, nipele Ambuje Akunnungu ŵammuleje nombe che Onani. 11Nipele che Yuda ŵaasalile che Tamali, akwegwao, “Mmuje nkatame kumusi kwa atati ŵenu, utame wa mundu jwawililwe ni ŵankwawo, mpaka pachakule mwanangu che Shela.” Ŵatite yeleyo ligongo ŵajogopaga kuti ni che Shela akajasika mpela achakulugwe. Kwayele che Tamali ŵapite kutama kwa atatigwe.
12Pagamasile moŵa gamajinji, che Shua ŵankwawo che Yuda ŵajasiche. Pakumala malilo gala, che Yuda ŵatyosile ni ambusangagwe jwakuŵilanjikwa che Hila jwali Mwadulami, ŵaapite ku Timina kwa ŵaakukata manyunya ga ngondolo syakwe. 13Che Tamali ŵapikene kuti akwegwao ali mwitala kwaula ku Timina kukusikata manyunya ga ngondolo syakwe. 14Ŵausile nguo sya kuwala ŵawililwe ni achiŵankwawo ni kuliunichila shela kuti akamanyika, ŵatemi pa nnango wakwinjilila mmusi wa Enaimu, wauli pa litala lyalikwaula ku Timina. Ŵatesile yeleyo pakuŵa ŵaiweni kuti namuno che shela ŵaliji akusile waliji bado kupegwa kuti aŵe ŵankwawo.
15Nipele che Yuda paŵasimene che Tamali pelepo, ŵaganisisye kuti ali jwankongwe jwachigwagwa, pakuŵa aliunichile kumeso. 16Pelepo, pangaimanyilila kuti ŵelewo ŵaliji akwegwao, ŵajaulile paŵatemi mungulugulu litala, ni kwasalila, “Njise ngusaka ng'one ni mmwe.” Che Tamali ŵausisye, “Chimumbe ichichi naga chingunde?” 17Che Yuda ŵajanjile, “Chinampe kandeembe ka mbusi ka mu lichinga lyangu.” Che Tamali ŵaasalile, “Mmiche poni kulosya kuti chimumbe kandeembe ka mbusi ko.” 18Che Yuda ŵausisye, “Nkusaka nampe chindu chi nti poni?” Nombewo ŵajanjile, “Mumbe pete jo ni ngoji wakwe pamo ni lubokola lunkukamulila.” Kwayele ŵapele indu yose ni kugona nao, ni che Tamali ŵakwete chiilu. 19Nipele che Tamali ŵausile ku nyuumba, ŵausile shela jila ni kutakula sooni nguo sya ŵandu ŵawililwe ni achiŵankwawo.
20Nipele, che Yuda ŵantumile ambusangagwe jwakuŵilanjikwa che Hila jwali Mwadulami, ampelechele kandeembe ka mbusi jwankongwe jula kuti ŵauchisye indu iŵaiŵisile poni, nambo nganansimana jwankongwe jula. 21Che Hila ŵausisye achalume ŵampepe ŵa ku Enaimu, “Alikwapi jwankongwe jwachigwagwa juŵaliji mungulugulu litala chiŵandi ni pelepa?” Ŵanjanjile, “Apano nganipaŵe ni jwankongwe jwachigwagwa.” 22Nipele, ambusanga jula ŵausile ku che Yuda ni kwasalila, “Nganinaapata! Sooni achinsyene musi wo atite yakuti nganipaŵe ni jwankongwe jwachigwagwa jwalijose kweleko.” 23Che Yuda ŵatite, “Munneche ajigale yele indu yo, naga ngaŵa yeleyo ŵandu chaatuseche. Mmwe mwasyene nantumile mumpelechele kandeembe ka mbusi nambo nganimunsimana.”
24Pakumala miesi jitatu mundu jumo ŵansalile che Yuda, “Akwegwenu che Tamali aŵele jwachigwagwa ni akwete chitumbo!” Che Yuda ŵajanjile, “Muntyose paasa musi ni mummulaje kwa mooto!”
25Paŵankoposyaga paasa musi, che Tamali ŵapeleche utenga kwa akwegwao achitiji, “Nsyene indu yi ni jwambele chitumbo chi. Kwayele nnole pete ni ngoji jakwe pamo ni lubokola lu, yaacheni.” 26Che Yuda ŵaimanyilile indu ila, ŵatite, “Che Tamali akwete chigolochelo kumbunda une, nelepele kwalombekasya kwa che Shela mwanangu.” Kutandilila lyele lyuŵa che Yuda nganagona sooni ni che Tamali.
27Katema ka kuligopola kwao che Tamali, yamanyiche kuti akwete maŵila. 28Nipele, paŵaliji nkuligopola, mwanache jumo jwakopwesye nkono paasa, jwakuŵelesya ŵautaŵile uusi wechejeu achitiji, “Aju ni jwaandanda kupagwa.” 29Nambo mwanache paŵauusisye nkono nkati, nkulugwe ŵapagwile katema kakoko. Jwakuŵelesya ŵatite, “Kwachichi nkopweche kwa machili?” Kwayele ŵawilanjikwe che Pelesi. 30Kanyuma mpwao ŵapagwile ali ni uusi wechejeu ula munkono wakwe, ŵaŵilanjikwe che Sela.
നിലവിൽ തിരഞ്ഞെടുത്തിരിക്കുന്നു:
Ndandililo 38: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.
Ndandililo 38
38
Che Yuda ni che Tamali
1Katema ko, che Yuda ŵalekangene ni achapwakwe ni kwaula kutama ni mundu jumo jwa ku Hadulami, liina lyakwe che Hila. 2Kweleko che Yuda ŵasimene ni mwali jwa mundu jumo Mkanaani liina lyakwe che Shua. Ŵalombele, 3mwali ŵakwete chiilu ni kuŵeleka mwanache jwannume, juŵammilasile che Eli. 4Ŵakwete chiilu chiine ni kuligopola mwanache jwine jwannume ni kwapa liina che Onani. 5Ŵajendelechele, ŵaŵeleche mwanache jwine jwannume ni kwaŵilanga che Shela. Katema paŵapagwile che Shela, che Yuda ŵaliji nkutama ku Kesibu.
6Che Yuda ŵalombekasisye che Eli mwanache jwao jwa kwitiwo mwali liina lyakwe che Tamali. 7Nambo che Eli, mwanache jwakwitiwo ju che Yuda ŵaliji ŵachigongomalo paujo pa Ambuje Akunnungu, kwayele Ambuje Akunnungu ŵaauleje. 8Nipele, che Yuda ŵaasalile che Onani, “Akulu ŵenu ajasiche pangaleka mwanache, nipele njinjile majumba kuti mwaŵelechele ŵanache akulu ŵenu.” 9Nambo che Onani ŵaimanyilile kuti ŵanache wo ngaaŵa ŵao. Nipele paŵagonaga ni ŵakongwe wo, ŵajitilaga paasi mbeju sya uŵelesi kuti akaaŵelechela mpwao ŵanache. 10Chindu chila chaachimile Ambuje Akunnungu, nipele Ambuje Akunnungu ŵammuleje nombe che Onani. 11Nipele che Yuda ŵaasalile che Tamali, akwegwao, “Mmuje nkatame kumusi kwa atati ŵenu, utame wa mundu jwawililwe ni ŵankwawo, mpaka pachakule mwanangu che Shela.” Ŵatite yeleyo ligongo ŵajogopaga kuti ni che Shela akajasika mpela achakulugwe. Kwayele che Tamali ŵapite kutama kwa atatigwe.
12Pagamasile moŵa gamajinji, che Shua ŵankwawo che Yuda ŵajasiche. Pakumala malilo gala, che Yuda ŵatyosile ni ambusangagwe jwakuŵilanjikwa che Hila jwali Mwadulami, ŵaapite ku Timina kwa ŵaakukata manyunya ga ngondolo syakwe. 13Che Tamali ŵapikene kuti akwegwao ali mwitala kwaula ku Timina kukusikata manyunya ga ngondolo syakwe. 14Ŵausile nguo sya kuwala ŵawililwe ni achiŵankwawo ni kuliunichila shela kuti akamanyika, ŵatemi pa nnango wakwinjilila mmusi wa Enaimu, wauli pa litala lyalikwaula ku Timina. Ŵatesile yeleyo pakuŵa ŵaiweni kuti namuno che shela ŵaliji akusile waliji bado kupegwa kuti aŵe ŵankwawo.
15Nipele che Yuda paŵasimene che Tamali pelepo, ŵaganisisye kuti ali jwankongwe jwachigwagwa, pakuŵa aliunichile kumeso. 16Pelepo, pangaimanyilila kuti ŵelewo ŵaliji akwegwao, ŵajaulile paŵatemi mungulugulu litala, ni kwasalila, “Njise ngusaka ng'one ni mmwe.” Che Tamali ŵausisye, “Chimumbe ichichi naga chingunde?” 17Che Yuda ŵajanjile, “Chinampe kandeembe ka mbusi ka mu lichinga lyangu.” Che Tamali ŵaasalile, “Mmiche poni kulosya kuti chimumbe kandeembe ka mbusi ko.” 18Che Yuda ŵausisye, “Nkusaka nampe chindu chi nti poni?” Nombewo ŵajanjile, “Mumbe pete jo ni ngoji wakwe pamo ni lubokola lunkukamulila.” Kwayele ŵapele indu yose ni kugona nao, ni che Tamali ŵakwete chiilu. 19Nipele che Tamali ŵausile ku nyuumba, ŵausile shela jila ni kutakula sooni nguo sya ŵandu ŵawililwe ni achiŵankwawo.
20Nipele, che Yuda ŵantumile ambusangagwe jwakuŵilanjikwa che Hila jwali Mwadulami, ampelechele kandeembe ka mbusi jwankongwe jula kuti ŵauchisye indu iŵaiŵisile poni, nambo nganansimana jwankongwe jula. 21Che Hila ŵausisye achalume ŵampepe ŵa ku Enaimu, “Alikwapi jwankongwe jwachigwagwa juŵaliji mungulugulu litala chiŵandi ni pelepa?” Ŵanjanjile, “Apano nganipaŵe ni jwankongwe jwachigwagwa.” 22Nipele, ambusanga jula ŵausile ku che Yuda ni kwasalila, “Nganinaapata! Sooni achinsyene musi wo atite yakuti nganipaŵe ni jwankongwe jwachigwagwa jwalijose kweleko.” 23Che Yuda ŵatite, “Munneche ajigale yele indu yo, naga ngaŵa yeleyo ŵandu chaatuseche. Mmwe mwasyene nantumile mumpelechele kandeembe ka mbusi nambo nganimunsimana.”
24Pakumala miesi jitatu mundu jumo ŵansalile che Yuda, “Akwegwenu che Tamali aŵele jwachigwagwa ni akwete chitumbo!” Che Yuda ŵajanjile, “Muntyose paasa musi ni mummulaje kwa mooto!”
25Paŵankoposyaga paasa musi, che Tamali ŵapeleche utenga kwa akwegwao achitiji, “Nsyene indu yi ni jwambele chitumbo chi. Kwayele nnole pete ni ngoji jakwe pamo ni lubokola lu, yaacheni.” 26Che Yuda ŵaimanyilile indu ila, ŵatite, “Che Tamali akwete chigolochelo kumbunda une, nelepele kwalombekasya kwa che Shela mwanangu.” Kutandilila lyele lyuŵa che Yuda nganagona sooni ni che Tamali.
27Katema ka kuligopola kwao che Tamali, yamanyiche kuti akwete maŵila. 28Nipele, paŵaliji nkuligopola, mwanache jumo jwakopwesye nkono paasa, jwakuŵelesya ŵautaŵile uusi wechejeu achitiji, “Aju ni jwaandanda kupagwa.” 29Nambo mwanache paŵauusisye nkono nkati, nkulugwe ŵapagwile katema kakoko. Jwakuŵelesya ŵatite, “Kwachichi nkopweche kwa machili?” Kwayele ŵawilanjikwe che Pelesi. 30Kanyuma mpwao ŵapagwile ali ni uusi wechejeu ula munkono wakwe, ŵaŵilanjikwe che Sela.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.