Ka Lɛvi 12
12
Yaɓe ta mewete wɛŋe
1Ma ke Mahwətə sha Moyize: 2«Ma pa na sha ka Israyɛl: Ma keyake wəzege teza male ne, wale wale nza nde kahɛ mberefaŋe kala nya te və nya nza wəshi yite. 3Ma te kwa deghese ta hɛ ne, pa mbeli slamte nda mɓɛta ke wəzege. 4Ma kwa sebe ta ŋkɛ, pa malea shɛ menete hɛ mahekenemsə mahekeneghəmbe kapɛ ghəa nta va mimi nya kese kasawa yite. Wəsə nya keveyi geva tekeleke shɛ kakwaɗe nde we, kadzembe ŋkwa nya keveyi geva tekeleke nde hwa'a te və nya kiɗi yaɓe geva ta nta we.
5Ma kenza nde wəzha makwa yayake nde ne, wale wale nza nde kashikwə bake, kala nya te və nya nza wəshi yite. Kwa sebe ta ŋkɛ, pa nde menete hɛ ŋkwaŋemsə ŋkwaŋeghəmbe kapɛ ghəa nta va mimi nya kese kasawa yite. 6Ma vəa ŋkwa nya kiɗi vəa yaɓe geva ta nta kwa sebe ta ya ta wəzege teza keɗema wəzha makwa ne, pa nde keleke nda game nya kemenete va kwetɛŋe kezha dzeghe melɛ kwa tere tere ba'a gheɗepe keɗema ghwəɗəŋkwə kezha dzeghe melɛ keyaɓe jaɗafa ke nde dzeghe Shala mɛa ŋkwa kedzembe cɛ lekwesa kebegeme geva. 7Pa nde dzeghe Shala dzeghekɛ nda melɛ shɛhɛ ke Mahwətə, kwa sebe ta ŋkɛ, pa ɓelate gəsəkəa yaɓe ŋkwa kənəa malea shɛ. Ma se te vəa shɛ ne, wɛŋe nde keyaɓe yaɓe va mimi nya kese kasawa yite.»
Nyi ya kaghena nyi kegezete geva te ghəa male nya keyake wəzege teza keɗema wəzha makwa.
8Ma kedewə berete ta male kezha kemave game ne, pa nde fəke ghwəɗəŋkwə bake keɗema gheɗepe bake. Ma kwete hwa 'yɛa shɛhɛ ne, kezha dzeghe melɛ kwa tere tere, ma kwete ne, kezha dzeghe melɛ keyaɓe jaɗafa. Ma vəa ŋkwa nya ɓelate gəsəkəa yaɓe ŋkwa nde dzeghe Shala kənəa malea shɛ ne, wɛŋe yaɓe geva nde.
നിലവിൽ തിരഞ്ഞെടുത്തിരിക്കുന്നു:
Ka Lɛvi 12: BEKDC12
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.