Shave 32
32
KA ISRAYƐL KANEHE JIKƏ GEVA TA NCI LE SHALA
32–34
Leve ta sla nya le mze kwa tere tere
1Ma kwa nakɛ ka Israyɛl nahe Moyize kedera kesawa pelɛ ghweme ne, rəkwə hɛ tsenete geva yitea Aron, ma ke hɛ shɛ: «Yana, menete n'yɛ shala nya kedzeghwa te kema ta n'yɛ, kwa nza ŋkɛ, keɗepe wəsə nya kemenete nda geva ghen'yɛ ke Moyize, wəndə nya kefəakave n'yɛ shave mbe Ɛzhipte we.» 2Ma ke Aron sha hɛ: «Fəmte mə wəshi nyi le mze kwa tere tere shave mbe sleme va mia ŋayɛ, ŋwale tezhilia ŋayɛ ba'a ŋwalea kwɛa ŋayɛ shɛ yɛ fəke ɗa hɛ.»
3Pɛtɛ ka Israyɛl fəmte wəshi nyi le mze kwa tere tere mbe sleme ta nci ba'a fəave nda hɛ ke Aron. 4Fətema ta ŋkɛ ke hɛ va hɛ ne, pa takɛ hɛ kwa ghwə kezha vɛsə pa ta leve ta sla. Tagha gɛ, ma ke ka Israyɛl: «Wa nya shala ta ŋayɛ nya kekelakave n'yɛ mbe Ɛzhipte nya!» 5Ma kwa nakɛ Aron kala nyagha ne, pa pate reghwetɛ te kema ta pa ta levea shɛ. Kwa sebe ta ŋkɛ, ma ke zlapete: «Ma hendɛ ne, katenza gəsəkə shɛ kaŋa Mahwətə!» 6Ma masheke masheke te hendɛ ta ŋkwa ne, pa mbeli dzeghekɛ melɛ kwa tere tere ba'a melɛ kejikə ghə. Dedeba'a mbeli ntishɛ kezha zeme wəshi kezeme ba'a kezha sa wəshi kesa. Kwa sebe ta ŋkɛ, pepelɛhetɛme mbeli sate te ŋkwa karaberə. 7Tagha ne, ma ke Mahwətə sha Moyize: «Zhɛne geva kadzawa tsetsenya tsetsenya, kwa nza ŋkɛ, nahe hwelefe ta ŋa nya kelakave nya na shave mbe Ɛzhipte kemenete jaɗafa nya wəba. 8Kahe kahe samenji hɛ kwa hweŋkwa nya ncɛte nda 'ya ke hɛ. Nahe hɛ kevɛsəte leve ta sla, nahe hɛ kegwəɗəŋənji kwa kema ta ŋkɛ ba'a nahe hɛ kedzeghekɛ nda melɛ. Kwa sebe ta ŋkɛ, ma ke hɛ: ‹Wa nya shala ta n'yɛ nya kefəakave n'yɛ shave mbe Ɛzhipte nya!› 9Nahe 'ya kenakɛ nza ta mbeli nyi. Pɛtɛ hɛ kaka ntɛaŋentɛa ghə. 10Ma tsetsenya ne, pelakɛ ɗa le hɛ: 'ya kateza sebe te hɛ le wənə le wənə. Kwa sebe ta ŋkɛ ne, kateya hwelefe nya wəba 'ya sawa mbe gha.» 11Ama ntake Moyize kampi nda dzeve ke Shala Mahwətə ta ŋkɛ kezha gweɗakwe wənəa ŋkɛ, ma ke shɛ: «Mahwətə yawe, wa raberə hwepe wənə na va mbelia ŋa, kwa sebe ta nya ncɛmte berete ta ŋa ba'a kwelea ŋa na kezha fə hɛ shave mbe Ɛzhipte wa? 12Ma kemenete na kala nya ne, ma tegeze ka Ɛzhipte: ‹Va 'yaghwa mehele ta ŋkɛ fəmte ka Israyɛl Mahwətə te hɛɗia ɓəmə. Nahe ŋkɛ keɗehwe kezha mpə hɛ hwa yɛ ghweme ba'a kezha za sebe te hɛ te hɛɗi lema.› Mahwətə yawe, gweɗakwete hwepe ta wənəa ŋa ba'a mene nda ma wəsə kwa ndiremi na ke mbelia ŋa ma. 13Zəzəte ka mene slene ta ŋa Abraham, Izak ba'a Zhakob. Ma pa na gezete nda fela gheci gheci ke hɛ: ‹Kateya hwelefe ta ŋayɛ 'ya kwele kwele kala yɛ saseregwa. Kateve nda hɛɗi nya meɗeyi nda 'ya ke hɛ 'ya ba'a katenza ŋkɛ kaŋa nci kaghala ghala.›» 14Tagha ne, pa Mahwətə ɗema mene wəsə kwa ndiremi nya ɗe ŋkɛ kamene nda ke mbelia ŋkɛ.
15Pa Moyize zhɛnakawa geva sawa pelɛ ghweme. Pelɛ nyi slapesla slapesla nyi nza rafe te yayata bela ta ŋkɛ, nyi rafate geva wəshi mahalegəa Shala te ya mɛa dzeve ta ŋkɛ. 16Ma pelɛ nyi slapesla slapesla shɛhɛ ne, Shala nde menete hɛ, Shala le ghəa ŋkɛ nde rafate wəshi te hɛ. 17Ma kwa fate lewela nya tsa mbeli Zhozəwɛ, ma ke sha Moyize: «Gaka ta mpa yafa mbeli mbe ghedəkwə.» 18Ama ma ke Moyize zhɛnete nda: «Ewə, geza ta hərə ŋkwa ŋkɛ we, nehwene va ɗa ŋkɛ we. Yɛ cimə gəsəkə yafa 'ya.»
19Ma kwa ntsehe hɛ takwa yitea ghedəkwə ne, pa Moyize nakɛ leve ta sla ba'a mbeli nyi kewetse. Petefe wənəa Moyize wepenyɛ, tereke ŋkɛ betakɛ pelɛ nyi slapesla slapesla nyi mɛa dzeve ta ŋkɛ ba'a pa mpəmte hɛ yitea seɗa ta ghweme. 20Pa ŋkɛ kelete leve nya vɛsəte nyagha hɛ kanegheyi mbe ghwə. Kwa sebe ta ŋkɛ, pa həmte ŋkɛ kwerɗike ɗike, betate te yɛmə ba'a sahwe nda ke ka Israyɛl. 21Ma ke Moyize 'yɛwete va Aron: «Wa yamenete ŋa mbeli nyi nda kesame hɛ na mbe jaɗafa nya wəba wa?» 22Ma ke Aron zhɛnete: «Təhwə təhwə ŋa 'ya, hwepema wənə na ma. Nahe na keɗepe le ghəa ŋa kahe kahe mene wəsə kwa ndiremi mbeli nyi. 23Ma ke hɛ sha 'ya: ‹Menete n'yɛ shala nya kedzeghwa te kema ta n'yɛ, kwa nza ŋkɛ ne, keɗepe wəsə nya kemenete nda geva n'yɛ ke Moyize, wəndə nya kefəakave n'yɛ shave mbe Ɛzhipte ghen'yɛ we.› 24Tagha gɛ, ma 'ya sha hɛ: ‹Wa wəndə nya nza mze kwa tere tere ve wa?› Pa hɛ fəmte wəshi nyi mbe sleme ta nci ba'a fəave ɗa hɛ. Pa 'ya takɛ hɛ kwa ghwə, wa nya leve nya kevɛsəte geva yite nya.»
Zhɛme nyi mbe mene fete
25Newe ke Moyize ne, nahe Aron kesərəakɛ mbeli kamene ɗe ta nci. Tagha gɛ, ŋ'wəshi ya te ka Israyɛl va ka ghema ta nci. 26Cape Moyize lə kasletenyɛ mɛa ŋkwa kedzawa ghedəkwə, ma ke zlapete: «Ma mbeli nyi keɗe Mahwətə ne, se hɛ sha 'ya!» Rəkwə mbeli nyi kwa yita ta Lɛvi tseneyite geva yite. 27Ma ke sha hɛ: «Wa nya ghena nya geze Shala Mahwətə ta Israyɛl nya: ‹Kele kafayɛa ŋkɛ yayata wəndə. Dzedzeghwamte mə ŋkwa nya mbe ghedəkwə se laka kwete bela hwa'a laka kwete, mpəmte mə ka menəhɛ ŋayɛ, ka mcɛhɛ ŋayɛ, ka ghedəkwəa ŋayɛ.›»
28Pa ka Lɛvi yɛte nda fete ke Moyize, 3.000 mpəmte geva ka Israyɛl te vecia shɛ. 29Ma ke Moyize sha ka Lɛvi: «Ma ɓeshi nya ne, nahe yɛ keveyi geva tekeleke kezha slene ta Mahwətə, va nya ɗema yɛ kese kagezleŋe ghə va mpə ŋwalea ŋayɛ keɗema ka menəhɛ ŋayɛ. Pa Shala wəpikɛ ŋayɛ ɓeshi nya.»
Moyize kampi nda dzeve ke Shala
30Ma te hendɛ ta ŋkwa ne, ma ke Moyize sha mbeli: «Nahe yɛ kemenete jaɗafa nya wəba. 'Ya kazhɛne geva tsetsenya kadzeme sha Mahwətə, pelɛ ghweme. Nda kwete katekemave 'ya kezha kelemte jaɗafa ta ŋayɛ ŋkɛ te wənə.»
31Pa Moyize zhɛnete geva kadzeme sha Mahwətə, ma ke shɛ: «Təhwə tehwə ŋa 'ya, ma mbeli nyi ne, fete nya wəba yamenete hɛ, nahe hɛ kevɛsəte nda shala ke ghəa nci le mze kwa tere tere. 32Kelemte hɛ te wənə, kampi ŋa dzeve 'ya! Ma keɗema ŋkɛ kala nya ne, sheshamte sləa ɗa seyi te palepa ta mpi nya rafete na.» 33Ma ke Mahwətə zhɛnete: «Ewə, deke sləa mbeli nyi kemenete ɗa jaɗafa yashesha 'ya seyi te palepa. 34Tsetsenya ne, kwiɗi, begheghe mbeli kadzete ŋkwa nya ncɛte ŋa 'ya. Nde ghwene nde tedzeghwa te kema ta ŋayɛ. Ma 'ya le ŋa ɗa te veci nya temeha ghwə 'ya ne, kateme 'ya te hɛ va jaɗafa ta nci.» 35Pa Mahwətə vate ɗa te ka Israyɛl, va nya 'yɛwete hɛ va Aron kavɛsə nda pa ta leve ke hɛ.
നിലവിൽ തിരഞ്ഞെടുത്തിരിക്കുന്നു:
Shave 32: BEKDC12
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.
Shave 32
32
KA ISRAYƐL KANEHE JIKƏ GEVA TA NCI LE SHALA
32–34
Leve ta sla nya le mze kwa tere tere
1Ma kwa nakɛ ka Israyɛl nahe Moyize kedera kesawa pelɛ ghweme ne, rəkwə hɛ tsenete geva yitea Aron, ma ke hɛ shɛ: «Yana, menete n'yɛ shala nya kedzeghwa te kema ta n'yɛ, kwa nza ŋkɛ, keɗepe wəsə nya kemenete nda geva ghen'yɛ ke Moyize, wəndə nya kefəakave n'yɛ shave mbe Ɛzhipte we.» 2Ma ke Aron sha hɛ: «Fəmte mə wəshi nyi le mze kwa tere tere shave mbe sleme va mia ŋayɛ, ŋwale tezhilia ŋayɛ ba'a ŋwalea kwɛa ŋayɛ shɛ yɛ fəke ɗa hɛ.»
3Pɛtɛ ka Israyɛl fəmte wəshi nyi le mze kwa tere tere mbe sleme ta nci ba'a fəave nda hɛ ke Aron. 4Fətema ta ŋkɛ ke hɛ va hɛ ne, pa takɛ hɛ kwa ghwə kezha vɛsə pa ta leve ta sla. Tagha gɛ, ma ke ka Israyɛl: «Wa nya shala ta ŋayɛ nya kekelakave n'yɛ mbe Ɛzhipte nya!» 5Ma kwa nakɛ Aron kala nyagha ne, pa pate reghwetɛ te kema ta pa ta levea shɛ. Kwa sebe ta ŋkɛ, ma ke zlapete: «Ma hendɛ ne, katenza gəsəkə shɛ kaŋa Mahwətə!» 6Ma masheke masheke te hendɛ ta ŋkwa ne, pa mbeli dzeghekɛ melɛ kwa tere tere ba'a melɛ kejikə ghə. Dedeba'a mbeli ntishɛ kezha zeme wəshi kezeme ba'a kezha sa wəshi kesa. Kwa sebe ta ŋkɛ, pepelɛhetɛme mbeli sate te ŋkwa karaberə. 7Tagha ne, ma ke Mahwətə sha Moyize: «Zhɛne geva kadzawa tsetsenya tsetsenya, kwa nza ŋkɛ, nahe hwelefe ta ŋa nya kelakave nya na shave mbe Ɛzhipte kemenete jaɗafa nya wəba. 8Kahe kahe samenji hɛ kwa hweŋkwa nya ncɛte nda 'ya ke hɛ. Nahe hɛ kevɛsəte leve ta sla, nahe hɛ kegwəɗəŋənji kwa kema ta ŋkɛ ba'a nahe hɛ kedzeghekɛ nda melɛ. Kwa sebe ta ŋkɛ, ma ke hɛ: ‹Wa nya shala ta n'yɛ nya kefəakave n'yɛ shave mbe Ɛzhipte nya!› 9Nahe 'ya kenakɛ nza ta mbeli nyi. Pɛtɛ hɛ kaka ntɛaŋentɛa ghə. 10Ma tsetsenya ne, pelakɛ ɗa le hɛ: 'ya kateza sebe te hɛ le wənə le wənə. Kwa sebe ta ŋkɛ ne, kateya hwelefe nya wəba 'ya sawa mbe gha.» 11Ama ntake Moyize kampi nda dzeve ke Shala Mahwətə ta ŋkɛ kezha gweɗakwe wənəa ŋkɛ, ma ke shɛ: «Mahwətə yawe, wa raberə hwepe wənə na va mbelia ŋa, kwa sebe ta nya ncɛmte berete ta ŋa ba'a kwelea ŋa na kezha fə hɛ shave mbe Ɛzhipte wa? 12Ma kemenete na kala nya ne, ma tegeze ka Ɛzhipte: ‹Va 'yaghwa mehele ta ŋkɛ fəmte ka Israyɛl Mahwətə te hɛɗia ɓəmə. Nahe ŋkɛ keɗehwe kezha mpə hɛ hwa yɛ ghweme ba'a kezha za sebe te hɛ te hɛɗi lema.› Mahwətə yawe, gweɗakwete hwepe ta wənəa ŋa ba'a mene nda ma wəsə kwa ndiremi na ke mbelia ŋa ma. 13Zəzəte ka mene slene ta ŋa Abraham, Izak ba'a Zhakob. Ma pa na gezete nda fela gheci gheci ke hɛ: ‹Kateya hwelefe ta ŋayɛ 'ya kwele kwele kala yɛ saseregwa. Kateve nda hɛɗi nya meɗeyi nda 'ya ke hɛ 'ya ba'a katenza ŋkɛ kaŋa nci kaghala ghala.›» 14Tagha ne, pa Mahwətə ɗema mene wəsə kwa ndiremi nya ɗe ŋkɛ kamene nda ke mbelia ŋkɛ.
15Pa Moyize zhɛnakawa geva sawa pelɛ ghweme. Pelɛ nyi slapesla slapesla nyi nza rafe te yayata bela ta ŋkɛ, nyi rafate geva wəshi mahalegəa Shala te ya mɛa dzeve ta ŋkɛ. 16Ma pelɛ nyi slapesla slapesla shɛhɛ ne, Shala nde menete hɛ, Shala le ghəa ŋkɛ nde rafate wəshi te hɛ. 17Ma kwa fate lewela nya tsa mbeli Zhozəwɛ, ma ke sha Moyize: «Gaka ta mpa yafa mbeli mbe ghedəkwə.» 18Ama ma ke Moyize zhɛnete nda: «Ewə, geza ta hərə ŋkwa ŋkɛ we, nehwene va ɗa ŋkɛ we. Yɛ cimə gəsəkə yafa 'ya.»
19Ma kwa ntsehe hɛ takwa yitea ghedəkwə ne, pa Moyize nakɛ leve ta sla ba'a mbeli nyi kewetse. Petefe wənəa Moyize wepenyɛ, tereke ŋkɛ betakɛ pelɛ nyi slapesla slapesla nyi mɛa dzeve ta ŋkɛ ba'a pa mpəmte hɛ yitea seɗa ta ghweme. 20Pa ŋkɛ kelete leve nya vɛsəte nyagha hɛ kanegheyi mbe ghwə. Kwa sebe ta ŋkɛ, pa həmte ŋkɛ kwerɗike ɗike, betate te yɛmə ba'a sahwe nda ke ka Israyɛl. 21Ma ke Moyize 'yɛwete va Aron: «Wa yamenete ŋa mbeli nyi nda kesame hɛ na mbe jaɗafa nya wəba wa?» 22Ma ke Aron zhɛnete: «Təhwə təhwə ŋa 'ya, hwepema wənə na ma. Nahe na keɗepe le ghəa ŋa kahe kahe mene wəsə kwa ndiremi mbeli nyi. 23Ma ke hɛ sha 'ya: ‹Menete n'yɛ shala nya kedzeghwa te kema ta n'yɛ, kwa nza ŋkɛ ne, keɗepe wəsə nya kemenete nda geva n'yɛ ke Moyize, wəndə nya kefəakave n'yɛ shave mbe Ɛzhipte ghen'yɛ we.› 24Tagha gɛ, ma 'ya sha hɛ: ‹Wa wəndə nya nza mze kwa tere tere ve wa?› Pa hɛ fəmte wəshi nyi mbe sleme ta nci ba'a fəave ɗa hɛ. Pa 'ya takɛ hɛ kwa ghwə, wa nya leve nya kevɛsəte geva yite nya.»
Zhɛme nyi mbe mene fete
25Newe ke Moyize ne, nahe Aron kesərəakɛ mbeli kamene ɗe ta nci. Tagha gɛ, ŋ'wəshi ya te ka Israyɛl va ka ghema ta nci. 26Cape Moyize lə kasletenyɛ mɛa ŋkwa kedzawa ghedəkwə, ma ke zlapete: «Ma mbeli nyi keɗe Mahwətə ne, se hɛ sha 'ya!» Rəkwə mbeli nyi kwa yita ta Lɛvi tseneyite geva yite. 27Ma ke sha hɛ: «Wa nya ghena nya geze Shala Mahwətə ta Israyɛl nya: ‹Kele kafayɛa ŋkɛ yayata wəndə. Dzedzeghwamte mə ŋkwa nya mbe ghedəkwə se laka kwete bela hwa'a laka kwete, mpəmte mə ka menəhɛ ŋayɛ, ka mcɛhɛ ŋayɛ, ka ghedəkwəa ŋayɛ.›»
28Pa ka Lɛvi yɛte nda fete ke Moyize, 3.000 mpəmte geva ka Israyɛl te vecia shɛ. 29Ma ke Moyize sha ka Lɛvi: «Ma ɓeshi nya ne, nahe yɛ keveyi geva tekeleke kezha slene ta Mahwətə, va nya ɗema yɛ kese kagezleŋe ghə va mpə ŋwalea ŋayɛ keɗema ka menəhɛ ŋayɛ. Pa Shala wəpikɛ ŋayɛ ɓeshi nya.»
Moyize kampi nda dzeve ke Shala
30Ma te hendɛ ta ŋkwa ne, ma ke Moyize sha mbeli: «Nahe yɛ kemenete jaɗafa nya wəba. 'Ya kazhɛne geva tsetsenya kadzeme sha Mahwətə, pelɛ ghweme. Nda kwete katekemave 'ya kezha kelemte jaɗafa ta ŋayɛ ŋkɛ te wənə.»
31Pa Moyize zhɛnete geva kadzeme sha Mahwətə, ma ke shɛ: «Təhwə tehwə ŋa 'ya, ma mbeli nyi ne, fete nya wəba yamenete hɛ, nahe hɛ kevɛsəte nda shala ke ghəa nci le mze kwa tere tere. 32Kelemte hɛ te wənə, kampi ŋa dzeve 'ya! Ma keɗema ŋkɛ kala nya ne, sheshamte sləa ɗa seyi te palepa ta mpi nya rafete na.» 33Ma ke Mahwətə zhɛnete: «Ewə, deke sləa mbeli nyi kemenete ɗa jaɗafa yashesha 'ya seyi te palepa. 34Tsetsenya ne, kwiɗi, begheghe mbeli kadzete ŋkwa nya ncɛte ŋa 'ya. Nde ghwene nde tedzeghwa te kema ta ŋayɛ. Ma 'ya le ŋa ɗa te veci nya temeha ghwə 'ya ne, kateme 'ya te hɛ va jaɗafa ta nci.» 35Pa Mahwətə vate ɗa te ka Israyɛl, va nya 'yɛwete hɛ va Aron kavɛsə nda pa ta leve ke hɛ.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.