Shave 26
26
Cɛ lekwesa nya keveyi geva tekeleke
1Ma kaŋa cɛ lekwesa nya keveyi geva tekeleke ne, katetsa zlave meŋe ka tsa zlave yitea pawa nya berete, welaɗe shintia təmə nyi fikɛ mbeli le yirə kwa ndereme ndereme, kwa gheme ba'a kwa ghɛmɛ. Katetsa yɛ pa ta ka shɛrəbɛŋe hɛ dzeyi te hɛ. 2Kanya kwetɛŋe tenza wəba ta zlavea shɛhɛ pɛtɛ: mɛtre meŋe wəfaɗeghəmbe biya ta ŋkɛ ba'a mɛtre bake bezlea ŋkɛ. 3Katejikə zlave mbeli mcɛfe mɛ mɛ kaba, kwa sebe ta ŋkɛ, katejikə kweci mbeli mcɛfe tsagha shɛ. 4Katemene zewe nyi neghate mbeli le shintia təmə nyi kefi fi le yirə kwa ndereme ndereme mbeli dzeyi mɛa kwa keɗaŋe ta zlave nyi ghate mbeli kajikəte hɛ. Katemene mbeli ɓiyitsa dzeyi mɛa kwa ghate ta kweci zlave nyi mcɛfe nyi. 5Katehwepe zewe mbeli mcɛfemsə dzeyi mɛa mɛa bela kwa zeme ta zlave nyi ghate mbeli kajikəte mcɛfe ba'a zewe mcɛfemsə dzeyi mɛa mɛa bela kwa gwela ta kweci zlave nyi mcɛfe. Kwa kema ta kwete wəndəa ŋkɛ tenza yayata zewe. 6Katevɛsə yɛ ndɛaŋe mbeli mcɛfemsə le mze kwa tere tere. Katejikə zlave nyi jikəte nyi mbeli mcɛfe nyi, mcɛfe nyi mbeli le ndɛaŋea shɛhɛ. Ma tsagha ne, kanya kwetɛŋe tenza ŋkwa nya keveyi geva tekeleke.
7Ma kwa sebe ta ŋkɛ ne, katetsa zlave mbeli meŋe kwetɛŋeghəmbe le shintia kwe kezha kwa bake ta zlave nya kənəa ŋkwa nya keveyi geva tekeleke. 8Kanya kwetɛŋe tenza wəba ta zlavea shɛhɛ: mɛtre meŋe mcɛfeghəmbe biya ta ŋkɛ ba'a mɛtre bake bezlea ŋkɛ. 9Katejikə zlave mbeli mcɛfe kaba, kwa sebe ta ŋkɛ, tsagha tejikə kweci nyi ŋkwaŋe mbeli. Kelape tenza kwa ŋkwaŋe ta zlave kwa kema ta cɛ lekwesa. 10Katehwepe zewe mbeli mcɛfemsə dzeyi mɛa kwa keɗaŋe ta zlave nyi ghate mbeli jikəte mcɛfe, katehwepe mbeli mcɛfemsə ɓiyitsa dzeyi mɛa kwa ghate ta zlave nyi jikəte mbeli ŋkwaŋe. 11Katevɛsə ndɛaŋe mbeli mcɛfemsə le mze kwa ghwə ghwə. Kwa sebe ta ŋkɛ, katendɛndɛaŋe hɛ mbeli dzeyi te yɛ zewe. Ma tsagha ne, kanya kwetɛŋe tenza zlavea shɛ. 12Ma laka bezlea zlavea shɛhɛ ne, kelape tenza bela ta zlave nya ketene yitea kwa bake ta zlave kwetere wəmbəa ŋkwa nya keveyi geva tekeleke. 13Ma laka biya ta zlavea shɛhɛ ne, kekelape tenza zlave nya ketene gare slə yitea fegwele hwa'a mɛa ŋwalea dzeve laka yayata bela va cɛ lekwesa nya keveyi geva tekeleke kezha dəpə ŋkɛ. 14Ma kezha nza kənəa kwa bake ta zlave ne, yɛ hweta ta gamea lɛmə nyi kefi fi le yirə kwa ghɛmɛ ba'a hweta ta yɛ mamena yɛmə yatemene mbeli.
15Katefeɗe sheghwə nyi slapesla slapesla mbeli yitea gwevɛre ba'a katesleslete hɛ mbeli kezha ve nda berete ke ŋkwa nya keveyi geva tekeleke. 16Ma yayata sheghwə kwa slapesla shɛ ne, kamɛtre mcɛfe tenza biya ta ŋkɛ ba'a kadzeghe kwetɛŋe ba'a kwete gasle yite slə yitea fegwele hwa'a mɛa ŋwalea dzeve bezlea ŋkɛ. 17Katela mbeli bake te zeweve ta sheghwə nya slapesla shɛ, tsagha tela mbeli te pɛtɛa sheghwə nyi slapesla slapesla ta ŋkwa nya keveyi geva tekeleke. 18Katefeɗe sheghwə nyi slapesla slapesla mbeli bakemsə kezha bela kwa zeme ta cɛ lekwesa. 19Katevɛsə wəshi kentare sheghwə nyi slapesla slapesla shɛhɛ mbeli wəfaɗemsə le mze kwa tɛawetɛa: bake nza wəshi kentare sheghwə nyighɛ yitea sheghwə kwa slapesla, kala nza ta ŋkwa nyi te. 20Ma kezha bela kwa gwela ta cɛ lekwesa ne, katefeɗe sheghwə nyi slapesla slapesla mbeli bakemsə, 21katevɛsə wəshi kentare sheghwə mbeli wəfaɗemsə le mze kwa tɛawetɛa, geze ta ŋkɛ, wəshi kentare sheghwə bake ya yitea sheghwə kwa slapesla. 22Ma kezha ŋkwa nya kwetere wəmbəa cɛ lekwesa, nya laka ŋkwa kepəkwə ta veci ne, sheghwə nyi slapesla slapesla ŋkwaŋe tefeɗe mbeli. 23Katefeɗe sheghwə nyi slapesla slapesla mbeli bake tekeleke kezha megwekwe nyi kwetere wəmbə. 24Tɛahe tɛahe tenza ŋkwa nya kwelɛ sheghwə nyi slapesla slapesla nyi bake nyi kwayite, ma pelɛghə ne, jikə tenza hɛ kwa kwa ghate ta takase. Kanya kwetɛŋe tenza hɛ bake nci ba'a hɛ ka tenza kasheghwə nyi slapesla slapesla te megwekwe. 25Ma kwetere wəmbəa ŋkwa nya keveyi geva tekeleke ne, deghese tenza sheghwə nyi slapesla slapesla ba'a wəshi kentare hɛ meŋe ŋkwaŋeghəmbe nyi le mze kwa tɛawetɛa, geze ta ŋkɛ, bake yitea yayata sheghwə kwa slapesla.
26Kwa sebe ta ŋkɛ ne, katefeɗe sheghwə nyi ketedzeyi vare sheghwə nyi slapesla slapesla mbeli yitea gwevɛre: mcɛfe kezha sheghwə nyi slapesla slapesla nyi te kwa ghate ta bela ta ŋkwa nya keveyi geva tekeleke, 27sheghwə mcɛfe kezha sheghwə nyi slapesla slapesla nyi kwa bake ta bela, mcɛfe kezha sheghwə nyi slapesla slapesla nyi kwetere wəmbə, laka ŋkwa kepəkwə ta veci. 28Ma sheghwə nya ketejive mbe tepe ne, jive mbe tepe ta sheghwə nyi slapesla slapesla nyi tejive nde, slə te kwete bela hwa'a te kwete bela ta ŋkwa nya keveyi geva tekeleke. 29Katefi sheghwə nyi slapesla slapesla ba'a nyi jive mbe nyi mbeli le mze kwa tere tere, katevɛsə takase nyi le mze kwa tere tere mbeli kezha ha sheghwə nyighɛ jive mbe. 30Ma kwa sebe ta ŋkɛ gɛ Moyize, katemɓe ŋkwa nya keveyi geva tekeleke na, kala nza ta nya ncɛte ŋa nya 'ya teke, pelɛ ghweme.
31Katetsa mayafe ka tsa zlave le pawa nyi berete berete, welaɗe mbe shintia təmə nyi kefi fi le yirə kwa ndereme ndereme, kwa gheme ba'a kwa ghɛmɛ. Katetsa pa ta ka shɛrəbɛŋe hɛ dzeyi te kezha pesa. 32Katendɛaŋe mayafea shɛ mbeli le ndɛaŋe nyi le mze kwa tere tere te yɛ seləa gwevɛre wəfaɗe nyi kefi fi le mze kwa tere tere. Te wəshi kentare selə wəfaɗe nyi le mze kwa tɛawetɛa tentare seləa shɛhɛ mbeli. 33Te yɛ ndɛaŋe tendɛaŋe mayafea shɛ mbeli. Kwetere wəmbəa mayafe nyagha teve səndəkwəa jikə geva mbeli. Mayafea shɛ nde tenehe ŋkwa nya keveyi geva tekeleke le nya keveyi geva tekeleke tsape. 34Kateŋzle wəsə keŋzle mbeli mɛa səndəkwəa jikə geva nya mbe ŋkwa nya keveyi geva tekeleke tsape. 35Kateve tabele mbeli mbe ŋkwa nya keveyi geva tekeleke, laka bela kwa gwela ta cɛ lekwesa ba'a wəsə kentare yɛ paterela kwa kema ta tabele, laka bela kwa zeme.
36Ma kezha ŋkwa kedzembe ŋkwa nya keveyi geva tekeleke ne, katetsa kwete mayafe ka tsa zlave le pawa nyi berete berete, welaɗe mbe shintia təmə nyi kefi fi le yirə kwa ndereme ndereme, kwa gheme ba'a kwa ghɛmɛ. 37Ma kezha mayafe ne, katefeɗe selə mbeli mcɛfe yitea gwevɛre, katefi hɛ mbeli le mze kwa tere tere. Katendɛaŋe mayafea shɛ mbeli te yɛ selə le ndɛaŋe nyi le mze kwa tere tere. Katevɛsə wəshi kentare yɛ selə mbeli mcɛfe le mze kwa ghwə ghwə.
നിലവിൽ തിരഞ്ഞെടുത്തിരിക്കുന്നു:
Shave 26: BEKDC12
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.
Shave 26
26
Cɛ lekwesa nya keveyi geva tekeleke
1Ma kaŋa cɛ lekwesa nya keveyi geva tekeleke ne, katetsa zlave meŋe ka tsa zlave yitea pawa nya berete, welaɗe shintia təmə nyi fikɛ mbeli le yirə kwa ndereme ndereme, kwa gheme ba'a kwa ghɛmɛ. Katetsa yɛ pa ta ka shɛrəbɛŋe hɛ dzeyi te hɛ. 2Kanya kwetɛŋe tenza wəba ta zlavea shɛhɛ pɛtɛ: mɛtre meŋe wəfaɗeghəmbe biya ta ŋkɛ ba'a mɛtre bake bezlea ŋkɛ. 3Katejikə zlave mbeli mcɛfe mɛ mɛ kaba, kwa sebe ta ŋkɛ, katejikə kweci mbeli mcɛfe tsagha shɛ. 4Katemene zewe nyi neghate mbeli le shintia təmə nyi kefi fi le yirə kwa ndereme ndereme mbeli dzeyi mɛa kwa keɗaŋe ta zlave nyi ghate mbeli kajikəte hɛ. Katemene mbeli ɓiyitsa dzeyi mɛa kwa ghate ta kweci zlave nyi mcɛfe nyi. 5Katehwepe zewe mbeli mcɛfemsə dzeyi mɛa mɛa bela kwa zeme ta zlave nyi ghate mbeli kajikəte mcɛfe ba'a zewe mcɛfemsə dzeyi mɛa mɛa bela kwa gwela ta kweci zlave nyi mcɛfe. Kwa kema ta kwete wəndəa ŋkɛ tenza yayata zewe. 6Katevɛsə yɛ ndɛaŋe mbeli mcɛfemsə le mze kwa tere tere. Katejikə zlave nyi jikəte nyi mbeli mcɛfe nyi, mcɛfe nyi mbeli le ndɛaŋea shɛhɛ. Ma tsagha ne, kanya kwetɛŋe tenza ŋkwa nya keveyi geva tekeleke.
7Ma kwa sebe ta ŋkɛ ne, katetsa zlave mbeli meŋe kwetɛŋeghəmbe le shintia kwe kezha kwa bake ta zlave nya kənəa ŋkwa nya keveyi geva tekeleke. 8Kanya kwetɛŋe tenza wəba ta zlavea shɛhɛ: mɛtre meŋe mcɛfeghəmbe biya ta ŋkɛ ba'a mɛtre bake bezlea ŋkɛ. 9Katejikə zlave mbeli mcɛfe kaba, kwa sebe ta ŋkɛ, tsagha tejikə kweci nyi ŋkwaŋe mbeli. Kelape tenza kwa ŋkwaŋe ta zlave kwa kema ta cɛ lekwesa. 10Katehwepe zewe mbeli mcɛfemsə dzeyi mɛa kwa keɗaŋe ta zlave nyi ghate mbeli jikəte mcɛfe, katehwepe mbeli mcɛfemsə ɓiyitsa dzeyi mɛa kwa ghate ta zlave nyi jikəte mbeli ŋkwaŋe. 11Katevɛsə ndɛaŋe mbeli mcɛfemsə le mze kwa ghwə ghwə. Kwa sebe ta ŋkɛ, katendɛndɛaŋe hɛ mbeli dzeyi te yɛ zewe. Ma tsagha ne, kanya kwetɛŋe tenza zlavea shɛ. 12Ma laka bezlea zlavea shɛhɛ ne, kelape tenza bela ta zlave nya ketene yitea kwa bake ta zlave kwetere wəmbəa ŋkwa nya keveyi geva tekeleke. 13Ma laka biya ta zlavea shɛhɛ ne, kekelape tenza zlave nya ketene gare slə yitea fegwele hwa'a mɛa ŋwalea dzeve laka yayata bela va cɛ lekwesa nya keveyi geva tekeleke kezha dəpə ŋkɛ. 14Ma kezha nza kənəa kwa bake ta zlave ne, yɛ hweta ta gamea lɛmə nyi kefi fi le yirə kwa ghɛmɛ ba'a hweta ta yɛ mamena yɛmə yatemene mbeli.
15Katefeɗe sheghwə nyi slapesla slapesla mbeli yitea gwevɛre ba'a katesleslete hɛ mbeli kezha ve nda berete ke ŋkwa nya keveyi geva tekeleke. 16Ma yayata sheghwə kwa slapesla shɛ ne, kamɛtre mcɛfe tenza biya ta ŋkɛ ba'a kadzeghe kwetɛŋe ba'a kwete gasle yite slə yitea fegwele hwa'a mɛa ŋwalea dzeve bezlea ŋkɛ. 17Katela mbeli bake te zeweve ta sheghwə nya slapesla shɛ, tsagha tela mbeli te pɛtɛa sheghwə nyi slapesla slapesla ta ŋkwa nya keveyi geva tekeleke. 18Katefeɗe sheghwə nyi slapesla slapesla mbeli bakemsə kezha bela kwa zeme ta cɛ lekwesa. 19Katevɛsə wəshi kentare sheghwə nyi slapesla slapesla shɛhɛ mbeli wəfaɗemsə le mze kwa tɛawetɛa: bake nza wəshi kentare sheghwə nyighɛ yitea sheghwə kwa slapesla, kala nza ta ŋkwa nyi te. 20Ma kezha bela kwa gwela ta cɛ lekwesa ne, katefeɗe sheghwə nyi slapesla slapesla mbeli bakemsə, 21katevɛsə wəshi kentare sheghwə mbeli wəfaɗemsə le mze kwa tɛawetɛa, geze ta ŋkɛ, wəshi kentare sheghwə bake ya yitea sheghwə kwa slapesla. 22Ma kezha ŋkwa nya kwetere wəmbəa cɛ lekwesa, nya laka ŋkwa kepəkwə ta veci ne, sheghwə nyi slapesla slapesla ŋkwaŋe tefeɗe mbeli. 23Katefeɗe sheghwə nyi slapesla slapesla mbeli bake tekeleke kezha megwekwe nyi kwetere wəmbə. 24Tɛahe tɛahe tenza ŋkwa nya kwelɛ sheghwə nyi slapesla slapesla nyi bake nyi kwayite, ma pelɛghə ne, jikə tenza hɛ kwa kwa ghate ta takase. Kanya kwetɛŋe tenza hɛ bake nci ba'a hɛ ka tenza kasheghwə nyi slapesla slapesla te megwekwe. 25Ma kwetere wəmbəa ŋkwa nya keveyi geva tekeleke ne, deghese tenza sheghwə nyi slapesla slapesla ba'a wəshi kentare hɛ meŋe ŋkwaŋeghəmbe nyi le mze kwa tɛawetɛa, geze ta ŋkɛ, bake yitea yayata sheghwə kwa slapesla.
26Kwa sebe ta ŋkɛ ne, katefeɗe sheghwə nyi ketedzeyi vare sheghwə nyi slapesla slapesla mbeli yitea gwevɛre: mcɛfe kezha sheghwə nyi slapesla slapesla nyi te kwa ghate ta bela ta ŋkwa nya keveyi geva tekeleke, 27sheghwə mcɛfe kezha sheghwə nyi slapesla slapesla nyi kwa bake ta bela, mcɛfe kezha sheghwə nyi slapesla slapesla nyi kwetere wəmbə, laka ŋkwa kepəkwə ta veci. 28Ma sheghwə nya ketejive mbe tepe ne, jive mbe tepe ta sheghwə nyi slapesla slapesla nyi tejive nde, slə te kwete bela hwa'a te kwete bela ta ŋkwa nya keveyi geva tekeleke. 29Katefi sheghwə nyi slapesla slapesla ba'a nyi jive mbe nyi mbeli le mze kwa tere tere, katevɛsə takase nyi le mze kwa tere tere mbeli kezha ha sheghwə nyighɛ jive mbe. 30Ma kwa sebe ta ŋkɛ gɛ Moyize, katemɓe ŋkwa nya keveyi geva tekeleke na, kala nza ta nya ncɛte ŋa nya 'ya teke, pelɛ ghweme.
31Katetsa mayafe ka tsa zlave le pawa nyi berete berete, welaɗe mbe shintia təmə nyi kefi fi le yirə kwa ndereme ndereme, kwa gheme ba'a kwa ghɛmɛ. Katetsa pa ta ka shɛrəbɛŋe hɛ dzeyi te kezha pesa. 32Katendɛaŋe mayafea shɛ mbeli le ndɛaŋe nyi le mze kwa tere tere te yɛ seləa gwevɛre wəfaɗe nyi kefi fi le mze kwa tere tere. Te wəshi kentare selə wəfaɗe nyi le mze kwa tɛawetɛa tentare seləa shɛhɛ mbeli. 33Te yɛ ndɛaŋe tendɛaŋe mayafea shɛ mbeli. Kwetere wəmbəa mayafe nyagha teve səndəkwəa jikə geva mbeli. Mayafea shɛ nde tenehe ŋkwa nya keveyi geva tekeleke le nya keveyi geva tekeleke tsape. 34Kateŋzle wəsə keŋzle mbeli mɛa səndəkwəa jikə geva nya mbe ŋkwa nya keveyi geva tekeleke tsape. 35Kateve tabele mbeli mbe ŋkwa nya keveyi geva tekeleke, laka bela kwa gwela ta cɛ lekwesa ba'a wəsə kentare yɛ paterela kwa kema ta tabele, laka bela kwa zeme.
36Ma kezha ŋkwa kedzembe ŋkwa nya keveyi geva tekeleke ne, katetsa kwete mayafe ka tsa zlave le pawa nyi berete berete, welaɗe mbe shintia təmə nyi kefi fi le yirə kwa ndereme ndereme, kwa gheme ba'a kwa ghɛmɛ. 37Ma kezha mayafe ne, katefeɗe selə mbeli mcɛfe yitea gwevɛre, katefi hɛ mbeli le mze kwa tere tere. Katendɛaŋe mayafea shɛ mbeli te yɛ selə le ndɛaŋe nyi le mze kwa tere tere. Katevɛsə wəshi kentare yɛ selə mbeli mcɛfe le mze kwa ghwə ghwə.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.