Slene 14
14
Yɛ Pol le Barnabas mbe Ikoniyəm
1Ma mbe Ikoniyəm ne, tsagha menete geva ŋkɛ, pa yɛ Pol le Barnabas dzembe cɛ kesəkwə ghə ta ka Zhəwif. Ma kwa gezemte nda ghena hɛ ke mbeli, kwele kwele ka Zhəwif ba'a ka Grɛk nyi keyɛhwe ghena ta Yɛsə. 2Ama nahe ka Zhəwif nyi keɗema kayɛ ghena ta Yɛsə keghwetete kweci hwelefefi yitea zlɛ hɛ va ka kesaka ma. 3Ya tsagha shɛ ŋkɛ ne, kwele kwele temə yɛ Pol le Barnabas mbe Ikoniyəm. Kageze ghena ta Shala hɛ le berete nya ndeke nda Nde sleke ŋkwa ke hɛ, nda ncɛ yancɛ nda Shala ke mbeli kaganda ghena nya geze hɛ te zlaɓa ta ŋkɛ, kwa ndeke nda berete ŋkɛ ke hɛ yitea mene wəshi kencɛ wəshi ba'a wəshi meŋele. 4Pa mbeli nyi mbe meleme neheve geva bake mbe, ghena ta ka Zhəwif yaɗe kweci, ŋa ka ghwene ta Yɛsə Kriste yaɗe kweci. 5Pa ka Zhəwif ba'a kweci hwelefefi tsahwe ghena le mbeli nyi te ghəa nci kezha sa nda yaka ke yɛ Pol le Barnabas, yitea jɛwə hɛ le pelɛ. 6Ma kwa ɗepete ghena shɛ yɛ Pol le Barnabas ne, pa hɛ hwɛnji kadzembe Listre ba'a Dɛrbe, meleme ta ka Likawon le kweci meleme dzeyi yite. 7Ntake hɛ kageze Ghena kwatenca nya ganyɛ te ŋkwa shɛ.
Yɛ Pol le Barnabas mbe Listre
8Ma mbe Listre ne, kwete wəndə nya mentishɛ kashɛma slete ya shɛ, nahe ŋkɛ kenza kagweleba sawa kwa hwə, kegha ŋkɛ kadzeghwa we. 9Fa yafa ghena nya geze Pol ŋkɛ. Mteghere Pol vate ntsə te, newe ke ne, yɛ ya va wəndəa shɛ kezha mbe ŋkɛ. 10Tagha gɛ, ma ke shɛ le berete: «Sate ŋa, slete ŋa tiɗiɗi te seɗa ta ŋa.» Mpereke wəndəa shɛ ŋslete bale le seɗa ta ŋkɛ, cape ŋkɛ kadzeghwa. 11Ma kwa nakɛ wəsə nya menete Pol hɛ ne, kɛake ka Likawon sha lewela le ghena ta nci, ma ke hɛ: «Wa nyi shala nyi kekelete pa ta wəndə ŋelɛ nyi. Nahe hɛ kesawa sha gheɓəmə.» 12Pa hɛ hekate nda slə ke Barnabas kaZəs#14.12 Zəs: sləa shala ta ka Grɛk nya kwele. ba'a ke Pol kaHɛrmɛs#14.12 Hɛrmɛs: sləa kwete shala ta ka Grɛk, shala nya kegeze nda ghena ke kweci shala., kwa nza ŋkɛ Pol ya kande geze ghena. 13Pa nde dzeghe nda melɛ ke Zəs nya nza ghɛa ŋkɛ mɛa meleme keleke mcɛmcɛli nyi nza yɛ ghwə ta wəfe dzeyi kwa welɛa nci kase kadzemɛa yɛ ŋkwa kedzembe ghɛa shala shɛ. Gheŋkɛ le mbeli ne, kaɗe ŋkɛ kadzeghe nda melɛ ke yɛ Barnabas le Pol. 14Ma kwa fate wəsəa shɛ ka ghwene ta Yɛsə Kriste nyi bake nyi ne, pa hɛ ŋkweŋkwahemte lekwesa ta nci ba'a neneghahwe geva hwa mbeli le lewela, ma ke hɛ: 15«Ka mcɛhɛ n'yɛ, yitea wa mene yɛ kala nya wa? Deke wəndə ŋelɛ ghen'yɛ kala gheyɛ. Ghena kwatenca nya ganyɛ yakeleke ŋayɛ ghen'yɛ kezha sərəakɛ kweci shala nyi gəmə yɛ. Zhɛre mə geva kase sha Shala nya teghweme, nya kepate ghweme, hɛɗi, ndərə ba'a wəshi nyi hɛ te pɛtɛ. 16Ma vəashi ne, nahe ŋkɛ kepelakɛ mbeli kazele wəshi nyi ɗe hɛ. 17Ndagwara ganyɛa slene ta ŋkɛ yancɛte nda ŋkɛ ke mbeli ghalanza, gheŋkɛ nde ve ŋayɛ va, gheŋkɛ nde mene ŋayɛ wəshi ndeɗekə te wəve, gheŋkɛ nde behe ŋayɛ le wəshi kezeme ba'a nde ve ŋayɛ zlama.» 18Ya kwela gezete hɛ kala nya ne, dzawe fɛake mbeli hɛ kedzeghe nda melɛ ke hɛ.
19Pɛkwe kweci ka Zhəwif se mbe Antiyoshe ta Pisidi ba'a Ikoniyəm. Pa hɛ ghwetete mbeli, ntake mbeli kabeza Pol le pelɛ yitea pesle ŋkɛ. Ma kwa ŋzleyi ŋkɛ hɛ ne, pa hɛ ntsehemte ŋkɛ shave mbe meleme ba'a neghakɛ ŋkɛ, laka zəzə kemte mte ŋkɛ. 20Ama kwa tseneke geva ka təkwə təkwə Yɛsə kadzeghə ne, pelɛhetɛme ŋkɛ sate. Cape ŋkɛ kadzembe meleme zhɛkwa. Te hendɛ ta ŋkwa, ntəŋə ŋkɛ le Barnabas kadzembe Dɛrbe.
Zhɛne geva se mbe Antiyoshe ta Pisidi
21Pa yɛ Pol le Barnabas gezete Ghena kwatenca nya ganyɛ mbe Dɛrbe, kwele kwele zhɛrete mbeli hɛ kaka təkwə təkwə Yɛsə. Pa hɛ zhɛrete geva kadzembe Listre, Ikoniyəm ba'a Antiyoshe ta Pisidi. 22Pa hɛ mtsehete nda berete ke ka təkwə təkwə Yɛsə ba'a ntsəte nda berete ke hɛ kanza dɛŋe dɛŋe te Yɛsə. Ma ke hɛ sha hɛ: «Nza gheɓəmə kasahwe yaka kwele kwele keɗe gheɓəmə kadzembe Meghea Shala.» 23Pa hɛ tsehave nda mbelia jama ke yayata Jikə ta ka Kriste. Ma kwa menete səwəmayɛ ba'a səkwə ghə hɛ ne, pa hɛ veyi hɛ mbe dzeve ta Nde sleke ŋkwa nya yɛte hɛ.
24Ma kwa jivenji hɛ mbe hɛɗia Pisidi ne, pa hɛ ntsehe te hɛɗia Pamfili. 25Pa hɛ gezete ghena ta Shala mbe Pɛrzhɛ, cape hɛ kadzembe Atali. 26Se te ŋkwa shɛ ne, pa hɛ zhɛneke geva le kwambelə kadzembe Antiyoshe, meleme nya veyi hɛ mbeli mbe zlaɓa ta Shala kezha slene menete hɛ.
27Ma kwa se hɛ kadzembe Antiyoshe ne, pa hɛ tsenete Jikə ta ka Kriste, pa hɛ gezete nda wəsə nya menete Shala le hɛ ke mbeli, halama pele nya pelemte nda ŋkwa Shala ke kweci hwelefefi kezha kemave yɛ hɛ kwa ŋa nci perə. 28Pa hɛ temə kwele kwele tagha le mbeli nyi ketəkwə təkwə Yɛsə.
നിലവിൽ തിരഞ്ഞെടുത്തിരിക്കുന്നു:
Slene 14: BEKDC12
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.
Slene 14
14
Yɛ Pol le Barnabas mbe Ikoniyəm
1Ma mbe Ikoniyəm ne, tsagha menete geva ŋkɛ, pa yɛ Pol le Barnabas dzembe cɛ kesəkwə ghə ta ka Zhəwif. Ma kwa gezemte nda ghena hɛ ke mbeli, kwele kwele ka Zhəwif ba'a ka Grɛk nyi keyɛhwe ghena ta Yɛsə. 2Ama nahe ka Zhəwif nyi keɗema kayɛ ghena ta Yɛsə keghwetete kweci hwelefefi yitea zlɛ hɛ va ka kesaka ma. 3Ya tsagha shɛ ŋkɛ ne, kwele kwele temə yɛ Pol le Barnabas mbe Ikoniyəm. Kageze ghena ta Shala hɛ le berete nya ndeke nda Nde sleke ŋkwa ke hɛ, nda ncɛ yancɛ nda Shala ke mbeli kaganda ghena nya geze hɛ te zlaɓa ta ŋkɛ, kwa ndeke nda berete ŋkɛ ke hɛ yitea mene wəshi kencɛ wəshi ba'a wəshi meŋele. 4Pa mbeli nyi mbe meleme neheve geva bake mbe, ghena ta ka Zhəwif yaɗe kweci, ŋa ka ghwene ta Yɛsə Kriste yaɗe kweci. 5Pa ka Zhəwif ba'a kweci hwelefefi tsahwe ghena le mbeli nyi te ghəa nci kezha sa nda yaka ke yɛ Pol le Barnabas, yitea jɛwə hɛ le pelɛ. 6Ma kwa ɗepete ghena shɛ yɛ Pol le Barnabas ne, pa hɛ hwɛnji kadzembe Listre ba'a Dɛrbe, meleme ta ka Likawon le kweci meleme dzeyi yite. 7Ntake hɛ kageze Ghena kwatenca nya ganyɛ te ŋkwa shɛ.
Yɛ Pol le Barnabas mbe Listre
8Ma mbe Listre ne, kwete wəndə nya mentishɛ kashɛma slete ya shɛ, nahe ŋkɛ kenza kagweleba sawa kwa hwə, kegha ŋkɛ kadzeghwa we. 9Fa yafa ghena nya geze Pol ŋkɛ. Mteghere Pol vate ntsə te, newe ke ne, yɛ ya va wəndəa shɛ kezha mbe ŋkɛ. 10Tagha gɛ, ma ke shɛ le berete: «Sate ŋa, slete ŋa tiɗiɗi te seɗa ta ŋa.» Mpereke wəndəa shɛ ŋslete bale le seɗa ta ŋkɛ, cape ŋkɛ kadzeghwa. 11Ma kwa nakɛ wəsə nya menete Pol hɛ ne, kɛake ka Likawon sha lewela le ghena ta nci, ma ke hɛ: «Wa nyi shala nyi kekelete pa ta wəndə ŋelɛ nyi. Nahe hɛ kesawa sha gheɓəmə.» 12Pa hɛ hekate nda slə ke Barnabas kaZəs#14.12 Zəs: sləa shala ta ka Grɛk nya kwele. ba'a ke Pol kaHɛrmɛs#14.12 Hɛrmɛs: sləa kwete shala ta ka Grɛk, shala nya kegeze nda ghena ke kweci shala., kwa nza ŋkɛ Pol ya kande geze ghena. 13Pa nde dzeghe nda melɛ ke Zəs nya nza ghɛa ŋkɛ mɛa meleme keleke mcɛmcɛli nyi nza yɛ ghwə ta wəfe dzeyi kwa welɛa nci kase kadzemɛa yɛ ŋkwa kedzembe ghɛa shala shɛ. Gheŋkɛ le mbeli ne, kaɗe ŋkɛ kadzeghe nda melɛ ke yɛ Barnabas le Pol. 14Ma kwa fate wəsəa shɛ ka ghwene ta Yɛsə Kriste nyi bake nyi ne, pa hɛ ŋkweŋkwahemte lekwesa ta nci ba'a neneghahwe geva hwa mbeli le lewela, ma ke hɛ: 15«Ka mcɛhɛ n'yɛ, yitea wa mene yɛ kala nya wa? Deke wəndə ŋelɛ ghen'yɛ kala gheyɛ. Ghena kwatenca nya ganyɛ yakeleke ŋayɛ ghen'yɛ kezha sərəakɛ kweci shala nyi gəmə yɛ. Zhɛre mə geva kase sha Shala nya teghweme, nya kepate ghweme, hɛɗi, ndərə ba'a wəshi nyi hɛ te pɛtɛ. 16Ma vəashi ne, nahe ŋkɛ kepelakɛ mbeli kazele wəshi nyi ɗe hɛ. 17Ndagwara ganyɛa slene ta ŋkɛ yancɛte nda ŋkɛ ke mbeli ghalanza, gheŋkɛ nde ve ŋayɛ va, gheŋkɛ nde mene ŋayɛ wəshi ndeɗekə te wəve, gheŋkɛ nde behe ŋayɛ le wəshi kezeme ba'a nde ve ŋayɛ zlama.» 18Ya kwela gezete hɛ kala nya ne, dzawe fɛake mbeli hɛ kedzeghe nda melɛ ke hɛ.
19Pɛkwe kweci ka Zhəwif se mbe Antiyoshe ta Pisidi ba'a Ikoniyəm. Pa hɛ ghwetete mbeli, ntake mbeli kabeza Pol le pelɛ yitea pesle ŋkɛ. Ma kwa ŋzleyi ŋkɛ hɛ ne, pa hɛ ntsehemte ŋkɛ shave mbe meleme ba'a neghakɛ ŋkɛ, laka zəzə kemte mte ŋkɛ. 20Ama kwa tseneke geva ka təkwə təkwə Yɛsə kadzeghə ne, pelɛhetɛme ŋkɛ sate. Cape ŋkɛ kadzembe meleme zhɛkwa. Te hendɛ ta ŋkwa, ntəŋə ŋkɛ le Barnabas kadzembe Dɛrbe.
Zhɛne geva se mbe Antiyoshe ta Pisidi
21Pa yɛ Pol le Barnabas gezete Ghena kwatenca nya ganyɛ mbe Dɛrbe, kwele kwele zhɛrete mbeli hɛ kaka təkwə təkwə Yɛsə. Pa hɛ zhɛrete geva kadzembe Listre, Ikoniyəm ba'a Antiyoshe ta Pisidi. 22Pa hɛ mtsehete nda berete ke ka təkwə təkwə Yɛsə ba'a ntsəte nda berete ke hɛ kanza dɛŋe dɛŋe te Yɛsə. Ma ke hɛ sha hɛ: «Nza gheɓəmə kasahwe yaka kwele kwele keɗe gheɓəmə kadzembe Meghea Shala.» 23Pa hɛ tsehave nda mbelia jama ke yayata Jikə ta ka Kriste. Ma kwa menete səwəmayɛ ba'a səkwə ghə hɛ ne, pa hɛ veyi hɛ mbe dzeve ta Nde sleke ŋkwa nya yɛte hɛ.
24Ma kwa jivenji hɛ mbe hɛɗia Pisidi ne, pa hɛ ntsehe te hɛɗia Pamfili. 25Pa hɛ gezete ghena ta Shala mbe Pɛrzhɛ, cape hɛ kadzembe Atali. 26Se te ŋkwa shɛ ne, pa hɛ zhɛneke geva le kwambelə kadzembe Antiyoshe, meleme nya veyi hɛ mbeli mbe zlaɓa ta Shala kezha slene menete hɛ.
27Ma kwa se hɛ kadzembe Antiyoshe ne, pa hɛ tsenete Jikə ta ka Kriste, pa hɛ gezete nda wəsə nya menete Shala le hɛ ke mbeli, halama pele nya pelemte nda ŋkwa Shala ke kweci hwelefefi kezha kemave yɛ hɛ kwa ŋa nci perə. 28Pa hɛ temə kwele kwele tagha le mbeli nyi ketəkwə təkwə Yɛsə.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
La Bible en langue Kapsiki avec les livres deutérocanoniques © Alliance Biblique du Cameroun 2012.