Mark 5
5
Yɛsə kambe nde 'yi'yɛghwə
(MAT 8.28-34; LWK 8.26-39)
1Pɛkwe yɛ Yɛsə le mbeli nyi ketəkwə təkwə shave pelɛ kema ta ndərəa Galilɛ kadzete hɛɗia ka Zhɛraza. 2Ma kwa sawa Yɛsə kwa kwambelə ne, pɛkwe kwete nde 'yi'yɛghwə taghanyɛ shave hwa kwele se shɛ kabegeme le. 3Hwa kwelea shɛhɛ nza ŋkɛ, wəndə shɛ kapesle yitea hwepe ŋkɛ ya kwa zewe lɛ we. 4Kwa nza ŋkɛ ne, nahe mbeli kese kahwehwepe ŋkɛ le zewe lɛ, ama nahe ŋkɛ keŋsleŋslemte hɛ pɛtɛ. Wəndə shɛ bereteke kezha keseyi ŋkɛ divə we. 5Mbe pɛtɛa və, viɗi le veci ne, kanza ŋkɛ dzeyi hwa yɛ kwele ba'a dzeyi hwa yɛ ghweme katsa lewela ba'a kadaŋwe ghəa ŋkɛ le pelɛ.
6Ma kwa nakɛ Yɛsə ŋkɛ cakeɗake ne, tereŋe tehwɛ kase shɛ, gwəɗəŋə ŋkɛ mbeyitere hwəa ŋkɛ kahawe ve. 7Ma ke tsate lewela le berete: «Wa yaɗe na le 'ya wa, Yɛsə Wəzege ta Shala tehwə ghweme. Təhwə təhwə ŋa 'ya te sləa Shala, mba na kesa ɗa yaka.» 8Kwa nza ŋkɛ ma ke Yɛsə gezete nda: «'Yi'yɛghwə, shave mbe wəndə nya.» 9Ma ke Yɛsə 'yɛwete va wəndəa shɛ: «Wa sləa ŋa wa?» Ma ke zhɛnete nda: «Wəvəsə sləa ɗa. Kwa nza ghen'yɛ kwele kwele.» 10Pa ŋkɛ mpiyi nda dzeve kwele kwele kezha ɗema ŋkɛ kaŋka 'yi'yɛghwəa shɛhɛ seyi te hɛɗia shɛ.
11Tagha gərədə kwele kwele dzeme vare ghweme kazele wəshi kezemea nci. 12Ma ke 'yi'yɛghwəa shɛhɛ səkwəve hweŋkwa va Yɛsə: «Ghweneghe n'yɛ kadzembe gərədə nyi, pelakɛ n'yɛ kadzembe hɛ.» 13Pa Yɛsə pelave nda hweŋkwa ke hɛ, pa hɛ shavenji mbe wəndəa shɛ ba'a dzembenji mbe yɛ gərədə. Pɛtɛa gərədəa shɛhɛ kwesayɛ le hwɛ betakawa geva sawa pelɛ wəmbəa ŋkwa kadzawa ndərə. Nahe hɛ kemene gare slibə bake, pɛtɛ hɛ mpənji.
14Kweracɛ ka ya gərədəa shɛhɛ hwɛnji kajɛghɛ ba'a gezete wəsə nya kemenete geva mbe meleme nya wəba ba'a dzeyi mbe meleme nyi ɓɛhwɛ ɓɛhwɛ, tekwəsəmə mbeli shave mbe meleme kanewe wəsə nya kemenete geva. 15Ma kwa se hɛ sha Yɛsə ne, mentishɛ wəndə nya se nyagha 'yi'yɛghwə kwele kwele mbe. Le lekwesa kənəa geva ve, tiɗiɗi mehele ta ŋkɛ. Benake hɛ va ghazlənə. 16Ma mbeli nyi kenakɛ mbe ta wəndəa shɛ ne, pa hɛ gezete nda ke hɛ tsema tsema menete geva ŋkɛ le nde 'yi'yɛghwəa shɛ ba'a le gərədə. 17Ntake hɛ katsa nda təhwətə ke Yɛsə kezha slənyɛ ŋkɛ te hɛɗia nci.
18Ma kadzawa kwambelə Yɛsə ne, ntake wəndə nya se 'yi'yɛghwə yitea ghə ve kasəkwə hweŋkwa ve kezha nza ŋkɛ le. 19Kese Yɛsə kayɛ nda we, ma ke: «Kwiɗi sha ghɛa ŋa, sha mbelia ŋayɛ, gezete nda wəsə nya menete ŋa Mahwətə ke hɛ mbe zeɗe helia ŋkɛ yitea gha.» 20Ntəŋə wəndəa shɛ yitea geze yayata wəsə nya menete nda Yɛsə dzeyi te hɛɗia Meleme Meŋe. Pɛtɛa mbeli nyi kefate ne, heheɓake nza hɛ va wəsəa shɛ.
Wəzha ta Zhayirəs ba'a male nya kekwaɗakɛ lekwesa ta Yɛsə
(MAT 9.18-26; LWK 8.40-56)
21Ma kwa zhɛneke geva Yɛsə shave pelɛ kwete kema ta ndərə ne, kwele kwele mbeli tsenete geva yite mɛa hələbə. 22Pa kwete wəndə nya te ghəa cɛ kesəkwə ghə nya nza sləa ŋkɛ kaZhayirəs se. Ma kwa nakɛ Yɛsə ŋkɛ, gwəɗəŋə ŋkɛ mbe hwəa ŋkɛ, 23ma ke mpiyi nda dzeve: «Mbe wənə mbe wənə tene wəzha ta ɗa. Təhwə təhwə ŋa 'ya, nde dapakɛ le dzeve ta ŋa nda mbele nde ba'a nda nza nde teghweme.» 24Ntəŋə Yɛsə le, kwele kwele mbeli nyi kebeghakɛ kalə ba'a nyi ketsetsəkwə ŋkɛ laka yayata bela.
25Tagha male nya hwɛ mimi yite ghalanza kava meŋe bakeghəmbe. 26Kwele kwele sahwe yaka nde kazele ghwɛ laka ka dakwəterə, pɛtɛ cɛdɛ zamte geva yitea dzeve ve. Ama kemenete yimə le we nde we, kwele ma zhɛkwa ŋkɛ kazhɛ nda. 27Ma kwa fave zləvəa Yɛsə nde, pa ŋkɛ se kadzehwa mbeli, pa dzeyi nda kwetere wəmbəa Yɛsə kakwaɗakɛ lekwesa ta ŋkɛ. 28Kwa nza ŋkɛ, ma ke mbe ghəa nta: «Ma ya kakwaɗakɛ deke lekwesa ta ŋkɛ 'ya ne, nza pələsə nza 'ya.» 29Te ŋkwa shɛnyɛ hase mimi nya kehwɛ yite, fa nde mbe geva ta nta ne, lɛŋe lɛŋe nde. 30Te ŋkwa shɛnyɛ, pa Yɛsə fate berete shave mbe geva ta ŋkɛ, tewətelɛwe ŋkɛ sha geva hwa mbeli: «Wa nde kwaɗakɛ lekwesa ta ɗa wa?» 31Ma ke mbeli nyi ketəkwə təkwə shɛ: «Kanewe mbeli na katsəkwə ŋa se laka yayata bela ne, ama ka'yɛwe wəndə nya kekwaɗakɛ ŋa na.»
32Ama mba ŋkɛ kanewe ŋkwa nya dzeyi yite kezha newe wəndə nya kemenete wəsəa shɛ. 33Mbe bare bare male nyagha va ghazlənə, kwa nza ŋkɛ nahe nde keɗepe wəsə nya kemenete nda geva. Pa nde se kagwəɗəŋə yitea seɗa ta ŋkɛ kagezete nda kaganda ta wəsə nya kemenete nda geva pɛtɛ. 34Ma ke Yɛsə shɛ: «Wəzha ta ɗa, yɛ ta ŋa nde mbete ŋa. Kwiɗi le kwelɛŋe, kiɗimte ŋa geva zereghwe ta ŋa.»
35Mba Yɛsə mbe geze ghena nyagha ne, pa mbeli se ki ghɛa Zhayirəs, wəndə nya te ghə, ma ke hɛ shɛ: «Nahe wəzha ta ŋa kemte, wa yaleɓe Nde sleke n'yɛ na yite gəmə zhɛkwa wa?» 36Ama kese Yɛsə kave sleme yitea ghena ta nci we, ma ke sha Zhayirəs: «Ghazlənəma na ma, yɛhwe nahe ke ta ŋa.» 37Keɗe ŋkɛ kabeghe ŋkɛ kwete wəndə we, deke yɛ Piyɛre le Zhake ba'a Zhaŋe, wəza meghekɛa Zhake. 38Ma kwa ntsehe hɛ ki ghɛa wəndə nya te ghəa cɛ kesəkwə ghə, newe ke Yɛsə ne, kaheha mbeli, kanehwene katsa lewela kwele kwele. 39Pa ŋkɛ dzeki ghɛ, ma ke: «Wa raberə heha yɛ kala nya wa? Wa raberə nehwene yɛ wa? Kemte wəzegea shɛ we, ama te hɛ nde.» 40Ntake hɛ kaŋ'wəshi Yɛsə. Pa ŋkakave mbeli pɛtɛ, pa hekakɛ yitenyɛa wəzege le meghekɛ ba'a ka təkwə təkwə ŋkɛ mahekene kadzembe cɛ nya nza wəzegea shɛ. 41Pa ŋkɛ keseve dzeve ta wəzegea shɛ, ma ke: «Talita kəwm», geze ta ŋkɛ: «Wəzha, ma 'ya sha gha: sate te ŋkwa.» 42Pelɛhetɛme wəzha shɛ kahe kahe, ntake nde kadzeghwa. Nahe va ta nta kenza meŋe bakeghəmbe. Ma kwa nakɛ hɛ kala nya, heheɓake hɛ kwele kwele. 43Ama pa Yɛsə meɗekɛ hɛ ndeɗekə kezha ɗema hɛ kageze nda ke kwete wəndə. Ma ke sha hɛ: «Ɗave nda mə wəsə kezeme.»
നിലവിൽ തിരഞ്ഞെടുത്തിരിക്കുന്നു:
Mark 5: BEKDC12
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.
Mark 5
5
Yɛsə kambe nde 'yi'yɛghwə
(MAT 8.28-34; LWK 8.26-39)
1Pɛkwe yɛ Yɛsə le mbeli nyi ketəkwə təkwə shave pelɛ kema ta ndərəa Galilɛ kadzete hɛɗia ka Zhɛraza. 2Ma kwa sawa Yɛsə kwa kwambelə ne, pɛkwe kwete nde 'yi'yɛghwə taghanyɛ shave hwa kwele se shɛ kabegeme le. 3Hwa kwelea shɛhɛ nza ŋkɛ, wəndə shɛ kapesle yitea hwepe ŋkɛ ya kwa zewe lɛ we. 4Kwa nza ŋkɛ ne, nahe mbeli kese kahwehwepe ŋkɛ le zewe lɛ, ama nahe ŋkɛ keŋsleŋslemte hɛ pɛtɛ. Wəndə shɛ bereteke kezha keseyi ŋkɛ divə we. 5Mbe pɛtɛa və, viɗi le veci ne, kanza ŋkɛ dzeyi hwa yɛ kwele ba'a dzeyi hwa yɛ ghweme katsa lewela ba'a kadaŋwe ghəa ŋkɛ le pelɛ.
6Ma kwa nakɛ Yɛsə ŋkɛ cakeɗake ne, tereŋe tehwɛ kase shɛ, gwəɗəŋə ŋkɛ mbeyitere hwəa ŋkɛ kahawe ve. 7Ma ke tsate lewela le berete: «Wa yaɗe na le 'ya wa, Yɛsə Wəzege ta Shala tehwə ghweme. Təhwə təhwə ŋa 'ya te sləa Shala, mba na kesa ɗa yaka.» 8Kwa nza ŋkɛ ma ke Yɛsə gezete nda: «'Yi'yɛghwə, shave mbe wəndə nya.» 9Ma ke Yɛsə 'yɛwete va wəndəa shɛ: «Wa sləa ŋa wa?» Ma ke zhɛnete nda: «Wəvəsə sləa ɗa. Kwa nza ghen'yɛ kwele kwele.» 10Pa ŋkɛ mpiyi nda dzeve kwele kwele kezha ɗema ŋkɛ kaŋka 'yi'yɛghwəa shɛhɛ seyi te hɛɗia shɛ.
11Tagha gərədə kwele kwele dzeme vare ghweme kazele wəshi kezemea nci. 12Ma ke 'yi'yɛghwəa shɛhɛ səkwəve hweŋkwa va Yɛsə: «Ghweneghe n'yɛ kadzembe gərədə nyi, pelakɛ n'yɛ kadzembe hɛ.» 13Pa Yɛsə pelave nda hweŋkwa ke hɛ, pa hɛ shavenji mbe wəndəa shɛ ba'a dzembenji mbe yɛ gərədə. Pɛtɛa gərədəa shɛhɛ kwesayɛ le hwɛ betakawa geva sawa pelɛ wəmbəa ŋkwa kadzawa ndərə. Nahe hɛ kemene gare slibə bake, pɛtɛ hɛ mpənji.
14Kweracɛ ka ya gərədəa shɛhɛ hwɛnji kajɛghɛ ba'a gezete wəsə nya kemenete geva mbe meleme nya wəba ba'a dzeyi mbe meleme nyi ɓɛhwɛ ɓɛhwɛ, tekwəsəmə mbeli shave mbe meleme kanewe wəsə nya kemenete geva. 15Ma kwa se hɛ sha Yɛsə ne, mentishɛ wəndə nya se nyagha 'yi'yɛghwə kwele kwele mbe. Le lekwesa kənəa geva ve, tiɗiɗi mehele ta ŋkɛ. Benake hɛ va ghazlənə. 16Ma mbeli nyi kenakɛ mbe ta wəndəa shɛ ne, pa hɛ gezete nda ke hɛ tsema tsema menete geva ŋkɛ le nde 'yi'yɛghwəa shɛ ba'a le gərədə. 17Ntake hɛ katsa nda təhwətə ke Yɛsə kezha slənyɛ ŋkɛ te hɛɗia nci.
18Ma kadzawa kwambelə Yɛsə ne, ntake wəndə nya se 'yi'yɛghwə yitea ghə ve kasəkwə hweŋkwa ve kezha nza ŋkɛ le. 19Kese Yɛsə kayɛ nda we, ma ke: «Kwiɗi sha ghɛa ŋa, sha mbelia ŋayɛ, gezete nda wəsə nya menete ŋa Mahwətə ke hɛ mbe zeɗe helia ŋkɛ yitea gha.» 20Ntəŋə wəndəa shɛ yitea geze yayata wəsə nya menete nda Yɛsə dzeyi te hɛɗia Meleme Meŋe. Pɛtɛa mbeli nyi kefate ne, heheɓake nza hɛ va wəsəa shɛ.
Wəzha ta Zhayirəs ba'a male nya kekwaɗakɛ lekwesa ta Yɛsə
(MAT 9.18-26; LWK 8.40-56)
21Ma kwa zhɛneke geva Yɛsə shave pelɛ kwete kema ta ndərə ne, kwele kwele mbeli tsenete geva yite mɛa hələbə. 22Pa kwete wəndə nya te ghəa cɛ kesəkwə ghə nya nza sləa ŋkɛ kaZhayirəs se. Ma kwa nakɛ Yɛsə ŋkɛ, gwəɗəŋə ŋkɛ mbe hwəa ŋkɛ, 23ma ke mpiyi nda dzeve: «Mbe wənə mbe wənə tene wəzha ta ɗa. Təhwə təhwə ŋa 'ya, nde dapakɛ le dzeve ta ŋa nda mbele nde ba'a nda nza nde teghweme.» 24Ntəŋə Yɛsə le, kwele kwele mbeli nyi kebeghakɛ kalə ba'a nyi ketsetsəkwə ŋkɛ laka yayata bela.
25Tagha male nya hwɛ mimi yite ghalanza kava meŋe bakeghəmbe. 26Kwele kwele sahwe yaka nde kazele ghwɛ laka ka dakwəterə, pɛtɛ cɛdɛ zamte geva yitea dzeve ve. Ama kemenete yimə le we nde we, kwele ma zhɛkwa ŋkɛ kazhɛ nda. 27Ma kwa fave zləvəa Yɛsə nde, pa ŋkɛ se kadzehwa mbeli, pa dzeyi nda kwetere wəmbəa Yɛsə kakwaɗakɛ lekwesa ta ŋkɛ. 28Kwa nza ŋkɛ, ma ke mbe ghəa nta: «Ma ya kakwaɗakɛ deke lekwesa ta ŋkɛ 'ya ne, nza pələsə nza 'ya.» 29Te ŋkwa shɛnyɛ hase mimi nya kehwɛ yite, fa nde mbe geva ta nta ne, lɛŋe lɛŋe nde. 30Te ŋkwa shɛnyɛ, pa Yɛsə fate berete shave mbe geva ta ŋkɛ, tewətelɛwe ŋkɛ sha geva hwa mbeli: «Wa nde kwaɗakɛ lekwesa ta ɗa wa?» 31Ma ke mbeli nyi ketəkwə təkwə shɛ: «Kanewe mbeli na katsəkwə ŋa se laka yayata bela ne, ama ka'yɛwe wəndə nya kekwaɗakɛ ŋa na.»
32Ama mba ŋkɛ kanewe ŋkwa nya dzeyi yite kezha newe wəndə nya kemenete wəsəa shɛ. 33Mbe bare bare male nyagha va ghazlənə, kwa nza ŋkɛ nahe nde keɗepe wəsə nya kemenete nda geva. Pa nde se kagwəɗəŋə yitea seɗa ta ŋkɛ kagezete nda kaganda ta wəsə nya kemenete nda geva pɛtɛ. 34Ma ke Yɛsə shɛ: «Wəzha ta ɗa, yɛ ta ŋa nde mbete ŋa. Kwiɗi le kwelɛŋe, kiɗimte ŋa geva zereghwe ta ŋa.»
35Mba Yɛsə mbe geze ghena nyagha ne, pa mbeli se ki ghɛa Zhayirəs, wəndə nya te ghə, ma ke hɛ shɛ: «Nahe wəzha ta ŋa kemte, wa yaleɓe Nde sleke n'yɛ na yite gəmə zhɛkwa wa?» 36Ama kese Yɛsə kave sleme yitea ghena ta nci we, ma ke sha Zhayirəs: «Ghazlənəma na ma, yɛhwe nahe ke ta ŋa.» 37Keɗe ŋkɛ kabeghe ŋkɛ kwete wəndə we, deke yɛ Piyɛre le Zhake ba'a Zhaŋe, wəza meghekɛa Zhake. 38Ma kwa ntsehe hɛ ki ghɛa wəndə nya te ghəa cɛ kesəkwə ghə, newe ke Yɛsə ne, kaheha mbeli, kanehwene katsa lewela kwele kwele. 39Pa ŋkɛ dzeki ghɛ, ma ke: «Wa raberə heha yɛ kala nya wa? Wa raberə nehwene yɛ wa? Kemte wəzegea shɛ we, ama te hɛ nde.» 40Ntake hɛ kaŋ'wəshi Yɛsə. Pa ŋkakave mbeli pɛtɛ, pa hekakɛ yitenyɛa wəzege le meghekɛ ba'a ka təkwə təkwə ŋkɛ mahekene kadzembe cɛ nya nza wəzegea shɛ. 41Pa ŋkɛ keseve dzeve ta wəzegea shɛ, ma ke: «Talita kəwm», geze ta ŋkɛ: «Wəzha, ma 'ya sha gha: sate te ŋkwa.» 42Pelɛhetɛme wəzha shɛ kahe kahe, ntake nde kadzeghwa. Nahe va ta nta kenza meŋe bakeghəmbe. Ma kwa nakɛ hɛ kala nya, heheɓake hɛ kwele kwele. 43Ama pa Yɛsə meɗekɛ hɛ ndeɗekə kezha ɗema hɛ kageze nda ke kwete wəndə. Ma ke sha hɛ: «Ɗave nda mə wəsə kezeme.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.