Ndandililo 19
19
Sambi sya ŵandu ŵa ku Sodoma
1Nipele aŵala achikatumetume ŵaŵili ŵaiche ku Sodoma ligulo. Che Lutu ŵaliji atemi pa nnango wekulungwa wa musi wa Sodoma, paŵaweni, ŵajimi ni kwaula kukwapochela, ŵajineme mpaka paasi, 2achitiji, “Achachimwene ŵangu, choonde twende nkaichile mu nyuumba jangu une jwakutumichila jwenu. Nkukombola kugakunda makongolo ni gona mu nyuumba mwangu chilo cha lelo. Kundaŵipe chinjendelechele ni ulendo wenu.”
Nambo ŵanyawo ŵajanjile, “Ngwamba, tutugone paluŵala.”
3Che Lutu ŵachondelele nnope, mbesi jakwe achikatumetume ŵala ŵajitichisye ni kwinjila mu nyuumba jakwe. Ni che Lutu ŵaakulumichisye chakulya, ŵaakolochesye mikate jangatagwa amila ni ŵanyawo ŵalile.
4Nambo chilo akanaŵe gonanga, achalume wose ŵa musi wa ku Sodoma, achachanda ni achachekulu wose ŵajisyungwile nyuumba ji che Lutu. 5Ŵaŵilasile che Lutu ni kwausya, “Alinji kwapi achalume ŵaiche kumangwenu chilo chino? Mwatyosye paasa. Tukusaka kugona nawo.”
6Che Lutu ŵatyosile paasa ni kuugala nnango chapanyuma, 7ni ŵatite, “Achambusanga ŵangu, ngasintenda chigongomalo chanti yeleyo. 8Nnole, ngwete achiŵali ŵaŵili ŵanganagone ni achalume. Nneche nampanje ŵelewo kuti ntende yaili yose inkwisaka kukwao. Nambo nkatenda chilichose kwa ŵele achalume pakuŵa aŵele achalendo ŵangu.”
9Nambo ŵanyawo ŵatite, “Ntupisye! Mwe mwaiche apano nli jwannendo, sano nkusaka kulitenda jwakutulamula! Sambano tutuntendele yangalimate mwasyene kupunda achalendo ŵenu.” Pelepo ŵantutile che Lutu achisakaga atemangulanye nnango wao. 10Nambo achalendo ŵala ŵagolwesye makono gao paasa ni kwautila che Lutu mu nyuumba ni kuugala nnango. 11Nipele ŵaputile chiputa mmeeso ŵandu wose ŵaŵaliji paasa, achanandi kwa achakulungwa, kwayele nganakombolanga kuuwona nnango.
Che Lutu akutyoka ku Sodoma
12Wandu ŵaŵili ŵala ŵaausisye che Lutu, “Uli, nkwete mundu jwine apano, pane achiŵana ŵenu pane achakwegwenu pane achalongo achinjenu ŵakutama mu musi wu? Mwatyosye apano, 13ligongo tukusaka kuujonanga musi wu. Pakuwa Ambuje agapikene madandaulisi gamakulungwa nkati ŵandu ŵa awu musi, nombewo atulajisye tuujonanje.”
14Nipele, che Lutu ŵajaulile achachanda ŵaŵatomele achiŵali wao, ŵaasalile, “Njanguye! Ntyochanje apano, pakuŵa Ambuje akusaka kuujonanga awu musi wu.” Nambo achakwegwao ŵala ŵaiweni nti akutenda yauŵilo.
15Pakwachele, achikatumetume ŵachisisye che Lutu alinkuti, “Njanguye! Mwajigale ŵankwenu ni achiŵali ŵenu ŵaŵili ntyochanje paasa kuti ngasinjonasika katema Ambuje pachaujonanje musi wu.” 16Che Lutu ŵaliji nkulunyalunya. Nambo pakuŵa Ambuje ŵaakolele chanasa che Lutu, achikatumetume ŵala ŵaakamwile makono jwelejo ni ŵankwawo ni achiŵali ŵao ŵaŵili ni kwatyosya paasa musi. 17Paŵatyosisye paasa musi, katumetume jumo ŵaasalile ŵanyawo kuti, “Mbutuche kuti muukulupusye umi wenu. Ngasinlola panyuma namose kwima palipose pa lichemba. Mbutuchile kumatumbi nkaika kuwa.”
18Nambo che Lutu ŵaasalile, “Ngaŵa yeleyo, achachimwene wangu! 19Isyene une jwakutumichila jwenu mbatile kukundikwa paujo penu, ni ŵanyamwe mungolele chanasa kwa kuukulupusya umi wangu. Nambo ngangukombola kuutuchila mpaka kumatumbi uwonasi wu chiuusimane ngunaŵe kwika kweleko, none chimwe. 20Nnole, akula kwana musi wenondi, uli mutuchile kweleko pakuŵa uli wenondi ni kuŵandichile? Mungunde mutuchile kweleko, kwele chiname.”
21Nombejo ŵanjanjile, “Elo, ngundile chimmendile. Nganguujonanga musi umusasile wo. 22Njanguye! Mbutuchile kweleko, none ngundenda chilichose mpaka pachinyiche kweleko.” Nipele wele musi waŵilanjikwe Soali.
Misi ja ku Sodoma ni ku Gomola jikonasikwa
23Lyuŵa lyaliji likopweche katema che Lutu paŵajinjile mmusi wa ku Soali. 24Nipele kutyochela kwinani Ambuje ŵanyesisye ula ja wonga pa misi ja ku Sodoma ni Gomola, 25ŵajonasile misi jo, ni lichemba lyose ni ŵandu wose ŵa musi wo, iyoyopeyo ŵajonasile ni mimela jose jijaliji mu ilambo yo. 26Nambo ŵankwawo che Lutu ŵalolite panyuma, papopo ŵagalawiche ni kuŵa chimila cha njete.
27Kundaŵi jakwe kuli mbulutu, che Ibulahimu ŵajimwiche ni kwaula peuto paŵaliji ajimi paujo pa Ambuje. 28Nipele paŵaliji pele, ŵalolite ku misi ja ku Sodoma ni ku Gomola ni liuto lyose lya lichemba, ŵaliweni lyosi lili nkukwela kwaula kwinani mpela lyosi lya litanuli lyekulungwa. 29Nipele Ambuje paŵajijonasile misi ja lichemba liŵatamaga che Lutu, ŵankumbuchile che Ibulahimu, ni ŵantyosisye che Lutu mu uwonasi wo kuti akajonasikwa.
Chipago cha Ŵamoabu ni Ŵaamoni
30Pakuŵa che Lutu ŵajogwepe kutama ku Soali, ŵakwesile ku litumbi pamo ni achiŵali ŵao ŵala, ni kutama mu mbugu. 31Lyuŵa limo mwali jwankulungwa jula ŵansalile mpwakwe, “Atati ŵetu achekulwipe, ni chilambo chatukutama chi ngapagwa jwannume juchatujigale ni kutuŵelekasya ŵanache mpela yaitite kusyoŵelecheka pachilambo pose. 32Nipele, twang'wesye divai kuti akolelwe ni tugone nawo, tuŵeleche nawo ŵanache.” 33Chele chilo cho ŵang'wesisye atati ŵao divai nombejo ŵakolelwe kwannope, mwali jwankulungwa jula ŵajinjile ni kugona ni atatigwe. Nambo atatigwe wo nganaimanyililaga katema mwali paŵagonile nawo namose paŵajimwiche.
34Malaŵi jakwe mwali jwankulungwa jula ŵansalile mpwakwe jula, “Chilo nagonile ni atati, lelo twangwesye sooni divai kuti akolelwe, ni chilo nkagone nawo. Nipele uweji wose chituŵeleche ŵanache ni atati ŵetu kuti uŵelesi wakwe ukamala.” 35Iyoyo, chele chilo cho ŵang'wesisye atati ŵao divai kuti akolelwe. Nipele mwali jwannandi jula ŵajinjile gona nawo. Nambo atati ŵao nganaimanyililaga katema mwali paŵagonile nawo atamuno pawajimwiche. 36Kwayele, achiŵali wose ŵaŵili ŵakwete itumbo ya atati ŵao. 37Mwali jwankulungwa jula ŵaligopwele mwanache jwannume, ŵampele liina lyakwe Moabu. Jwelejo ni chipago cha Ŵamoabu mpaka lelo jino. 38Mwali jwannandi jula nombejo ŵaligopwele mwanache jwannume, ŵampele liina lyakwe Beni Ami. Jwele ni chipago cha Ŵaamoni mpaka lelo jino.
നിലവിൽ തിരഞ്ഞെടുത്തിരിക്കുന്നു:
Ndandililo 19: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.
Ndandililo 19
19
Sambi sya ŵandu ŵa ku Sodoma
1Nipele aŵala achikatumetume ŵaŵili ŵaiche ku Sodoma ligulo. Che Lutu ŵaliji atemi pa nnango wekulungwa wa musi wa Sodoma, paŵaweni, ŵajimi ni kwaula kukwapochela, ŵajineme mpaka paasi, 2achitiji, “Achachimwene ŵangu, choonde twende nkaichile mu nyuumba jangu une jwakutumichila jwenu. Nkukombola kugakunda makongolo ni gona mu nyuumba mwangu chilo cha lelo. Kundaŵipe chinjendelechele ni ulendo wenu.”
Nambo ŵanyawo ŵajanjile, “Ngwamba, tutugone paluŵala.”
3Che Lutu ŵachondelele nnope, mbesi jakwe achikatumetume ŵala ŵajitichisye ni kwinjila mu nyuumba jakwe. Ni che Lutu ŵaakulumichisye chakulya, ŵaakolochesye mikate jangatagwa amila ni ŵanyawo ŵalile.
4Nambo chilo akanaŵe gonanga, achalume wose ŵa musi wa ku Sodoma, achachanda ni achachekulu wose ŵajisyungwile nyuumba ji che Lutu. 5Ŵaŵilasile che Lutu ni kwausya, “Alinji kwapi achalume ŵaiche kumangwenu chilo chino? Mwatyosye paasa. Tukusaka kugona nawo.”
6Che Lutu ŵatyosile paasa ni kuugala nnango chapanyuma, 7ni ŵatite, “Achambusanga ŵangu, ngasintenda chigongomalo chanti yeleyo. 8Nnole, ngwete achiŵali ŵaŵili ŵanganagone ni achalume. Nneche nampanje ŵelewo kuti ntende yaili yose inkwisaka kukwao. Nambo nkatenda chilichose kwa ŵele achalume pakuŵa aŵele achalendo ŵangu.”
9Nambo ŵanyawo ŵatite, “Ntupisye! Mwe mwaiche apano nli jwannendo, sano nkusaka kulitenda jwakutulamula! Sambano tutuntendele yangalimate mwasyene kupunda achalendo ŵenu.” Pelepo ŵantutile che Lutu achisakaga atemangulanye nnango wao. 10Nambo achalendo ŵala ŵagolwesye makono gao paasa ni kwautila che Lutu mu nyuumba ni kuugala nnango. 11Nipele ŵaputile chiputa mmeeso ŵandu wose ŵaŵaliji paasa, achanandi kwa achakulungwa, kwayele nganakombolanga kuuwona nnango.
Che Lutu akutyoka ku Sodoma
12Wandu ŵaŵili ŵala ŵaausisye che Lutu, “Uli, nkwete mundu jwine apano, pane achiŵana ŵenu pane achakwegwenu pane achalongo achinjenu ŵakutama mu musi wu? Mwatyosye apano, 13ligongo tukusaka kuujonanga musi wu. Pakuwa Ambuje agapikene madandaulisi gamakulungwa nkati ŵandu ŵa awu musi, nombewo atulajisye tuujonanje.”
14Nipele, che Lutu ŵajaulile achachanda ŵaŵatomele achiŵali wao, ŵaasalile, “Njanguye! Ntyochanje apano, pakuŵa Ambuje akusaka kuujonanga awu musi wu.” Nambo achakwegwao ŵala ŵaiweni nti akutenda yauŵilo.
15Pakwachele, achikatumetume ŵachisisye che Lutu alinkuti, “Njanguye! Mwajigale ŵankwenu ni achiŵali ŵenu ŵaŵili ntyochanje paasa kuti ngasinjonasika katema Ambuje pachaujonanje musi wu.” 16Che Lutu ŵaliji nkulunyalunya. Nambo pakuŵa Ambuje ŵaakolele chanasa che Lutu, achikatumetume ŵala ŵaakamwile makono jwelejo ni ŵankwawo ni achiŵali ŵao ŵaŵili ni kwatyosya paasa musi. 17Paŵatyosisye paasa musi, katumetume jumo ŵaasalile ŵanyawo kuti, “Mbutuche kuti muukulupusye umi wenu. Ngasinlola panyuma namose kwima palipose pa lichemba. Mbutuchile kumatumbi nkaika kuwa.”
18Nambo che Lutu ŵaasalile, “Ngaŵa yeleyo, achachimwene wangu! 19Isyene une jwakutumichila jwenu mbatile kukundikwa paujo penu, ni ŵanyamwe mungolele chanasa kwa kuukulupusya umi wangu. Nambo ngangukombola kuutuchila mpaka kumatumbi uwonasi wu chiuusimane ngunaŵe kwika kweleko, none chimwe. 20Nnole, akula kwana musi wenondi, uli mutuchile kweleko pakuŵa uli wenondi ni kuŵandichile? Mungunde mutuchile kweleko, kwele chiname.”
21Nombejo ŵanjanjile, “Elo, ngundile chimmendile. Nganguujonanga musi umusasile wo. 22Njanguye! Mbutuchile kweleko, none ngundenda chilichose mpaka pachinyiche kweleko.” Nipele wele musi waŵilanjikwe Soali.
Misi ja ku Sodoma ni ku Gomola jikonasikwa
23Lyuŵa lyaliji likopweche katema che Lutu paŵajinjile mmusi wa ku Soali. 24Nipele kutyochela kwinani Ambuje ŵanyesisye ula ja wonga pa misi ja ku Sodoma ni Gomola, 25ŵajonasile misi jo, ni lichemba lyose ni ŵandu wose ŵa musi wo, iyoyopeyo ŵajonasile ni mimela jose jijaliji mu ilambo yo. 26Nambo ŵankwawo che Lutu ŵalolite panyuma, papopo ŵagalawiche ni kuŵa chimila cha njete.
27Kundaŵi jakwe kuli mbulutu, che Ibulahimu ŵajimwiche ni kwaula peuto paŵaliji ajimi paujo pa Ambuje. 28Nipele paŵaliji pele, ŵalolite ku misi ja ku Sodoma ni ku Gomola ni liuto lyose lya lichemba, ŵaliweni lyosi lili nkukwela kwaula kwinani mpela lyosi lya litanuli lyekulungwa. 29Nipele Ambuje paŵajijonasile misi ja lichemba liŵatamaga che Lutu, ŵankumbuchile che Ibulahimu, ni ŵantyosisye che Lutu mu uwonasi wo kuti akajonasikwa.
Chipago cha Ŵamoabu ni Ŵaamoni
30Pakuŵa che Lutu ŵajogwepe kutama ku Soali, ŵakwesile ku litumbi pamo ni achiŵali ŵao ŵala, ni kutama mu mbugu. 31Lyuŵa limo mwali jwankulungwa jula ŵansalile mpwakwe, “Atati ŵetu achekulwipe, ni chilambo chatukutama chi ngapagwa jwannume juchatujigale ni kutuŵelekasya ŵanache mpela yaitite kusyoŵelecheka pachilambo pose. 32Nipele, twang'wesye divai kuti akolelwe ni tugone nawo, tuŵeleche nawo ŵanache.” 33Chele chilo cho ŵang'wesisye atati ŵao divai nombejo ŵakolelwe kwannope, mwali jwankulungwa jula ŵajinjile ni kugona ni atatigwe. Nambo atatigwe wo nganaimanyililaga katema mwali paŵagonile nawo namose paŵajimwiche.
34Malaŵi jakwe mwali jwankulungwa jula ŵansalile mpwakwe jula, “Chilo nagonile ni atati, lelo twangwesye sooni divai kuti akolelwe, ni chilo nkagone nawo. Nipele uweji wose chituŵeleche ŵanache ni atati ŵetu kuti uŵelesi wakwe ukamala.” 35Iyoyo, chele chilo cho ŵang'wesisye atati ŵao divai kuti akolelwe. Nipele mwali jwannandi jula ŵajinjile gona nawo. Nambo atati ŵao nganaimanyililaga katema mwali paŵagonile nawo atamuno pawajimwiche. 36Kwayele, achiŵali wose ŵaŵili ŵakwete itumbo ya atati ŵao. 37Mwali jwankulungwa jula ŵaligopwele mwanache jwannume, ŵampele liina lyakwe Moabu. Jwelejo ni chipago cha Ŵamoabu mpaka lelo jino. 38Mwali jwannandi jula nombejo ŵaligopwele mwanache jwannume, ŵampele liina lyakwe Beni Ami. Jwele ni chipago cha Ŵaamoni mpaka lelo jino.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.