Matthew 3
3
John Baptiz Kishiu no Alaghi Ghephetsü
1Tipau ghuloki lo John Baptiz kishiu no Judea lo timi küghünamoke-a lo kütsüsü ighi 2no ishi pi, “Amlo pebidelo kughengu kungugha kükaqha ye kupunú ighivae.” 3Tungkupuu Isaiah vechewo John vehu lo ishi pipüake:
“Yenguike-a lono asütsa lakhi no ishi ighamuku anie,
‘Ampeu ghenguno alaghi ghepe qhitsülo,
pa no wu kepu laghi müzüchoi shitsülo.’ ”#3:3 Isa 40:3
4Johnʼw tiphimini ye ut mhi no mülà keu, eno pa ye ashiyiko pokha no pa chita khapu eno leusü ngò aghasa lo akhingozü no pa chuqupu shiche. 5Jerusalem, Judea qhalo eno Jordan ko-aqha kümtsü lono timiqo no John lau ighie. 6Panongu no pano xinéqo piphe püzü John no Jordan Ghoki lono panongu baptiz shitsüe.
7Ikemu kughou John no Phariseemi ngò Sadduceemiqo kutomo no pa no baptiz shi akeu-a küdau chekeu ithulu keno, pa no ishi panongu vilo pi: “Nongu apighitiqo! Khuu no nongu pelo Alhou loghukighide chekeu lono polu penike pikichive kea? 8Amlo pebideve keu toi xüpe piyelo. 9Eno nongu ye nolikhi no vilo, ‘Ningu ye Abraham tilimiqo ke,’ ipi pilu nani küghashi kümsü kevilo. Ino nongu vilo pìní, Alhou ye atu hipaqo pesü Abraham ghenguno anuli kughulhopheve tsülu nani. 10Amghü ye asüboqo kuhu phivilo kutò pe ani, eno asübo khijehi no axathi kivi pithímoni keno yeqhive no ami lo vesüve nani.
11“Nongu mulo pebide penike ghenguno ni ye azü pesü nongu baptiz shitsü ani. Ikemu khuu ishelo cheni keno pa ye inguno akumtou ke, ni ye pa pukhukuqhomu pe küzü kumoe. Pa no Aghungú Kimthe eno ami pesü nongu baptiz shitsü nani. 12Pa u lo pa thigha pesü ani, eno pa no pa niqa shikimthe no amuu kütashi fuleve no pa thì pekütsü pesü ale lo sǘ nani ikemu amuu ye khilemu ghapinhe müla keu mi lono pitive nani.”
Jisü Baptiz Shikeu
13Tipathiu Jisü ye John pelo baptiz shitsü peniye Galilee lono Jordan ghoki lo ighi. 14Ikemu John no pa lakha ghi pi, “Nono ni baptiz shitsü moayesa ani püzü nou no ilau ighi ani keshea?”
15Jisü no khochile, “Itehi ghengu ye ishi aghivelo; achipiumikucho kümtsü shikupu nike ghenguno hipau shikeu no achipi ke.” Tile no John no pulove tsü.
16Jisü ye baptiz shive kemtsa, pa ye azü lono khalau ipeghive. Tipa mütsa no kungugha khaqhive, eno Alhou Ghungú no miqhedu lakhi toi pa shou iku ngove keu pa no ithulu. 17Eno kungugha lono asütsa lakhi no ishi pi, “Hiye ino qhuivü chekeu Nu ke; ni ye pa shou imlokiqi achenie.”
നിലവിൽ തിരഞ്ഞെടുത്തിരിക്കുന്നു:
Matthew 3: STB
ഹൈലൈറ്റ് ചെയ്യുക
പങ്ക് വെക്കു
താരതമ്യം
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.
Matthew 3
3
John Baptiz Kishiu no Alaghi Ghephetsü
1Tipau ghuloki lo John Baptiz kishiu no Judea lo timi küghünamoke-a lo kütsüsü ighi 2no ishi pi, “Amlo pebidelo kughengu kungugha kükaqha ye kupunú ighivae.” 3Tungkupuu Isaiah vechewo John vehu lo ishi pipüake:
“Yenguike-a lono asütsa lakhi no ishi ighamuku anie,
‘Ampeu ghenguno alaghi ghepe qhitsülo,
pa no wu kepu laghi müzüchoi shitsülo.’ ”#3:3 Isa 40:3
4Johnʼw tiphimini ye ut mhi no mülà keu, eno pa ye ashiyiko pokha no pa chita khapu eno leusü ngò aghasa lo akhingozü no pa chuqupu shiche. 5Jerusalem, Judea qhalo eno Jordan ko-aqha kümtsü lono timiqo no John lau ighie. 6Panongu no pano xinéqo piphe püzü John no Jordan Ghoki lono panongu baptiz shitsüe.
7Ikemu kughou John no Phariseemi ngò Sadduceemiqo kutomo no pa no baptiz shi akeu-a küdau chekeu ithulu keno, pa no ishi panongu vilo pi: “Nongu apighitiqo! Khuu no nongu pelo Alhou loghukighide chekeu lono polu penike pikichive kea? 8Amlo pebideve keu toi xüpe piyelo. 9Eno nongu ye nolikhi no vilo, ‘Ningu ye Abraham tilimiqo ke,’ ipi pilu nani küghashi kümsü kevilo. Ino nongu vilo pìní, Alhou ye atu hipaqo pesü Abraham ghenguno anuli kughulhopheve tsülu nani. 10Amghü ye asüboqo kuhu phivilo kutò pe ani, eno asübo khijehi no axathi kivi pithímoni keno yeqhive no ami lo vesüve nani.
11“Nongu mulo pebide penike ghenguno ni ye azü pesü nongu baptiz shitsü ani. Ikemu khuu ishelo cheni keno pa ye inguno akumtou ke, ni ye pa pukhukuqhomu pe küzü kumoe. Pa no Aghungú Kimthe eno ami pesü nongu baptiz shitsü nani. 12Pa u lo pa thigha pesü ani, eno pa no pa niqa shikimthe no amuu kütashi fuleve no pa thì pekütsü pesü ale lo sǘ nani ikemu amuu ye khilemu ghapinhe müla keu mi lono pitive nani.”
Jisü Baptiz Shikeu
13Tipathiu Jisü ye John pelo baptiz shitsü peniye Galilee lono Jordan ghoki lo ighi. 14Ikemu John no pa lakha ghi pi, “Nono ni baptiz shitsü moayesa ani püzü nou no ilau ighi ani keshea?”
15Jisü no khochile, “Itehi ghengu ye ishi aghivelo; achipiumikucho kümtsü shikupu nike ghenguno hipau shikeu no achipi ke.” Tile no John no pulove tsü.
16Jisü ye baptiz shive kemtsa, pa ye azü lono khalau ipeghive. Tipa mütsa no kungugha khaqhive, eno Alhou Ghungú no miqhedu lakhi toi pa shou iku ngove keu pa no ithulu. 17Eno kungugha lono asütsa lakhi no ishi pi, “Hiye ino qhuivü chekeu Nu ke; ni ye pa shou imlokiqi achenie.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
താരതമ്യം
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.