Slene 25
25
Pol kwa kema ta Sɛzar Fɛstəs
1Mahekene hɛ ghala se ŋkɛ kadzete sla ta hɛɗia shɛ ne, pa Fɛstəs slə mbe Sɛzarɛ kadzeme Zhɛrəzalɛm. 2Te ŋkwa shɛ ne, pa mbeli nyi te ghəa ka dzeghe Shala ba'a kweci mbelia jama ta ka Zhəwif se shɛ kezha ve nda fete ke Pol. 3Ma ke hɛ sha Fɛstəs#25.3 Fɛstəs: ŋgwamna ta ka Rome nya kwa Zhəwdɛ mbe va 60-62 kwa sebe ta Yɛsə Kriste. le ntsehwele: «Təhwə təhwə ŋa ghen'yɛ, keleghe Pol kadzeme Zhɛrəzalɛm.» Va nya ɗe hɛ kaceha ŋkɛ kezha pesle ŋkɛ kwa hweŋkwa nda geze hɛ tsagha. 4Ma ke Fɛstəs sha hɛ: «Kwa daŋgayɛ Pol kwa Sɛzarɛ, takwa takwa 'ya katedzawa le ghəa ɗa.» 5Ma ke sha hɛ zhɛkwa: «Pa mbelia jama ta ŋayɛ begheghe ɗa kadzawa Sɛzarɛ. Ma kenza ŋkɛ ghena yabezemte wəndəa shɛ ne, kateve nda fete hɛ.»
6Hɛ deghese keɗema meŋe yamenete Fɛstəs hwa hɛ nahe, cape ŋkɛ zhɛneghe geva kadzawa Sɛzarɛ. Ma te hendɛ ta ŋkwa ne, ntishɛ ŋkɛ kameha ghwə, pa ŋkɛ ghwenakɛ ŋkwa kaheka Pol. 7Ma kwa se Pol ne, pa ka Zhəwif nyi kesawa pelɛ Zhɛrəzalɛm ntəsləte ŋkɛ, njikə hɛ kasla nda ghena nyi ndeke nda fete hɛ te. Ama shaŋe hɛ kasepa fete nya teve nda hɛ. 8Ama ntake Pol kampa yitea ghəa ŋkɛ, ma ke: «Kebezemte ghena 'ya ya laka wəsə mahalegəa ka Zhəwif we, kebezemte ghena 'ya laka ghɛa Shala we, kebezemte nda ghena 'ya ke Sɛzar we.» 9Ma kwa ɗe Fɛstəs kanza zeɗehwe ke ka Zhəwif ne, ma ke sha Pol: «Kayɛ na kadzeme Zhɛrəzalɛm kezha meha ŋa ghwə ta ŋa 'ya pelɛagha na?» 10Ma ke Pol: «Teke 'ya te ŋkwa kemeha ghwə ta Sɛzar, teke hi mbeli kameha ɗa ghwə. Kebezemte nda ghena 'ya ke ka Zhəwif we, nahe na keɗepe gha le ghəa ŋa. 11Ma kenza nde fete ya va 'ya, kenza nahe 'ya kebezemte ghena wərə pesle ɗa mbeli ne, nza kaɗema mte 'ya we. Ama keɗema kaganda mbe ghena ta mbeli nyi kendeke ɗa fete nyi ne, wəndə shɛ kandeke nda ɗa ke hɛ we. Kakele ghwə ta ɗa 'ya kalə sha Sɛzar le ghəa ŋkɛ.» 12Ma kwa gezehwe ghena Fɛstəs le ka ncɛ ntsehwele ta ŋkɛ ne, ma ke: «Ma kala nya gezete na kakele ghwə ta ŋa kalə sha Sɛzar ne, katelə kadzawa kema ta Sɛzar na.»
Pol kwa kema ta yɛ Agripa le Bɛrɛnise
13Ma kwa sebe ta hɛ ɓɛhwɛ ne, pa meghe Agripa ba'a Bɛrɛnise#25.13 Bɛrɛnise: wəzha ta meghekɛa Agripa nde bake. se kanjiŋwe Fɛstəs kwa Sɛzarɛ. 14Ma kwa temə ŋkɛ kahɛ kwele kwele kwagha ne, pa Fɛstəs gezete nda ghena ta Pol. Ma ke shɛ: «Kwete wəndə nya sərəakɛ Fɛlikse kwa daŋgayɛ ya shɛ teke. 15Ma kwa dzeme Zhɛrəzalɛm 'ya ne, pa mbeli nyi te ghəa ka dzeghe Shala ba'a mbelia jama ta ka Zhəwif ndeke nda fete kwa kema ta ɗa kezha pesle ŋkɛ 'ya te fete ta ŋkɛ. 16Ma 'ya sha hɛ: Keseneve pele nda wəndə nya ve nda fete mbeli ka Rome ke ka ghema ta ŋkɛ tewə ŋkɛ kegezete ghena kempa yitea ghəa ŋkɛ va ghena nyi ve nda fete mbeli te hɛ. 17Vatse se hɛ teke sha 'ya zhɛkwa. Kata kata te hendɛ ta ŋkwa ne, cape 'ya kadzembe ŋkwa kemeha ghwə, pa 'ya gezete kezha keleke wəndəa shɛ mbeli. 18Ma kwa tsenete geva hɛ yite ne, kenakɛ ghena nya ndeke nda fete hɛ te 'ya we. 19Ghəpə yanakɛ 'ya kaghəpə hɛ te ghena ta zele Shala ta nci ba'a kwete Yɛsə, nya kemte ba'a nya geze Pol teghweme ŋkɛ. 20Ndɛare 'ya va nyagha felehwe ta ghena kayipə, vatse gezete nda 'ya Pol kenza ŋkɛ kaɗe ŋkɛ kadzeme Zhɛrəzalɛm yitea ghwə ta ŋkɛ. 21Ama jive mbe kema yaɗe Pol, nahe ŋkɛ ke'yɛwete kezha nza ŋkɛ kwa daŋgayɛ, deke Sɛzar nde temeha ghwəa shɛ, a ke. Vatse gezete nda 'ya ke mbeli kazlenekɛ kwa daŋgayɛ nda teghwene nda 'ya ke Sɛzar.» 22Ma ke Agripa sha Fɛstəs: «Kaɗe 'ya kafa ghena ta wəndəa shɛ le ghəa ɗa perə.» Ma ke Fɛstəs: «Katefa na hendɛ.»
23Ma te hendɛ ta ŋkwa gɛ ne, pa yɛ Agripa le Bɛrɛnise se kadzembe ŋkwa kemeha ghwə le mbeli nyi kwa sebe ta ŋkɛ, mbeli nyi te ghəa ka sewajɛ ba'a mbelia jama nyi mbe melemea shɛ. Pa Fɛstəs gezete kezha kele Pol mbeli kase. 24Ma ke Fɛstəs: «Meghe Agripa ba'a gheyɛ pɛtɛa mbeli nyi teke, nahe yɛ kenakɛ wəndə nya na, nahe pɛtɛa ka Zhəwif kese sha 'ya kezha ve nda fete pelɛ Zhɛrəzalɛm ba'a teke. Ma ke hɛ sha tsa lewela: Kehi ŋkɛ kanza teghweme we. 25Ma sha 'ya ne, kenakɛ ghena nya bezemte ŋkɛ wərə pesle ŋkɛ mbeli te 'ya we. Ma kwa ɗe ŋkɛ kalə sha Sɛzar ne, nahe 'ya ketarete kaghwene nda ŋkɛ kalə. 26Kenakɛ fete ta ŋkɛ 'ya gare rafe nda ghena ke Sɛzar we, vatse keleke ŋkɛ 'ya kwa kema ta ŋayɛ, za ma kezha gha meghe Agripa keleke ŋkɛ 'ya, ma ke 'yɛwete ghena mbeli ve ne, nda rafe 'ya. 27Ghweneghe nde daŋgayɛ kaɗema mbeli kegezete ghena nyi ve nda fete mbeli te ne, kawəsə gəmə ŋkɛ sha 'ya.»
നിലവിൽ തിരഞ്ഞെടുത്തിരിക്കുന്നു:
Slene 25: BEKDC12
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.
Slene 25
25
Pol kwa kema ta Sɛzar Fɛstəs
1Mahekene hɛ ghala se ŋkɛ kadzete sla ta hɛɗia shɛ ne, pa Fɛstəs slə mbe Sɛzarɛ kadzeme Zhɛrəzalɛm. 2Te ŋkwa shɛ ne, pa mbeli nyi te ghəa ka dzeghe Shala ba'a kweci mbelia jama ta ka Zhəwif se shɛ kezha ve nda fete ke Pol. 3Ma ke hɛ sha Fɛstəs#25.3 Fɛstəs: ŋgwamna ta ka Rome nya kwa Zhəwdɛ mbe va 60-62 kwa sebe ta Yɛsə Kriste. le ntsehwele: «Təhwə təhwə ŋa ghen'yɛ, keleghe Pol kadzeme Zhɛrəzalɛm.» Va nya ɗe hɛ kaceha ŋkɛ kezha pesle ŋkɛ kwa hweŋkwa nda geze hɛ tsagha. 4Ma ke Fɛstəs sha hɛ: «Kwa daŋgayɛ Pol kwa Sɛzarɛ, takwa takwa 'ya katedzawa le ghəa ɗa.» 5Ma ke sha hɛ zhɛkwa: «Pa mbelia jama ta ŋayɛ begheghe ɗa kadzawa Sɛzarɛ. Ma kenza ŋkɛ ghena yabezemte wəndəa shɛ ne, kateve nda fete hɛ.»
6Hɛ deghese keɗema meŋe yamenete Fɛstəs hwa hɛ nahe, cape ŋkɛ zhɛneghe geva kadzawa Sɛzarɛ. Ma te hendɛ ta ŋkwa ne, ntishɛ ŋkɛ kameha ghwə, pa ŋkɛ ghwenakɛ ŋkwa kaheka Pol. 7Ma kwa se Pol ne, pa ka Zhəwif nyi kesawa pelɛ Zhɛrəzalɛm ntəsləte ŋkɛ, njikə hɛ kasla nda ghena nyi ndeke nda fete hɛ te. Ama shaŋe hɛ kasepa fete nya teve nda hɛ. 8Ama ntake Pol kampa yitea ghəa ŋkɛ, ma ke: «Kebezemte ghena 'ya ya laka wəsə mahalegəa ka Zhəwif we, kebezemte ghena 'ya laka ghɛa Shala we, kebezemte nda ghena 'ya ke Sɛzar we.» 9Ma kwa ɗe Fɛstəs kanza zeɗehwe ke ka Zhəwif ne, ma ke sha Pol: «Kayɛ na kadzeme Zhɛrəzalɛm kezha meha ŋa ghwə ta ŋa 'ya pelɛagha na?» 10Ma ke Pol: «Teke 'ya te ŋkwa kemeha ghwə ta Sɛzar, teke hi mbeli kameha ɗa ghwə. Kebezemte nda ghena 'ya ke ka Zhəwif we, nahe na keɗepe gha le ghəa ŋa. 11Ma kenza nde fete ya va 'ya, kenza nahe 'ya kebezemte ghena wərə pesle ɗa mbeli ne, nza kaɗema mte 'ya we. Ama keɗema kaganda mbe ghena ta mbeli nyi kendeke ɗa fete nyi ne, wəndə shɛ kandeke nda ɗa ke hɛ we. Kakele ghwə ta ɗa 'ya kalə sha Sɛzar le ghəa ŋkɛ.» 12Ma kwa gezehwe ghena Fɛstəs le ka ncɛ ntsehwele ta ŋkɛ ne, ma ke: «Ma kala nya gezete na kakele ghwə ta ŋa kalə sha Sɛzar ne, katelə kadzawa kema ta Sɛzar na.»
Pol kwa kema ta yɛ Agripa le Bɛrɛnise
13Ma kwa sebe ta hɛ ɓɛhwɛ ne, pa meghe Agripa ba'a Bɛrɛnise#25.13 Bɛrɛnise: wəzha ta meghekɛa Agripa nde bake. se kanjiŋwe Fɛstəs kwa Sɛzarɛ. 14Ma kwa temə ŋkɛ kahɛ kwele kwele kwagha ne, pa Fɛstəs gezete nda ghena ta Pol. Ma ke shɛ: «Kwete wəndə nya sərəakɛ Fɛlikse kwa daŋgayɛ ya shɛ teke. 15Ma kwa dzeme Zhɛrəzalɛm 'ya ne, pa mbeli nyi te ghəa ka dzeghe Shala ba'a mbelia jama ta ka Zhəwif ndeke nda fete kwa kema ta ɗa kezha pesle ŋkɛ 'ya te fete ta ŋkɛ. 16Ma 'ya sha hɛ: Keseneve pele nda wəndə nya ve nda fete mbeli ka Rome ke ka ghema ta ŋkɛ tewə ŋkɛ kegezete ghena kempa yitea ghəa ŋkɛ va ghena nyi ve nda fete mbeli te hɛ. 17Vatse se hɛ teke sha 'ya zhɛkwa. Kata kata te hendɛ ta ŋkwa ne, cape 'ya kadzembe ŋkwa kemeha ghwə, pa 'ya gezete kezha keleke wəndəa shɛ mbeli. 18Ma kwa tsenete geva hɛ yite ne, kenakɛ ghena nya ndeke nda fete hɛ te 'ya we. 19Ghəpə yanakɛ 'ya kaghəpə hɛ te ghena ta zele Shala ta nci ba'a kwete Yɛsə, nya kemte ba'a nya geze Pol teghweme ŋkɛ. 20Ndɛare 'ya va nyagha felehwe ta ghena kayipə, vatse gezete nda 'ya Pol kenza ŋkɛ kaɗe ŋkɛ kadzeme Zhɛrəzalɛm yitea ghwə ta ŋkɛ. 21Ama jive mbe kema yaɗe Pol, nahe ŋkɛ ke'yɛwete kezha nza ŋkɛ kwa daŋgayɛ, deke Sɛzar nde temeha ghwəa shɛ, a ke. Vatse gezete nda 'ya ke mbeli kazlenekɛ kwa daŋgayɛ nda teghwene nda 'ya ke Sɛzar.» 22Ma ke Agripa sha Fɛstəs: «Kaɗe 'ya kafa ghena ta wəndəa shɛ le ghəa ɗa perə.» Ma ke Fɛstəs: «Katefa na hendɛ.»
23Ma te hendɛ ta ŋkwa gɛ ne, pa yɛ Agripa le Bɛrɛnise se kadzembe ŋkwa kemeha ghwə le mbeli nyi kwa sebe ta ŋkɛ, mbeli nyi te ghəa ka sewajɛ ba'a mbelia jama nyi mbe melemea shɛ. Pa Fɛstəs gezete kezha kele Pol mbeli kase. 24Ma ke Fɛstəs: «Meghe Agripa ba'a gheyɛ pɛtɛa mbeli nyi teke, nahe yɛ kenakɛ wəndə nya na, nahe pɛtɛa ka Zhəwif kese sha 'ya kezha ve nda fete pelɛ Zhɛrəzalɛm ba'a teke. Ma ke hɛ sha tsa lewela: Kehi ŋkɛ kanza teghweme we. 25Ma sha 'ya ne, kenakɛ ghena nya bezemte ŋkɛ wərə pesle ŋkɛ mbeli te 'ya we. Ma kwa ɗe ŋkɛ kalə sha Sɛzar ne, nahe 'ya ketarete kaghwene nda ŋkɛ kalə. 26Kenakɛ fete ta ŋkɛ 'ya gare rafe nda ghena ke Sɛzar we, vatse keleke ŋkɛ 'ya kwa kema ta ŋayɛ, za ma kezha gha meghe Agripa keleke ŋkɛ 'ya, ma ke 'yɛwete ghena mbeli ve ne, nda rafe 'ya. 27Ghweneghe nde daŋgayɛ kaɗema mbeli kegezete ghena nyi ve nda fete mbeli te ne, kawəsə gəmə ŋkɛ sha 'ya.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.