Ndandililo 30
30
1Che Laheli paŵaiweni kuti nganammelechela che Yakubu ŵanache, ŵankolele wiu che Lea nlumbugwe jula, nipele ŵansalile che Yakubu, “Mumbe ŵanache, iŵaga ngankumba, une chimwe.” 2Che Yakubu ŵantumbilile che Laheli kwannope ni kunsalila, “Ana une mele pamalo pa Akunnungu jwanlekasisye kuŵeleka?” 3Che Laheli ŵatite, “Munjigale che Biliha jwakutumichila jwangu. Ngoneje nawo kuti aŵelechele mwanache pamalo pangu, ni kwanti yele none ngombole kuŵa amao kwakupitila kwa ŵelewo.” 4Kwapele che Laheli ŵampeleche che Biliha kwa che Yakubu ŵankwakwe kuti agone nawo. 5Nombe che Biliha ŵakwete chitumbo, ni ŵammelechele che Yakubu mwanache jwannume. 6Che Laheli ŵatite, “Akunnungu ambanganyichisye mwambone, apilikene kulila kwangu ni kumba mwanache jwannume.” Mwanache jo ŵammilasile Dani. 7Che Biliha jwakutumichila ju che Laheli ŵakwete sooni chitumbo, ni ŵammelechele che Yakubu mwanache jwannume jwaaŵili. 8Pelepo che Laheli ŵatite, “Limbene nawo kwannope nlumbwangu, none mbundile.” Kwayele ŵammilasile mwanache jo Nafutali.
9Che Lea ali aiweni kuti alesile kuŵeleka, ŵanjigele che Silipa jwakutumichila jwakwe, ŵampeleche ku che Yakubu kuti nombewo aŵeje ŵankwakwe. 10Che Silipa ŵammelechele che Yakubu mwanache jwannume. 11Che Lea ni ŵatite, “Ngwete bahati.” Kwayele mwanache jo ŵammilasile Gadi. 12Che Silipa jwakutumichila ju che Lea ŵammelechele che Yakubu mwanache jwannume jwaaŵili. 13Che Lea ŵatite, “Sengwile nnope, sambano achakongwe wose chamilanje une sangalala.” Kwayele mwanache jula ŵammilasile Asheli.
14Katema ka magungulo ga ngano, Lubeni ŵapite kumigunda ni kweleko ŵapatile mbatata syamwitinji, ŵaichenawo ku che Lea achikulugwe. Che Laheli ŵansalile che Lea “Choonde mung'aŵile kanondi mbatata jo janjigalile mwanagwenu.” 15Nambo che Lea ŵanjanjile kuti, “Ana nginikwana kuusumula ŵankwangu? Ni sooni nkusaka musumule mbatata janyigalile mwanangu?”
Che Laheli ŵansalile, “Iŵaga chimung'aŵile mbatata ya mwitinji ya mwanagwenu, che Yakubu tagone kumangwenu chilo chino.”
16Che Yakubu paŵaujaga kutyochela kumigunda ligulo, che Lea ŵajile kukwachingamila, ni ŵaasalile, “Lelo ngoneje mu nyuumba jangu pakuŵa naalipile che Laheli kwa ligongo lyenu mbatata ja mwitinji janyigalile mwanangu.” Kwapele che Yakubu ŵagonile ni che Lea chilo cho. 17Akunnungu ŵapilikene mapopelo ga che Lea, ni che Lea ŵakwete chitumbo, ni ŵammelechele che Yakubu mwanache jwa nsano jwachilume. 18Che Lea ŵatite, “Akunnungu andipile pakuŵa nampeleche jwakutumichila jwangu kwa ŵankwangu.” Kwayele mwanache jo ŵampele liina lyakwe Isakali. 19Che Lea ŵakwete chitumbo chiine, ŵammelechele che Yakubu mwanache jwa sita jwachilume. 20Ŵatite, “Akunnungu ambele ntuuka wakusalala. Sambano ŵankwangu chanjimbichisye pakuŵa naaŵelechele ŵanache ŵachilume sita.” Mwanache jo ŵampele liina lyakwe Sabuloni. 21Kanyuma ŵaŵeleche mwanache jwankongwe, ŵampele liina lyakwe Dina.
22Nipele, Akunnungu ŵankumbuchile che Laheli, ŵapilikene mapopelo gakwe ni ŵantesile aŵeleche ŵanache. 23Che Laheli ŵakwete chitumbo, ŵaŵeleche mwanache jwannume ni ŵatite, “Akunnungu andyosisye soni syangu.” 24Mwanache jo ŵampele liina lyakwe Yusufu achitiji, “Ambuje Akunnungu ambe mwanache jwine jannume.”
Che Yakubu akusichila
25Che Laheli paŵaaŵeleche Yusufu, che Yakubu ŵaasalile che Labani, “Mungunde nyaule kumangwetu, mu chilambo changu. 26Mumbe achiŵankwangu ni achiŵanangu ŵanapatile pakuntumichila mmwe, nyauleje pakuŵa mmwejo nkumanyilila kuti nantumichile uchenene.”
27Nambo che Labani ŵansalile che Yakubu, “Iŵaga mungundile, choonde nkatyoka. Naimanyi kwa chisango kuti, Ambuje ambele upile une ligongo lya mmwejo. 28Musalile malipilo gankugasaka none tinampe.” 29Che Yakubu ŵansalile che Labani, “Mmwejo mwasyene nkumanyilila indite pakuntumichila ni indite pakuigosa ilango yenu. 30Pakuŵa ngunaŵe kwika mwakwete ipanje kanandi, nambo sambano itupile nnope, ni Ambuje ŵapapele upile palipose pambite. Sambano ana chakachi chinjenjeuchile ya mu nyuumba jangu nansyene?”
31Che Labani ŵammusisye, “Ana nampe ichichi?”
Che Yakubu ŵajanjile, “Une ngangusaka malipilo galigose. Nambo tinyendelechele kulanga ilango yenu iŵaga chinjitichisye ingusala yi. 32Lelo angunde kuti nyaule pasikati pa ilango yenu yose, ngasagule ngondolo jajili ni maŵalamaŵala pane madomedome ni kila ngondolo jepiliu ni kila mbusi jajili ni maŵalamaŵala pane madomedome. Gelego ni chigaŵe malipilo gangu. 33Pa moŵa gagakwika, chinkuone kukulupilichika kwangu pangasisika, pachinnyiche kukulola malipilo gamumbele. Iŵaga chalole kuti ngwete mbusi jilijose jangali madomedome pane maŵalamaŵala ni ngondolo jilijose jangaŵa jepiliu chamanyilile kuti jele mbusi jo pane ngondolo jo jili jakwiŵa.”
34Che Labani ŵatite, “Mwambone! Itendekwe mpela intite kuŵecheta.” 35Nambo pa lyuŵa lilyolyo che Labani ŵatyosisye tonde syose sya maŵalamaŵala pane madomedome. Watyosisye sooni mbusi syose syasikongwe sya maŵalamaŵala pane madomedome, ni jilijose jijakwete liŵala lyeswela pachiilu pakwe, sooni ngondolo syepiliu syose, ŵasipeleche kwa achiŵanagwe kuti asiloleje. 36Che Labani ŵalekangene ni che Yakubu, ŵajesile lwendo lwa moŵa gatatu, ni che Yakubu ŵasigalile achilolesyaga ilango isigalile.
37Che Yakubu ŵajigele fito syasiŵisi sya itela yaikuŵilankikwa mlubina ni mlozi ni mwalamoni, ŵagwagwile kuti maŵalamaŵala gawoneche mu fito syo. 38Ŵasijimiche fito syo paujo pa ilango pamalo gaakung'welela meesi kuti ilango yo iloleje pakung'wa meesi. Ni pakuŵa ilango yo payaikaga kug'wa meesi ni katema payaliji nkumemesya, 39ŵatendaga yeleyo paujo pa syele fito syo ni inyama yajigele itumbo, yaŵeleche inyama ya maŵalamaŵala pane madomedome. 40Ngondolo sine syati che Yakubu ŵasilangaga si che Labani syaliji ni maŵalamaŵala ni sine madomedome. Aŵala ŵane paŵaliji mu katema ka kumemesya ŵatesile asilole asila syasili mi maŵalamaŵala ni madomedome. Kwa litala lyo, che Yakubu ŵapatile ngondolo syakwe nsyene, nganasiwanganya ni mpingo wa inyama ya che Labani. 41Katema inyama yaili ni machili payamemesyaga, che Yakubu ŵajimikaga fito syo pakungw'esyesya meesi inyama, kuti ikole itumbo pa fito syo. 42Nambo inyama yangali machili payamemesyaga nganaŵika fito paujo pao. Kwayele, inyama yangali machili yaliji ya che Labani, ni yaikwete machili yaliji ya che Yakubu. 43Nipele, che Yakubu ŵaliji ŵakusichila nnope, nombe ŵakwete mipingo jajikulungwa ja ngondolo ni mbusi ni ngamia ni mbunda, iyoyo ŵaliji ni ŵakutumichila achakongwe ni achalume.
നിലവിൽ തിരഞ്ഞെടുത്തിരിക്കുന്നു:
Ndandililo 30: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.
Ndandililo 30
30
1Che Laheli paŵaiweni kuti nganammelechela che Yakubu ŵanache, ŵankolele wiu che Lea nlumbugwe jula, nipele ŵansalile che Yakubu, “Mumbe ŵanache, iŵaga ngankumba, une chimwe.” 2Che Yakubu ŵantumbilile che Laheli kwannope ni kunsalila, “Ana une mele pamalo pa Akunnungu jwanlekasisye kuŵeleka?” 3Che Laheli ŵatite, “Munjigale che Biliha jwakutumichila jwangu. Ngoneje nawo kuti aŵelechele mwanache pamalo pangu, ni kwanti yele none ngombole kuŵa amao kwakupitila kwa ŵelewo.” 4Kwapele che Laheli ŵampeleche che Biliha kwa che Yakubu ŵankwakwe kuti agone nawo. 5Nombe che Biliha ŵakwete chitumbo, ni ŵammelechele che Yakubu mwanache jwannume. 6Che Laheli ŵatite, “Akunnungu ambanganyichisye mwambone, apilikene kulila kwangu ni kumba mwanache jwannume.” Mwanache jo ŵammilasile Dani. 7Che Biliha jwakutumichila ju che Laheli ŵakwete sooni chitumbo, ni ŵammelechele che Yakubu mwanache jwannume jwaaŵili. 8Pelepo che Laheli ŵatite, “Limbene nawo kwannope nlumbwangu, none mbundile.” Kwayele ŵammilasile mwanache jo Nafutali.
9Che Lea ali aiweni kuti alesile kuŵeleka, ŵanjigele che Silipa jwakutumichila jwakwe, ŵampeleche ku che Yakubu kuti nombewo aŵeje ŵankwakwe. 10Che Silipa ŵammelechele che Yakubu mwanache jwannume. 11Che Lea ni ŵatite, “Ngwete bahati.” Kwayele mwanache jo ŵammilasile Gadi. 12Che Silipa jwakutumichila ju che Lea ŵammelechele che Yakubu mwanache jwannume jwaaŵili. 13Che Lea ŵatite, “Sengwile nnope, sambano achakongwe wose chamilanje une sangalala.” Kwayele mwanache jula ŵammilasile Asheli.
14Katema ka magungulo ga ngano, Lubeni ŵapite kumigunda ni kweleko ŵapatile mbatata syamwitinji, ŵaichenawo ku che Lea achikulugwe. Che Laheli ŵansalile che Lea “Choonde mung'aŵile kanondi mbatata jo janjigalile mwanagwenu.” 15Nambo che Lea ŵanjanjile kuti, “Ana nginikwana kuusumula ŵankwangu? Ni sooni nkusaka musumule mbatata janyigalile mwanangu?”
Che Laheli ŵansalile, “Iŵaga chimung'aŵile mbatata ya mwitinji ya mwanagwenu, che Yakubu tagone kumangwenu chilo chino.”
16Che Yakubu paŵaujaga kutyochela kumigunda ligulo, che Lea ŵajile kukwachingamila, ni ŵaasalile, “Lelo ngoneje mu nyuumba jangu pakuŵa naalipile che Laheli kwa ligongo lyenu mbatata ja mwitinji janyigalile mwanangu.” Kwapele che Yakubu ŵagonile ni che Lea chilo cho. 17Akunnungu ŵapilikene mapopelo ga che Lea, ni che Lea ŵakwete chitumbo, ni ŵammelechele che Yakubu mwanache jwa nsano jwachilume. 18Che Lea ŵatite, “Akunnungu andipile pakuŵa nampeleche jwakutumichila jwangu kwa ŵankwangu.” Kwayele mwanache jo ŵampele liina lyakwe Isakali. 19Che Lea ŵakwete chitumbo chiine, ŵammelechele che Yakubu mwanache jwa sita jwachilume. 20Ŵatite, “Akunnungu ambele ntuuka wakusalala. Sambano ŵankwangu chanjimbichisye pakuŵa naaŵelechele ŵanache ŵachilume sita.” Mwanache jo ŵampele liina lyakwe Sabuloni. 21Kanyuma ŵaŵeleche mwanache jwankongwe, ŵampele liina lyakwe Dina.
22Nipele, Akunnungu ŵankumbuchile che Laheli, ŵapilikene mapopelo gakwe ni ŵantesile aŵeleche ŵanache. 23Che Laheli ŵakwete chitumbo, ŵaŵeleche mwanache jwannume ni ŵatite, “Akunnungu andyosisye soni syangu.” 24Mwanache jo ŵampele liina lyakwe Yusufu achitiji, “Ambuje Akunnungu ambe mwanache jwine jannume.”
Che Yakubu akusichila
25Che Laheli paŵaaŵeleche Yusufu, che Yakubu ŵaasalile che Labani, “Mungunde nyaule kumangwetu, mu chilambo changu. 26Mumbe achiŵankwangu ni achiŵanangu ŵanapatile pakuntumichila mmwe, nyauleje pakuŵa mmwejo nkumanyilila kuti nantumichile uchenene.”
27Nambo che Labani ŵansalile che Yakubu, “Iŵaga mungundile, choonde nkatyoka. Naimanyi kwa chisango kuti, Ambuje ambele upile une ligongo lya mmwejo. 28Musalile malipilo gankugasaka none tinampe.” 29Che Yakubu ŵansalile che Labani, “Mmwejo mwasyene nkumanyilila indite pakuntumichila ni indite pakuigosa ilango yenu. 30Pakuŵa ngunaŵe kwika mwakwete ipanje kanandi, nambo sambano itupile nnope, ni Ambuje ŵapapele upile palipose pambite. Sambano ana chakachi chinjenjeuchile ya mu nyuumba jangu nansyene?”
31Che Labani ŵammusisye, “Ana nampe ichichi?”
Che Yakubu ŵajanjile, “Une ngangusaka malipilo galigose. Nambo tinyendelechele kulanga ilango yenu iŵaga chinjitichisye ingusala yi. 32Lelo angunde kuti nyaule pasikati pa ilango yenu yose, ngasagule ngondolo jajili ni maŵalamaŵala pane madomedome ni kila ngondolo jepiliu ni kila mbusi jajili ni maŵalamaŵala pane madomedome. Gelego ni chigaŵe malipilo gangu. 33Pa moŵa gagakwika, chinkuone kukulupilichika kwangu pangasisika, pachinnyiche kukulola malipilo gamumbele. Iŵaga chalole kuti ngwete mbusi jilijose jangali madomedome pane maŵalamaŵala ni ngondolo jilijose jangaŵa jepiliu chamanyilile kuti jele mbusi jo pane ngondolo jo jili jakwiŵa.”
34Che Labani ŵatite, “Mwambone! Itendekwe mpela intite kuŵecheta.” 35Nambo pa lyuŵa lilyolyo che Labani ŵatyosisye tonde syose sya maŵalamaŵala pane madomedome. Watyosisye sooni mbusi syose syasikongwe sya maŵalamaŵala pane madomedome, ni jilijose jijakwete liŵala lyeswela pachiilu pakwe, sooni ngondolo syepiliu syose, ŵasipeleche kwa achiŵanagwe kuti asiloleje. 36Che Labani ŵalekangene ni che Yakubu, ŵajesile lwendo lwa moŵa gatatu, ni che Yakubu ŵasigalile achilolesyaga ilango isigalile.
37Che Yakubu ŵajigele fito syasiŵisi sya itela yaikuŵilankikwa mlubina ni mlozi ni mwalamoni, ŵagwagwile kuti maŵalamaŵala gawoneche mu fito syo. 38Ŵasijimiche fito syo paujo pa ilango pamalo gaakung'welela meesi kuti ilango yo iloleje pakung'wa meesi. Ni pakuŵa ilango yo payaikaga kug'wa meesi ni katema payaliji nkumemesya, 39ŵatendaga yeleyo paujo pa syele fito syo ni inyama yajigele itumbo, yaŵeleche inyama ya maŵalamaŵala pane madomedome. 40Ngondolo sine syati che Yakubu ŵasilangaga si che Labani syaliji ni maŵalamaŵala ni sine madomedome. Aŵala ŵane paŵaliji mu katema ka kumemesya ŵatesile asilole asila syasili mi maŵalamaŵala ni madomedome. Kwa litala lyo, che Yakubu ŵapatile ngondolo syakwe nsyene, nganasiwanganya ni mpingo wa inyama ya che Labani. 41Katema inyama yaili ni machili payamemesyaga, che Yakubu ŵajimikaga fito syo pakungw'esyesya meesi inyama, kuti ikole itumbo pa fito syo. 42Nambo inyama yangali machili payamemesyaga nganaŵika fito paujo pao. Kwayele, inyama yangali machili yaliji ya che Labani, ni yaikwete machili yaliji ya che Yakubu. 43Nipele, che Yakubu ŵaliji ŵakusichila nnope, nombe ŵakwete mipingo jajikulungwa ja ngondolo ni mbusi ni ngamia ni mbunda, iyoyo ŵaliji ni ŵakutumichila achakongwe ni achalume.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.