Kutyoka Chilongolelo
Chilongolelo
Chitabu cha kutyoka chikuendelechesya ngani sya uŵelesi wa che Ibulahimu wautandite mu chitabu cha Ndandililo. Chitabu chi chiŵilanjikwe kutyoka chichisalaga nkati Ŵaisilaeli iŵatyosile ku Misili kwaula ku chilambo chati Akunnungu ŵannanjile che Ibulahimu. Ŵaumanyilisi ŵajinji akukulupilila kuti mwamujinji mu chitabu chi mwalembekwe ni jwakulondola che Musa, namose chitabu chisyene chikusala nkati chindu chi. Mu chitabu chi 24:4 chikusala che Musa iŵatite pakulemba malo simpepe mu chitabu chi. Mu chitabu cha Yoshua sula ja 8:31 chikusala sooni makanyo gagali mu chitabu chi sula ja 20:25, ni kusala, “Ilembekwe mu chitabu cha Malajisyo ga che Musa.” Malangano ga Sambano gakusala kakajinji nkati itabu yailembekwe ni che Musa, chisau palikusala nkati chisukuti chachikolele mooto, ni kuti ilembekwe mu “Chitabu chi che Musa” (Mlk 12:26). Ikukomboleka kuti Ŵaisilaeli paŵatyosile ku chilambo cha Misili yaliji chiŵandika ni yaka ya 1,300 pane 1,400 akanaŵe kupagwa Kilisto. Chitabu cha 1 Mamwenye sula ja 6:1 chisaasile kuti, kutyoka kwa Ŵaisilaeli ku Misili kwatendekwe pa chaka cha 480, chikanaŵe chaka chancheche chakutawala kwa che Selemani nti mwenye jwa Ŵaisilaeli.
Chitabu chi chikusalilichisya nkati iŵaitesile Akunnungu kuchigosa chilanga chao ku che Ibulahimu ni che Isaka ni che Yakubu. Chitabu chi chikusala ipanganyo yekulu iŵaitesile Akunnungu kwa kwawombola uŵelesi wa che Ibulahimu yaani Ŵaislaeli, paŵatyokaga ku Misili mu sula ja 1 mpaka ja 11. Pakumala kutenda chindimba cha Pasaka ni komboka bahali ja shamu Akunnungu ŵalongwesye ŵandu ŵakwe mpaka paasi pa chitumbi cha Sinai, peuto pati Akunnungu ŵaapele che Musa malajisyo gamajinji kuti Ŵaislaeli agakuye mu sula 12 mpaka ja 19. Malajisyo go gakusala nkati itajile pakutama ni itajile pakutyosya mbopesi ni itajile pakutaŵa Lisakasa Lyakusimanilana ni Akunnungu (peuto pati chipaŵe malo gakutama Akunnungu pasikati jao), Lisanduku lya umboni ni yoombo ine kwa ligongo lya kupopelela mu Lisakasa Lyakusimanilana ni Akunnungu, ni itajile pakukolosya yakuwala kwaligongo lya ŵambopesi sula ja 20 mpaka ja 31. Pakumala kwakanila Akunnungu apala Ŵaisilaeli paŵalikolochesye chinyago cha ng'ombe kwa sahabu, che Musa ŵachingangene ni Akunnungu sooni mu sula ja 32 mpaka ja 33. Malo gambesi ga chitabu chi, tukusyoma nkati yaitite pa kukolochekwa yoombo yaisasikwe kuundanda sula ja 33 mpaka ja 40.
Yaili mwelemo
Ŵaisilaeli akutendekwa achikapolo ku chilambo cha Misili (Sula jaandanda).
Che musa akulisala nkati utame mpaka paŵaŵilanjikwe kwawombola ŵandu ŵakwe Akunnungu (Sula ja 2-4).
Sooni jwakulemba akusala nkati Akunnungu iŵatesile yakusimonjeka ni kuchiputa chilambo cha Misili kwa iputiko yekulu kwa ligongo lya kwawombola ŵandu ŵakwe atyoche mu chilambo chila, ni sooni atyoche mu yakogoya ya ŵangondo mwenye (Sula ja 5-15:21).
Ŵaisilaeli ŵajesile ni kwika peuto pa chitumbi cha Sinai (Sula ja 15:22 mpaka ja 19:25).
Tukusyoma nkati Akunnungu iŵatite pakwapa che Musa malajisyo, gagakusalilichisya nkati ŵandu wa Akunnungu, yaani Ŵaisilaeli iŵasachilwe kutama ni kupopelela (Sula ja 20-31).
Ŵaisilaeli iŵatite kukana kwajitichisya Akunnungu apala paŵanyenjile che Haluni nkulugwe che Musa ŵaakolochesye chinyago cha ng'ombe kwa sahabu (Sula ja 32).
Che Musa iŵatite pakuuwona ukulu wa Akunnungu, ni kwajiganya Ŵaisilaeli makanyo ga Akunnungu pamo ni kwasalila nkati itajile pakutaŵa Lisakasa Lyakusimanilana ni Akunnungu, Lisanduku lya Lilangano ni yoombo ine ya mapopelo mu lisakasa lya kusimanilana, ni yakuti pakukolosya yakuwala ya ŵambopesi (Sula ja 33-40).
നിലവിൽ തിരഞ്ഞെടുത്തിരിക്കുന്നു:
Kutyoka Chilongolelo: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.
Kutyoka Chilongolelo
Chilongolelo
Chitabu cha kutyoka chikuendelechesya ngani sya uŵelesi wa che Ibulahimu wautandite mu chitabu cha Ndandililo. Chitabu chi chiŵilanjikwe kutyoka chichisalaga nkati Ŵaisilaeli iŵatyosile ku Misili kwaula ku chilambo chati Akunnungu ŵannanjile che Ibulahimu. Ŵaumanyilisi ŵajinji akukulupilila kuti mwamujinji mu chitabu chi mwalembekwe ni jwakulondola che Musa, namose chitabu chisyene chikusala nkati chindu chi. Mu chitabu chi 24:4 chikusala che Musa iŵatite pakulemba malo simpepe mu chitabu chi. Mu chitabu cha Yoshua sula ja 8:31 chikusala sooni makanyo gagali mu chitabu chi sula ja 20:25, ni kusala, “Ilembekwe mu chitabu cha Malajisyo ga che Musa.” Malangano ga Sambano gakusala kakajinji nkati itabu yailembekwe ni che Musa, chisau palikusala nkati chisukuti chachikolele mooto, ni kuti ilembekwe mu “Chitabu chi che Musa” (Mlk 12:26). Ikukomboleka kuti Ŵaisilaeli paŵatyosile ku chilambo cha Misili yaliji chiŵandika ni yaka ya 1,300 pane 1,400 akanaŵe kupagwa Kilisto. Chitabu cha 1 Mamwenye sula ja 6:1 chisaasile kuti, kutyoka kwa Ŵaisilaeli ku Misili kwatendekwe pa chaka cha 480, chikanaŵe chaka chancheche chakutawala kwa che Selemani nti mwenye jwa Ŵaisilaeli.
Chitabu chi chikusalilichisya nkati iŵaitesile Akunnungu kuchigosa chilanga chao ku che Ibulahimu ni che Isaka ni che Yakubu. Chitabu chi chikusala ipanganyo yekulu iŵaitesile Akunnungu kwa kwawombola uŵelesi wa che Ibulahimu yaani Ŵaislaeli, paŵatyokaga ku Misili mu sula ja 1 mpaka ja 11. Pakumala kutenda chindimba cha Pasaka ni komboka bahali ja shamu Akunnungu ŵalongwesye ŵandu ŵakwe mpaka paasi pa chitumbi cha Sinai, peuto pati Akunnungu ŵaapele che Musa malajisyo gamajinji kuti Ŵaislaeli agakuye mu sula 12 mpaka ja 19. Malajisyo go gakusala nkati itajile pakutama ni itajile pakutyosya mbopesi ni itajile pakutaŵa Lisakasa Lyakusimanilana ni Akunnungu (peuto pati chipaŵe malo gakutama Akunnungu pasikati jao), Lisanduku lya umboni ni yoombo ine kwa ligongo lya kupopelela mu Lisakasa Lyakusimanilana ni Akunnungu, ni itajile pakukolosya yakuwala kwaligongo lya ŵambopesi sula ja 20 mpaka ja 31. Pakumala kwakanila Akunnungu apala Ŵaisilaeli paŵalikolochesye chinyago cha ng'ombe kwa sahabu, che Musa ŵachingangene ni Akunnungu sooni mu sula ja 32 mpaka ja 33. Malo gambesi ga chitabu chi, tukusyoma nkati yaitite pa kukolochekwa yoombo yaisasikwe kuundanda sula ja 33 mpaka ja 40.
Yaili mwelemo
Ŵaisilaeli akutendekwa achikapolo ku chilambo cha Misili (Sula jaandanda).
Che musa akulisala nkati utame mpaka paŵaŵilanjikwe kwawombola ŵandu ŵakwe Akunnungu (Sula ja 2-4).
Sooni jwakulemba akusala nkati Akunnungu iŵatesile yakusimonjeka ni kuchiputa chilambo cha Misili kwa iputiko yekulu kwa ligongo lya kwawombola ŵandu ŵakwe atyoche mu chilambo chila, ni sooni atyoche mu yakogoya ya ŵangondo mwenye (Sula ja 5-15:21).
Ŵaisilaeli ŵajesile ni kwika peuto pa chitumbi cha Sinai (Sula ja 15:22 mpaka ja 19:25).
Tukusyoma nkati Akunnungu iŵatite pakwapa che Musa malajisyo, gagakusalilichisya nkati ŵandu wa Akunnungu, yaani Ŵaisilaeli iŵasachilwe kutama ni kupopelela (Sula ja 20-31).
Ŵaisilaeli iŵatite kukana kwajitichisya Akunnungu apala paŵanyenjile che Haluni nkulugwe che Musa ŵaakolochesye chinyago cha ng'ombe kwa sahabu (Sula ja 32).
Che Musa iŵatite pakuuwona ukulu wa Akunnungu, ni kwajiganya Ŵaisilaeli makanyo ga Akunnungu pamo ni kwasalila nkati itajile pakutaŵa Lisakasa Lyakusimanilana ni Akunnungu, Lisanduku lya Lilangano ni yoombo ine ya mapopelo mu lisakasa lya kusimanilana, ni yakuti pakukolosya yakuwala ya ŵambopesi (Sula ja 33-40).
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.