Kutyoka 18
18
Che Yetulo akwajimajimila che Musa
1Nipele che Yetulo jwambopesi jwa ku Midiani, akwegwao che Musa, ŵaipikene yose aila Akunnungu iŵaatendele che Musa ni Ŵaisilaeli. Ŵapikene Ambuje Akunnungu iŵatite pakwakoposya Ŵaisilaeli ku chilambo cha Misili. 2Che Musa paŵanjawisye che Sipola ŵankwakwe kumangwao, che Yetulo akwegwawo che Musa ŵampochele, 3pamo ni ŵanache ŵao ŵaŵili. Mwanache jumo liina lyao che Geshomu. Che Musa ŵampele liina lyo pakuŵa ŵatite, “Naliji jwanlendo mu chilambo cha chilendo.” 4Mwanache jwine ŵampele liina lyakwe che Elieseli pakuŵa ŵatite, “Akunnungu ŵa atati ŵangu ni juŵambokwele ngasimulagwa ni mwenye.”
5Che Yetulo pamo ni ŵankwakwe che Musa ni ŵanache ŵao ŵanjaulile che Musa kwipululu, akula kuŵaŵisile chigono ku chitumbi cha Akunnungu. 6Che Yetulo ŵapeleche utenga ku che Musa kuti, “Une akwegwenu ngwika ndi ni ŵankwenu pamo ni ŵanache ŵakwe ŵaŵili ŵachilume.” 7Nipele che Musa ŵatyosile paasa kukwachingamila akwegwao, ŵaajinamile ni kwakomasya kwa unonyelo. Ŵakomasyene, nipele ŵajinjile mu lisakasa li che Musa. 8Che Musa ŵaasalile akwegwao yose iŵaipanganyisye Ambuje Akunnungu kwa mwenye ni Ŵamisili, kwaligongo lya Ŵaisilaeli. Sooni ŵaasalile masausyo gose gagaasimene mwitala, ni Ambuje Akunnungu iŵatite pakwakulupusya. 9Che Yetulo ŵasangalele paŵapikene iŵaitesile Ambuje Akunnungu kwa Ŵaisilaeli, kwa kwakulupusya mmakono ga Ŵamisili. 10Che Yetulo ŵatite, “Achimbichikwe Ambuje Akunnungu jwankulupwisye mmwe kutyochela mmakono ga Ŵamisili, ni mmakono ga mwenye, juŵaawombwele ŵandu wo atyoche mu ukapolo wa Ŵamisili. 11Sambano naimanyi yakuti, Ambuje Akunnungu ali ŵakulu kujipunda minungu jose, pakuŵa ŵawombwele ŵandu ŵa mmakono mwa Ŵamisili ŵaŵaalyungasyaga.” 12Nipele, che Yetulo akwegwao che Musa ŵaapelechele Akunnungu mbopesi jakutinisya ni sadaka sine. Che Haluni ŵaiche ni ilongola wose ŵa Isilaeli kukulya nao chakulya pamo ni che Yetulo paujo pa Akunnungu.
Ŵakulamula akusagulikwa
(Kutyoka 1:9-18)
13Malaŵi jakwe che Musa ŵatemi pamo ni ŵandu achilamulaga. Ŵandu ŵajimi ali ŵaasyungwile kutandilila kundaŵi mpaka ligulo. 14Che Yetulo akwegawo che Musa paŵaiweni aila che Musa iŵaapanganyichisye ŵandu, ŵaasalile, “Chindu chachi chelechi chinkwapanganyichisya ŵandu? Ligongo lyachi mmwe jika ntemi akuno ŵandu wose ajimi kunsyungula kutandila kundaŵi mpaka ligulo?” 15Che Musa ŵaajanjile, “Nguitenda yele pakuŵa ŵandu ŵa akunyichilila une kukuusya yakuisaka Akunnungu. 16Aŵaga ni magambo galigose akwikangana kukwangu ni une ngwalamula ŵaleŵile. Ni une ngwamanyisya makanyo ga Akunnungu ni malajisyo gakwe.” 17Nipele che Yetulo ŵatite, “Ngaŵa yambone inkwitendekanya. 18Chingambe kuuŵana mmwe ni ŵandu ŵa! Pakuŵa masengo ga gali gakulimba, ni ngankombola kugapanganya jika pe. 19Mumbilikanile sambano, ingunsalila ni Akunnungu taŵe ni mmwe. Mmwejo mme pamalo pa ŵandu paujo pa Akunnungu ni kwapelechela Akunnungu ukangani wao. 20Sooni timwajiganye makanyo ni malajisyo ga Akunnungu ni kwalosya itajile pa kutama ni indu yakusachilwa kuitenda. 21Nambo mwasagule ŵandu ŵampepe mwa ŵelewo, ŵandu wo aŵeje ŵaali ni ukombole ni ŵakwachimbichisya Akunnungu, ŵachikulupichiko ni ŵangakupochela indu ya pachisyepela. Mwaŵiche ŵane mwa ŵeleo kuti aŵe ilongola ŵa ŵandu elufu, ŵane ilongola ŵa ŵandu mia moja ni ŵane ilongola ŵa ŵandu hansini ni ilongola ŵa ŵandu likumi. 22Mwalechele ŵelewo kuti ŵalamuleje ŵandu moŵa gose. Ni chiiŵe yele magambo gagakusausya nnope aichisye kukwenu, nambo magambo gamwanamwana tachilamula achinsyene. Pakutenda yeleyo masengo genu tigaŵe gakwepepala, pakuŵa ŵanyawo tankamusyane ni mmwe. 23Naga tintende yeleyo ni iŵaga ni yakwisaka Akunnungu nnyitende, ngampela ni ŵandu tachiuja kumangwao ali ni chitendeŵele.”
24Che Musa ŵapikanile maloŵe ga akwegwao ni kuitenda mpela iŵasasile. 25Ŵasagwile ŵandu ŵaali ni ukombole pasikati ja Ŵaisilaeli, ni kwaŵika aŵe ilongola ŵa ŵandu elufu, ni ŵane ilongola ŵa ŵandu mia moja ni ŵane ilongola ŵa ŵandu hansini ni ŵane ilongola ŵa ŵandu likumi. 26Ni ŵanyawo ŵaalamulaga ŵandu moŵa gose. Magambo gakusausya ŵapelechele che Musa, nambo magambo gamwanamwana ŵagalamwile achinsyene. 27Pakumala yeleyo che Musa ŵalangene ni akwegwao ni che Yetulo ŵausile ku chilambo chakwe.
നിലവിൽ തിരഞ്ഞെടുത്തിരിക്കുന്നു:
Kutyoka 18: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.
Kutyoka 18
18
Che Yetulo akwajimajimila che Musa
1Nipele che Yetulo jwambopesi jwa ku Midiani, akwegwao che Musa, ŵaipikene yose aila Akunnungu iŵaatendele che Musa ni Ŵaisilaeli. Ŵapikene Ambuje Akunnungu iŵatite pakwakoposya Ŵaisilaeli ku chilambo cha Misili. 2Che Musa paŵanjawisye che Sipola ŵankwakwe kumangwao, che Yetulo akwegwawo che Musa ŵampochele, 3pamo ni ŵanache ŵao ŵaŵili. Mwanache jumo liina lyao che Geshomu. Che Musa ŵampele liina lyo pakuŵa ŵatite, “Naliji jwanlendo mu chilambo cha chilendo.” 4Mwanache jwine ŵampele liina lyakwe che Elieseli pakuŵa ŵatite, “Akunnungu ŵa atati ŵangu ni juŵambokwele ngasimulagwa ni mwenye.”
5Che Yetulo pamo ni ŵankwakwe che Musa ni ŵanache ŵao ŵanjaulile che Musa kwipululu, akula kuŵaŵisile chigono ku chitumbi cha Akunnungu. 6Che Yetulo ŵapeleche utenga ku che Musa kuti, “Une akwegwenu ngwika ndi ni ŵankwenu pamo ni ŵanache ŵakwe ŵaŵili ŵachilume.” 7Nipele che Musa ŵatyosile paasa kukwachingamila akwegwao, ŵaajinamile ni kwakomasya kwa unonyelo. Ŵakomasyene, nipele ŵajinjile mu lisakasa li che Musa. 8Che Musa ŵaasalile akwegwao yose iŵaipanganyisye Ambuje Akunnungu kwa mwenye ni Ŵamisili, kwaligongo lya Ŵaisilaeli. Sooni ŵaasalile masausyo gose gagaasimene mwitala, ni Ambuje Akunnungu iŵatite pakwakulupusya. 9Che Yetulo ŵasangalele paŵapikene iŵaitesile Ambuje Akunnungu kwa Ŵaisilaeli, kwa kwakulupusya mmakono ga Ŵamisili. 10Che Yetulo ŵatite, “Achimbichikwe Ambuje Akunnungu jwankulupwisye mmwe kutyochela mmakono ga Ŵamisili, ni mmakono ga mwenye, juŵaawombwele ŵandu wo atyoche mu ukapolo wa Ŵamisili. 11Sambano naimanyi yakuti, Ambuje Akunnungu ali ŵakulu kujipunda minungu jose, pakuŵa ŵawombwele ŵandu ŵa mmakono mwa Ŵamisili ŵaŵaalyungasyaga.” 12Nipele, che Yetulo akwegwao che Musa ŵaapelechele Akunnungu mbopesi jakutinisya ni sadaka sine. Che Haluni ŵaiche ni ilongola wose ŵa Isilaeli kukulya nao chakulya pamo ni che Yetulo paujo pa Akunnungu.
Ŵakulamula akusagulikwa
(Kutyoka 1:9-18)
13Malaŵi jakwe che Musa ŵatemi pamo ni ŵandu achilamulaga. Ŵandu ŵajimi ali ŵaasyungwile kutandilila kundaŵi mpaka ligulo. 14Che Yetulo akwegawo che Musa paŵaiweni aila che Musa iŵaapanganyichisye ŵandu, ŵaasalile, “Chindu chachi chelechi chinkwapanganyichisya ŵandu? Ligongo lyachi mmwe jika ntemi akuno ŵandu wose ajimi kunsyungula kutandila kundaŵi mpaka ligulo?” 15Che Musa ŵaajanjile, “Nguitenda yele pakuŵa ŵandu ŵa akunyichilila une kukuusya yakuisaka Akunnungu. 16Aŵaga ni magambo galigose akwikangana kukwangu ni une ngwalamula ŵaleŵile. Ni une ngwamanyisya makanyo ga Akunnungu ni malajisyo gakwe.” 17Nipele che Yetulo ŵatite, “Ngaŵa yambone inkwitendekanya. 18Chingambe kuuŵana mmwe ni ŵandu ŵa! Pakuŵa masengo ga gali gakulimba, ni ngankombola kugapanganya jika pe. 19Mumbilikanile sambano, ingunsalila ni Akunnungu taŵe ni mmwe. Mmwejo mme pamalo pa ŵandu paujo pa Akunnungu ni kwapelechela Akunnungu ukangani wao. 20Sooni timwajiganye makanyo ni malajisyo ga Akunnungu ni kwalosya itajile pa kutama ni indu yakusachilwa kuitenda. 21Nambo mwasagule ŵandu ŵampepe mwa ŵelewo, ŵandu wo aŵeje ŵaali ni ukombole ni ŵakwachimbichisya Akunnungu, ŵachikulupichiko ni ŵangakupochela indu ya pachisyepela. Mwaŵiche ŵane mwa ŵeleo kuti aŵe ilongola ŵa ŵandu elufu, ŵane ilongola ŵa ŵandu mia moja ni ŵane ilongola ŵa ŵandu hansini ni ilongola ŵa ŵandu likumi. 22Mwalechele ŵelewo kuti ŵalamuleje ŵandu moŵa gose. Ni chiiŵe yele magambo gagakusausya nnope aichisye kukwenu, nambo magambo gamwanamwana tachilamula achinsyene. Pakutenda yeleyo masengo genu tigaŵe gakwepepala, pakuŵa ŵanyawo tankamusyane ni mmwe. 23Naga tintende yeleyo ni iŵaga ni yakwisaka Akunnungu nnyitende, ngampela ni ŵandu tachiuja kumangwao ali ni chitendeŵele.”
24Che Musa ŵapikanile maloŵe ga akwegwao ni kuitenda mpela iŵasasile. 25Ŵasagwile ŵandu ŵaali ni ukombole pasikati ja Ŵaisilaeli, ni kwaŵika aŵe ilongola ŵa ŵandu elufu, ni ŵane ilongola ŵa ŵandu mia moja ni ŵane ilongola ŵa ŵandu hansini ni ŵane ilongola ŵa ŵandu likumi. 26Ni ŵanyawo ŵaalamulaga ŵandu moŵa gose. Magambo gakusausya ŵapelechele che Musa, nambo magambo gamwanamwana ŵagalamwile achinsyene. 27Pakumala yeleyo che Musa ŵalangene ni akwegwao ni che Yetulo ŵausile ku chilambo chakwe.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.