Ka Lɛvi 11
11
WƏSƏ NYA WƐŊE LE NYA WALE WALE
Wəshi keseɗa nyi wɛŋe wɛŋe le nyi wale wale
1Ma ke Mahwətə sha yɛ Moyize le Aron: 2«Ma pe yɛ sha ka Israyɛl: Ma hwa wəshi keseɗa nyi te hɛɗi, wərə yɛ kazeme 3nyi nza cɛpe keperawe perawe te hɛ ba'a nyi kegwəɓə gwəzə. 4Ma hwa wəshi keseɗa nyi kegwəɓə gwəzə ba'a hwa nyi nza cɛpea nci keperawe perawe tsagha gɛ ne, zemema wəshi keseɗa nyi yɛ ma:
zlegwemə, va nya nza nde kagwəɓə gwəzə, ama kaɗema cɛpea ŋkɛ keperawe. Wale wale nza ŋkɛ kaŋa ŋayɛ.
5Kese, va nya nza nde kagwəɓə gwəzə, ama kaɗema cɛpe te. Wale wale nza ŋkɛ kaŋa ŋayɛ.
6Vɛra, va nya nza nde kagwəɓə gwəzə, ama kaɗema cɛpe te. Wale wale nza ŋkɛ kaŋa ŋayɛ.
7Gərədə, va nya nza cɛpe te, ama kaɗema nde kagwəɓə gwəzə. Wale wale nza ŋkɛ kaŋa ŋayɛ.
8Zemema slia wəshi keseɗa shɛhɛ yɛ ma. Kwaɗema hɛ yɛ vəa ŋkwa nya mpənji hɛ ma. Newe mə hɛ kawəshi nyi wale wale.
9Ma hwa wəshi nyi kwa yɛmə, kwa ndərə keɗema kwa hələ ne, wərə yɛ kazeme nyi nza yɛ bazla keyiɗə ba'a jɛpəli te hɛ. 10Ama mba yɛ kezeme nyi ɗema yɛ bazla keyiɗə keɗema yɛ jɛpəli te hɛ, ya wəshi nyi ɓɛhwɛ ɓɛhwɛ nyi kwa yɛmə keɗema kweci wəshi nyi hwa yɛmə. 11Nza hɛ kawəshi nyi wale wale sha gheyɛ. Zemema slia nci yɛ ba'a kwaɗema hɛ yɛ kempə hɛ ma. 12Mba yɛ kezeme wəshi nyi mbe yɛmə nyi ɗema yɛ bazla keyiɗə keɗema jɛpəli te hɛ.
13Ma hwa yɛ 'yɛ ne, wa nyi 'yɛ nyi hi yɛ kanewe ka'yɛ nyi wale wale nyi: zele, zleŋa kwa livə, damba tsaraka, 14he kwə, kweci mama ta yɛ zleŋa, 15mama ta yɛ ghame, 16zhenɛgə, təwəvəŋə ghweme, yiɗə yɛmə, mama ta yɛ mazavɛ, 17təwəvəŋə wəfe, kanare gamba, tewəvəŋə gamba, 18təwəvəŋə kwa tɛawetɛa, ghagha, zleŋa, 19kwaghela, mama ta nteɗe ŋwələ, wəsəa kwadzakwə ba'a mezlekwe zlekwe. 20Newe mə wəshi nyi ɓɛhwɛ ɓɛhwɛ nyi nza bidzə ba'a seɗa yite kawəshi nyi wale wale. 21Ama wərə yɛ kazeme nyi nza seɗa yite kezha mpereke te hɛɗi, 22geze ta ŋkɛ, mama ta yɛ hegi ba'a yɛ dzale. 23Ama pɛtɛa kweci wəshi nyi ɓɛhwɛ ɓɛhwɛ nyi nza bidzə ba'a seɗa wəfaɗe yite ne, newe mə hɛ kawəshi nyi wale wale.
Wəsə nya kezhɛre ŋkwa wale wale
24Ma kekwaɗakɛ kweci wəshi keseɗa wəndə ne, wale wale zhɛre ŋkɛ. Ma yayata wəndə nya kekwaɗakɛ wəsə kwa mte mte ta nci ne, wale wale nza ŋkɛ pa va tɛhwɛɗi. 25Ma yayata wəndə nya kekelete wəsə kwa mte mte ta nci ne, katetsewe yɛ lekwesa ta ŋkɛ ŋkɛ. Wale wale nza ŋkɛ pa va tɛhwɛɗi. 26Ma yayata wəsə keseɗa nya nza cɛpea ŋkɛ keperawe perawe, ama kaɗema nde kagwəɓə gwəzə ne, wale wale nza nde sha gheyɛ. Ma yayata wəndə nya kekwaɗakɛ ŋkɛ ne, wale wale nza ŋkɛ. 27Ma wəshi keseɗa pɛtɛ nyi nza seɗa wəfaɗe yite, nyi ɗema cɛpe te hɛ ne, wale wale nza hɛ sha gheyɛ. Ma yayata wəndə nya kekwaɗakɛ hɛ kempə hɛ ne, wale wale nza ŋkɛ pa va tɛhwɛɗi. 28Ma yayata wəndə nya kekelete wəsə kwa mte mte ta nci ne, katetsewe yɛ lekwesa ta ŋkɛ ŋkɛ ba'a wale wale nza ŋkɛ pa va tɛhwɛɗi. Kwa nza ŋkɛ ne, wale wale hɛ sha gheyɛ.
29Ma hwa wəba ta wəshi keseɗa nyi ɓɛhwɛ ɓɛhwɛ nyi kentsehe geva dzate te hɛɗi, wa nyi wəshi nyi wale wale nyi: vələ hɛɗi, kwə, mama ta yɛ letse, 30yɛ hwərə hwərə gela, yɛ kwashenewəfe, yɛ ghwazha, yɛ letse kwa yɛmə ba'a yɛ hweŋe. 31Nyi ya kawəshi keseɗa nyi wale wale sha gheyɛ. Ma yayata wəndə nya kekwaɗakɛ hɛ kempə hɛ ne, wale wale nza ŋkɛ pa va tɛhwɛɗi. 32Ma kemtenyɛ ba'a keteɗenyɛ kwete hwa hɛ te wəsə: kwalekwə, lekwesa, hweta, slibə keɗema yayata wəsə kemene slene ne, pa mbeli yaɓemte wəsəa shɛ. Wale wale nza ŋkɛ pa va tɛhwɛɗi, ma kwa sebe ta ŋkɛ ne, kazhɛne ŋkɛ kanza wɛŋe. 33Ma keteɗe kwete hwa wəshia shɛhɛ kadzawa wəsə nya ŋate mbeli le rekɛ ne, wale wale nza wəshi nyi kwa pɛtɛ. Kwa sebe ta ŋkɛ, pa mbeli mpəmte wəsəa shɛ. 34Ma keshekeyi yɛmə nya kese kwa mbeli te wəsə kezeme ne, wale wale tezhɛre wəsə kezemea shɛ. Ya gheŋkɛ nza kawəsə kesa ne, wale walea shɛ zhɛre ŋkɛ, ya tsema tsema wəsə nya nza ŋkɛ kwa. 35Ma yayata wəsə nya teɗe kwete hwa wəshi keseɗa nyi kempə mpəa shɛhɛ te ne, wale wale zhɛre ŋkɛ. Ma kenza ŋkɛ kadəghwə keɗema kareghwetɛ ne, pa mbeli mpəmte, kwa nza ŋkɛ ne, kawəshi nyi wale wale hi yɛ kanewe hɛ. 36Ama keteɗe wəsə kwa mte mte kadzawa ghwa keɗema belageji ne, wɛŋe nza yɛmə. Ama wale wale zhɛre wəndə nya kekelakame wəsə kwa mte mtea shɛ. 37Ma keteɗe wəsə kwa mte mte te felehwe ta wəshi ketsawe ne, wɛŋe nza felehwe ta wəshia shɛhɛ. 38Ama keteɗe ŋkɛ te wəshi nyi beteyi mbeli hwa yɛmə kezha ta ne, wale wale zhɛre hɛ.
39Ma kemtenyɛ wəsə keseɗa nya zeme mbeli ne, wale wale nza yayata wəndə nya kekwaɗakɛ wəsə kwa mte mtea shɛ pa va tɛhwɛɗi. 40Ma wəndə nya kezehwe slia wəsə kwa mte mtea shɛ ne, katetsewe lekwesa ta ŋkɛ ŋkɛ, ama wale wale nza ŋkɛ pa va tɛhwɛɗi. Ma wəndə nya kekelete wəsə kwa mte mtea shɛ ne, katetsewe lekwesa ta ŋkɛ ŋkɛ, ama wale wale nza ŋkɛ pa va tɛhwɛɗi perə.
41Ma wəshi keseɗa pɛtɛ nyi ɓɛhwɛ ɓɛhwɛ nyi kentsehe geva dzate te hɛɗi ne, zemema hɛ yɛ ma. 42Zemema wəshi nyi kentsehe geva dzate te hɛɗi, nyi kedzeghwa le hwə te hɛɗi, ya nyi kedzeghwa te seɗa wəfaɗe keɗema kwele ma ke wəfaɗe yɛ ma. 43Mba yɛ kezhɛre ghəa ŋayɛ kambeli nyi wale wale laka kwaɗe wəshia shɛhɛ. Pelema ghəa ŋayɛ yɛ kakwaɗe ŋayɛ hɛ ma, va nya nza ŋkɛ ne, wale wale tezhɛre yɛ. 44'Ya ya kaMahwətə, Shala ta ŋayɛ. Zele mə kanza kambeli nyi keveyi geva tekeleke, kwa nza ŋkɛ ne, nahe 'ya keveyi geva tekeleke. Zhɛrema ghəa ŋayɛ yɛ wale wale laka kwaɗe wəshi nyi ɓɛhwɛ ɓɛhwɛ nyi kentsehe geva dzate te hɛɗi ma. 45'Ya ya kaMahwətə nya kefəakave ŋayɛ shave mbe Ɛzhipte yitea nza kaShala ta ŋayɛ. Nza mə kambeli nyi keveyi geva tekeleke, kwa nza ŋkɛ ne, nahe 'ya keveyi geva tekeleke.»
46Nyi ya kaghena nyi kegezete geva te ghəa wəshi keseɗa, yɛ 'yɛ, wəshi nyi mbe yɛmə ba'a wəshi nyi ɓɛhwɛ ɓɛhwɛ nyi kentsehe geva dzate te hɛɗi. 47Ghena shɛhɛ ka nehe wəshi keseɗa nyi wɛŋe wɛŋe le nyi wale wale, nyi nza mbeli kazeme le nyi ɗema mbeli kazeme.
നിലവിൽ തിരഞ്ഞെടുത്തിരിക്കുന്നു:
Ka Lɛvi 11: BEKDC12
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.
Ka Lɛvi 11
11
WƏSƏ NYA WƐŊE LE NYA WALE WALE
Wəshi keseɗa nyi wɛŋe wɛŋe le nyi wale wale
1Ma ke Mahwətə sha yɛ Moyize le Aron: 2«Ma pe yɛ sha ka Israyɛl: Ma hwa wəshi keseɗa nyi te hɛɗi, wərə yɛ kazeme 3nyi nza cɛpe keperawe perawe te hɛ ba'a nyi kegwəɓə gwəzə. 4Ma hwa wəshi keseɗa nyi kegwəɓə gwəzə ba'a hwa nyi nza cɛpea nci keperawe perawe tsagha gɛ ne, zemema wəshi keseɗa nyi yɛ ma:
zlegwemə, va nya nza nde kagwəɓə gwəzə, ama kaɗema cɛpea ŋkɛ keperawe. Wale wale nza ŋkɛ kaŋa ŋayɛ.
5Kese, va nya nza nde kagwəɓə gwəzə, ama kaɗema cɛpe te. Wale wale nza ŋkɛ kaŋa ŋayɛ.
6Vɛra, va nya nza nde kagwəɓə gwəzə, ama kaɗema cɛpe te. Wale wale nza ŋkɛ kaŋa ŋayɛ.
7Gərədə, va nya nza cɛpe te, ama kaɗema nde kagwəɓə gwəzə. Wale wale nza ŋkɛ kaŋa ŋayɛ.
8Zemema slia wəshi keseɗa shɛhɛ yɛ ma. Kwaɗema hɛ yɛ vəa ŋkwa nya mpənji hɛ ma. Newe mə hɛ kawəshi nyi wale wale.
9Ma hwa wəshi nyi kwa yɛmə, kwa ndərə keɗema kwa hələ ne, wərə yɛ kazeme nyi nza yɛ bazla keyiɗə ba'a jɛpəli te hɛ. 10Ama mba yɛ kezeme nyi ɗema yɛ bazla keyiɗə keɗema yɛ jɛpəli te hɛ, ya wəshi nyi ɓɛhwɛ ɓɛhwɛ nyi kwa yɛmə keɗema kweci wəshi nyi hwa yɛmə. 11Nza hɛ kawəshi nyi wale wale sha gheyɛ. Zemema slia nci yɛ ba'a kwaɗema hɛ yɛ kempə hɛ ma. 12Mba yɛ kezeme wəshi nyi mbe yɛmə nyi ɗema yɛ bazla keyiɗə keɗema jɛpəli te hɛ.
13Ma hwa yɛ 'yɛ ne, wa nyi 'yɛ nyi hi yɛ kanewe ka'yɛ nyi wale wale nyi: zele, zleŋa kwa livə, damba tsaraka, 14he kwə, kweci mama ta yɛ zleŋa, 15mama ta yɛ ghame, 16zhenɛgə, təwəvəŋə ghweme, yiɗə yɛmə, mama ta yɛ mazavɛ, 17təwəvəŋə wəfe, kanare gamba, tewəvəŋə gamba, 18təwəvəŋə kwa tɛawetɛa, ghagha, zleŋa, 19kwaghela, mama ta nteɗe ŋwələ, wəsəa kwadzakwə ba'a mezlekwe zlekwe. 20Newe mə wəshi nyi ɓɛhwɛ ɓɛhwɛ nyi nza bidzə ba'a seɗa yite kawəshi nyi wale wale. 21Ama wərə yɛ kazeme nyi nza seɗa yite kezha mpereke te hɛɗi, 22geze ta ŋkɛ, mama ta yɛ hegi ba'a yɛ dzale. 23Ama pɛtɛa kweci wəshi nyi ɓɛhwɛ ɓɛhwɛ nyi nza bidzə ba'a seɗa wəfaɗe yite ne, newe mə hɛ kawəshi nyi wale wale.
Wəsə nya kezhɛre ŋkwa wale wale
24Ma kekwaɗakɛ kweci wəshi keseɗa wəndə ne, wale wale zhɛre ŋkɛ. Ma yayata wəndə nya kekwaɗakɛ wəsə kwa mte mte ta nci ne, wale wale nza ŋkɛ pa va tɛhwɛɗi. 25Ma yayata wəndə nya kekelete wəsə kwa mte mte ta nci ne, katetsewe yɛ lekwesa ta ŋkɛ ŋkɛ. Wale wale nza ŋkɛ pa va tɛhwɛɗi. 26Ma yayata wəsə keseɗa nya nza cɛpea ŋkɛ keperawe perawe, ama kaɗema nde kagwəɓə gwəzə ne, wale wale nza nde sha gheyɛ. Ma yayata wəndə nya kekwaɗakɛ ŋkɛ ne, wale wale nza ŋkɛ. 27Ma wəshi keseɗa pɛtɛ nyi nza seɗa wəfaɗe yite, nyi ɗema cɛpe te hɛ ne, wale wale nza hɛ sha gheyɛ. Ma yayata wəndə nya kekwaɗakɛ hɛ kempə hɛ ne, wale wale nza ŋkɛ pa va tɛhwɛɗi. 28Ma yayata wəndə nya kekelete wəsə kwa mte mte ta nci ne, katetsewe yɛ lekwesa ta ŋkɛ ŋkɛ ba'a wale wale nza ŋkɛ pa va tɛhwɛɗi. Kwa nza ŋkɛ ne, wale wale hɛ sha gheyɛ.
29Ma hwa wəba ta wəshi keseɗa nyi ɓɛhwɛ ɓɛhwɛ nyi kentsehe geva dzate te hɛɗi, wa nyi wəshi nyi wale wale nyi: vələ hɛɗi, kwə, mama ta yɛ letse, 30yɛ hwərə hwərə gela, yɛ kwashenewəfe, yɛ ghwazha, yɛ letse kwa yɛmə ba'a yɛ hweŋe. 31Nyi ya kawəshi keseɗa nyi wale wale sha gheyɛ. Ma yayata wəndə nya kekwaɗakɛ hɛ kempə hɛ ne, wale wale nza ŋkɛ pa va tɛhwɛɗi. 32Ma kemtenyɛ ba'a keteɗenyɛ kwete hwa hɛ te wəsə: kwalekwə, lekwesa, hweta, slibə keɗema yayata wəsə kemene slene ne, pa mbeli yaɓemte wəsəa shɛ. Wale wale nza ŋkɛ pa va tɛhwɛɗi, ma kwa sebe ta ŋkɛ ne, kazhɛne ŋkɛ kanza wɛŋe. 33Ma keteɗe kwete hwa wəshia shɛhɛ kadzawa wəsə nya ŋate mbeli le rekɛ ne, wale wale nza wəshi nyi kwa pɛtɛ. Kwa sebe ta ŋkɛ, pa mbeli mpəmte wəsəa shɛ. 34Ma keshekeyi yɛmə nya kese kwa mbeli te wəsə kezeme ne, wale wale tezhɛre wəsə kezemea shɛ. Ya gheŋkɛ nza kawəsə kesa ne, wale walea shɛ zhɛre ŋkɛ, ya tsema tsema wəsə nya nza ŋkɛ kwa. 35Ma yayata wəsə nya teɗe kwete hwa wəshi keseɗa nyi kempə mpəa shɛhɛ te ne, wale wale zhɛre ŋkɛ. Ma kenza ŋkɛ kadəghwə keɗema kareghwetɛ ne, pa mbeli mpəmte, kwa nza ŋkɛ ne, kawəshi nyi wale wale hi yɛ kanewe hɛ. 36Ama keteɗe wəsə kwa mte mte kadzawa ghwa keɗema belageji ne, wɛŋe nza yɛmə. Ama wale wale zhɛre wəndə nya kekelakame wəsə kwa mte mtea shɛ. 37Ma keteɗe wəsə kwa mte mte te felehwe ta wəshi ketsawe ne, wɛŋe nza felehwe ta wəshia shɛhɛ. 38Ama keteɗe ŋkɛ te wəshi nyi beteyi mbeli hwa yɛmə kezha ta ne, wale wale zhɛre hɛ.
39Ma kemtenyɛ wəsə keseɗa nya zeme mbeli ne, wale wale nza yayata wəndə nya kekwaɗakɛ wəsə kwa mte mtea shɛ pa va tɛhwɛɗi. 40Ma wəndə nya kezehwe slia wəsə kwa mte mtea shɛ ne, katetsewe lekwesa ta ŋkɛ ŋkɛ, ama wale wale nza ŋkɛ pa va tɛhwɛɗi. Ma wəndə nya kekelete wəsə kwa mte mtea shɛ ne, katetsewe lekwesa ta ŋkɛ ŋkɛ, ama wale wale nza ŋkɛ pa va tɛhwɛɗi perə.
41Ma wəshi keseɗa pɛtɛ nyi ɓɛhwɛ ɓɛhwɛ nyi kentsehe geva dzate te hɛɗi ne, zemema hɛ yɛ ma. 42Zemema wəshi nyi kentsehe geva dzate te hɛɗi, nyi kedzeghwa le hwə te hɛɗi, ya nyi kedzeghwa te seɗa wəfaɗe keɗema kwele ma ke wəfaɗe yɛ ma. 43Mba yɛ kezhɛre ghəa ŋayɛ kambeli nyi wale wale laka kwaɗe wəshia shɛhɛ. Pelema ghəa ŋayɛ yɛ kakwaɗe ŋayɛ hɛ ma, va nya nza ŋkɛ ne, wale wale tezhɛre yɛ. 44'Ya ya kaMahwətə, Shala ta ŋayɛ. Zele mə kanza kambeli nyi keveyi geva tekeleke, kwa nza ŋkɛ ne, nahe 'ya keveyi geva tekeleke. Zhɛrema ghəa ŋayɛ yɛ wale wale laka kwaɗe wəshi nyi ɓɛhwɛ ɓɛhwɛ nyi kentsehe geva dzate te hɛɗi ma. 45'Ya ya kaMahwətə nya kefəakave ŋayɛ shave mbe Ɛzhipte yitea nza kaShala ta ŋayɛ. Nza mə kambeli nyi keveyi geva tekeleke, kwa nza ŋkɛ ne, nahe 'ya keveyi geva tekeleke.»
46Nyi ya kaghena nyi kegezete geva te ghəa wəshi keseɗa, yɛ 'yɛ, wəshi nyi mbe yɛmə ba'a wəshi nyi ɓɛhwɛ ɓɛhwɛ nyi kentsehe geva dzate te hɛɗi. 47Ghena shɛhɛ ka nehe wəshi keseɗa nyi wɛŋe wɛŋe le nyi wale wale, nyi nza mbeli kazeme le nyi ɗema mbeli kazeme.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.