Ndandililo 22
22
Akunnungu akunninga che Ibulahimu
1Pakumala yeleyo, Akunnungu ŵanlinjile che Ibulahimu, Akunnungu ŵammilasile, “Che Ibulahimu!” Nombejo ŵajitiche, “Une ndili apano.” 2Nipele Akunnungu ŵansalile che Ibulahimu, “Munjigale mwanagwenu che Isaka, mwanagwenu jwa jikajika pe ni junkunnonyela kwannope, njaule ku chilambo cha Molia, nkantyosye nti mbopesi jakutinisya pa litumbi lichinganlosye.” 3Malaŵi jakwe che Ibulahimu ŵajimwiche kundaŵipe, ŵasalulenye sasu ni kujitwika mbunda jakwe, ŵaajigele che Isaka ni ŵakutumichila ŵaŵili. Nipele ŵatandite ulendo kwaula kwiuto Akunnungu kuŵansalile ajaule. 4Pa lyuŵa lya tatu lya ulendo wao, che Ibulahimu ŵajinamukwile meeso gakwe ni ŵaliweni liuto kwa kutalichila. 5Ŵaasalile ŵakutumichila ŵakwe, “Ŵanyamwe nsigale apano pamo ni mbunda ji. Une ni nchanda jwangu ju tukwaula apala kwapopelela Akunnungu, nipele chitunsimane apano.”
6Pelepo che Ibulahimu ŵajigele sasu sila ni kuntwika che Isaka mwanagwe, nsyene ŵajigele mooto pamo ni chipula mu nkono wakwe. Ni paŵaliji nkwaula, 7Che Isaka ŵammilasile atatigwe, “Atati.”
Che Ibulahimu ŵajanjile, “Elo, nkuti uli.”
Che Isaka ŵausisye, “Mooto ni sasu ipali, ana mwanangondolo jwa mbopesi jakutinisya jo ali kwapi?” 8Che Ibulahimu ŵanjanjile, “Mwanangu, Akunnungu nsyene chatupe mwanangondolo jwa kutyosya mbopesi.” Nipele wose ŵaŵili ŵajendelechele ni ulendo wao.
9Paŵaiche kwele kuŵasalile ni Akunnungu kuti ajaule, che Ibulahimu ŵataŵile chilisa cha maganga ni ŵaŵisile sasu pachanya pakwe. Nipele ŵantaŵile che Isaka mwanagwe ni kungoneka pa sasu syasili pachanya pa chilisa. 10Che Ibulahimu ŵajongwele nkono wakwe ŵasolomwele chipula kuti ansikite mwanagwe jo.
11Nambo katumetume jwa kwinani jwa Ambuje ŵaŵilasile achitiji, “Che Ibulahimu! Che Ibulahimu!” Nombejo ŵajitiche, “Une ndili apano!” 12Katumetume jwa kwinani jo ŵansalile, “Kasimummulasya mwanache jo namose kasimuntenda chachilichose mwanagwenu! Sambano manyilile kuti nkwete lipamba nkati Akunnungu, pakuŵa nganimunyima mwanagwenu, mwanagwenu jwa jikape.” 13Nipele, che Ibulahimu ŵalolite lolite, ŵajiweni ngondolo tonde panyuma pao jili jitanjile misengo jakwe pa chisukutu. Nipele ŵajawile ni kujijigala ngondolo jila ni kujityosya mbopesi jakutinisya pamalo pa mwanagwe. 14Kwayele, che Ibulahimu ŵapaŵilasile peuto po, “Ambuje chatupe.” Mpela ŵandu yakuti kusala mpaka lelo jino, “Pa litumbi lya Ambuje, Ambuje chatupe.”
15Katumetume jwa kwinani jwa Ambuje ŵammilasile che Ibulahimu kaaŵili kutyochela kwinani, 16ŵansalile, “Ambuje akuti yele ‘Une numbilile kwa liina lyangu nansyene kuti pakuŵa ntesile yeleyi, namose nganinkaana kuumba mwanagwenu jwa jikape junkunnonyela, 17isyene chinampe upile, ni uŵelesi wenu chinauchuluye, chiuŵe wangaŵalanjikwa mpela ndondwa sya kwiunde, ni mpela nsanga wa kumbwani. Nombewo chajigale misi ja ŵammagongo ŵao jiŵe jao, 18ni kutyochela ni uŵelesi wenu ŵandu ŵa ilambo yose chapegwe upile ligongo mmwe njiitichisye malajisyo gangu.’ ” 19Nipele, che Ibulahimu ŵaaujilile ŵakutumichila ŵakwe, ni wose ŵatyosile kwa pamo ni kuuja ku Beli Sheba kuŵatamaga che Ibulahimu, nombejo ŵatemi ku Beli Sheba ko.
Uŵelesi u che Naholi
20Pakumala kutyochela yeleyo che Ibulahimu ŵasalilwe kuti che Milika nombe nawo ŵaŵelechele che Naholi mpwenu ŵanache ŵa chilume: 21Che Usi juŵaliji jwakwitiwo, ni che Busi jwaŵili jwakwe ni che Kemueli jwaali atati ŵao che Alamu, 22ni che Kesedi ni che Haso ni che Pilidashi ni che Yidilafu ni che Besueli. 23Che Besueli ŵammeleche che Labeka. Che Milika ŵaŵelechele che Naholi mpwakwe che Ibulahimu ŵanache nane. 24Che Leuma chilanga chao che Naholi, nombejo ŵaaŵelechele che Naholi ŵanache ncheche: Che Teba, ni che Gahamu, ni che Tahashi ni che Maaka.
നിലവിൽ തിരഞ്ഞെടുത്തിരിക്കുന്നു:
Ndandililo 22: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.
Ndandililo 22
22
Akunnungu akunninga che Ibulahimu
1Pakumala yeleyo, Akunnungu ŵanlinjile che Ibulahimu, Akunnungu ŵammilasile, “Che Ibulahimu!” Nombejo ŵajitiche, “Une ndili apano.” 2Nipele Akunnungu ŵansalile che Ibulahimu, “Munjigale mwanagwenu che Isaka, mwanagwenu jwa jikajika pe ni junkunnonyela kwannope, njaule ku chilambo cha Molia, nkantyosye nti mbopesi jakutinisya pa litumbi lichinganlosye.” 3Malaŵi jakwe che Ibulahimu ŵajimwiche kundaŵipe, ŵasalulenye sasu ni kujitwika mbunda jakwe, ŵaajigele che Isaka ni ŵakutumichila ŵaŵili. Nipele ŵatandite ulendo kwaula kwiuto Akunnungu kuŵansalile ajaule. 4Pa lyuŵa lya tatu lya ulendo wao, che Ibulahimu ŵajinamukwile meeso gakwe ni ŵaliweni liuto kwa kutalichila. 5Ŵaasalile ŵakutumichila ŵakwe, “Ŵanyamwe nsigale apano pamo ni mbunda ji. Une ni nchanda jwangu ju tukwaula apala kwapopelela Akunnungu, nipele chitunsimane apano.”
6Pelepo che Ibulahimu ŵajigele sasu sila ni kuntwika che Isaka mwanagwe, nsyene ŵajigele mooto pamo ni chipula mu nkono wakwe. Ni paŵaliji nkwaula, 7Che Isaka ŵammilasile atatigwe, “Atati.”
Che Ibulahimu ŵajanjile, “Elo, nkuti uli.”
Che Isaka ŵausisye, “Mooto ni sasu ipali, ana mwanangondolo jwa mbopesi jakutinisya jo ali kwapi?” 8Che Ibulahimu ŵanjanjile, “Mwanangu, Akunnungu nsyene chatupe mwanangondolo jwa kutyosya mbopesi.” Nipele wose ŵaŵili ŵajendelechele ni ulendo wao.
9Paŵaiche kwele kuŵasalile ni Akunnungu kuti ajaule, che Ibulahimu ŵataŵile chilisa cha maganga ni ŵaŵisile sasu pachanya pakwe. Nipele ŵantaŵile che Isaka mwanagwe ni kungoneka pa sasu syasili pachanya pa chilisa. 10Che Ibulahimu ŵajongwele nkono wakwe ŵasolomwele chipula kuti ansikite mwanagwe jo.
11Nambo katumetume jwa kwinani jwa Ambuje ŵaŵilasile achitiji, “Che Ibulahimu! Che Ibulahimu!” Nombejo ŵajitiche, “Une ndili apano!” 12Katumetume jwa kwinani jo ŵansalile, “Kasimummulasya mwanache jo namose kasimuntenda chachilichose mwanagwenu! Sambano manyilile kuti nkwete lipamba nkati Akunnungu, pakuŵa nganimunyima mwanagwenu, mwanagwenu jwa jikape.” 13Nipele, che Ibulahimu ŵalolite lolite, ŵajiweni ngondolo tonde panyuma pao jili jitanjile misengo jakwe pa chisukutu. Nipele ŵajawile ni kujijigala ngondolo jila ni kujityosya mbopesi jakutinisya pamalo pa mwanagwe. 14Kwayele, che Ibulahimu ŵapaŵilasile peuto po, “Ambuje chatupe.” Mpela ŵandu yakuti kusala mpaka lelo jino, “Pa litumbi lya Ambuje, Ambuje chatupe.”
15Katumetume jwa kwinani jwa Ambuje ŵammilasile che Ibulahimu kaaŵili kutyochela kwinani, 16ŵansalile, “Ambuje akuti yele ‘Une numbilile kwa liina lyangu nansyene kuti pakuŵa ntesile yeleyi, namose nganinkaana kuumba mwanagwenu jwa jikape junkunnonyela, 17isyene chinampe upile, ni uŵelesi wenu chinauchuluye, chiuŵe wangaŵalanjikwa mpela ndondwa sya kwiunde, ni mpela nsanga wa kumbwani. Nombewo chajigale misi ja ŵammagongo ŵao jiŵe jao, 18ni kutyochela ni uŵelesi wenu ŵandu ŵa ilambo yose chapegwe upile ligongo mmwe njiitichisye malajisyo gangu.’ ” 19Nipele, che Ibulahimu ŵaaujilile ŵakutumichila ŵakwe, ni wose ŵatyosile kwa pamo ni kuuja ku Beli Sheba kuŵatamaga che Ibulahimu, nombejo ŵatemi ku Beli Sheba ko.
Uŵelesi u che Naholi
20Pakumala kutyochela yeleyo che Ibulahimu ŵasalilwe kuti che Milika nombe nawo ŵaŵelechele che Naholi mpwenu ŵanache ŵa chilume: 21Che Usi juŵaliji jwakwitiwo, ni che Busi jwaŵili jwakwe ni che Kemueli jwaali atati ŵao che Alamu, 22ni che Kesedi ni che Haso ni che Pilidashi ni che Yidilafu ni che Besueli. 23Che Besueli ŵammeleche che Labeka. Che Milika ŵaŵelechele che Naholi mpwakwe che Ibulahimu ŵanache nane. 24Che Leuma chilanga chao che Naholi, nombejo ŵaaŵelechele che Naholi ŵanache ncheche: Che Teba, ni che Gahamu, ni che Tahashi ni che Maaka.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.