2 Mamwenye 20
20
Mwenye che Hesekia akulwala ni kulama
(Isaiah 38:1-8; 21; 22; 2 Indu ya katema 32:24-26)
1Pa katema ko che Hesekia ŵalwasile kwannope chiŵandi ni kuwa. Jwakulondola che Isaya mwana ju che Amosi ŵanjaulile ni kunsalila, “Yeleyi ni yakuti Ambuje Akunnungu, ‘Mmiche yambone indu ya mu nyuumba jenu pakuŵa chimmwe, nganlama.’”
2Hesekia ŵagalauchile cha ku lipupa ni kupopela kwa Ambuje Akunnungu achitiji, 3“Alakwe Ambuje Akunnungu, ngunchondelela nkumbuchile inatite pakuntumichila kwa ukulupilichiko ni kwa ntima wangu wose ni kuitendekanya yaikunnonyelesya paujo penu.” Nipele che Hesekia ŵalisile kwannope.
4Nambo che Isaya akanaŵe kutyoka pasikati ja lutenje lwa nyuumba ja chimwenye, liloŵe lya Ambuje Akunnungu lyaichilile ni kuti, 5“Mmuje nkaasalile che Hesekia jwaakutawala ŵandu ŵangu, Une Ambuje Akunnungu, Akunnungu ŵa ambuje wenu che Daudi, mbikene lipopelo lyenu ni najiweni misosi jenu. Tinanlamye ni pakumala moŵa gatatu chinjaule ku Nyuumba ja Ambuje Akunnungu. 6Tinanjonjechesye yaka kumi na tano yakutama. Tinankulupusye mmwe ni chilambo chi kutyochela kwa mwenye jwa ku Ashulu. Tinauchenjele musi wu kwa ligongo lya luchimbichimbi lwangu une ni kwa ligongo lya jwakutumichila jwangu che Daudi.”
7Nipele che Isaya ŵaasalile ŵakutumichila ŵa mwenye, “Nnyichenawo isogosi ya tini syepondeponde ni kumatika pa chakuimbila.” Ŵatesile yeleyo ni kumatika pa chakuimbila pala, nombe ŵalamile. 8Che Hesekia ŵammusisye che Isaya, “Ana chikuŵe ni chimanyisyo chi chachichilosye kuti isyene Ambuje Akunnungu tachinnamya ni kuti chingombole kwaula ku Nyuumba ja Ambuje Akunnungu pa lyuŵa lyaatatu kutandila lelo?”
9Jwakulondola che Isaya ŵajanjile, “Achi chichiŵe chimanyisyo chenu kutyochela kwa Ambuje Akunnungu, kuti Ambuje Akunnungu tatende mpela yatite kulanga. Ana nkusaka chiwilili chioneche chambujo makongolo kumi kutandilila apano pane chioneche chapanyuma makongolo kumi kutandilila apano?”
10Mwenye che Hesekia ŵajanjile, “Ili yangalema nnope chiwilili kuoneka chambujo makongolo kumi kutandilila apano kupunda kuchitenda chioneche chapanyuma makongolo likumi kutandilila apano.”
11Jwakulondola che Isaya ŵapopele kwa Ambuje Akunnungu, nombe Ambuje Akunnungu ŵachitesile chiwilili chioneche chapanyuma makongolo kumi pa ngazi jiŵataŵile che Ahasi.
Ŵantenga kutyochela ku Babeli
(Isaiah 39:1-8)
12Katema ko mwenye che Melodaki Baladani mwana jwa che Baladani mwenye jwa ku Babeli ŵampelechele mwenye che Hesekia chikalata ni ntuuka, ligongo ŵaliji apikene yakuti mwenye che Hesekia akulwala. 13Nipele, che Hesekia ŵaapochele ni ŵalosisye chipanje chakwe chichaliji muyuumba jakwe ja mu mbiko jakwe, yaani madini ga feza ni sahabu pamo ni yakununjila yataga mu yakulya ni mauta gakununjila ni mauta gambone ga miseituni ni nyuumba jakuŵichila yakumenyanila yakwe yose ya pangondo. Nganaleka kwalosya chachilichose chichaliji mu likome lyakwe pane pachilambo chose cha ku Yuda. 14Pelepo jwakulondola jwa Akunnungu che Isaya ŵanjaulile mwenye che Hesekia ni kummusya, “Ŵandu ŵa atite uli? Ana atyochele kwapi?” Che Hesekia ŵajanjile, “Aikangene kutyochela ku chilambo chatalika cha ku Babeli.” 15Jwakulondola che Isaya ŵammusisye sooni, “Ana indu chi yaiweni mu nyuumba jenu ja chimwenye?” Che Hesekia ŵajanjile, “Aiweni yose yaili mu likome lyangu. Ngapagwa chachilichose cha mu ngokwe jangu changaninaalosya.”
16Pelepo jwakulondola che Isaya ŵansalile mwenye che Hesekia, “Mpilikane liloŵe lya Ambuje Akunnungu: 17Nnole moŵa gakwika gati indu yenu yose yaili mu nyuumba jenu ni indu yose iŵaisongangenye achatati ŵenu mpaka katema ka, chiijigalikwe ni kuijausya ku Babeli. Ngapagwa chindu chachichisigalile, yele ni yakuti Ambuje Akunnungu. 18Sooni ŵampepe mu uŵelesi wenu mwasyene ŵaali ŵachilume tajigalikwe migole, nombewo tachiŵa ŵaiyoyo mu nyuumba ja mwenye jwa ku Babeli.”
19Nombe mwenye che Hesekia ŵaasalile jwakulondola che Isaya, “Liloŵe lya Ambuje Akunnungu linsasile lili lyambone.” Mwenye che Hesekia ŵaŵechete maloŵe go pakuŵa ŵaganisisye muntima mwakwe kuti, “Uweji ŵandu ŵa ku Yuda tutuŵe ni chitendewele ni usalama pa katema ka umi wangu.”
Mbesi ja umwenye wa che Hesekia
(2 Indu ya katema 32:32-33)
20Indu ine iyakopochele mu utawala wa mwenye che Hesekia ni indu iŵaitesile ni indu iyatite kwajendele yambone, ni ŵatite kolosya chisima ni kusola nkolola waukwilimisya meesi kugaichisya mmusi, yoseyo ilembekwe mu Chitabu cha chikumbuchisyo cha Mamwenye ŵa ku Yuda. 21Che Hesekia ŵawile, ni kunsika mmalembe ga achatatigwe. Che Manase mwanagwe ŵatawele pamalo pakwe.
നിലവിൽ തിരഞ്ഞെടുത്തിരിക്കുന്നു:
2 Mamwenye 20: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.
2 Mamwenye 20
20
Mwenye che Hesekia akulwala ni kulama
(Isaiah 38:1-8; 21; 22; 2 Indu ya katema 32:24-26)
1Pa katema ko che Hesekia ŵalwasile kwannope chiŵandi ni kuwa. Jwakulondola che Isaya mwana ju che Amosi ŵanjaulile ni kunsalila, “Yeleyi ni yakuti Ambuje Akunnungu, ‘Mmiche yambone indu ya mu nyuumba jenu pakuŵa chimmwe, nganlama.’”
2Hesekia ŵagalauchile cha ku lipupa ni kupopela kwa Ambuje Akunnungu achitiji, 3“Alakwe Ambuje Akunnungu, ngunchondelela nkumbuchile inatite pakuntumichila kwa ukulupilichiko ni kwa ntima wangu wose ni kuitendekanya yaikunnonyelesya paujo penu.” Nipele che Hesekia ŵalisile kwannope.
4Nambo che Isaya akanaŵe kutyoka pasikati ja lutenje lwa nyuumba ja chimwenye, liloŵe lya Ambuje Akunnungu lyaichilile ni kuti, 5“Mmuje nkaasalile che Hesekia jwaakutawala ŵandu ŵangu, Une Ambuje Akunnungu, Akunnungu ŵa ambuje wenu che Daudi, mbikene lipopelo lyenu ni najiweni misosi jenu. Tinanlamye ni pakumala moŵa gatatu chinjaule ku Nyuumba ja Ambuje Akunnungu. 6Tinanjonjechesye yaka kumi na tano yakutama. Tinankulupusye mmwe ni chilambo chi kutyochela kwa mwenye jwa ku Ashulu. Tinauchenjele musi wu kwa ligongo lya luchimbichimbi lwangu une ni kwa ligongo lya jwakutumichila jwangu che Daudi.”
7Nipele che Isaya ŵaasalile ŵakutumichila ŵa mwenye, “Nnyichenawo isogosi ya tini syepondeponde ni kumatika pa chakuimbila.” Ŵatesile yeleyo ni kumatika pa chakuimbila pala, nombe ŵalamile. 8Che Hesekia ŵammusisye che Isaya, “Ana chikuŵe ni chimanyisyo chi chachichilosye kuti isyene Ambuje Akunnungu tachinnamya ni kuti chingombole kwaula ku Nyuumba ja Ambuje Akunnungu pa lyuŵa lyaatatu kutandila lelo?”
9Jwakulondola che Isaya ŵajanjile, “Achi chichiŵe chimanyisyo chenu kutyochela kwa Ambuje Akunnungu, kuti Ambuje Akunnungu tatende mpela yatite kulanga. Ana nkusaka chiwilili chioneche chambujo makongolo kumi kutandilila apano pane chioneche chapanyuma makongolo kumi kutandilila apano?”
10Mwenye che Hesekia ŵajanjile, “Ili yangalema nnope chiwilili kuoneka chambujo makongolo kumi kutandilila apano kupunda kuchitenda chioneche chapanyuma makongolo likumi kutandilila apano.”
11Jwakulondola che Isaya ŵapopele kwa Ambuje Akunnungu, nombe Ambuje Akunnungu ŵachitesile chiwilili chioneche chapanyuma makongolo kumi pa ngazi jiŵataŵile che Ahasi.
Ŵantenga kutyochela ku Babeli
(Isaiah 39:1-8)
12Katema ko mwenye che Melodaki Baladani mwana jwa che Baladani mwenye jwa ku Babeli ŵampelechele mwenye che Hesekia chikalata ni ntuuka, ligongo ŵaliji apikene yakuti mwenye che Hesekia akulwala. 13Nipele, che Hesekia ŵaapochele ni ŵalosisye chipanje chakwe chichaliji muyuumba jakwe ja mu mbiko jakwe, yaani madini ga feza ni sahabu pamo ni yakununjila yataga mu yakulya ni mauta gakununjila ni mauta gambone ga miseituni ni nyuumba jakuŵichila yakumenyanila yakwe yose ya pangondo. Nganaleka kwalosya chachilichose chichaliji mu likome lyakwe pane pachilambo chose cha ku Yuda. 14Pelepo jwakulondola jwa Akunnungu che Isaya ŵanjaulile mwenye che Hesekia ni kummusya, “Ŵandu ŵa atite uli? Ana atyochele kwapi?” Che Hesekia ŵajanjile, “Aikangene kutyochela ku chilambo chatalika cha ku Babeli.” 15Jwakulondola che Isaya ŵammusisye sooni, “Ana indu chi yaiweni mu nyuumba jenu ja chimwenye?” Che Hesekia ŵajanjile, “Aiweni yose yaili mu likome lyangu. Ngapagwa chachilichose cha mu ngokwe jangu changaninaalosya.”
16Pelepo jwakulondola che Isaya ŵansalile mwenye che Hesekia, “Mpilikane liloŵe lya Ambuje Akunnungu: 17Nnole moŵa gakwika gati indu yenu yose yaili mu nyuumba jenu ni indu yose iŵaisongangenye achatati ŵenu mpaka katema ka, chiijigalikwe ni kuijausya ku Babeli. Ngapagwa chindu chachichisigalile, yele ni yakuti Ambuje Akunnungu. 18Sooni ŵampepe mu uŵelesi wenu mwasyene ŵaali ŵachilume tajigalikwe migole, nombewo tachiŵa ŵaiyoyo mu nyuumba ja mwenye jwa ku Babeli.”
19Nombe mwenye che Hesekia ŵaasalile jwakulondola che Isaya, “Liloŵe lya Ambuje Akunnungu linsasile lili lyambone.” Mwenye che Hesekia ŵaŵechete maloŵe go pakuŵa ŵaganisisye muntima mwakwe kuti, “Uweji ŵandu ŵa ku Yuda tutuŵe ni chitendewele ni usalama pa katema ka umi wangu.”
Mbesi ja umwenye wa che Hesekia
(2 Indu ya katema 32:32-33)
20Indu ine iyakopochele mu utawala wa mwenye che Hesekia ni indu iŵaitesile ni indu iyatite kwajendele yambone, ni ŵatite kolosya chisima ni kusola nkolola waukwilimisya meesi kugaichisya mmusi, yoseyo ilembekwe mu Chitabu cha chikumbuchisyo cha Mamwenye ŵa ku Yuda. 21Che Hesekia ŵawile, ni kunsika mmalembe ga achatatigwe. Che Manase mwanagwe ŵatawele pamalo pakwe.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.