1 Indu ya katema 21
21
Che Daudi akwaŵalanga ŵandu
(2 Samweli 24:1-25)
1Achisoka ŵakopochele kuti ŵaalagasye Ŵaisilaeli, ŵaanyenjile che Daudi kuti ŵaaŵalanje ŵandu. 2Kwayele, che Daudi ŵaasalile che Yoabu ni aŵala achakulu ŵane ŵa mipingi ja ŵangondo, “Njaule nkaaŵalanje Ŵaisilaeli, kutandulila ku Beli Sheba mpaka ku Dani. Nipele nyicheje kumuusalile kuti naimanye alinji ŵalingwa.”
3Nambo che Yoabu ŵatite, “Ambuje Akunnungu ŵaajonjechesye Ŵaisilaeli ni ŵaachuluye nnope kupunda yatite sambanojino! Nambo alakwe mwenye ŵangu, ana ŵanyaŵa wose nganaŵa ŵakutumichila ŵenu? Kwachichi nkusaka kupanganya indu ichiyaleŵekasye Ŵaisilaeli?” 4Nambo chaŵechete mwenye chaliji ni machili kwannope kwa che Yoabu. Kwayele, che Yoabu ŵatyosile ŵajawile ku chilambo chose cha ku Isilaeli, nipele ŵausile ku Yelusalemu. 5Che Yoabu ŵapeleche chiŵalanjilo chose kwa mwenye che Daudi. Ku chilambo cha Isilaeli ŵapali achalume milioni moja na laki moja, ŵaakukombola kuputana ngondo, ni ku Yuda ŵapali achalume laki nne na elufu sabini ŵaakukombola kuputana ngondo. 6Nambo che Yoabu nganiŵaŵalanga Ŵalawi ni Ŵabenyamini, ligongo malajisyo ga mwenye gaachimikasisye kwannope.
7Akunnungu ngananonyelwa ni chele chindu cho, kwayele ŵajamwiche Ŵaisilaeli. 8Che Daudi ŵasalile Akunnungu, “Ndesile sambi jekulungwa kwa chele chindu chindesile chi! Nambo chonde munechelesye uneji jwakutumichila jwenu, pakuŵa ndesile yakuloŵela kwa nnope.”
9Nipele, Ambuje Akunnungu ŵaasalile che Gadi, jwakulondola jwa che Daudi, kuti, 10“Njaule nkaasalile che Daudi kuti une Ambuje Akunnungu ngwapa indu itatu. Asagule chimo chakwe chichinaatendele.”
11Kwayele che Gadi ŵanjaulile che Daudi ni kwasalila, “Ambuje Akunnungu akuti nsagule chindu chimo, 12yaka itatu ya sala, pane myesi jitatu ja kuputikwa ni ŵammagongo ŵenu, pane moŵa gatatu Ambuje Akunnungu anjonanje kwa kunnyichisya ilwele yakogoya pa chilambo, ni katumetume jwakwe jwa kwinani ajaule akaajonanje ŵandu pa chilambo chose cha ku Isilaeli. Sambano nsagule, ngaajanje chinauli ŵandumile ŵala?”
13Che Daudi ŵaajanjile che Gadi, “Ngwete lipamba nnope! mbaya anyamuche Ambuje Akunnungu pakuwa ŵelewo akwete chanasa nnope. Nambo ngangusaka kwamukwa ni ŵandu.”
14Nipele, Ambuje Akunnungu ŵaapelechele Ŵaisilaeli ulwele wakogoya, ni Ŵaisilaeli elufu sabini ŵawile. 15Sooni Akunnungu ŵannajisye katumetume jwa kwinani ajaule kukuujonanga musi wa ku Yelusalemu, nambo paŵaŵandichile kupanganya yeleyo, Ambuje Akunnungu ŵagalawisye nningwa wakwe, ni kunsalila katumetume juŵajonangaga ŵandu jo kuti, “Ikwanile!” Katumetume jwa kwinani ŵaajimi chiŵandi ni luŵala lwakuputukulila ngano lwa che Alauna Myebusi.
16Che Daudi ŵalolite, ŵammweni katumetume jwa kwinani jwa Ambuje Akunnungu jo ali ajimi pasikati ja liunde ni lisi, nombejo aulosisye upanga wakwe cha ku Yelusalemu ali chile aujonanje. Pelepo che Daudi ni achachekulu ali ŵawete magunia, ŵagonile maanguku paasi. 17Che Daudi ŵasalile Akunnungu, “Ana, une ngaŵa ni junalajisye kuti ŵandu aŵalanjikwe? Ni une ni junaatesile sambi ni maleŵa ga. Nambo ŵandu ŵa aleŵile chichi? Ngunchondelela, alakwe Ambuje Akunnungu, Akunnungu ŵangu, mungulupusye une pamo ni achalongo ŵangu, choonde au ulwele wakogoya wu waŵambale ŵandu ŵenu.”
18Nipele katumetume jwa kwinani ŵalajisye che Gadi ŵasalile che Daudi ajaule akaataŵile chilisa Ambuje Akunnungu paluŵala lwakukuŵitila ngano lwa che Alauna Myebusi. 19Che Daudi ŵajitichisye malajisyo ga Ambuje Akunnungu, ŵajawile mpela iŵatite kusalilwa ni che Gadi. 20Che Alauna paŵagalawiche ni kunnola katumetume jwa kwinani jula, nipele jwelejo ni achiŵanagwe ncheche ŵaŵaliji pamo nawo ŵalijuŵile. Nombe che Alauna ŵaliji nkuputukula ngano. 21Papopo che Alauna ŵammweni che Daudi ali nkwika, ni ŵaachingamile ni ŵatindiŵele ni kwakotamila mpaka paasi. 22Che Daudi ŵasalile che Alauna, “Mumbe luŵala lwenu lwa kuputukulila ngano kuti naataŵile Ambuje Akunnungu chilisa. Tinampe ntengo wemalile kuti ulwele wa tauni umale.”
23Nombe che Alauna ŵaasalile che Daudi, “Njigale luŵala lu, ambuje ŵangu mwenye, Ambuje atendeleje yakusaka ansyene. Nnole ngutyosya mikambaku ja ng'ombe kwa ligongo lya mbopesi sya kutinisya, ni indu ya kuputukulila iŵe sasu, pamo ni ngano siŵe mbopesi sya yakulya. Yoseyo ngumpa.”
24Nambo mwenye che Daudi ŵaasalile che Alauna, “Ngwamba! Tinjisuma kwa malipilo gakumalila. Ngangwapa Ambuje Akunnungu chindu chachili chenu pane kwapelechela mbopesi sya kutinisya syanganimbanganyichisya masengo.” 25Kwayele, che Daudi ŵaalipile che Alauna kwa kwapimila shekeli mia sita sya sahabu kulipila luŵala lo. 26Nipele che Daudi ŵaataŵile chilisa Ambuje Akunnungu pamalo po ni kwatochesya mbopesi sya kutinisya ni sya chitendewele. Ŵapopelele Ambuje Akunnungu, nombewo ŵajitichisye lipopelo lyakwe kwa kuichisya moto kutyochela kwinani ni kujitinisya ajila mbopesi pachilisa.
27Nipele, Ambuje Akunnungu ŵannamwile katumetume jwa kwinani jwa Akunnungu, nombejo ŵausisye sooni upanga mwigonele mwakwe. 28Katema, che Daudi paŵaiweni kuti Ambuje Akunnungu ajitichisye lipopelo lyakwe paluŵala lwa kuputukulila ngano lwa che Alauna Myebusi, ŵapeleche mbopesi syakutinisya papopo. 29Lisakasa lya Ambuje Akunnungu lilyataŵikwe ni che Musa ku ukweti, ni chilisa cha kupelechela mbopesi sya kutinisya, katema ko syaliji chiŵela sili pa malo pa kupopelela ku Gibeoni ko. 30Nambo che Daudi nganakombola kwaula kweleko kukwausya Akunnungu, pakuŵa ŵaujogopaga upanga wa katumetume jwa kwinani jwa Ambuje Akunnungu.
നിലവിൽ തിരഞ്ഞെടുത്തിരിക്കുന്നു:
1 Indu ya katema 21: YBV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.
1 Indu ya katema 21
21
Che Daudi akwaŵalanga ŵandu
(2 Samweli 24:1-25)
1Achisoka ŵakopochele kuti ŵaalagasye Ŵaisilaeli, ŵaanyenjile che Daudi kuti ŵaaŵalanje ŵandu. 2Kwayele, che Daudi ŵaasalile che Yoabu ni aŵala achakulu ŵane ŵa mipingi ja ŵangondo, “Njaule nkaaŵalanje Ŵaisilaeli, kutandulila ku Beli Sheba mpaka ku Dani. Nipele nyicheje kumuusalile kuti naimanye alinji ŵalingwa.”
3Nambo che Yoabu ŵatite, “Ambuje Akunnungu ŵaajonjechesye Ŵaisilaeli ni ŵaachuluye nnope kupunda yatite sambanojino! Nambo alakwe mwenye ŵangu, ana ŵanyaŵa wose nganaŵa ŵakutumichila ŵenu? Kwachichi nkusaka kupanganya indu ichiyaleŵekasye Ŵaisilaeli?” 4Nambo chaŵechete mwenye chaliji ni machili kwannope kwa che Yoabu. Kwayele, che Yoabu ŵatyosile ŵajawile ku chilambo chose cha ku Isilaeli, nipele ŵausile ku Yelusalemu. 5Che Yoabu ŵapeleche chiŵalanjilo chose kwa mwenye che Daudi. Ku chilambo cha Isilaeli ŵapali achalume milioni moja na laki moja, ŵaakukombola kuputana ngondo, ni ku Yuda ŵapali achalume laki nne na elufu sabini ŵaakukombola kuputana ngondo. 6Nambo che Yoabu nganiŵaŵalanga Ŵalawi ni Ŵabenyamini, ligongo malajisyo ga mwenye gaachimikasisye kwannope.
7Akunnungu ngananonyelwa ni chele chindu cho, kwayele ŵajamwiche Ŵaisilaeli. 8Che Daudi ŵasalile Akunnungu, “Ndesile sambi jekulungwa kwa chele chindu chindesile chi! Nambo chonde munechelesye uneji jwakutumichila jwenu, pakuŵa ndesile yakuloŵela kwa nnope.”
9Nipele, Ambuje Akunnungu ŵaasalile che Gadi, jwakulondola jwa che Daudi, kuti, 10“Njaule nkaasalile che Daudi kuti une Ambuje Akunnungu ngwapa indu itatu. Asagule chimo chakwe chichinaatendele.”
11Kwayele che Gadi ŵanjaulile che Daudi ni kwasalila, “Ambuje Akunnungu akuti nsagule chindu chimo, 12yaka itatu ya sala, pane myesi jitatu ja kuputikwa ni ŵammagongo ŵenu, pane moŵa gatatu Ambuje Akunnungu anjonanje kwa kunnyichisya ilwele yakogoya pa chilambo, ni katumetume jwakwe jwa kwinani ajaule akaajonanje ŵandu pa chilambo chose cha ku Isilaeli. Sambano nsagule, ngaajanje chinauli ŵandumile ŵala?”
13Che Daudi ŵaajanjile che Gadi, “Ngwete lipamba nnope! mbaya anyamuche Ambuje Akunnungu pakuwa ŵelewo akwete chanasa nnope. Nambo ngangusaka kwamukwa ni ŵandu.”
14Nipele, Ambuje Akunnungu ŵaapelechele Ŵaisilaeli ulwele wakogoya, ni Ŵaisilaeli elufu sabini ŵawile. 15Sooni Akunnungu ŵannajisye katumetume jwa kwinani ajaule kukuujonanga musi wa ku Yelusalemu, nambo paŵaŵandichile kupanganya yeleyo, Ambuje Akunnungu ŵagalawisye nningwa wakwe, ni kunsalila katumetume juŵajonangaga ŵandu jo kuti, “Ikwanile!” Katumetume jwa kwinani ŵaajimi chiŵandi ni luŵala lwakuputukulila ngano lwa che Alauna Myebusi.
16Che Daudi ŵalolite, ŵammweni katumetume jwa kwinani jwa Ambuje Akunnungu jo ali ajimi pasikati ja liunde ni lisi, nombejo aulosisye upanga wakwe cha ku Yelusalemu ali chile aujonanje. Pelepo che Daudi ni achachekulu ali ŵawete magunia, ŵagonile maanguku paasi. 17Che Daudi ŵasalile Akunnungu, “Ana, une ngaŵa ni junalajisye kuti ŵandu aŵalanjikwe? Ni une ni junaatesile sambi ni maleŵa ga. Nambo ŵandu ŵa aleŵile chichi? Ngunchondelela, alakwe Ambuje Akunnungu, Akunnungu ŵangu, mungulupusye une pamo ni achalongo ŵangu, choonde au ulwele wakogoya wu waŵambale ŵandu ŵenu.”
18Nipele katumetume jwa kwinani ŵalajisye che Gadi ŵasalile che Daudi ajaule akaataŵile chilisa Ambuje Akunnungu paluŵala lwakukuŵitila ngano lwa che Alauna Myebusi. 19Che Daudi ŵajitichisye malajisyo ga Ambuje Akunnungu, ŵajawile mpela iŵatite kusalilwa ni che Gadi. 20Che Alauna paŵagalawiche ni kunnola katumetume jwa kwinani jula, nipele jwelejo ni achiŵanagwe ncheche ŵaŵaliji pamo nawo ŵalijuŵile. Nombe che Alauna ŵaliji nkuputukula ngano. 21Papopo che Alauna ŵammweni che Daudi ali nkwika, ni ŵaachingamile ni ŵatindiŵele ni kwakotamila mpaka paasi. 22Che Daudi ŵasalile che Alauna, “Mumbe luŵala lwenu lwa kuputukulila ngano kuti naataŵile Ambuje Akunnungu chilisa. Tinampe ntengo wemalile kuti ulwele wa tauni umale.”
23Nombe che Alauna ŵaasalile che Daudi, “Njigale luŵala lu, ambuje ŵangu mwenye, Ambuje atendeleje yakusaka ansyene. Nnole ngutyosya mikambaku ja ng'ombe kwa ligongo lya mbopesi sya kutinisya, ni indu ya kuputukulila iŵe sasu, pamo ni ngano siŵe mbopesi sya yakulya. Yoseyo ngumpa.”
24Nambo mwenye che Daudi ŵaasalile che Alauna, “Ngwamba! Tinjisuma kwa malipilo gakumalila. Ngangwapa Ambuje Akunnungu chindu chachili chenu pane kwapelechela mbopesi sya kutinisya syanganimbanganyichisya masengo.” 25Kwayele, che Daudi ŵaalipile che Alauna kwa kwapimila shekeli mia sita sya sahabu kulipila luŵala lo. 26Nipele che Daudi ŵaataŵile chilisa Ambuje Akunnungu pamalo po ni kwatochesya mbopesi sya kutinisya ni sya chitendewele. Ŵapopelele Ambuje Akunnungu, nombewo ŵajitichisye lipopelo lyakwe kwa kuichisya moto kutyochela kwinani ni kujitinisya ajila mbopesi pachilisa.
27Nipele, Ambuje Akunnungu ŵannamwile katumetume jwa kwinani jwa Akunnungu, nombejo ŵausisye sooni upanga mwigonele mwakwe. 28Katema, che Daudi paŵaiweni kuti Ambuje Akunnungu ajitichisye lipopelo lyakwe paluŵala lwa kuputukulila ngano lwa che Alauna Myebusi, ŵapeleche mbopesi syakutinisya papopo. 29Lisakasa lya Ambuje Akunnungu lilyataŵikwe ni che Musa ku ukweti, ni chilisa cha kupelechela mbopesi sya kutinisya, katema ko syaliji chiŵela sili pa malo pa kupopelela ku Gibeoni ko. 30Nambo che Daudi nganakombola kwaula kweleko kukwausya Akunnungu, pakuŵa ŵaujogopaga upanga wa katumetume jwa kwinani jwa Ambuje Akunnungu.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Yao New Testament © The Word for the World Southern Africa and Pioneer Bible Translators, 2018.